يا مفرقين الشموع ... انا ما اخدتش


لشد ما كنت اتمنى ان اعبر ذلك البرزخ اللامرئى نحو عامى الجديد و انا عارى الصدر ممددا على سريرى فاردا ذراعى على المخدة لتسند جميلتى رأسها الصغير عليه و قد ودعتنى بقبلة و ابتسامة منذ لحظات و راحت فى غفوة ملائكية لتتركنى متعلقا بأطراف اهدابها كطفل عالق بثوب امه فى زحام مولد السيد البدوى
.
عامى المنقضى لايتعدى كونه ملف جديد افتحه ببرنامج الفوتوشوب لأضيف طبقات و طبقات متداخلة لتصنع صورة اعلم ان عند حفظها ستكسر حاجز الكيلو بايت لتنطلق بعدد لا يستهان به من الميجابيتات بالرغم من شدة وضوحها الهزيلة
.
لا أشعر بالخوف مع تقدمى فى العمر فشكلى و هيئتى يضمنون لى سنا افتراضيا لا يتجاوز العشرين عاما , و لكن اليوم فقط بدأت اشعر بشبح الاقتراب من اعوامى الثلاثون بأنيابها التى اعرف مسبقا انها ستنهش لحمى
.
لازلت أقتات على المعارك و احسبها صفة لن استطيع محوها بسهولة , فقط اطلق لأظافرى العنان لتنهش من يقترب ،لأودعه بأبتسامة شامته و هوو هو يجر اقدامه لاعقا جراحه
.
كلمات الامل و الرغبة فى الحياة اسقطتها من قاموسى للأبد ، فما اجمل ان تعيش و انت تعلم ان الحياة مفيش أبضن منها
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

فليبنوا الف أقصر فى ألف لاس فيجاس


مع صعود موضوع انشاء مدينة تحمل اسم و تحاكى مدينة الاقصر بولاية لاس فيجاس الأمريكية على السطح و مع استماتة الكثيرون فى الدفاع عن حقوق الملكية الفكرة و اللى ما اعرفش ازاى يركب مصطلح الملكية الفكرية على الموضوع دة و بعيدا عن اندفاع نوارة المعتاد و ايمانها بأى دكتور لمجرد ان يسبق اسمه حرف الدال على ان تلحقنا على طول و تقول دة و لا مدعى شهرة و لا عايز فلوس بعيدا عن كل دة نقييم الموضوع بهدوء و بدون انفعال و تعصب للهويه المصرية اللى على رأى واحد صاحبنا انه عمره ما شافها و لا قابلها قبل كدة
.
هل يحق لنا ان ننعت اسامى المدن و الأثار بحقوق الملكية الفكرية
.
مسمى الملكية الفكرية أظن واضح للجميع و لو الاخوة فكروا شوية فى معنى المصطلح اظن هايتكسفوا على دمهم حيث تتشابه اسامى المدن و تتكرر و اكيد اسكندرية اكبر دليل على كدة اما بخصوص ان الاثار ملكية فكرية و اللى مش عارف برضو جابوها منين دى كمان فمحاكاة الاماكن السياحية و بناء مدن كاملة او استنساخ بعض المناطق الاثرية فأمر واردو طبيعى و الا كانت مصر اول بلد تحاكم بسبب الحديقة الدولية و لا يمكن الربط ما بين قضايا حقوق النسخ و الاستغلال للعلامات التجارية ككنتاكى مثلا بمسميات المدن و البلدان لانها مش محتاجة شرح يعنى دى حاجة و دى حاجة تانيه خالص يعنى زى اللى يشبه بين حمار و قطة و يقول ما الاثنين حيوانات
.
هل خسرنا بأنشاء أقصر لاس فيجاس
.
الدكتور العلامة اللى نوارة جابت كلامه بيقول ان عدد السياح هناك اصبح 46 ملوين سائح و بيتسأل بحزن عن عدد السياح فى الاقصر الاصلية طيب يا دكتور حد حكالك لاس فيجاس فيها ايه اصلا و لا سياحتها معتمدة على ايه اساسا اظن لا لانك لو عارف كنت اصلا فكرت ان ليه السائح يزور تقليد لما ممكن يزور الاصلى و اظن دى غايبة اساسا و فكرة مش من هنا اصلا طيب حد قالك يا دكتور و بصفتى واحد اقصرى يعنى ان الاقصر الموسم السياحى دة كانت شغالة بكامل طاقتها و اللى تم الاعلان عن ازمة فى كثير من الصحف القومية و المستقلة ان السياح فى الاقصر مش لاقيين مكان يناموا فيه طاقة بلدك و عدد سرايرك كدة يا مواطن روح اقتل مبارك و لا فجر نفسك فى وزير السياحة بي ما تهجصش علينا و تقول ان اثر تقليد سحب 46 مليون سائح على حساب سائحى الاقصر الاصلية
.
طيب كسبنا ايه
.
محاكاة الاثار و المدن السياحية موضوع قديم زى ما قلت قبل كدة و يمكن لاس فيجاس نفسها عملاه فى عده مدن تحاكى بيها فينيسيا و الهند و على رأى واحد علق عند نوارة و لا ايطاليا زعلت و لا الهند ردحت . طيب هانروح بعيد ليه و عندنا مثل عربى و مش اسم مدينة دة اسم دولة بحالها و مش مكان سياحى لا دة استاد كرة قدم استاد الامارات المملوك لنادى الارسنال الانجليزى و الاستاد الرسمى هاتقولى اتدفع 100 مليون جنيه استرلينى هاقولك دة حق الرعاية و اللى دفعاه شركة طيران الامارات شركة طيران يا مواطن دفعت 100 مليون جنيه استرلينى علشان اسم بلدها يتقال لمدة 15 سنة بس فى كل ماتش و كل تحليل كروى , و اظن يعنى اكيد اى عيل صغير هايبقى فاهم ان الترويج لمثال للاثر لسياح المفترض انهم رايحين يلعبوا قمار و يهنكروا بيجر الرجل لزيارة الاثر الاصلى حتى لو مافيش قمار و هنكره زى فيجاس
.
مين ليه الحق يدافع عن الاقصر
.
لا مؤاخذه يعنى هيه الاثار دى بتاعتكوا اساسا الاثار الفرعونية و اى فن اتخلق على الارض ملك الناس كلها و الا انا واحد من الناس قبيلتى و اسرتى من السكان الاصليين يبقى احنا احق بكل مليم منكوا فى الاثار اللى بنوها اجدادنا و اللى انتوا اصلا اللى جايلى من الشام و اللى جايلى من المغرب و اللى بفتخر انه من الاشراف و نسل النبى و بيقولك احنا ورثة الفراعنة و حقنا دة اساسا لو هانتكلم عن سرقة عينى عينك امال لو بنتكلم عن اسم و ناس عملت محاكاه لمدينة و ما قالتش انها مدينة تل ابيب لا استخدمت الاسامى الاصلية و نسبت الحق للفراعنة
.
كوميديا
.
الدكتور بيقول ان اى حد هايعمل مدينة تانيه زى دى لازم يرجع للاس فيجاس طيب ماهو حقهم يا دكتور انا مش اعمل فكرة تجارية و سيادتك تيجى تسرقها كنت انت يا دكتور بالدكتوراه بتاعتك عملت مشروع زى دة و افدتنا كلنا قبل ما اى حد تانى يعمله و يبقى ليه ملكية فكرة المشروع احنا بنتكلم عن فكرة مشروع يا ريس مش بنتكلم عن المدينة و الاثار دلوقت . و الاجمل ان نوارة بتقول اى حد هايعمل مطعم فى الاقصر لازم يرجعلهم يا مثبت العقل يا رب
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

يا سلام على الحادك يا سعودية


الصورة من أحتفالات مدرسة ابتدائية باليوم الوطنى للسعودية و فيها يسجد التلاميذ مشكلين كلمة عبد الله و رقم سبعة و سبعين دلالة على حبهم للملك عبد الله و ابتهاجا باليوم الوطنى للسعودية
.
أشرب يا جردل أدى اخرة الله الملك الوطن المكتوبة على حيطة المدرسة
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

ما بعد الفيس بوك تستطيع الان ان تكره اصدقائك بحرية


.
.
بعد حمى الفيس بوك تستطيع الان ان تكره اصدقائك و بكل حرية على الهت بوك
.
.
بارك الله التكنولوجيا
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

100 سنة سرقة و غش


Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

يا رب يا عالى أنصرالسواحلية


مع أقتراب المبارة الفاصلة لتحديد بطل ابطال افريقيا بين النادى الجاهلى المصرى و النجم الساحلى التونسى اشتعلت حرب التصريحات و المقالات و التحليلات لظروف كلا الفريقين و فرص كل منهم فى التتويج ، كل الاهتمام انصب على لاعبى الفريقين و المدربين و طرق اللعب و ما الى ذلك ، اغفل الجميع جماهير اللتوال - النجم الساحلى - بأعتبارهم احد جماهير اقوى دولة فى مجال التشجيع الكروى فى افريقيا و صاحبة المركز المتقدم فى هذا المجال على مستوى الشرق الاوسط و الذى لا ينافسها فيه سوى اليابان و بعض دول جنوب شرق اسيا .
. قراءة سريعة فى شخصية مشجعى النجم الساحلى .
. مشجعى اللتوال مثلهم كمثل جميع مشجعى الفرق التونسية متعصبون منتمون الى اقصى درجة لفريقهم الحد الذى جعل جماهير الترجى بأطلاق مقولة ترجى يا دولة على اعتبار انهم يعيشون فى دولة نادى الترجى التونسى ، و بنظرة سريعة لشخصية المشجع اللتوالى فهو كأى مواطن منطقة ساحلية يشعر بالفخر و الاعتزاز و يعتبر نفسه مميزا عن باقى مواطنى دولته و لعل اقرب الفرق المصرية لفريق النجم الساحلى و جماهيره جماهير الأسماعيلى المصرى ، و يتضح هذا الشبه الواضح من موقف اندية القمة منهم بالرغم من امتلاكهم المواهب الكروية التى تجبر الجميع على احترامهم ، كذلك يشترك جماهير النجم و الاسماعيلى فى تميز كلمات اغانيهم و رفعهم لشعارات الثورة و جيفارا ليتميزوا بذلك على مستوى كل مشجعى افريقيا فى اتخاذ المناضل الوسيم كشعار مثل الكثير من روابط المشجعين بأوروبا .
. البريجيد روج و غزو الالتراس لمدرجات النجم الساحلى .
. بدأت خلايا الأحباء فى مدرجات اللتوال او كما نطلق عليها فى مصر روابط المشجعين منذ نشأة النادى تقريبا و التى تذحف خلف فريقها فى جميع مبارياته و التى انحسر دورها فى الاونة الاخيرة امام مجموعات الالتراس او كما يحلو للتوانسة تسميتها بالفيراج ليقتصر دورها فقط على الحشد الجماهيرى بعدما تحول اعضائها لعضوية الفيراج بما يقدمه من فنون عالمية و طرق مبتكرة فى التشجيع الحديث ، و لعل اهم فيراج فى مدرجات الليتوال فيراج البرجيد روج الذى يتسم بالعنف و الدموية و التعصب لفريقه لأبعد الحدود .
. هل ستكون رحلة النادى الجاهلى نزهة كروية فى استاد سوسه .
. استبعد ذلك فوفقا لتوقعاتى المتواضعة و اتصالى ببعض جماهير الليتوال سيشتعل ملعب سوسه الذى يتسع لعشرين الف متفرج ليصبح قطعه من الجحيم للاعبى الجاهلى المصرى ، خاصه و انهم النادى الافريقى الوحيد المنافس للجاهلى على لقب الشياطين الحمر .
. اما و ان كنت من مشجعى الجاهلى المصرى و تود من باب الفضول معرفة ما سيتعرض له فريقك من هتاف أهو مثال صغير .
. لاحظ الاستماته فى الغناء و الهتاف و كلمات الاغنيه و طبعا اصوات الصواريخ و المتفجرات فى الخلفية .
. و دة جزء بسيط من اللى عملوه فى نادى الهلال السودانى فى الدور قبل النهائى .. لاحظ تكرارهم لجملة هانهزو اللاكوبا يعنى هانرفع الكاس مع ملاحظة ان مباريات الدور قبل النهائى دائما لا تلقى نفس الاهتمام بالمباراة النهائية من باب التشاؤم لدى الالتراس
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

قلوب من الشيكولاته


لم يكن لقاء اليوم مرتبا ، فقط أخذنى الحنين لقوالب الشيكولاتة بالبندق التى كان يحضرها لى لألهو بعدها بسياراتى الصغيرة بفم يغطيه اللون البنى المحبب للجميع
.
اسرع الخطى بجلبابى الابيض الأسوانى الذى انتقته لى الجدة رشيدية من دولاب أوضة المسافرين و هى تتمتم بكلمات غير مفهومة حول سر الطول الفارع لنسل بشير الذى جاء مختلفا عن قصر القامة الضارب فى جذور العبابده ، لم اعيرها اهتماما و هى تسخر من عدم قدرتى على أرتداء الجلباب فلطالما اضحكتنى حتى على نفسى ، اذكرها صغيرا و هى تدعو لوالدى بعد اجازة طويلة قضتها فى منزلنا شالله يخليه الدكتور جمال اكلنى اللحمة المدورة مشيرة للانشون الذى تعشقه اسرتنا و الذى كان بالنسبة لى الرابط الوحيد الذى يربط والدتى بوالدى حتى بعد انفصالهم منذ زمن بعيد
.
احاول ان اخفى احراجى من ذلك الجلباب القصير و عظام ترقوتى البارزه منه كدليل اخر على انتسابى لنسل بشير عريضى الأكتاف و التى سقطت تلك الميزة من والدى بسبب انحنائه الدائم سواء منكبا على انابيب اختباراته او كتبه و ابحاثه ليعلن فى تحد لجدى انه صاحب اعلى شهاده فى العائلة و الوحيد المتنصل من عرض اكتافنا
.
انحنى مقبلا يده المعروقة و التى لطالما اعطانى دروسا فى الأعتماد على النفس شارحا اياها بمساعده خطوط كفه و خشونته ، و التى كانت سببا لتركى احدى صديقاتى عندما اشتكت من خشونة يدى فى الايام الاخيرة بسبب رسمى للزجاج و اصرارى لان تكون حرفتى و صنعتى ، لم اجده مستنكرا لحضورى المفاجىء و كأنه على علم مسبق به ، يشير الى بالجلوس قبالته فيبتسم قائلا وحشتك الشيكولاته مش كدة
.
جئت لتخبرنى عن قلبك المريض ، قالها و سكت ليفسح لى مجالا للبكاء و حسن فعل فلا اجد ردا على سؤاله و لا مهربا من نظراته ، فمنذ ان عرفت بمرضى لا املك الا البكاء ،يقطع صمته قائلا
.
قلوبنا يا بنى تماما مثل قوالب الشيكولاته التى تعشقها ، كلها ضعيفة واهنه سرعان ما ترتد لصورتها الاصلية ان لم تتمسك بالبقاء، بقائها فى تماسكها على هيئتها و صورتها التى صارت عليها لتغدو قالبا صلبا يتشكل ليوهب السعادة لقلب طفل انفق ساعة من البكاء لوالده ليحمله على شرائها له بالرغم من ضيق الحال
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

نشترى بلدنا قبل ما الغريب يشتريها


طرح أسهم بنك القاهرة سواء رأسماله الأصلى او من اجل سد الفجوة الناتجة عن خسائره المتراكمة و اللى قدم فكرته حزب الوفد و الذى دعى المواطنين للتوقيع على طلب مفتوح لرئيس الوزراء لتنفيذه فى حد ذاتها فكرة صايعة سياسيا بصراحة
.
مدام كدة كدة البنك هايتباع فيها ايه لما احنا اللى نشتريه ، كدة كدة خسران يبقى يتوزع علينا احنا و كلنا نشترى اسهمه بدل ما اى مستثمر أجنبى يجى و يشتريه
.
و بدل ماهم معقدينا فى موضوع اننا و لا بنحل و لا بنربط و على طول واجعين دماغهم من غير حلول ادى الحلول جت لما نشوف هايتوافق عليها و لا لا
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

Words from Michel jackson Fans كلمات من عشاق مايكل جاكسون



our story is same.i fell in love with him same reason.but i knew songs.but i feel same bout Mike.i mean it seems to me either that he's friend.Mike helps me alot.thinks to Mike i still keep the faith. i was so depressed and i felt it kills me.but Mikey helped me.he helps me to keep the faith. it would be impossible to me without him.especially cause im thinkin the time in negative way.i cant change it.but it seems Mike is somewhere and whispers Keep the Faith so i wanna thank him for everything
i am a christian, and i like mj too. i actually started including him into my prayer list, praying for him everyday just like i pray for my families
Just wanted to send that love back! I've been an MJ fan for 14 yrs. Fan isn't really the best word because with Michael it's so much more than that and I know other MJ fans know what I mean. I've been to a number of fan events in the past and the energy you get from each other knowing that they feel as you do about Michael is incredible! I've found MJ fans to have such kind and friendly personalities. I will forever support him! I love you Michael.
Nobody can stop Michael and his fansNot the haters, not the pressMoonwalk like a butterfly, spin like a beeYou can't make me believe what my eyes can't see!
أعطيتنا الأمل عندما تخلى عنا الجميع
جعلتنا نؤمن بطاقتنا البشرية اللا محدودة
مازلت موجودا بنا و بحبنا لك
و لن ننتظر عودتك فأنت موجود بما قدمته من أبداع فى الماضى
Why Michael Jackson fans r the most Loyal fans!
Here is the reason
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

القابض على قلبه


التقمته أمواج عاتيه من اللا شىء سرح بعيدا و قال
.
القابض على قلبه يا بنى كالقابض على الجمر
.
لم أفهم شيئا كعادتى معه ، فكثيرا ما كنت أعتقد انه لا يسمعنى على الاطلاق
و ان كل ما يقوله ماهو الا إرهاصاته الداخليه عن نفسه ، لم اكن ابدا اتخيله انه كان يوما عاشقا
.
ابتعد يا ولدى و كفاك ما نلته فلقد لمستك يوما ، اسندت يدها على كتفك للحظات
ضمت يدك بحميمية أثناء وداعا عادى بين الأصدقاء
يكفيك ما نلته ، ابتعد يرحمك الله
.
لا اتذكر اننى حكيت له عن لمساتها ، و لا عن أحاسيس المراهق التى تنتابنى و انا فى حضرتها
ولا برعشه جسدى عندما تلمسنى بعفوية من وقت لأخر
اليوم ظبطنى و انا أعبث بخصلات شعرها و بالطبع لن احكى له
.
جدى لم تمنعنى عن النساء ابدا
نصحتنى ان ارتمى بين أحضانهم
ان اغازلهم كعاشق
و أعاشرهم كالثور الهائج
و اليوم تنهانى عنها ، تنصحنى بالابتعاد
.
اردت ان تبقى بجانبها يوما ، ان تسمعها تحكى و تشكى
و اليوم يدفعك طمعك لما هو أكثر
ستفضحك عيناك يوما ، ستخونك ألفاظك ساعتها لن تتمكن من الرجوع
ستهيم على وجهك كشحاذ حلم البارحه انه سيصبح ملكا
ستفقد كل شىء لأنك حلمت بكل شىء
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

هوه فيه كدة


بارك الله التكنولوجيا ... و أسكن مؤسسى جوجل فسيح جناته بعد عمر طويل
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

الكبير كبير .. يا محمد يا منير


Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

الفاجومى بخير .. أحمدك يا رب


الحمد لله الفاجومى خرج من الأنعاش و الحمد لله حالته كويسة
.
بالنسبالى الموضوع كان مختلف قوى لانى عمرى ما زرت حد أبدا فى المستشفى ، و تقريبا بهرب من كل الزيارات دى مهما كانت صلة قرابتى بالمريض
.
الخبر جالى على الموبيل فى رسالة قصيرة من أحد الأصدقاء و قريتها لما صحيت من النوم على طول، الرسالة كانت مستفزة جدا و كلامها يخض ماحستش بنفسى الا و انا بجرى ورى تاكسى علشان يقف و لما واحد وقف اكتشفت ان الناس كلها كانت بتتفرج عليا و انا بعيط
.
احاول الاتصال بنوارة مش بترد و دة كان كفيل ان جرعة العياط تزيد و سواق التاكس يحاول تجنب ان عينه تيجى فى عينى فى المراية الامامية علشان ما يحسسنيش بالاحراج ، اقفل الموبيل بعد محاولة اتصال فاشلة تانيه بنوارة ابص فى تاريخ اليوم النهاردة اربعة تسعة يعنى فاضل على تاريخ موت جيفارا خمس ايام بس
.
مجرد الربط بين التاريخين و تكوين الشحصيتين مرعبة كفاية لواحد رايح لمريض فى الانعاش المفترض انه اول حد هايزوره فى المستشفى فى حياته ، بعد ربع ساعة كنت باتمشى فى المستشفى بين المكاتب و الاقسام لحد ما وصلت انه بيعمل اشعة ، اتصل بزينب اصغر بناته لتخبرنى انها فى الطريق ، نصف ساعة انتظر خروجه و بتابع ردود افعال الناس بعد معرفتهم ان اللى بيعمل اشعه هو نجم
.
يخرج من الغرفة لنستقبله ، الغريب ان موضوع انى بخاف منه دة رجع تانى و خصوصا و هوه خارج من الاوضة ، يرفع عينه فى عينى و يقول واد يا جمال ايه اللى جابنى هنا و ايه اللى جاب الاشكال الوسخة هنا مشيرا لأصدقاء زينب
.
ساعتها بصراحة كنت عايز اصرخله ويلكووووووم باك يا نجم ، نمشى شويه علشان يوزع سلامات على الناس ، ننتقل لقسم تانى و اشعة تانى علشان يتأخر قوى و شويه شويه طلع صوت الدكاترة مسخسخين ضحك ، ينقل لغرفته تانى لان معاد الزيارة بدأ انتظر زينب علان ابدل معاها و ادخل انا الممرضة تقولى انت ابنه صح ؟ فقلتلها حاجة زى كدة و لربع ساعة قاعد افكر الحاجة اللى زى كدة دى تطلع ايه ، خبرتى مع مسمى غرفة الانعاش لا يتعدى المسلسلات و الافلام العربية ادخل الاقيه خلاص نام
.
نوارة و فاصل العياط المتواصل بصراحة من كتر ما شوفت نوارة بتعيط زهفت مرة ابوها مش عارف بحكليه على ايه راح قايلى البت نوارة بت فقرية اصلا و غاوية عياط
.
الحمد لله و ربنا يقومهولنا بالسلامة
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

خبرتى فى الجوع


لو كان اختيار الرسل و الانبياء يقاس بما لديهم من خبرات
فـخــبرتى فــى الـــجــوع ...... تؤهلنــى لأن أكــون إلــهـــاً
من سفر الجوع - كتاب جيمى هود المقدس
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.