مظاهرة لم تحدث


قررت نشر الصور فى تدوينه مستقلة "
  • لم يكن سهلا أن أترك كل شىء و أترك عملى و ما أقوم به فى أحدى المحافظات وأرجع للقاهرة لحضور ذلك اليوم ... يعلم الكثير و قلتها فى مجموعة بريدية أنمبدأ التظاهر من أجل مطالب أى دولة داخل وطننا فكرة فاشلة ... فمصر أولى بكل جهد من أجل تحريرها .. و بعد أن ننال الحرية نساند الجميع و لكننى عقدت العزم على أن أحضر هذا التظاهر ... على الاقل فهى مبادرة واحد من المدونين كنت فى اليلة السابقة للمظاهرة أتصلت بمحمد عيد و بعمر سيزر و الاتنين أكدوا انهم هايحضروا المظاهرة يمكن دول الناس اللى انا بكلمهم تليفونيا و قلت أأكد عليهم أنهم يحضروا توجهت الى القاهرة فى الصباح و أتصلت بليوناردو لأنه طلب أن أصطحبه الى المظاهرة وصلت هناك فى الساعة الثانية و أربعون دقيقة ... لاحظت الوجود الأمنى الكثيف و عدم أى وجود أى شخص شكله يدى تظاهر نهائى ... كلها عائلات منتظرة فى محطة الأتوبيس الواقعة بجانب البوابة الرئيسية لحديقة الحيوان ... قمت بالذهاب ألى أمام الجامعة لاجراء بعض المكالمات التليفونية أتصل بعمر سيزر قال مش هاقدر أجى و قالى انا أتصلت بمالك و قال مش جاى و حاجات كتير كدة ما ركزتش فيها بصراحة ... علشان مش هايبقى كلام رخم و الشمس على دماغى... يكفى أحدهما رجعت الى مكان المظاهرة مرة أخرى فوجدت مدام ليلى والدة علاء و مدام منى والدة سلمى و سيدتان لم اعرفهما و رجل أخذت قرار اللا أتوجه اليهم حتى لا أخسر التصوير لانهم هاتبقى عنيهم عليا و هايمنعونى اكيد من التصوير كان الوجود الامنى حول النشطاء كتير بالنسبة لعددهم الذى لم يتجاوز الخمسة و مع محاولات و أصرار مدام ليلى على الاتصال تليفونيا فى محاولات يائسة لأنجاح المظاهرة زاد تشكك الأمن حتى أن واحد منهم كان يقف بجوارى قال : هاتموت و تجمعهم بس يبقوا يقابلونى دة زمانهم بيشخوا على روحهم من الخوف ضحكت و وقفنا تحت مظلة محطة الأتوبيس انا و ليوناردو بجانب أحد الضباط الشباب و طبعا فى قفانا كان واحد تانى موجود أشار لى ليوناردو ان أأخذ أحتياطى فهمته و غيرنا مسار الحديث الى مواضيع عن الشات و تفاهات النت و كلام على بنات وهميين و قمت بأمساك الموبيل و أخفائه تحت زراعى الاخر و أخذت فى تصوير الاحداث فلقد حضر شخص مصطحبا زميلة له و لأن الامن كان يبعد اى فرد عن النشطاء و من ضمنهم الاهالى و الحبيبة فتقريبا أعتقدوا ان الشاب واحد من الناس اللى كاتين بعد صلاة الجمعة وخارج يحب على الكورنيش فقرروا أبعاده هو و زميلته بعيد عن النشطاء فتوجه على الفور الضابط الشاب الواقف أمامى و قال لمحرز أحنا امن الدولة اشمى ياض و أمسكه من قميصه و دفعه أمامه ... و ما كان من الشاب الا أنه أشتبك معه و كلمه حق عجبنى الشاب لما مسكه من القميص و شمط الياقة فوق فرى حركة من حركات فريد شوقى و لأأن الشاب طويل فكان شكل الظابط مسخرة اللى فضل ماسكه من صدرة و مكتفه ... و قاله تعالى يا خويه قدامى و على الفور جرت مدام ليلى لتنقذه من بين أيديهم فلقد تجمعوا كلهم من حوله أستعدادا لأقتيادة لورى الشمس على رأى الجبناء تركوه بعد محاولات مدام ليلى و قاله يالا أمشى من هنا بعدها على الفور حضرت نادية و تحدثت مع الواقفون و جلست على سور حديقة الحيوان أنا و ليوناردو حتى أتمكن من التقاط الصور حسيت حاجة بتتحرك ورايا كنسلت وقعدت العب بالموبيل بعدها عرفت ان أتنين كانوا ورايا بيبصوا على الموبيل لانى كنت ساعتها رفعته غصب عنى و بان أنى بصور جيه كلب من أمن الدولة قالى : نزل رجل من على رجل قلتله ليه أن شاء الله قالى : نزلها الباشا واقف وراك بعدها لقيت الباشا المزعوم بيخبط على كتفى و بيقولى عادى عادى خليها و بيبتسم ... غريبة أول مرة أشوف واحد محترم منهم قلتله عادى أنا أنزلها أحترام و من زوقك كمان و فضلنا أنا و ليوناردو نتكلم فى حاجات هايفه تانى و كنا قد حاولنا عبور الشارع و الوقوف فى المحطة المقابلة لاخذ لقطات من كبار الرتب اللى كانوا قاعدين كالعادة فى الظل ... لكن واحد قالنا ممنوع الوقوف هنا يا ريت تقفوا فى الجهة التانية ظلت مدام ليلى تتلقى و تقوم بأجراء المكالمات التليفونية ... و أستمر تحجيز الامن عليهم برضوا و بعد اليأس من أن يجد جديد .. توجهنا لمدام منى و سلمنا عليها ... و قلتلها ما تقلقيش أحنا صورنا حسيت أنها فرحت .... و قالت أحنا خلاص ماشيين يا ريت تمشوا أنتوا كمان أتكلمنا شويه .... عن مين صاحب المبادرة و مدى مصداقيتها بعدها أستقلينا تاكسى و توجهنا لفيصل و مازال العلم الاسرائيلى يهفهف على السفارة مستغلا ضعف و خنوع الشعب المصرى

و لا عزاء لأسد صاحب المبادرة

على هامش اليوم حصلت أحداث كتير جدا فى اليوم دة تستحق ألف تدوينه - و دة اللى هاقوم بيه بالفعل الايام الجايه قابلت عمر سيزر فى فيصل على السريع و كان رايح حفله و دة ما خلاناش نتكلم كتير - قابلت وائل عباس مصادفة فى رمسيس و كان باين عليه أنه مخنوق و قرفان من كل حاجة -
أسد صاحب المبادرة خنق عليا بحوارات انا فى غنى عنها بصراحة لان مش القضية أذا كان
هو حضر و لا لا المشكلة كلها تكمن فى عدم الاعداد الجيد و عدم تحمل مسئولية مبادرة و التنصل منها
و رمى مسئولية التقصير على الناس اللى ما جاتش اصلا يا عم أسد الموضوع أنتهى و نفست غضبى
فى كلمتين طلعوا عليك انت بصفتك المبادرة
يبقى ريح دماغك بقة علشان انا مش بحب الكلام الكتير فى مواضيع منتهيه
و أنتظروا منى تدوينه التداعيات النفسية فيما بعد مظاهرة المهلبية
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

14 comments:

  1. انا محرز يا جيمي
    بس محصليش اي حاجة من اللي بتقول عليها دي
    ممكن يكون واحد تاني
    انا روحت وقفت عادي امام بوابة حديقة الحيوان ولقيت زميلتي اللي وصلت قبلي لقيتها واقفة مع دكتورة ليلى ودكتورة منى
    وقفنا مع بعض يجي 5 دقايق كانت الساعة بقت 3وتلت تقريبا
    قامت الدكتورة قالت لنا خلاص امشوا عشان ميتقبضش عليكوا على الفاضي
    قمنا اخدنا بعض ومشينا لحد جامعة القاهرة
    وفي الاول فضل اتنين مهابيل ماشيين ورانا بتاع 20 متر لحد ما حسوا ان احنا ماشيين فعلا فسابونا ورجعوا

    معرفش مين الاخ اللي مسك في الضابط اللي بتتكلم عليه ده....على اي حال هو مش أنا :D

    ReplyDelete
  2. انا ما اعرفش شكلك بس جيه ولد و بنت حصل معاهم الىل انا قلته دة و لما انت قلت انك كان معاك زميلة

    انا قلت يبقى اكيد انت

    و على العموم يوم و عدى يا محرز بصراحة انا قرفان منه و مش عايز افتكره

    ReplyDelete
  3. على فكرة الدكتورة ليلى سويف (اللي هي أمي يعني) راحت عشان تفض المظاهرة و تضمن أن محدش من الشباب يجراله حاجة من غير ما حد يعرف، مش عشان تجمع الناس و تنجح المظاهرة. و ده بعد ما أكتر من حد اتكلم على أن شكل اليوم مش هينجح الليلة اللي قبلها، و بعد ما نزلنا قبل ميعاد المظاهرة بنصف ساعة نشيك على شكل الجحافل الأمنية. و الاعتماد على سيدات كبار كان حاجة محسوبة على أساس أنه مستبعد الأمن يتعرض لهم (خصوصا أنهم أساتذة جامعة و مكان المظاهرة قريب من الجامعة و ظباط أمن الدولة عارفينهم كويس).

    و الاتصالات اللي كانت بتعملها كانت أغلبها بتقول للناس متجيش أصلا، أو بطمن محامين و صحافيين.


    و بالنسبة لمالك، هو كان مستني تليفون يقوله انزل لو حصل و كان فيه مظاهرة بجد.

    ReplyDelete
  4. احنا سألنا أم سلمى على الولد اللى مسك فى ظابط أمن الدولة .. قالتلنا انه جاي عشان خاطر المظاهرة..
    احنا كنا موجودين هناك من الساعه 3 الا تلت .. بس بأمانة كان يوم جميل
    وأهم حاجه فيه .. انى اكتشفت فعلا ان أى

    تنظيم مصرى .. عامل زى ملف تنظيم مصر للمونديال

    صفرررررررررررررررررررررررررررر

    ReplyDelete
  5. عزيزى جيمىهود
    ارجو ان تتقبل منى ما سوف أقوله بصدر رحب
    انا ما كنتش عاوز اتكلم فى الموضوع دا بعد كل اللغط اللى حصل لكن بصراحه انا شايف انك مدى الموضوع حجم اكبر من حجمه لدرجة ان المسألة تبدو وكأنها شخصية، وعلى اي حال فمن حقك ان تنتقد ما تشاء وكيفما تشاء ولكن يبدو ان فى عندك بعض مشاكل فى الاستدلال بتخليك توصل لنتائج خاطئة اسمحلى اوضحلك بعضها كما بدت لى
    اولا: عندما اذهب الى مظاهرة اضع فى اعتبارى اننى سوف اجد تجمع من الناس فى المكان المحدد وفى الموعد المحدد ... ممكن بعض اللافتات وشوية هتاف ... هكذا يتعرف اى شخص عادى على وجود مظاهرة، وفى هذا السياق وحيث انها مظاهرة مش خروجة مع شلة النادى او الجامعة فلن يكون من المعقول بدون هذه المظاهر ان اتوصل الى حقيقة وجود أفراد من المتظاهرين وسط المارة هنا وهناك ، و كونك ماشوفتش غير طنط ليلى اللى انت تعرفها والناس كلها تعرفها وكمان طنط منى مامة سلمى اللى انت برضو تعرفها والناس كلها تعرفها بردو وما شوفتش حد تانى فاسمحلى دى تبقى مشكلتك انت مش مشكلة الناس اللى ما حظيتش بشرف ان سيادتك تعرفها، والدليل انك ماتعرفش مين الولد اللى اتمسك عند التمثال، ممكن يكون الولد دا هو اسد مثلا ؟؟؟ وممكن يكون انا مثلا؟؟؟ وممكن يكون بهية اللى اتكلم عنها هيكل؟؟
    ثانيا: هناك فرق بين ان تقوم حركة لها وزنها و اتصالاتها بتنظيم فاعليه وبين ان يقوم فرد كأسد بالدعوة لمظاهرة ، اسد وضع اقتراح للمظاهرة واقتراح للمكان والزمان والتفاصيل وترك ساحة النقاش مفتوحة على مدونته اكثر من يوم ، نحن اذن مدعوون للمشاركة فى التنظيم قبل ان نكون مدعوون للمظاهرة نفسها، واذكر اننى نصحت اسد بعدم الانتظار، لأنه لن يجد من يساعده، وهنا لا اعتقد ان اسد قد اذنب هو دعى للمشاركة فى التنظيم والناس ما استجابتش وبعضهم- واظن اغلبهم فضل ممارسة رياضة القفز المظلى الحر، يعنى لو نجحت نهيص ونركبها و اسد المسكين اللى ما حدش يعرفه يروح لامؤخذا لأمه ولو فشلت يبقى نسلخه ونلعن سلسفيل اللى خلفوه
    ثالثا:انت طبعا ماتعرفنيش ولا طبعا تعرف اسد، لكن فى الواقع انا اعرف اسد من عام كامل معرفة جيدة ووثيقة خلتنى اعتبره اكثر من صديق واخ، وهنا احب اوضح لمن لا يعلم ان اسد وعلى مدار عام كامل عودنى انه اول من يحضر واخر من يرحل ، اول من يتفاعل وينشط واخر من يتخاذل ، يفعل الكثير الذى لايراه ولا يعرفه احد، ويتحدث القليل الذى لا يسمعه احد، ولم يسعى ولو مرة للظهور بالرغم من انه فى كثير من الاحيان يستحقه، واقول بقلب مطمئن انه مثال نادر للتجرد من اجل المبادىء
    رابعاً: اذكر ان علاء سيف رضى الله عنه قال ذات مرة " معلش يا جماعة ليس من رأى كمن سمع و ليس من شارك كمن رأى و ليس من أنضرب كمن شارك."ء
    وأذكر ايضا أن احدهم قال " اللى ما يعرفش يقول عدس "ء
    تحياتى

    ReplyDelete
  6. عزيزى جيمىهود
    ارجو ان تتقبل منى ما سوف أقوله بصدر رحب
    انا ما كنتش عاوز اتكلم فى الموضوع دا بعد كل اللغط اللى حصل لكن بصراحه انا شايف انك مدى الموضوع حجم اكبر من حجمه لدرجة ان المسألة تبدو وكأنها شخصية، وعلى اي حال فمن حقك ان تنتقد ما تشاء وكيفما تشاء ولكن يبدو ان فى عندك بعض مشاكل فى الاستدلال بتخليك توصل لنتائج خاطئة اسمحلى اوضحلك بعضها كما بدت لى
    اولا: عندما اذهب الى مظاهرة اضع فى اعتبارى اننى سوف اجد تجمع من الناس فى المكان المحدد وفى الموعد المحدد ... ممكن بعض اللافتات وشوية هتاف ... هكذا يتعرف اى شخص عادى على وجود مظاهرة، وفى هذا السياق وحيث انها مظاهرة مش خروجة مع شلة النادى او الجامعة فلن يكون من المعقول بدون هذه المظاهر ان اتوصل الى حقيقة وجود أفراد من المتظاهرين وسط المارة هنا وهناك ، و كونك ماشوفتش غير طنط ليلى اللى انت تعرفها والناس كلها تعرفها وكمان طنط منى مامة سلمى اللى انت برضو تعرفها والناس كلها تعرفها بردو وما شوفتش حد تانى فاسمحلى دى تبقى مشكلتك انت مش مشكلة الناس اللى ما حظيتش بشرف ان سيادتك تعرفها، والدليل انك ماتعرفش مين الولد اللى اتمسك عند التمثال، ممكن يكون الولد دا هو اسد مثلا ؟؟؟ وممكن يكون انا مثلا؟؟؟ وممكن يكون بهية اللى اتكلم عنها هيكل؟؟
    ثانيا: هناك فرق بين ان تقوم حركة لها وزنها و اتصالاتها بتنظيم فاعليه وبين ان يقوم فرد كأسد بالدعوة لمظاهرة ، اسد وضع اقتراح للمظاهرة واقتراح للمكان والزمان والتفاصيل وترك ساحة النقاش مفتوحة على مدونته اكثر من يوم ، نحن اذن مدعوون للمشاركة فى التنظيم قبل ان نكون مدعوون للمظاهرة نفسها، واذكر اننى نصحت اسد بعدم الانتظار، لأنه لن يجد من يساعده، وهنا لا اعتقد ان اسد قد اذنب هو دعى للمشاركة فى التنظيم والناس ما استجابتش وبعضهم- واظن اغلبهم فضل ممارسة رياضة القفز المظلى الحر، يعنى لو نجحت نهيص ونركبها و اسد المسكين اللى ما حدش يعرفه يروح لامؤخذا لأمه ولو فشلت يبقى نسلخه ونلعن سلسفيل اللى خلفوه
    ثالثا:انت طبعا ماتعرفنيش ولا طبعا تعرف اسد، لكن فى الواقع انا اعرف اسد من عام كامل معرفة جيدة ووثيقة خلتنى اعتبره اكثر من صديق واخ، وهنا احب اوضح لمن لا يعلم ان اسد وعلى مدار عام كامل عودنى انه اول من يحضر واخر من يرحل ، اول من يتفاعل وينشط واخر من يتخاذل ، يفعل الكثير الذى لايراه ولا يعرفه احد، ويتحدث القليل الذى لا يسمعه احد، ولم يسعى ولو مرة للظهور بالرغم من انه فى كثير من الاحيان يستحقه، واقول بقلب مطمئن انه مثال نادر للتجرد من اجل المبادىء
    رابعاً: اذكر ان علاء سيف رضى الله عنه قال ذات مرة " معلش يا جماعة ليس من رأى كمن سمع و ليس من شارك كمن رأى و ليس من أنضرب كمن شارك."ء
    وأذكر ايضا أن احدهم قال " اللى ما يعرفش يقول عدس "ء
    تحياتى

    ReplyDelete
  7. علاء

    شوف يا عم علاء انا مش بشم على ظهر ايدى انا نقلت الموقف من وجهة نظر رجال الامن اللى انا كنت واقف جنبهم
    يعنى ما جيبتش حاجة من عندى

    ثانيا مالك او مش مالك انا مش معلق مشانق للناس
    يعنى اللى جيه جيه و اللى ما جاش ما جاش

    ReplyDelete
  8. ليوناردو

    عادى الكل داخل يدافع و من الواضح ان العملية دخلت فى لوبى
    و علاء مدعى الدفاع عن الحريات اصبح يدافع عن حريات زملائه
    بعض النظر اذا كنت انا حر فى وجهة نظرى ام لا

    ReplyDelete
  9. ايوب

    مع انك من المدونين الىل انا بحترمهم بس مش شايف انها وسعت منك حبتين فى المصطلحات

    يعنى ايه واخدها بصفة شخصية هوه الاستاذ اسد جوز امى ؟؟؟ و لا ليه عنده فلوس

    انا حر يا ايوب اقول اللى انا عايزة و أظن المدونة هنا تعبر عن تخاريفى

    اما مسئلة طكنطك و طنطى يا ريتك كنت جيت

    و بلاش موضوع اللوبى دة علشان حاسس ان الكل بيدافع

    و انا بهاجم مع انى و لا بهاجم حد
    و سورى لما اهاجم اهاجم شخصية ليها تقلها
    مش اهاجم مدون !!!

    انا شايف وجهة نظر وجهة نظرى انا و اظن ليا مطلق الحرية اقول فشلت اقول نجحت

    انا من حقى اقول رأى و انت من حقك تدافع عن صاحبك

    رابعاً: اذكر ان علاء سيف رضى الله عنه قال ذات مرة " معلش يا جماعة ليس من رأى كمن سمع و ليس من شارك كمن رأى و ليس من أنضرب كمن شارك."ء
    وأذكر ايضا أن احدهم قال " اللى ما يعرفش يقول عدس "ء

    الجملة دى بقة ما توجهاش ليا انا قولها لنفسك لانها تنطبق عليك اكثر منها عليا انا

    علشان فعلا اللى ما شافش الموقف يقول عدس

    ReplyDelete
  10. عزيزي جيمى هود
    بداية اعتذر عن المصطلحات التى بدت لك فى غير محلها، ثم اننى لم انكر حريتك ابدا فى ان تقول ما تريد، كل ما فى الامر انى حبيت اوضح بعض الامور من وجهة نظرى، ثم انى واظن الجميع كذلك متفقون ان المظاهرة فعلا فشلت، وانا لا ادافع عن صاحبى لكنى اوضح انه يكفيه شرف المحاولة وكون ان الموضوع فشل فدا مش بسبب اسد لوحده ولكن بسبب اننا سبناه ينظم لوحده وقعدنا فى التكييف
    تحياتى

    ReplyDelete
  11. توضيحك دة يا ايوب اثلج صدرى بصراحة

    لان اخر كلمتين انت قلتهم هما دول اللى انا مركز عليهم

    و انا قلت فى كذا تعليق فى امكن مختلفة المشكلة ان اسد شال الموضوع كله لوحده و دة غلط انا ما هاجمتوش علشان انت تدافع عنه انا نقلت كل اللى انا شوفته و ما قولتش رائى حتى علشان كدة ما تعتبش عليا كمان لانى حتى رائيى ما قلتوش انا بعدها اترفزت حبتين و طلعت النرفزة فى تعليق عند اسد و الموضوع انتهى على كدة

    و شكرا يا ايوب على ايضاحك

    و اتمنالك الخير يا رب دايما و النجاح

    ReplyDelete
  12. يادي النيلة على البقين الحامضانين بتوع مدعي المعرفش ايه.

    فين يا عم الادعائات اللي سيادتك بتتكلم عليها دي، ممكن روابط لو سمحت؟

    أنا أنكرت حريتك في وجهة نظرك ازاي؟ عذبتك؟ شوهت سمعتك؟ مسحت كتاباتك ؟ ممكن برضه تفهمني دي؟

    و بعدين أنت قلت وقائع و أنا كتبت تصحيح للوقائع دي، فين المشكلة؟ قافش على دين أمي ليه؟

    ReplyDelete
  13. خلاص سيبك من بقين مدعى و بتاع

    اصل انت يا علاء اول كلامك دفاعات

    يعنى عايزنى انا اعمل ايه بس لقيتك انت و ايوب داخلين تدافعوا

    طيب ما نتكلم فى المشكلة نفسها

    و بعدين انا فعلا كنت عايز تصحيحك دة

    لانى فعلا مش هاشم على ظهر ايدى و اعرف ايه اللى حصل فى المكالمات بتاعت التليفون كمان

    و زعلان من مدعى خلاص يا عم

    بكرة تبقى المدعى العام الليبرالى ;D

    ReplyDelete