Skip to main content

الواقف وحيدا على ابواب الكونجرس

شاهدته منذ أيام أثناء مرورى أمام مبنى الكونجرس ، إعتقدت للحظات انه احد المشردين إختار منطقة الكونجرس لتكون منطقة نفوذه .. و ما ان لاحظت لافتة الاحتجاج على صدره ، لأعبر الشارع فى لحظة ليجمعنى به حديث شيق

انا : انت هنا ليه و ايه اليافطة دى ؟

هو : انا هنا علشان أحتج على الحرب فى كل مكان

انا : و انت هنا من امتى ؟

هو :انا هنا من منتصف شهر أكتوبر الماضى ... معايا كل اللى محتاجة و قاعد مش يروح

انا : و قاعد المدة دى كلها متصلة

هو : لا قطعتها مرة واحدة علشان اكون جنب صديق مريض و كان محتاج حد معاه

يتدخل احد اصدقائى و يسأله عن ديانته بعد ان لاحظ وجود صليب منقوش على جبهته

هو : أنا إنسان ... فقط إنسان

انا : و انت فاكر اللى بتعمله دة ليه فايده

هو : لو كل واحد فكر تفكيرك دة مش هايعمل حاجة

اودعه داعيا له بالتوفيق بعد إن أعطانى كلمات البحث التى أجد بها مدونته على الانترنت

Comments

  1. :)
    يعني هو ده الوحيد اللي عنده دم؟
    طب كويس
    ههههههههههههههههههه
    ده مفروض يتحط في متحف

    ReplyDelete
  2. صدقينى مش هوه الوحيد فى ناس كتير قوى هنا خلاص طقت من جنابها

    ReplyDelete
  3. ايوة ايوة عارفة
    ماكان فيه تقرير ان الجيش الامريكي
    احصابه تحبانة
    انا بس مش غايظني غير ان معظمهم افرو امريكان وما كانش العشم السود يعملوا فينا كده ده احنا غلابة زي بعض

    ReplyDelete
  4. باقول لك ايه لو قابلت ناس عندها ضمير ومأنبها حاول تبتز مشاعرهم على قد ما تقدر ما تهديهمش يمكن يعملوا حاجة ونخلص احنا انت عارفة احنا مافيناش امل نعمل حاجة

    ReplyDelete
  5. هو مفيش ام صورة ليك فى امريكا علشان ناس كتير بتقول عليك حورتجى ولا حتى خرجت من باب الشعرية هههههههههههههههههه

    ReplyDelete
  6. == و انت فاكر اللى بتعمله دة ليه فايده ==

    إنت حتى في بلاد العم سام رايح توزع إحباط ع الناس؟؟
    ليه يا بني بتكسر مجاديف دين أم البشر... ما تسيبه ف حاله

    :P

    ReplyDelete
  7. انينموس


    ايوة انا فعلا مستخبى ... و مستخبى فى شبرا كمان

    و بقول انى فى امريكا علشان ابقى حلو بقة و بروح امريكا

    تيزك هديت ؟

    ReplyDelete
  8. مينا


    يا ابو مينا هيه عادتى و لا هاشتريها

    يا راجل دة انا احبطت واحد من المحامين بتوع جوانتانامو

    نيهاهاهاهاها

    ReplyDelete
  9. المهم حكي لي الدنيا بتاعتك ماشية إزاي؟
    مبسوط؟ متضايق؟ إيه الأخبار

    واحشني بجد

    ReplyDelete
  10. لا الصراحة مش مبسوط بالمرة

    لان الحاجات اللى بتعجب الناس فى امريكا انا كدة كدة بعملها و مش محروم منها فى مصر

    فالجو خنيق قوى انى بعيد عن صحابى

    ReplyDelete
  11. امثال هذا الرجل و الالاف من اهالي الجنود المقتولين في العراق و افغانستان هيكونوا هما العقبة في سبيل وصول اي جمهوري اخر للمكتب البيضاوي

    بس عجبني اصرار الراجل ده
    احنا لوعندنا منه في مصر كان زمان مشاكل البلد دي اتحلت من زمان
    يلا ربنا يحلها من عنده بقي !
    بييييس

    ReplyDelete

Post a Comment

Popular posts from this blog

كيف تصبح أوتاكو: عاشق مسلسلات الأنمي اليابانية

بداية إن كنت تعتقد أن مسلسلات الانمي اليابانية للصغار فقط، فيجب عليك أن تعيد وجهة نظرك هذه بالكامل، وإن كنت تعتقد أن هناك نوع واحد من المسلسلات فأنت حتماً لا تعرف شيئاً عن الانمي، وعليه أرجو منك بداية من الأن وقبل استكمال القراءة، أن تمحي كل أفكار مسبقة وتبدأ من جديد مع هذه السطور. سأقسم المقال إلى جزئين الأول حول صناعة الانمي نفسها، وأنواعها وأهم أنظمة العرض، وتقسيم المواسم، بالإضافة إلى شرح مصطلحات يابانية مهمة في عالم الأوتاكو. الثاني حول جمهور الانمي نفسه وما يمارسه من أنشطة وتجمعات وفنون مختلفة، وأهم المواقع ومجتمعات المحبين ووسائل المشاهدة المترجمة على الإنترنت. قبل البداية يجب أن تعرف أن كلمة أوتاكو Otaku، والتي تعني "مهاويس" مسلسلات الأنمي اليابانية، بالرغم من وقعها الجيد خارج اليابان، حيث يستخدمها الجمهور للتعبير عن حبهم لهذا النوع من الفنون، إلا أن الوضع داخل اليابان مختلف تماماً، حيث يُشار بها إلى مهاويس ومجانين هذا الفن الذي أضاع حياتهم وشبابهم، وأنهم مجرد حفنة من المجانين، بالرغم من هذا التاريخ الكبير للانمي في اليابان، وضخامة حجم الإنتاج في هذا

دواير

Photo By : Gemyhood Date and Time (Original): 2009:09:14 06:47:31+03:00 Camera: Canon PowerShot S5 IS Creator Tool: Adobe Photoshop Lightroom Lens: 6.0-72.0 mm   Focal Length: 21.3 mm   Location : My old apartment @ Emad el Din , Down Town  

ألتراس أصلان التركية تساند فلسطين داخل مدرجات فريقها

ألتراس أصلان التابعة لنادى جالاطاسراى التركى .. تساند فلسطين داخل مدرجات فريقها الجدير بالذكر أن ألتراس وايت نايتس المصرية التابعة لنادى الزمالك قامت بنفس الفعل فى السنة الماضية و تم منعها و محاولة مصادرة الدخلة و القبض على بعض أعضاء المجموعة ليلة المباراة