نشترى بلدنا قبل ما الغريب يشتريها


طرح أسهم بنك القاهرة سواء رأسماله الأصلى او من اجل سد الفجوة الناتجة عن خسائره المتراكمة و اللى قدم فكرته حزب الوفد و الذى دعى المواطنين للتوقيع على طلب مفتوح لرئيس الوزراء لتنفيذه فى حد ذاتها فكرة صايعة سياسيا بصراحة
.
مدام كدة كدة البنك هايتباع فيها ايه لما احنا اللى نشتريه ، كدة كدة خسران يبقى يتوزع علينا احنا و كلنا نشترى اسهمه بدل ما اى مستثمر أجنبى يجى و يشتريه
.
و بدل ماهم معقدينا فى موضوع اننا و لا بنحل و لا بنربط و على طول واجعين دماغهم من غير حلول ادى الحلول جت لما نشوف هايتوافق عليها و لا لا
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

5 comments:

  1. الفكرة جامدة جدا طبعا ومحرجة جدا للنظام... بس اللي حط الصياغة بيستهبل بإنه يوجه النداء إلى السيد رئيس الوزراء... هو أصلا فيه حد غير الراجل ومراته وابنه ليه كلمة في البلد دي

    كان حقه يقول من جموع الشعب المصري العريض إلى الست الهانم
    إحنا عايزين نشتري بعد إذنك
    تحبي تبيعي؟

    وطبعا ساعتها الأسرة الحاكمة كانت هترد برضو بخطاب رسمي وتقول:

    من الست هانم والبيه جوزها ونجلهما الصغنن إلى الشعب العظيم:

    أمك قرعة يا شعب!
    ــــــــــــــــــــــــ

    ReplyDelete
  2. بغض النظر عن السخرية طبعا
    أنا موافق جدا ع الفكرة - عشان بس محدش يزايد على موقفي وكدة - وهاكون أول حد يكتتب وهاخد إنشالله سهم واحد بشكل رمزي

    ReplyDelete
  3. ياباشا الغريب سكنها من زمان ولما مالقاش حد يحاسبه برطع فيها ولما عمل قرشين من قوت الجعانين قال يشتريها

    ReplyDelete
  4. هو عاد فى حاجة فى البلد عشان نشتريها نص البلد اتباع واللى عايز يجى يشترى مرحب بيه البلد بتتباع قدام عنينا واحنا بنتفرج

    ReplyDelete