عيد ميلادى التدوينى و الأنطلاقة الثانية


happy gemy bloging Day

ايها الشعب بعد سنة من عمرى التدوينى

أبشركم بمشروعى الذى يعد أمتدادا للفكر الجديد

سوف ننتقل إلى عصر المدونات النووية

- صوت هتاف جماهيرى حاد -

أهب مفزوعا من النوم مستعيزا من كل شياطين الارض فلكى أحلم هذا الحلم الرهيب لا بد و ان تكون كل شياطين

الارض عملت حفله لتخريب نومى الهانىء فلقد رأيت خير اللهم أجعله خير أنى بقدرة قادر

بقيت أبن الحاج بلوجر ذات نفسه و ظهر البلوجر فى الاحتفال بمرور سنة على عمرى التدوينى و قد شاخ و هرم

و شعره من كتر الصبغة وقف و أصبح لا يملك الا النظر الى المدونيين و هم يخطبون ودى طمعا فى زيادة مساحاتهم

الافتراضية ..... و فى ليلة عيد ميلادى التدوينى تقمعت و تلمعت بكل أكواد الاتش تى أم ال ووقفت أخطب فى الناس

و فى مخيلتى صورة لتخاريفى و هى تجلس على عرش التدوين لفترة رئاسة سادسة و لربما أكسر القاعدة و يتم تخليدى

و مع أعلانى برنامجى التدوينى النووى للفترة القادمة ارى الشعب التدوينى العبيط و قد سالت ريالته لوعودى البالونية

فأضحك ضحكة داخلية مجلجلة قائلا : أطمن الشعب دة راكع راكع

دعكم من التخريف السابق .... و لتعتبروه تشابه فى أسماء الدلع

فلقد منانى ربى بمصيبة أن يكون أسم دلعى نفس أسم الدلع الذى يلعن من النشطاء السياسيين ليل نهار

و لكننى تعودت على ذلك ممنيا نفسى بشقة و عربية لكل اللى اسمهم جيمى يهبطوا على رأسى المسكين

فى عيد ميلاد الرئيس القادم ..... شريطة أن نتحمل جزء كبير من السباب الموجه لوالدة سيادته

-----------------------------------------

فكرت ان تكون انطلاقتى الثانية حاجة تانيه فعلا

و زى ضيوف برنامج من سيربح المليون

قررت الاستعانة بصديق

و تم أختيار اسم له بمساعدة صديقى أيوب

تــــوتـــــو عــــبود

دة بعد ما اقنعنى ايوب انه قال ايه

يبقى على وزن جيمى هود

شكلى كدة ابتديت اغير منه

من فترة و انا بعمل الاعداد لظهور توتو عبود

و كل ما كنت ابص فى شكله احس انه غبى جدا

و سعات يكون زكى جدا

ارجع ابصله تانى احس انه مجنون

و كتير كنت احس انه اعقل العاقلين

فارتبطت به روحيا لانه من الاخر عامل زى حالاتى

------------------------------------------

اخيرا سنة زى كل السنيين يمكن يكون فيها تدوين

بس برضوا ما حلتش السؤال الغبى

زمان اتولدت ، دلوقت رايح لفين ؟؟؟

cake from gemy to bloggers

اللى مالحقش التورتة ممكن ياكل جاتوه فى الملحق

مع تحيات الراعى الرسمى لعيد ميلاد جيمى التدوينى

تـــوتو عــــبود

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

32 comments:

  1. كل سنه وانت طيب وكل سنه ومدونتك جميلة

    ReplyDelete
  2. كل سنه وانت و مدونتك طيبين......سلامي لتوتو عبود و بوسهولي من هنا و هنا...
    و سلملي على النووي

    ReplyDelete
  3. رضوى

    شكرا يا رضوى على مجاملتك الجميلة

    و كل الامنيات لمونتك و بحياة سعيدة ليكى و لعمرو

    ReplyDelete
  4. mak

    الف شكر يا باشا

    و موضوع توتو عبود دة موضوع طويل قوى هايبان واحدة واحدة

    ReplyDelete
  5. شفت سيادة الرئيس الجديد علي الفضائية لسة خلصان حالا

    ReplyDelete
  6. كل سنة وانت طيب يا باشا وبالمناسبة دى كنت عايز منك الكود بتاع التصويت عشان أخوك حمار فى الاتش تى ام ال لو انت فاضى ابعتهالى عالايميل ده ehab_khashaba@hotmail.com
    مش فاضى خلاص كبر دماغك وبرده كل سنة وانت طيب

    ReplyDelete
  7. Mak

    انا مقاطع التلفزيون يا ماك لحسن يجيلى سكر و ضغط اكتر من الىل عندى

    ReplyDelete
  8. كاسبر

    من عنيا عابعتلك الموقع اللى بيعمله و اشرحلك فى الميل كمان ازاى تعمله

    على اخر النهار هايكون عندك بالشرح

    ReplyDelete
  9. السلام عليكم

    اكيد طبعا اتمنى لك و لمدونتك عيد ميلاد سعيد :) مع انى ولا حقت التورتة و لا الجاتوه .. بس مش مشكلة .. نكتفي بالمشروبات

    حسنا . اهديك كلمات رائعة قراتها لعد الرحمن الكواكبي منذ فترة و هي ليست للعوام من الناس بقدر ما يعرف قدرها اهل الفكر و اصحاب القضايا

    ألفنا أن نعتبر التصاغر أدباً و التذلل لطفاً و التملق فصاحة و اللكنة رزانة و ترك الحقوق سماحة و قبول الإهانة تواضعاً و الرضا بالظلم طاعة و دعوى الاستحقاق غروراً و البحث عن العموميات فضولاً ومد النظر إلى الغد أملاً طويلاً و الإقدام تهوراً و الحمية حماقة و الشهامة شراسة و حرية القول وقاحة و حرية الفكر كفراً و حب الوطن جنوناً ترضون بأدنى المعيشة عجزاً تسمونه قناعة و تهملون شؤونكم تهاوناً و تسمونه توكلاً تموهون عن جهلكم الأسباب بقضاء الله وت دفعون عار المسببات بعطفها على القدر إلا و الله ما هذا شأن البشر
    */*/*/*/*/*/*/*/*/*

    منذ أن قراتها لم ازل افكر بها و اعيد قرآءتها و تأملها

    ***********

    اثنـانِ في أوطانِنـا

    يرتَعِـدانِ خيفَـةً

    من يقظَـةِ النّائـمْ:

    اللّصُّ .. والحاكِـمْ

    مطر

    :)

    امتنى لك التوفيق و ان يجعلك الله سببا في رفع الظلم و نصرة الحق و اقامة دولة العدل

    تحياتي

    ReplyDelete
  10. كل سنه وانت اجمد بلوجر كده دايما

    ReplyDelete
  11. شوف يا ريس http://www.almasry-alyoum.com/article.aspx?ArticleID=33086
    او اتفرج علي الموضوع دة عندي
    عندي سؤال و عايز مساعدتك في مدونتي
    كل ما اعمل اب لود لصورة و انا باعمل بوستنج الصورة ما تطلعش..يقولي ان الاب لود خلص و ادوس على done بس الصورة برضة ما تظهرش؟

    ReplyDelete
  12. بنت سعد

    مش عارف و الله اقولك ايه

    كلامك دايما و تعليقاتك بتبقى سهام مسددة للهدف و عارفه طريقها

    بجد احيكى على استرسالك و شكرا جدا لكلامى و لو كدةهابقى اخلى توتو عبود يتوصى بيكى فى الجاتوه


    نادين

    و انتى طيبة يا نادين و حلوة قوى اجمد بلوجر دى


    ماك سيبلى ايميل و انا هابعتلك عليه حل الموضوع دة

    ReplyDelete
  13. mak1yaw@hotmail.com
    thanx ya man so much
    enta betenzel emta el borsa?? 3ayez ashofak

    ReplyDelete
  14. و الله ما ماك انا البورصة دى بتخنقنى بالناس الىل قاعدة عليها علشان كدة قررت ما انزلش اصلا الاماكن دى

    ReplyDelete
  15. بص حل موضوع الصور دة على السريع

    اشترك على فليكر و ارفع عليه الصور و خد منه الكود و حطه فى الاتش تى ام ال بتاع اضاغة الموضوع على بلوجر لان بلوجر فيه مشكلة فى رفع الصور

    ReplyDelete
  16. محمد عوف10/11/2006 04:53:00 PM

    باشا كل عام وانت بكلل صحة وعافيةوالعام القادم تكون حققت كل امنياتك اخيك محمد عو ف الصحة تاج على رؤس العباد لايعلم قدرها الا المرضى

    ReplyDelete
  17. كل سنه وانت طيب يا اجمل جيمى فى الدنيا و عقبال مليون سنة ودايما بالف خير وصحة وربنا يوفقك وتحقق كل احلامك وبجد مدونتك جميلة جدا وربنا يسعدك ويساعدك

    ReplyDelete
  18. محمد عوف

    الحمد لله ربنا يديم علينا نعمة الصحة يا استاذ محمد

    ReplyDelete
  19. Noha

    مش عارف بقة انتى نهى اختى و لا نهى مين

    بس دى طريقة كلام اختى !!!!

    ReplyDelete
  20. كل سنه تدوينيه وانت بتخريف وربنا يجعل تخريفك خفيف عليهم وشكلك خرفت في التورته ونسيت المخريفين التانين وعام سعيد بتخريف جديد

    ReplyDelete
  21. كويس انك عارف طريقه كلامى وربنا يوفقك ويساعدك يا اغلى جيمى فى الدنيا نهى اختك

    ReplyDelete
  22. حبيبى Mr.GEMYHOoOD كل سنة وكل تدوينه وانت طيب وعقبال متكمل المليون تدوينة وأحب اقولك انك احسن مدونتى عرفته .................

    ReplyDelete
  23. كل سنه وانت طيب يا جيمى

    ReplyDelete
  24. لعلمك بقه عيد الميلاد الاي كلام دة ما ينفعش كان المفروض تعملنا عزومة و حفلة و تجبلنا هدايا كمان
    ولا ايه يا جماعة

    ReplyDelete
  25. kol sana we enta tayeb ya gemy msh ha2olk ana meen ana haseeebak enta te3raf lewa7dak
    we 3o2bal kol elsenen ele gaya te7a2a2 feha ele enta bettmanah.

    ReplyDelete
  26. kol sana we anta taib ya gemy ..... we ana s3ed 3lshan nta b2et ansan leh hadf we kyan we el blog bta3k gmel awe we atmnalk el tofe2 we rbena m3ak
    la alah ala alaah

    ReplyDelete
  27. norezaldeen

    شكرا يا نور و بجد اسعدنى اضافتك ليا و كلامك الجميل عنى و يا رب اكون قد الكلام دة على طول
    -------------------

    noHA

    نهى انتى اختى و لازم اعرف اسلوبك اه احنا ما اتربيناش سوى و لا عايشين فى بيت واحد بس الدم بيحن يا جميل

    و اجمل حاجة انك من زوار المدونة المستديمين بغض النظر انها بتاعت اخوكى
    ---------------------

    HEMA

    الف شكر يا هيما ربنا يخليك
    ---------------
    محمد طاهر

    و انت طيب يا صاحبى
    ------------------------------------
    mak

    انت بقة عايز تخرب بيتى .... اعزم كل دول ليه شايفنى جيمى مبارك

    -----------------------

    ????


    طيب تفتكرى ان اما اعرفكيش ازاى ؟؟؟ و النبى دة سؤال تسأليه ؟؟؟

    طبعا عارفك و لو ما عرفتكيش يبقى اعرف مين ؟؟

    و يسمعك من بقك ربنا يا بيبو و يحقق كل اللى فى بالى

    -------------------------

    MoSHaAaA

    ربنا يخليك يا مشمش و انا مش زعلان منك خلاص و سامحتك انت اخويه الصغير مهما كان و لازم استحملك

    بس ابعتلى ايميل اعتزر فيه رسميا :P
    -----------------------
    و من سوسو و توتو لكل الاهل و الاقارب نتمنى
    لجيمى عيد ميلاد تدوينى
    مليان تخاريف

    ReplyDelete
  28. كل سنة وانت طيب يا محمد وعقبال مليون سنة بس يكونوا احلى من السنين دى
    وارجع الاقى مصر فى احسن حال ان شاء الله ونبطل تخاريف ونبقى فى عصر الامان والحرية ان شاء الله ويمشى حسنى امبارك وابنه مش ياخد الحكم بالرغم ان كدبه مقنع اوى بيعرف يكدب تمام بس مش مشكلة مع السلامة مع ابوه يار ب ويوميها يكون عيد ميلادك هوة احسن عيدد ميلاد يوم ما يتولد الامان والاستقرار ان شاء الله
    وكل سنة وانت طيب تانى والسنة دى تتحقق كل امالك ان شاء الله
    و تحقق حلمك للى بتتمناه من اسبوعين

    ReplyDelete
  29. كل سنة وانت طيب يا قمر واشاء الله السنة الجاية يكون مبارك قاعد فى بيتهم وجمال رجع لبنك فى لندن وكل مظاليمك يا مصر يا حبيبة يكون ربنا نصفهم

    ReplyDelete
  30. ؟؟؟


    اانا اتمنى انك تكون مستجاب الدعووة

    بس يا ريت اعرف انت مين او انتى مين

    و يا ريت كمان بلاش موضوع علامات الاستفهام دة علشان باتعب منه

    و يا ريت كمان اعرف ايه اللى كنت بتمناه من اسبوعين لحسن نسيت كالعادة

    من كتر الاحلام المؤجلة

    مريم بجد انتى زى السكر و انا عارف ان دايما تعليقاتك جميلة حتى فى عيد ميلادى

    شكرا بجد لانك من احسن قرائى

    ReplyDelete
  31. ana nor , we bamsee alaek my emil go thes my new plz my old ferends add mi

    ReplyDelete