التظاهر و نظرية الذين رقصوا على السلم

كنت غير منصفا عندما تسائلت عن ماذا بعد التظاهر؟
فقد كان من الاولى أن أطرح أشكالية جدوى التظاهر و إن كان مؤثرا
فى القرارات الدولية و المحلية من عدمه
تظاهرنا و تظاهرنا...... و سنتظاهر
فهل لبى هذا النظم الداعر مطالبنا ؟؟؟؟
أعترضنا على مواد دستورية فوجدنا ودن من طين وودن من عجين
تظاهرنا من أجل قضاء حر فأعتقلنا النظام و تخلى عنا القضاة
نحن بالنسبة لذلك النظام مجرد كلاب تعوى و تندب
داخل كردونات أمنيه حصينة
شلة من المجاذيب يثيرون شفقة شعب قد تحكم عليه الظروف
أن يمر بجانب مظاهرة ما
فيضرب كفا بكف على حال هؤلاء المجانين الذين ألقوا أنفسهم بأيديهم
الى التهلكة و مشوا بخطرهم فى طريق اللى يروح ما يرجعش
و بذلاك تحولنا الى راقصين على سلم مصر
و لا أصحاب القرار اللى فوق سمعونا و نفذوا مطالبنا
و لا الشعب اللى تحت تأثر و تعاطف و تضامن معنا ليحقق لى أمنيه قديمة
أن اتذوق معنى كلمة مظاهرة حاشدة
رقصنا و رقصنا ..... و سنرقص على سلم مصر
فهل تغيير دستور؟ هلى حررت فلسطين؟ من جراء تظاهرنا
هل أعلن النظام تضامنه حتى مع لبنان فى محنتها؟
هل طرد سفير؟ و أغلق سفارة قتلة الاطفال على أرضنا
فهيهات أن يغيير رقص قرارات دولة منبطحة عميلة
و من مكانى هذا أعلن حركة راقصيين على السلم
من أجل التغيير
بمنسقها العام
فيفى عبدة
و أديها هز أديها .... السر كله فيها
ما بعد التظاهر من المفترض في رأيي ان يكون العصيان المدني والاضراب العام من اجل اسقاط نظام الحكم.ز
ReplyDeleteوفي رأيي ايضا ان التظاهر هومجرد وسيله لتجميع الشعب حول هدف ومن هذا الهدف ننطلق لتحقيق العصيان المدني..ولكن الشعب المصري شعب ابن ناس مالوش في البهدله دي ..خليهم نايمين احسن..
عندي دروس فينا و نينا للرقص
ReplyDeleteهايلة والله هوب واحد اتنيين خطوة قدام خطوة ورا قصعة و لفة و هووووووبةةةةةةةةةة
سيبك انت بلا تظاهر بلا وجع دماغ
ساعة الحظ ما تتعوضش
و اديها رقص اديها
------------------
سلملي علي ميه البحر
و رملة الشط
و احضن لي هوا ارض الفيروز
بالظبط ياستاذ محمدنقيب
ReplyDeleteالتظاهر هو الطريق الا العصيان
بمعني ان التظاهر هوه خطوه علي الطريق
لكن خطوه في منتهي الاهميه
وكمان زي ماقلت قبل كده
ان ساعات التظاهر بيحقق حاجات مرجوه منه
بس بتكون مطالب صغيره وقليله
كافراج عن معتقل
او قانون مثل قانون الصحافه
او غيره
المرأه المجهوله
ميه ميه واللهي
استمري استمري
محمد النقيب
ReplyDeleteبص يا ابو حميد كلنا عارفين ان العصيان المدنى هوه الحل
طيب هاتنفذ دة ازاى
طول عمر تاريخنا نفسنا ننظم عصيان مدنى واحد ناجح
طيب هاترتب له ازاى من غير قمع و سحل
استحالة الشعب المصرى دة بعقليته دى ينفذ عصيان مدنى
المرأة المجهولة
ReplyDeleteدة الملاحظ انك عارفة خط سيرى و عارفة انى فى القريش شوفت يا شوبش
اخوك الناس بتراقبه
امن الدولة و المعجبات :p
ربنا يزيد و يبارك
حاضر هاسلملك على فيروز
و اكلك رملة الشط
يا شوبش صدقنى التظاهر موضة
ReplyDeleteو انتهت
دلوقت معظم المتظاهرين بقوا يتظاهروا من اجل التظاهر بس
ادمنوا التظاهر
لدرجة ان ما عندهمش البديل
كلمة كدة انت بتحبها :d
دة مش تخريف و لا تشليف
و لا تخا تخا و لا ملك و جاه
بلوج نضيف بوست نضيف
جاى و بوستات جايه وراه
:p
أى خدمة بقالك فترة ما سمعتش اغنية البلوج ههههههههههههههههه
يا مسطول انت اللي قلت لي انك في العريش بتستجم
ReplyDeleteهي العريش بحر ابيض وولا البحر الاحمر؟
ReplyDeleteاعتقد الاحمر
مش مهم المهم ان اتفسح لي و ليك عشان انا مش عارفة اخد اجازة اصيف
انا بس عايز اعرف حاجة
ReplyDeleteازاى شلت اعلان البلوجر اللى فوق
لو سمحت
هوه احنا دلوقتي مبنعملش غير التظاهر و التظاهر لوحده حاجه ايجابيه أحسن من اللي بيقولوا مش احنا اللي هنغير و أكيد قريب أوي لما نتبهدل أكتر و أكتر ممكن الشعب الجعان كلوا يقوم واللي مش لاقيين شغل هيتحركوا عشان ساعتها هتكون كل الناس متحطمه و متبهدله أكتر و مش هيفرق معاهم حاجه ولا سجن ولا تعذيب و أحنا بنقرب على الفتره دي
ReplyDeleteو بيتهيألي في ناس بدأت تتغير من السلبيه للايجابيه مع ان نسبتهم قليله بس أكيد هيزيدوا
انا بعتبر نفسى جديد على موضوع المظاهرات بس نزلت كذا مرة الفترة اللى فاتت و فعلا حسيت ان فى ناس ادمنت الموضوع , ده انا حتى سمعت شوية تعليقات زى : المظاهرة الجاية فين و امتى و حاجات كده
ReplyDeleteو برضه مع كلامك ان المظاهرات فى مصر مش هتعمل اى حاجة , لا هتأثر فى الحكومة الظالمة المستبدة و لا فى الشعب الجبان اليائس
بس ماينفعش نبطل ننزل المظاهرات رغم عدم جدواها , لان ساعتها النظام هيبقى نجح يقضى على احلام و طموح الشعب 100% , و لو نسبة اللى بيتظاهروا 1% لازم يكملوا لعل و عسى الشعب يفوء من الغيبوبة و يحصل الاضراب و العصيان المدنى اللى هوهدفنا كلنا لقلب النظام , احنا اخترنا لنفسنا الطريق ده و لازم نستحمله رغم جهل الكثير بأهمية الدور و اعتبرنا مجانين و اغبية
عندما يتحدث الميتون يصمت الأحياء
ReplyDeleteبسم الله الرحمن الرحيم بيان من كتائب السيف الدامي الجناح العسكري لحركه القانون المصريه الغير مسلحه للأسف
للأسف نظرنا كثيرا للتظاهرات ولكن للأسف لا تجدي مع نظام أصلا ما بيحترمشي نفسه عشان يحترم الشعب ، للأسف ايضا حركه كفايه لا تريد أن تبطل تظاهر وتورينا طريقنا تانيه رغم إنها عملت كذا ورشه عملت وندوه عن ثقافه التغيير وإقترحوا وسائل اخري ولكن للأسف لم يتم الأخذ بها
ومن جانبها فحركه القانون تعلن إنها سوف تقوم بتنفيذ أليات جديده نرجوا أن تنجح
وحسبنا الله ونعم الوكيل
------------
إلي جيمي هود "هذه رساله خاصه " يعني ممنوع غير جيمي يقرأها
عملت إيه في ألي إحنا إتفقنا عليه ؟؟
أنا أجلت الميعاد 7 أيام نظرا لضيق الوقت
ياريت نخلص عشان لازم نبدأ إرسال قذائف الهاون والكاتيشوا فورا فالموقف يكبر ويتفاقم ، عايز أسأل سؤوال بسيط . متي نبطل مظاهرات بقي
ملش يا جماعة لانى فعلا عندى ظروف و متأخر فى الردود بسبب كدة
ReplyDeleteيا ايمى
ReplyDeleteيا ريت تكتبيلى البلوج بتاعك
و انا هابعتلك الكود اللى بيشيل الاعلان
لان دة سطر بيضاف علشان يعمل كدة
فدوة
ReplyDeleteاحنا بنقول الكلام دة بقالنا كام سنه ؟؟
انتى مش ملاحظة ان اللى ما بيشوفش من الغربال يبقى أعمى
ما فيش حد هاايتعاطف ليس فى المكان ابدع مما كان
الشعب دة ايدك منه و الارض خلاص
خالد
ReplyDeleteبص يا خالد انا بسأل ايه بد كدة
احنا اتحولت المنوضوع كاننا فى كوكى بارك
الناس بتسال المظاهرة الجايه فين
و نجيب بقة اكل ايه
و لا نلبس ايه
و بقت مظاهرات بارتى
و النبى دول مناضلين و لا اصلا يستاهلوا يكونوا فى حراك سياسى فى مصر
الى رفيقى ميت
ReplyDeleteيغنى ما يقراهاش غير ميت
أعمل على تدعيم القاعدة يا رفيق
و توسيعها و نشر الفكر و التوجهات
انا الان فى رفح
و أعمل على ضم بعض الاخوة الى الجبهة
هههههههههههههههههه
لى النعمة الىل يشوف الكلام يقول بنخطط لحرب ههههههههه
اطمئن رفيقك جيمى لم ينسى الدعوة ::d
و زغزغينى يا فانلة
انا رايي ان مش العصيان المدني هو الحل والحل الامثل ان كلنا ننضم للحزب الوطني وساعتها متاكد ان الحكومة هتسيبة وهتنضم لكفاية
ReplyDeleteاهى دى جامدة
ReplyDeleteو الله فكرة و ممكن تتعمل ليه لا
شركة كشف تسربات المياه بالرياض
ReplyDeleteشركة كشف تسربات المياه بالرياض
شركة كشف تسربات المياه بالرياض
شركة كشف تسربات المياه بالرياض
شركة كشف تسربات المياه بالرياض
شركة كشف تسربات المياه بالرياض
شركة كشف تسربات المياه بالرياض
شركة كشف تسربات المياه بالرياض
شركة كشف تسربات المياه بالرياض
شركة كشف تسربات المياه بالرياض
شركة كشف تسربات المياه بالرياض
شركة كشف تسربات المياه بالرياض