السلام علي من اتبع الهدي، وكره السحالي الخضراء ودعي وطالب بسقوطهم ثم أما بعد، في هذا الوقت "الحساس" من عمر الوطن هاحكيلك حكاية "احنا" أسطورتنا ولامؤاخذة.. وهي بالمناسبة اكثر تسلية من حكاية البلبل
احنا ٨٥ مليون ملتحي .. و ٨٥ مليون مطول شعره
٨٥ مليون لابسين جينز .. و٨٥ مليون لابسين جلابية
٨٥ واقفين علي ناصية يعاكسوا البنات .. و٨٥ تانيين قاعدين ف الجامع يحفظوا قرآن
٨٥ مشغلين قناة الناس .. و٨٥ فاتحين قناة ميلودي
٨٥ مليون بنت مشغله حكيم ومتحزمة وبترقص .. و٨٥ مليون تابعة لعمرو خالد وبتشتغل ف جمعية رسالة
احنا ٨٥ مليون بنت محجبة .. و٨٥ بنت عاملين شعرهم كيرلي .. و٨٥ ممكن يقلعوا ويحطوا صورهم ع النت
احنا ٨٥ محلل كروي و٨٥ مليون محلل سياسي و ٨٥ مليون عايزين ياكلوا ويشربوا بس
٨٥ مليون قاعدين ع الكنبة .. و٨٥ مليون في ميدان التحرير
احنا نفس الناس اللي عايزة استقرار .. هي نفس الناس اللي عايزة تحارب اسرائيل
نفس الناس اللي بتحب المجلس وشايفة ان مفيش غيره .. ولما تضغط عليها تقولك ماهو اصلا المشير حرامي
هما هما نفس الناس اللي شايفه ان مبارك اكبر فاسد .. ومش فارق معاها نسامحه، نفسهم اللي عايزين يعدموه
نفس الناس اللي بيلعنوا الخلايجة ويقولوا عليهم بهايم وتلاقيهم يسافروا ويتكفلوا ويرجعوا بالجلابية وثقافة وهابية
احنا نفس الناس اللي بتتكلم اننا ارجل شعب عنده نخوه .. هي نفس الناس اللي عندها اكبر نسبة تحرش
احنا نفس البلد اللي فيها اكبر نسبة تدين .. واكبر نسبة بحث عن كلمات الجنس علي الانترنت
احنا نفس الناس اللي عايزة دولة اسلامية وبيحبوا الكورة والسيما والموسيقي وليلي علوي
احنا مختلفين ومتناقضين ياولاد الوسخة
 |
| الحياة صعيبة يا أبو احمد |
18 comments:
من الاخر ياجيمي
صايعه :D
لهذا خلق الله الاختلاف
وبرضه كسم ليلى علوى وكله بالحب
من الاخر يا جيمي فعلا.....و ما تغيبش علينا بتدويناتك المتميزة
أصلي يا جيمي
كلام منطقى
رائــــعة
جميلة يا جيمي ..
الله ينور عليك
جبت م الأخر
صح ولكن التشخيص غلط ...في اعتقادي السبب إن مصر عد سكانها كثير 85 مليون ... أكثر من ضعف سكان الجزائر مثلاً ... لذلك ماما كنت ديما بتقلي مصر فيها الأزهر و فيها أفلام يوسف شاهين . فيها الرقصات و فيها المتحجبات . فيها الثقافة و جوائز نوبل و فيها العشوائيات. لم يبقى 50% فقرا ماتقدرش تقول إن الفقرا هما هما الاغنياء مثلاً ... مصر بلد تلاقي فيه كل شيء ...لكن الإنتخابات الاخيرة كان سببها في اعتقادي إن الشعب المصري بيحب الدين منذ بعيد يعني تلاقيه بيبحث عن الجنس في السر بس عايز الدين يحكم...تلاقيها محجبة و مصاحبة و ... يمكن يكون نفاق ؟ مش عارفة ... على فكرة جوزي السلفي إلي قلتلك عليه على تويتر زبطتو بيشوف أفلام إباحية ... بس بيتوب أظن ...
احنا اكتر من 87 مليون وبنقول على نفسنا 85 مليون .. GJob ;)
بخلاف اخر جمله تدوينه رائعة وواقعية ومنطقية
حلو جدا و 85 مليون مطرب شعبي و85 مليون مؤذن
AWESOME . !
وأكبر نسبة تحرش في العالم وأكبر نسبة تخييط بكارة .. بـ10 جنيه في المنوفية وللمحجبات كمان
ال99% و ال99% التانيين
أصلاً مفيش إيد واحدة, صوابعك مش زي بعضها
مصر اعظم من كل الكلام ده
Post a Comment