دليل الديكتاتور الصغير
لا تخرج على شعبك بخطاب فى منتصف الليل .. فعلى عكس المتوقع أن يكون نائما أو مشغولا - بمعنى أوضح هو نائم ومشغول فى نفس الوقت - ففى الغالب أنت تزعجه عن تأدية واجبه الشرعى المقدس .. فيخرج إليك زاحفا ثائرا فى الصباح
ماتطلعش واحد أقرع أبدا يلقى خطاب بدالك .. إطلع إنت بشعرك المزروع وصبغتك .. صدقنى القرع مالوش رجلين
لا تتحدث عن المؤامرات الدولية - موضة قديمة - تحدث عن المؤامرات الكونية وغزو الكائنات الفضائية .. إلعبها صح .. الجميع يخاف اليوفو والكائنات الخضراء اللزجة القادمة من كوكب بلولو المظلم
لا تذكر أبدا كلمات من نوعية أجندات .. كنتاكى .. إلخ الكلام دة سره باتع و بيجيب صاحبه الأرض
بلاش تستخدم الحيوانات من نوعية الجمال و الأحصنة .. فضيحتنا بقت بجلاجل فى العالم كله
بلاش تلغى الدورى و تقطع النت و الفيس بوك و تويتر ... كدة هاتلاقى العيال السيس بايتينلك فى الشارع وش
حاول تختار كويس السيدة الأولى .. الصعايدة بيقولوا .. المره الهبله مابتجيبش عالم ذرة
بلاش النفخة الكدابة و خليك متواضع وبلاش مصر مش تونس و ليبيا مش مصر .. إلخ إلخ و إعرف إن التريقة بتلف تلف وترجع لصاحبها
لما تتنحى ماتخليش حد يقف ورى النائب بتاعك وهوه بيقول قرار التنحى
