الحلم .. هل يصمد أحمد مكى فى عالم الراب؟



منذ مطلع العام الجارى و انا عندى أمل كبير فى تطور الراب المصرى ، بعد إطلاق أحمد مكى لشركة إنتاج فنى لموسيقى الراب و علمى عن طريق مصادر شخصية إن عدد من مطربى الراب مضوا بالفعل على عقود إنتاج و رعاية مع مكى
يمكن مكى حسم الصراع بدرى جدا مع أحمد الفيشاوى ، الصراع لم يكن معلنا ولكن المتابع يستطيع ملاحظة ان هناك رغبات من كلا الممثلين المشهورين للسيطرة على العالم السفلى للراب المصرى
الفيشاوى الأكثر خبرة بعالم "الهيب هوب" بصفة عامة قرر منذ فترة طويلة السيطرة عن طريق التقرب من العالم السفلى للراب المصرى وعزز علاقاته بالراب العربى و "رابرز" الأندر جراوند المصريين توجه بإنضمامه للآراب ليج تجمع هيب هوب عربى يضم العديد من الأسماء الكبيرة فى عالم الهيب هوب العربى و الذى يعتبر من أكبر وأقوى التجمعات فى الشرق الأوسط 
أما مكى فقد إستغل صعود نجمه بتمرير عدة أغانى راب عبر أفلامة ومسلسلاته التى لاقت قبول و نجاح لدى الجماهير قرر إنهاء اللعبة سريعا و التربع على قمة الراب العربى بأول شركة إنتاج متخصصة فى موسيقى الهيب هوب
الصراع مازال قائما على القمة بين النجمين ولكن السؤال هنا هل يصمد أحمد مكى بالرغم من عدم صعوده من "تحت الأرض" زى ما بيقولوا الرابرز فى العالم كله؟
من وجهة نظرى لم نشاهد حتى الأن أحمد مكى المنتج حتى نحكم عليه .. و لكن الأمر المثير للجدل هو مستوى أغنيته الجديدة "الحلم" التى أطلقها عبر الإنترنت و التى تشاركه الغناء فيها كالعادة النجمة دنيا سمير غانم
التراك فى حد ذاته نسخة طبق الأصل لأغنية فيلمه الناجحة جماهيريا " ماتحاولش تبقى حد تانى غير نفسك" نفس الفكرة و الفلو و الايقاع و مساحات دخول دنيا سمير غانم ، و الذى يعطيك إنطباعا إنها جزء ثانى من اغنية فيلم طير إنت .. و الذى علق الجميع من خلال موقع فيس بوك إنها خامة و عجينة مكى التى لن يستطيع ابدا الخروج منها لانه لم يصعد سلم الهيب هوب من بداياته  ليكتسب الخبرة اللازمة
لسه كتير علشان نقدر نحكم دلوقت .. إن غدا للهيب هوب قريب 
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

11 comments:

  1. ما أعتقدش إن في تنافس خفي بين مكي و الفيشاوي، أعتقد الفيشاوي بيستخدم الراب زي كماليات، حاجة فنفنة بيعملها، لكن مكي هوا اللي داخل و عينه ع الراب فعلاً

    و شكراً ع اللينك الجديد
    :)

    ReplyDelete
  2. يبقى إنت ماتعرفش الفيشاوى كويس

    ReplyDelete
  3. ahmed gaber nemo9/28/2010 01:24:00 PM

    انا من وجهة نظري مكي عنده امكانيات ممكن هي اللي تكون مخلية نجمة ساطع لحد دلوقتي بس الفيشاوي اجمد من حيث اسلوبة وموسيقتة بس يعيبة استخدامة للغة الانجلزية و المفروض ان الاغاني دي موجهة لجمهور عربي ع الاقل عشان مجتمعة يسمعة ف الاول لحد مايتشهر مش ( زي القرع يمج لبرة ) مكي تحس ان اغانية نسخة من بعضها الكبير زي الحلم زي كل زمان .. رتمة بطئ واسلوبة مكرر .. اكتر حاجة تميزة كلماتة قريبة للناس

    ReplyDelete
  4. بالعكس معظم أغانى الفيشاوى بالعربى :)

    ReplyDelete
  5. ahmed gaber nemo9/29/2010 01:53:00 PM

    ظهوره المتكرر مع اربيان نايتس وهما معظم اغنيهم فيها انجليزي .. ف اللي هيحاول يسمعلة هيزهق منهم بسرعة .. انا افهم انجليزي عشرة غيري ميفهمهوش ...

    ReplyDelete
  6. برضو الاريبيان نايتس مش عندهم الا سفنكس الىل بيغنى انجليزى بس و ساعات رش

    ReplyDelete
  7. مكي هو الي هيسطير على الهيب هوب والراب بالشرق الاوسط , الفيشاوي معملش اغاني ومابيعرفش يعمل اغاني هيب هوب وراب زي مكي حابب الشيء دة ولو حصل وعمل البوم عربي راب في مصر هينجح بكتير اوي اوي وهيبقى هو اكبر واقوى منتج للراب والهيب هوب بالشرق الاوسط وانا شخصيا اتحدى
    Mekki for life

    ReplyDelete
  8. مكي فنان زكي مش اكتر وبيستغل شعبيته فانه يدي شعبية للأغاني بتاعته عشان كده زي ما انت قولت بتبقى اغاني فالافلام والفيشاوي كويس جدا كرابر بس مش بذكاء مكي يعني مكي قدر يوصل اغانيه للناس اللي مبتسمعش راب

    وعموما مفيش فمصر حد ينفع يعتلي قمة الراب فالوطن العربي كرابر مش منتج منتج ممكن مكي يقدر انما رابر صعب هو او حتى الفيشاوي

    الخليج فيه ناس اعلى زي كلاش وعبادي الكويت والمغرب برضه في ناس كويسين

    ولو بتتكلم على مصر بس يبقى غالبا مكي عشان ذكي وبشركة الانتاج هيقدر يجتذب ناس كويسين وحط معاه ايجي راب سكول

    ReplyDelete