أمسك خول على أرض مصر


فى أقل من الشهر ، و على عدة مستويات مختلفة ارتفعت حدة الاتهامات الاخلاقية للفن و الأدب مع المطالبة بالمنع و الحرمان و المصادرة ، و التهديد بالويل و الثبور و عظائم الامور و أصبحت اليد العليا لمحامين الحسبة و الصحفيين المحرضين و نهاية بنقابة الموسيقيين التى توزع الان صكوك الترحيب و عدم الترحيب بالشخصيات الفنية العالمية داخل مصر
خلينا فى الأخيرة .. طالعتنا الصحف العالمية بخبر منع السير ألتون جون من الغناء فى مصر و انتقادات بالجملة ضد مصر و سياستها المضادة لحرية التعبير
تبدأ القصة بتعاقد أحدى شركات الاتصالات مع السير ألتون جون للغناء تحت سفح الاهرام فى حفلة ترعاها شركة للاتصالات فى أطار حمله دعائية تقوم بها الشركة
طبعا فى الجزء دة من القصة لازم يظهر نائب شعب نايم طول السنة و صحى على اللى جنبه بيقوله ألحق دول جايبين واحد خول يغنى تحت الهرم ، فالنائب يصحى م النوم يقدم طلب احاطة و يظهر على القناة الاولى فى التلفزيون المصرى و هو بيزعق و يتفتف قدام الميكروفون بضرورة طرد و ألغاء حفلات الخولات من مصر 
الخلاصة ان النائب عمران مجاهد - طبعا واحد بالأسم دة مفهوم هو بيعمل كدة ليه -  تقدم ببيان عاجل فى البرلمان ضد رئيس الوزراء ووزيرى الثقافة و الاتصالات و أى حد كان متواطىء فى الجريمة البشعة دى ، وطبعا كان فى لزوم للملح و الفلفل .. بهارات اى بيان فى مجلس الشعب ، فختم البيان ان المطرب فى وقت ماضى قدم حفلات داخل أسرائيل و إدينى بقة فى القومية العربية .. تعرف على النائب عمران مجاهد
و على أثر الدوشة اللى حصلت دى كلها قرر منير الوسيميى نقيب الموسيقيين إلغاء الحفلة التى كان مقرر اقامتها فى الثامن عشر من شهر مايو الجارى و صرح قائلا 
 إقامة حفل في القاهرة لجون "سابقة خطيرة ليس لانه واحد من نجوم الغناء في العالم ويزور القاهرة للمرة الاولى، ولكن لانه رمز للمثليين في العالم وحضوره سيفتح الابواب امام باقي الفنانين المثليين لتقديم حفلاتهم في مصر
بعد الغاء الحفل و غلق أبواب جهنم اللى كانت هاتجيبلنا المثليين على أرض مصر ، انا بطالب بالكشف عن منير الوسيمى و النائب عمران مجاهد شخصيا لمعرفة ميولهم الجنسية إذا كانت سوية من عدمه و ذلك بأجراء الكشوفات المعتادة فى مثل هذه الظروف من كشف الطبة و كشف الحمامة  لأن الناس دى فى مناصب مهمة ولازم الشعب يطمن برضو .. زى ما أطمن ان مفيش خولات هايغنوا تحت سفح الهرم .. يطمن برضو أن مفيش خولات فى أماكن حساسة فى البلد ، على ان يتم فى المستقبل القريب تعميم كشف الخولنة على جميع المسئولين و أصحاب القرار بمنع أى خول من ممارسه عمله على أرض مصر الطاهرة
و كتطوير لقرار الغاء الحفلة و منع السير المثلى الجنس من الغناء فى مصر ، اعتقد أنه آن الأوان للعمل على مشروعنا القومى بقة اللى البلد كلها بتدور عليه ،  كل البلاد عندها بوابات أليكترونية للكشف عن المخدرات و القنابل و الأدوات المتفجرة ، أحنا بقة لا مصر أقوى من كل دة
أحنا نعمل بوابات حساسة للمثليين جنسيا اللى بيزوروا مصر مع إلغائها طبعا فى صاله خروج مسئولين مصر و ذلك للكشف عن الميول الجنسية لكل شخصية عامة و مش عامة جاية الأرض الطاهرة و طبعا الجهاز فائق الحساسية دة هايزمر و يقول بعلو الصوت

  خول ..   أمسك خول على أرض مصر
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

9 comments:

  1. ههههههههههههههههههه
    كشف طبة و كشف حمامة للوسيمي و عمران
    احة يا عم الجملة دي موتتني من الضحك

    ReplyDelete
  2. اكيد عارف انت طبعا الطقس دة
    المشهور فى المدن الجامعية المصرية

    نيهاهاهاهاهاها

    ReplyDelete
  3. واضح ان الموضوع على المستوى الشعبي لاقي قبول كبير. واحد بيقرا على موقع البي بي سي خبر منع التون جون من الغنا في مصر فبيقوللي هما نزل مستواهم كده ليه؟ بيكتبوا عن منع "مغني" شاذ في مصر؟ قلتله الراجل ده مش أي حد ده مغني مشهور وواخد لقب سير في بريطانيا أكيد يعني البي بي سي هيكتبوا عن الخبر. قاللي: وهما اتجننوا يدوا واحد شاذ لقب سير؟

    ReplyDelete
  4. و ليه أصلا نبقى متعلقين كدة و شغوفين بخورم طيز واحد جاى يغنى و بس ؟؟؟

    ReplyDelete
  5. تقدم أحد نواب مجلس الشعب ببيان لرئيس الوزراء يعترض فيه علي غناء التون جون بالقاهرة لأنه قام بالغناء فى احتفالات اسرائيل بالحرب على غزة>>>>>ممكن تقولى الكلام ده صح ولا لا

    ReplyDelete
  6. ممكن انت تقولى هل فى حاجة اسمها فعلا احتفالات اسرائيل بالحرب على غزة ؟

    ReplyDelete
  7. إعلان على التليفزيون الاسرائيلي:

    أعزائنا المشاهدين، تنقل القناة الأولى للتلفزيون الاسرائيلي مساء اليوم على الهواء مباشرة إحتفالية غنائية في الذكرى الثانية لحرب غزة المجيدة، برعاية السيد رئيس الدولة والسيدة قرينته، وكذلك السيد رئيس الوزراء والسيدة قرينته، والذين سيكونون على رأس الحضور. من ضمن فقرات الاحتفالية أوبريت غنائي عن الجندي الاسرائيلي عبر العصور، يقوم بآداءه مجموعة من شباب المغنيين ، وكذلك فقرة من الغناء والرقص الشعبي الاسرائيلي. ويحضر الحفل جمع من السادة الوزراء والفنانين وكبار الشخصيات العامة، والضيوف الأجانب.

    وفجأة صحيت من النوم...

    ReplyDelete
  8. يخرب بيت فقرك يااخي

    موتني م الضحك

    ههههههههههههههههههههههه

    ReplyDelete
  9. هههههههههههههههههههه
    بجد أحةعلى كدة
    ما امثالك لما يتحسبوا على المعارضة بجد الناس مش هتعرف تاخد حقها
    بس بجد انت شكلك مولع بخرم الطيز انت كمان و شكلك شذو
    هههههههههههههههههههههه
    و بعين الكشف اللى انت قلت علية دا بيطبق على البابا الكبير فى روما و بعد ما يكشف علية بيقول
    he have tow testicles and legally approved
    روح هناك يمكن يغلطوا و يكشفوا عليك من ورا و هما هيروقوك

    ReplyDelete