فى مسألة الله و الكورة .. تصريح و حقائق و إستنتاجات


 تصريح

«الأيام أثبتت صحة موقفى عندما اخترت (جدو) بعد متابعة سلوكياته».
وأوضح شحاتة أن «السلوك القويم» أساس اختيار لاعبى المنتخب، وقال: «بدون ذلك لن نضم أى لاعب مهما كانت إمكاناته، فأنا أسعى دائماً لأن يكون اللاعبون الذين يرتدون فانلة مصر على علاقة طيبة بربهم».
وضرب المعلم مثلاً بمحمد زيدان، مهاجم مصر المحترف فى فريق بروسيا دورتموند الألمانى، وقال: «محمد زيدان لم يكن يصلى، ولم يكن يعجبنى ابتعاده وانزواؤه عنا، فاجتمعت به قبل مباراة البرازيل فى كأس القارات، وأقنعته بالصلاة وأهميتها، ومنذ هذا اليوم يواظب على الصلاة».

حقائق

             حسن شحاته يختار لاعبيه على أساس القرب من الله و على حسب عدد الصلوات التى يؤديها اللاعب.
        حسن شحاته كان يريد ضم ابو تريكة لقائمة المنتخب بالرغم من إصابته على سبيل التبرك.
        حسن شحاته ينصح لاعبيه دائما بالصلاة و يضغط على المهملين فيها.
        حسن شحاته إستبعد عدة أسماء شهيرة للسبب نفسه.
        حسن شحاته جاب بطولتين أفريقيا.
       حسن شحاته فشل فى الصعود لكأس العالم.

          الجوهرى اهتمامه و تصريحاته كلها كانت منصبة على الجوانب الفنية.
          الجوهرى ضم لاعبين مسيحيين للمنتخب.
       الجوهرى صعد لكأس العالم 90 و قدم نتائج طيبة.

        هانى رمزى قدم مسيرة إحترافية جيدة فى الخارج.
        هانى رمزى    صعد  بالمنتخب لكأس العالم.
        هانى رمزى فشل مع منتخب الشباب فى مونديال على أرض مصر كمدرب فى عصر ما بعد حسن شحاته.


إستنتاجات

الله يحب حسن شحاته و جيل أبو تريكة على المستوى القارى فقط .
الله يكره كأس العالم.
الله يحب كأس العالم للشباب الى حد ما.
الله يحب مصر و لا يريد لها الصعود لكأس العالم ذلك الحدث الرياضى الماجن.
الله أعطى مصر صفرا كبيرا حتى لا تستضيف مجون كأس العالم على أرضها الطيبة.

كن مع الله .. و شجع منتخب مصر بأنجولا
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

17 comments:

  1. كل اللى انت عايز تقوله وصل

    للأسف هاتلاقى هجوم كتير لان الناس مش هاتفهم انت قصدك ايه

    أحمد

    ReplyDelete
  2. هي العيال دي مطيزة ليه يا وديع؟

    ReplyDelete
  3. ايه الخرةاللي انت كتبه ده.. اي مدرب من حقه يختار اللاعبين حسب اي وجهة نظر انشالله حتى يكون بيختار السمر و مش بيختار البيض .. مادام هو اللي هيتحمل فالنهاية المسئولية ، و حسن شحاتة مدرب محترم و هو شايف من وجهة نظره ان الألتزام الديني و الأخلاقي مطلوب .. إيه العيب فكده؟!! بكد قلشت منك قوي دي

    ReplyDelete
  4. الى مكتوب ده هبل لانك مش بتتريق على حسن شحاته دنتا كمان بتتريق على ربنا
    استغفر الله العظيم
    هوا احنا بقينا نكتب اى هبل وخلاص عشان نجذب الناس للى بنكتبه وخلاص
    انا عارف انك هتقول مدروش وعايش فيها دور الشيخ
    قول الى تقوله بس راجع الى بتكتبه و فكر فيه تانى عشان طلع بصوره ممكن انتا اصلا مكنتش عايزة يطلع بيها و ممكن ميكونش قصدك

    ReplyDelete
  5. مجرم، ومبدع، وعبقري :))))))))

    ReplyDelete
  6. للمجهول اللى قبل محمد و لمحمد هارد عليك نقطة نقطة

    - مفيش مدرب حر فى تصرفاته لان التصريح دة قلب الصحافة العالمية و ممكن تعمل سيرش هما بيتكلموا عن مصر كواحدة من الدول اللى هاتقحم الدين فى الرياضة بشكل غير مسبوق حتى من السعودية نفسها مثلا

    - مفيش مدرب حر لان المدرب عليه احترام الاديان و احترام حقوق الانسان مفيش حاجة اسمها يختار لعيبة سمر بس احنا مش فاشيين و لا نقبل بمدرب و لا قيادى فى اى مجال يكون عنصرى الموضوع مش مسئولية خسارة بطولة فى كورة

    - انا مش بكتب علشان الناس تدخل و تقرى انا كنت بسيب مدونتى صحرا و بقعد بال6 شهور مش اكتب حرف و بصراحة انا واحد من الناس اللى مش بيهتموا انهم يكتبوا اصلا

    ReplyDelete
  7. بالنسبة للتريقة على ربنا فين دى ؟؟

    طول الوقت احنا بنقول ربنا بيحبنا و ربنا بيحب ابو تريكة و ربنا بيحب حسن شحاته

    انا كتبت اللى انتوا كلكوا بتقولوه سواء ضمنيا او شفاهيا

    ReplyDelete
  8. التريقة فى الاستنتاجات
    و بالذات فى موضوع كاس العالم
    الله يحب حسن شحاته و جيل أبو تريكة على المستوى القارى فقط .
    الله يكره كأس العالم.
    الله يحب كأس العالم للشباب الى حد ما.
    الله يحب مصر و لا يريد لها الصعود لكأس العالم ذلك الحدث الرياضى الماجن.
    الله أعطى مصر صفرا كبيرا حتى لا تستضيف مجون كأس العالم على أرضها الطيبة.
    تانى حاجة انتا بتقول لازم يحترم الاديان
    انتا شايف ان فيه لاعيبه غير مسلمين و ليهم اثر بارز فى الدورى المصرى

    ReplyDelete
  9. يعني نفهم من تصريحات الشيخ شحاتة أن اللعيبة لو طلعت من الدور الأول يبقى ها تروح النار؟

    ReplyDelete
  10. الاخ محمد لسه بيجادل من الناحية الكروية غريبة !!!

    ReplyDelete
  11. و بعدين يا محمد انا لو مسكت حسن شحاته كرويا هافشخه الطيب احسن

    و ابقى ياريت تخطف رجلك لحد السويس و تسأل على الشيخ اللى الكابتن بيروح له من ايام ما صعد بالسويس للممتاز

    ReplyDelete
  12. رائع يا جيمى الصراحه المقاله فيها عدد من الجوانب اللى مش مش مفهمومه
    زى
    1- انك بتلخص لسان الشعب اللى بيتفرج ميين مننا مش بيقول ان ربنا بيحب حسان شحاته وميين مش بيقول انوا محظوظ الكل بيقول كدا
    2-فعلا فى مصر الامور كلها بتتخلط بكلوا وادنيا زى ما انتا قولت هندخل الدين فى الكورة

    ReplyDelete
  13. انت شكلك عيل سيس وشكلك مش مسلم ولو مسلم شكلك علمانى والى مش عاجبو منتخب الساجدين ميتفرجش ولا يشجع فريق تانى احنا عاجبنا منتخبنا كده يكونو ملتزمين وقريبين من ربنا
    اقولك شجع شينجونجو

    سيف الهمامى

    ReplyDelete
  14. تصفييق حااااااااااااااااااااااااااااد
    أحييك جدا

    ReplyDelete
  15. This comment has been removed by the author.

    ReplyDelete