شق نهر النيل طريقه نحو البحر المتوسط شمالا ... فقط ليوهب الحياة
لذلك الشعب الطيب الى درجة الهبل ... و ليكون لعنة و سببا لأنبطاح ذلك الشعب لقرون طويلة
جملة كتبتها منذ زمن و بسببها خسرت جائزة المقال الصحفى بالجامعة
فى سنة من سنوات حياتى الجامعية التى أمد الله فى أعوامها لتنافس حكم الفرعون نفسه
كان مقالى مستفزا لأقصى درجة ... أعترف بذلك بعد ان محت السنوات عجرفتى و غرورى
تجاه ما كنت أكتبه فى الجامعة ... لعنة النهر أسم سبق مقالى ليأخذه فى
أتجاه معاكس لكل الموالسين و المنادين بعظمة ما وهبه النيل للشعب المصرى الغلبان
هل فكر أحدكم يوما كم كانت لعنة ذلك النهر رهيبة و مروعة
هل جال بخاطر أحدكم يوما كيف جعلنا هذا النهرشعبا مكبر دماغه
مستنى اللقمة تجيلة فى حنكه و فانوس رمضان يجيله من الصين
شعب يعيش على ابتكارات و اختراعات الغير راضيا بما يجود عليه المحسنين من معونات
و احسانات ليخرج بعدها إما مناديا بكفر أمريكا او بجهل و تخلف أهل الخليج
شعب عاش و تمرغ فى خصوبة طمى النهر بعد ان حملها من منابعه ليقذفها فى حجر أراضينا
لتنضح بخصوبة نحن لسنا آبائها و لا صانعيها و لم يكلفنا الله وسعا لرعايتها و حفظها
ليحصرنا ذلك الشريط الضيق لقرون فقط لاننا فشلنا فى كسر حاجز خصبه
ونقل سحره للصحراء الممتدة
لنعيش اتكاليين منبطحين للطبيعة و للحكام و للدول
نبحث عن الريادة فى بعض ابيات الشعر
و نطيع أولى الامر منا
---------------------
الامة التى تخوض صراعا ... تصنع مجدها الى الأبد
و بينما كانت الامم تخوض الصراع كنا نلهو و نحتفل على ضفاف النيل السعيد
نعيش تكافليا على الاخرين ... و نبنى الاهرامات .. و يحكمنا مبارك
جيمى هود
ReplyDeleteيبدو انك اعدتنا الى التاريخ من اول تاريخ النيل فى مصر
لكن استوقفتنى اشياء هل حالة الخنوع والانبطاح منذ القدم بمعنى هل المصريون الذى بنوا الاهرامات واقتحموا الارض وعمروها وابتدعوا اشياء واشياء ما زال العالم يحاول سبر اغوارها هم ذات المصريين الذين ينبطحون الان تحت حكم مبارك يلوثون النيل مصدر الماء الوحيد وأصل الحياه على الارض المصرية
هل العقلية الفرعونية القديمة وقعت تحت تأثير طفرة سلبية ثم مع التوارث يوم بعد يوم ساءت حتى وصلت لهذا المستوى من الانبطاح ؟
اكاد اجزم ان هناك فرق شاسع بين حضارة الفراعنة المفترض انهم اجدادنا وبين ما نحن عليه ولقد برعنا فى تحقيق هدف لم يسبقنا اليه احد وهو التحرك للخلف والانتهاء من حيث بدأ الاجداد وليس الابتداء من حيث انتهى الاجداد
العجيب المناقض ان العقلية المصرية تبرع وتتعايش وتحقق النجاح خارج المجتمع المصرى اليس هذا محيرا وليس دليلا على شىء الا على خطأ فى المنظومة القيادية منذ الزمن السحيق وحتى الان
فقط احببت ان اشير فى محاولة لتحديد اين يكمن الخطأ
وتحديد الخطأ هو اول الطريق اللى ملهوش نهاية:(
الامة التى تخوض صراعا ... تصنع مجدها الى الأبد
ReplyDeleteو بينما كانت الامم تخوض الصراع كنا نلهو و نحتفل على ضفاف النيل السعيد
نعيش تكافليا على الاخرين ... و نبنى الاهرامات .. و يحكمنا مبارك
--------------------------
عجبنى اوى الجزء دة وان كان الى عجبنى اكثر تفصيل موضوع النيل دة يمكن هوا خلانا شعب كسلان بس عفوا...
هوا احنا شعب بيعشق الكسل...تحياتى يا جيمى
النيل جابلنا الميه
ReplyDeleteوجاب معاها الحياة
بس مقلناش نعمل بيها إيه
المشكلة فينا إحنا
مش إحنا اللي بنينا الهرم
بس إحنا اللي سايبين مبارك
تحياتي
tota
ReplyDeleteانتى لمستى منطقة انا مخصص ليها فصل كامل فى الكتاب اه البوست دة قبل ما انسى هو تقديمة فكرة الكتاب اللى بكتبه ... اللى انتى قلتيه دى يدفعنا لسؤال مهم ... احنا فعلا مبدعين و خلاقين منذ قديم الازل و لا احنا ما كنا الا سخرة و عبيد عند قلة من المفكرين وفرتلهم السلطة الفرعونية الامكانيات انهما ينفزوا ابداعهم
انا اقصد ان زى ما كان زويل دلوقت مثلا فى مهندس الاهرامات بس الفرق ان الامكانيات متاحة كانت فى الدولة الفرعونية لكن دلوقت الامكانيات فى المهجر اللى بيحتضن كل مواهبنا و بيوفرلها الامكانيات
خلى بالك انا بس بقدم عرض للافكار بعيدا عن التوثيقات اللى ممكن تنهكنا فى مناقشطها دة مجرد طرح بس مش اكتر
المنظومة القيادية تقريبا واحدة يا توتا الفرق الامكانيات بس مش اكتر
الغزالى
ReplyDeleteبالعكس بقة احنا فعلا مش شعب كسلى بدليل ان بنجرى على لقمة العيش من الفجر حتى و ان كانت لقمة العيش دى تافهه و مش هاتسد جوعنا
احنا الكسل اللى عندنا كسل فكرى اكتر منه كسل بدنى
alien
ReplyDeleteجميل كلامك دة بيأكد اللى انا بقوله فعلا
ياااه فكرتنى بكتاب التاريخ بتاعنا زمان لما كانوا بيقولوا النيل هو الى خلى المصريين مسالمين و عمرهم ما خاضوا حروب منهم لنفسهم
ReplyDeleteبدليل ان حتّى فى عصر قدماء المصريين عمرنا ما إحتلينا حد
و غالبآ أول جيش عملناه كان بعد ما الهكسوس جم و إحتلونا
يعنى لو شفنا تاريخ اى أمة هنلاقى قبائل اتصارعت مع بعضها يا على بير مياه يا على أكل أو على أى حاجة و فى الآخر اتصارعوا على السيطرة على بعض و بعدين اتجمعو و عملوا دولة لما عرفوا ان مصلحتهم فى لم الشمل
لكن احنا عمرنا ما حاسينا بقيمة النعمة عشان عمرنا ما فقدناها
يعنى فى البدئ مينا وحّدنا و دى كانت اول و آخر صراع فى حياتنا
بس تعرف دائمآ بحسنا فاقدين الحافز أكتر من أى شيئ تانى
يعنى ممكن لو جالنا أى حافز نرجع نبقى أمة حية تانى
أو ممكن الى احنا فيه ده عصر إضمحلال بيمر بأى أمه و هنرجع تانى
"او ممكن أنا بحلم"
غالبآ من كتر اختلاط أجناس المصريين بالبلاد التانية
اتكونت شخصية جديدة للمصرى فيها مسالمة المصريين و ضعف إرادة بقيت الأجناس
مين عارف ... أنا بأمن بأن الإنسان هو الإنسان فى كل مكان
و إن الفرق بين المصرى و أى واحد تانى الثقافة و المعتقدات و ده شيئ مش ثابت و وارد يتغير
يعنى ممكن تلاقى نفس الإنسان المصرى الخانع اتحركت فيه غريزة البقاء واتمرد على خضوعه
لول شكلى بحلم جامد
و عندك حق أنا أول انسانة بكسل حتى أشغل مخى
بوست جميل أوى "أصلآ بتعجبنى أفكارك عشان جديدة كدة" و آسفة على الكومنت الطويل :]
جيمي اولا الاسم لوحده حكاية
ReplyDeleteلعنة النهر هل حقا للنهر لعنه كما كان للفراعنه لعنه وهل اللعنة موجودة من قبل ان نجعلها نحن لعنه ...اعتقد عندما يولد الانسان ولا يقدر ما لديه من نعم انعم الله به عليها ولا يهتم لها فتصبح النعم نقمات ولعنات عليه لانه لم يتعب عليها ولم يحافظ عليها كانسان ولد ولديه اموال كثيرة ولم يستخدمها بطريقة صحيحة تحولت هذه الاموال التي قد تحقق له الحياة السعيدة الى لعنات لسوء الاختيارات التي قام بها
الشعب المصري حسب قراءاتي هو يعد اذكى شعوب العالم
ولكن كما قلت المواطن المصري اصبح مستسلم ينتظر ما يأتيه فقط ولا يسعى الى الافضل
كما قالت توتا ان المواطن المصري خارج حدود مصر يبدع ويحقق افكارة ويقوم بانجازات عديدة
لانه يخرج لنقول من الاطار او الصندوق الخشبي الذي يولد معه ويجمد افكارة وربما هي ما اسمينها لعنة النهر لانها تجعل الانسان غير مدرك للحقائق التي حوله ولا يقوم بتصحيحها..على امل ان يجد المصري فك لغز هذه اللعنة ..
تحياتي بوست رائع
الصورة مضحكة ها ها ها ها ها ها ها (ألف مرة)
ReplyDeletespellz
ReplyDeleteنورتى المحكمة يا ستى
و متشكر جدا ان افكارى بتعجبك
rasha
ReplyDeleteصدقينى مش عارف يا رشا موضوع الصندوق الخشب دة انا فكرت فيه الف مرة كل مرة ببقى بحاول اشوف سبب اننا محبوسين فيه و راضيين و عايشين و مش بلاقى اى سبب لكدة احنا دخلناه و الله اعلم هانطلع منه امتى
أغلو
ReplyDeleteالفهالك فى ورقة ؟؟
نظرة خارج الصندوق كالعادة تضافرت مع رمز الثورة الحمراء باسفل لتفك شفرة جيمى هوود (كده الكارت ركب ) شفت البداية الغلسة دى
ReplyDeleteعودة قوية كالعادة يا مستر جيمى بالرغم انى مش متفقة معاك مليون فى المية لان لعنتنا مش النهر فى رايى لعنتنا اننا شعب بيتلذذ بالشعور بالاستشهاد وبانه مضطهد من الاخرين سواء كان الاخرين دول محتل ولا ابناء البطة البيضاء من رجال اعمال وحكومتهم اعتقد ان احنا الشعب الوحيد فى الدنيا اللى بيلتذ بالقهر والضعف بدليل اسال اى واحد انت عامل ايه هتلاقيه بعد ما كان بيهزر ويضحك يقلب وشه ويقوللك (اهو الحمد لله ادينا بنعافر مع الدنيا )عمرك ما تلاقى حد يقول كويس الا بمعجزة حتى لو كان بخير فعلا بس هو مش حابب انك تحس انه بخير مش حابب يظهر للحظة انه مش مقهور بفقر او مرض او حتى عدم قدرة الاخرين على التماهى معاه ومسايرته كان الاعتراف بانه بخير هيفقده جزء من شرفه
ياللا ما علينا
وانت عامل ايه ؟
Gimmy
ReplyDeleteit was great seeing you last week.
I hope one day, I can welcome you in New York
Raafat
لا يا جيمي
ReplyDeleteاحنا مش طول عمرنا عايشين على اختراعات غيرنا
احنا طول عمرنا بنخترع لغيرنا والظرف اللي احنا فيه دلوقت هو الاستثناء
عزة
ReplyDeleteكالعادة تعليقاتك فى الصميم و بقالى كام بوست مش عارف ارد على ولا تعليق من تعليقاتك
بيصيبنى خرس الاسماك لما بقراها
رأفت
ReplyDeleteسعدت جدا بمقابلتك و خصوصا
اننا عرفنا نختار المناسبة الصح
او قل المصادفة اوقتنا فى اسكندريلا و حفلتها الرائعة
شكرا جدا على الدعوة
و ان كنت لسه ما حسمتش قرار سفرى لكندا
بس طبعا انا اتشرف انى ازورك
نوارة
ReplyDeleteفين بقة اللى احنا اخترعناه لغيرنا دة بقة
تدميس الفول ؟؟؟
رافع معنوياتى كالعادة يا جيمى يا جميل بس برضه مقلتليش انت عامل ايه
ReplyDeleteيا جيمي زي ما قلت لك
ReplyDeleteاحنا خلاص حدود اختراعاتنا وافتكاساتنا انتهت عند حدود العهد الفرعوني استنفذنا كل ذكائنا مع نهاية تلك الفترة حتي انت مش ملاحظ ان كل حاجة يتقال اول مش عارف ايه يرجع لاجدادنا الفراعنة
حتي الجبنة النستو والايس كريم
القصاص لأرواح شهداءنا من الاسرى
ReplyDeleteشركة تنظيف موكيت غرب الرياض
ReplyDeleteشركة تنظيف موكيت جنوب الرياض
شركة تنظيف مساجد شمال الرياض
شركة تنظيف مساجد شرق الرياض
شركة تنظيف مساجد غرب الرياض
شركة تنظيف مساجد جنوب الرياض
شركة مقاولات بالرياض
شركة تنظيف مجالس شمال الرياض
شركة تنظيف مجالس شرق الرياض
شركة تنظيف مجالس غرب الرياض
شركة تنظيف مجالس جنوب الرياض
شركة نقل عفش شرق الرياض
شركة نقل عفش شمال الرياض
شركة نقل عفش غرب الرياض
شركة نقل عفش جنوب الرياض
شركة نقل اثاث مع التغليف بالرياض