المتحرشون يخرجون أعضائهم التناسلية للفتيات فى المنصورة شهادات جديدة و تحليلات


تم تحديث البوست
.

 حاربوا السعار

بوتسر من تصميم الفنان سيزر ديابلو .
بعد نشر الاحداث السابقة عن التحرشات الجنسيه بالفتيات فى وسط البلد
ارتفعت حدة المطالبة بعدم السكوت على تلك الممارسات الشاذة
و معها أيضا ثارت الكثير من الفتيات مدافعين عن حقهم
فى شارع أمن خالى من التحرشات الجنسية المنتهكة لحريتهم و أنسانيتهم
بعد كتابتى و كتابة الزملاء عن الموضوع
ارسلت لى صديقة من المنصورة رسالة ترجونى محادثتها تليفونيا
بخصوص الموضوع سابق الذكر و تم الاتصال لتسترسل فى الحكى كالتالى
و الكلام على لسان الصديقة
خرجت ثانى أيام العيد بوسط البلد فى المنصورة ضايقنى المعاكسات الشديدة من الشباب
و هذا أمر عادى يحدث يوميا لكل فتاة تقريبا و قد يتطور الامر الى الملامسة
بالايدى اما ما حدث لى لا أتصوره على الاطلاق ان يحدث مع أى فتاة
و خصوصا فى الشارع فأثناء رجوعى للمنزل انا و صديقتى
بعد زهقنا من الخروج من جراء المعاكسات المستمرة بالالفاظ النابية
كنا نمر فى شارع مرور المارة فيه خفيف لانه شارع جانبى وسط المنازل
و كان يأتى من أمامنا شاب فى العشرينات من العمر
عندما أقترب منا فوجئت بأنه فاتح سوسته بنطلونه و مخرج عضوه الذكرى
خارج البنطلون و يحاول أثارتنا بتحريكه بيده
صرخت صديقتى و انا صرخت بدورى فقال خائفا متخافوش متخافوش
مش هاعملكوا حاجة و لا هالمسكوا أتفرجوا بس و انا هانبسط بده
جرينا و انا و صاحبتى , من الصدمة مش قادرين حتى نشتمه
و لما سألتها ليه ما قولتوش لحد من الشارع لما خرجتوا منه مثلا
علشان يجروا وراه قالت كنا خايفين دة اولا و كمان خايفين
لحسن نروح القسم و نشهد و كدة لو مسكوه
و هايكون شكلنا ساعتها وحش قدام البيت
ودعتها على وعد بتسجيل شهادتها صوتيا و ارسالها لى
على ان انشرها و ارسلها لمركز حقوق المرأة الذين
يهتموا بتلك الشهادات عن التحرش بالفتيات
---------------------------------------
أعادت تلك القصة روايه أحدى قريباتى منذ سنة عن أثناء سفرها
لقرية من قرى المنوفيه لزيارة صديقة لها
انها فوجئت بنفس المنظر وسط الزراعات لشاب
تمركز فى مكانه حتى تراه و هي ماره فى طريقها لمنزل صديقتها
فأخذ مكانه بين الزراعات على طرف الطريق مخرجا عضوه الذكرى
ملوحا لها به فى زهو و كان رد الفعل لقريبتى هوه رد فعل
صديقتى بالجرى هروبا من ذلك المنظر
----------------------------------
شهادة أخرى تم أرسالها لى بالبريد
من صديق من محافظة طنطا كان فى زيارة للقاهرة
للتنزه فى ثالث أيام العيد
و هذه شهادته أنشرها كما هى
انا كنت ماشى انا ومحمد سمير فى امان الله
وفجاة لاقيت فى ناس بتجرى قولت لمحمد هو فى ايه العيال دى اتجننت
ولا ايه ذهبت الى المكان اللى الناس بتجرى عليه انا قولت فى عقل بالى ان فى ممثل شهير
ولا حاجة لاقيت الناس دى بيقفشوا فى بنت حتى قطعوا البدى بتعها
وهى لا حول لها ولا قوة وفجأة لاقيت الجرابيج طالعة من المحلات
بشكل غير عادى والناس دى كانت كتيييييييييييييييييير اوى
ولاقيت ناس تانية متوجهة الى 3ضحايا
بس كانوا لابسين الشفتيشى والقصير كانوا يعجبوا الباشا
بجد يعنى اتلموا عليهم كالعادة وفجأه لاقيت اجمد بنت
فيهم مرفوعة لفوق من تحت يعنى وكانت ظيطة بقى انا شفت المنظر
قولت لمحمد شفت قلة الأدب الغير متناهيه وسمعت البنات دى
بتستغيث بأى احد وتقول بصويت الحقونا هو فى ايييييييييييييييييييه
ولاقيت اللى بيقفش واللى بيفرش واللى بيدعك واللى عايز يبوسهاحاجة مسخره
كانت الدنيا زحمه نيييييييييك والسيارات واقفة وفجأة لاقيت قلة الأدب اشتغلت
على العربيات كمان اللى فيها بنات لدرجة ان البنت
اللى كانت سايقه العربية خافت وقفلت العربية مسوجر وزجاج مش يسبوها
بقى لألألألألألألألأ دول شالو العربيه والبت فيها أحة يعنى
ولاقيت السينمات كلها وكر للدعارة كل واحد معاه بنت حططها
تحت جناحه وبيقفش فيها لحد ما يشوف زملاؤه يقطعوا التذاكر
وفضلت مراقب الواد دة لحد ماقللى فى حاجة يا كابتن قولت لا
كانت اخخخخخخخخخخخخخخخر مسخره والله يا جيمى
انا لا قيت المنظر كده قولت لمحمد سمير
يلا نروح او نروح الحسين ذهبنا الى الحسين
محمد فودة - طنطا
أحد المتنزهين ثالث يوم العيد فى شوارع وسط البلد
--------------------------------------------
كما قامت أحد المدونات بحكاية أحداث تحرش سابق بها
فى بوست يعد بدايه لثورة الفتيات و حكاياتهم عن التحرش
---------------------------
بنت سعد مدونة أسلامية معتدلة من حزب الوسط
يعتبر من أكثر التحليلات واقعيه و أعتدالا عن هذا الموضوع
------------------------------
أخيرا أرسلت أحدى الصديقات رساله عبر الايميل
نصها كالتالى
ما كنتش مصدقة الكلام اللى انت نشرته على مدونتك
الا لما جاتنى رسالة على الموبيل من واحدة صاحبتى
بتقولى ما تنزليش وسط البلد علشان البنات بتتبهدل
و الولاد مش راحمين حد
-------------------------------------------
أظن واضح أن السكوت ما عدش ليه فايدة
و أظن ان ما فيش حد دلوقت يقدر يقول دول شويه مدونيين
كانوا خارجين مع بعض و قرروا يعملوا ضجة
يا ريت كل البنات فعلا ما تسكتش لان بعد اللى حصل
فاضل خطوه واحدة بس على اعتبار ان الاغتصاب أمر عادى جدا
و ممكن يحصل لاى واحدة
--------------------------------------------
الكلب الحكومى الصحفى عبد سيده الكلب
كرم جبر
يشكك فى مصداقيتنا فى نقل الحدث متهمنا بالكذب
و متهما وائل عباس على وجهه الخصوص
و الجدير بالضحك انه اخذ كلامى فى التدوينة السابقة
و نسبه لوائل عباس مما يدل على غبائه الصحفى
اضغط على المقال للتكبير

el kalb karam

يا خادم الفرعون و عبد احساناته

سوف اسعد و رقبتك معلقة على نقابة الصحافيين

بعد نزول ولى نعمتك من الحكم فى مصائر شعب مصر

.

.

kill-Bloggers

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

أندلاع ثورة الهياج الجنسى بشوارع وسط البلد


تم تحديث البوست
.
.
واحدة اصطادوها

اصحاب المحلات يضربون احد الهايجيين

تصوير وائل عباس رفيق معركة الهايجيين جنسيا
أجلس مع الزملاء على المقهى معزيا نفسى على أنقضاء عيدا أخر و أنا وحيد
لأجد أحدهم يأتى يبلغنا بأندلاع الثورة قاصا علينا الاحداث الاولى لأندلاعها
نهب دافعين الحساب للحاق بركب الثورة حتى لا تفوتنا فنعض على النواجز
قائلين يا ريتنا كنا معاهم
ندخل شارع طلعت حرب و نلتحم بالجموع كلهم ممن طحنهم الفقر
و البطالة و أصبح لا سبيل لهم الا الثورة
وقفت منتظرا سماع خيوط الهتاف الجماهيرى
كى أنخرط مع الجموع هاتفا بسقوط نظام أكل الدهر عليه و شرب
لم أجد أبطال مناضلين محمولين على الاكتاف هاتفين بحب الوطن
بل مجموعة من الهايجيين جنسيا الخارجين من بوتقة الحرمان و الكبت
و الذين وجدوا صيدهم السهل وسط الزحام فأخذوا فى الهجوم بأعداد
غفيرة على كل من تحمل تأء التأنيث فى الشارع
مستعملين أسلحة الثورة من شتائم و سباب و أصابع
مهللين لكل قطة تقع فى مصيدتهم
مطاردينها حتى اخر قطرة
فإما الوقوع فى الارض و الاستسلام
وإما الهرب الى أحدى المحلات التى اصبحت كملاجىء القصف
مع هذا كله لا تستغرب أستنكار كبار السن لملابس البنات
و أنهم يا عينى هما اللى عملوا كدة فى الشباب ووصلوهم لكدة
او رمى اللوم على مصر اللى مابقاش فيها رجالة
و بيسيبوا بناتهم تخرج كدة
و لا تستنكر تخاذل الامن ووجود عدد لا يتعدى العشرة أفراد
فالثوار هذه المرة مطالبهم جنسية بحته
تحيه لأبطال الثورة الحقيقيون
الفقر
البطالة
العنوسة
الكبت
الحرمان
فأولائك الهايجون فى وسط البلد اليوم
ماهم إلا أدوات فى أيدى هؤلاء
----------------------------------
هوامش على الحدث
معظم من يقرأ البوست هنا أو الاحداث بالتفصيل عند مالك
يعتقد أننا كبرنا و خرفنا و مستنكرين قوى الاحداث دى
و بيقولوا اننا بنهول و أن دة عمره ما يحصل
و أحنا كنا فين من اللى بيحصل
هاقوله اللى مالك وصفه و اللى انا كتبته نقطة فى بحر
----------------------------------
استفتاء لابد منه

ماهى اسباب احداث وسط البلد؟ .

الشباب مكبوت و محروم .

البنات و السيدات و لبسهم .

التعتيم على الجنس فى مصر .

النظام و استهتاره بالحدث .

نزول البنات للشارع من الاساس .

اهدار حقوق الانسان من الاساس فى مصر .

دى كانت مجرد فوضى .

.

.
.
مشاهدة النتائج
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

الاقوال المأثورة لمرحلة التوريث


pharoh MObarak

على وزن الاقوال المأثورة لفؤاد نجم

المجد للفرعون فى الاعالى و للشعب الهوان

و على مصر الخراب

مواطن مصرى تعبان من سفر ما قبل التوريث

----------------------------- اذا الندل حكمك بيحكم لعله

و تسمع وعود زى كدب الاغانى رئيسك حبيبك تعب من الرياسة

و زهق و قرر يورث عياله فخليك سو ايزى و طنش عزيزى ما احنا شعب مهرتل و فانىو بما انك اشتريت الرئيس بالخسارة

و ضيعت حقك فى أختيار مثالىفلما تهب رياح النهايه

هايفضل مكلبش عشان خاطر عياله واحد وطنى لحركة كفاية من سفر التوريث

-------------- ابويا الرئيس قبل اما احكم دعانى وعظنى و نصحنى و سلك ودانى

بان انتوا شعب موطى و مطاطى

و انى راح أحكم مفرفش و هانى

فيا شعب أهلا بعصر التلاهى

دة عصرى كويس و حلو و باهى

جيمى بيه من سفر ما بعد التوريث

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

Blogger Kids


kid_blogger

Well Yes, we Could read Your Blog ....

Or You Could Just Tell Us About

Your School DAK??

Many THnx To BorgMan

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

عيد ميلادى التدوينى و الأنطلاقة الثانية


happy gemy bloging Day

ايها الشعب بعد سنة من عمرى التدوينى

أبشركم بمشروعى الذى يعد أمتدادا للفكر الجديد

سوف ننتقل إلى عصر المدونات النووية

- صوت هتاف جماهيرى حاد -

أهب مفزوعا من النوم مستعيزا من كل شياطين الارض فلكى أحلم هذا الحلم الرهيب لا بد و ان تكون كل شياطين

الارض عملت حفله لتخريب نومى الهانىء فلقد رأيت خير اللهم أجعله خير أنى بقدرة قادر

بقيت أبن الحاج بلوجر ذات نفسه و ظهر البلوجر فى الاحتفال بمرور سنة على عمرى التدوينى و قد شاخ و هرم

و شعره من كتر الصبغة وقف و أصبح لا يملك الا النظر الى المدونيين و هم يخطبون ودى طمعا فى زيادة مساحاتهم

الافتراضية ..... و فى ليلة عيد ميلادى التدوينى تقمعت و تلمعت بكل أكواد الاتش تى أم ال ووقفت أخطب فى الناس

و فى مخيلتى صورة لتخاريفى و هى تجلس على عرش التدوين لفترة رئاسة سادسة و لربما أكسر القاعدة و يتم تخليدى

و مع أعلانى برنامجى التدوينى النووى للفترة القادمة ارى الشعب التدوينى العبيط و قد سالت ريالته لوعودى البالونية

فأضحك ضحكة داخلية مجلجلة قائلا : أطمن الشعب دة راكع راكع

دعكم من التخريف السابق .... و لتعتبروه تشابه فى أسماء الدلع

فلقد منانى ربى بمصيبة أن يكون أسم دلعى نفس أسم الدلع الذى يلعن من النشطاء السياسيين ليل نهار

و لكننى تعودت على ذلك ممنيا نفسى بشقة و عربية لكل اللى اسمهم جيمى يهبطوا على رأسى المسكين

فى عيد ميلاد الرئيس القادم ..... شريطة أن نتحمل جزء كبير من السباب الموجه لوالدة سيادته

-----------------------------------------

فكرت ان تكون انطلاقتى الثانية حاجة تانيه فعلا

و زى ضيوف برنامج من سيربح المليون

قررت الاستعانة بصديق

و تم أختيار اسم له بمساعدة صديقى أيوب

تــــوتـــــو عــــبود

دة بعد ما اقنعنى ايوب انه قال ايه

يبقى على وزن جيمى هود

شكلى كدة ابتديت اغير منه

من فترة و انا بعمل الاعداد لظهور توتو عبود

و كل ما كنت ابص فى شكله احس انه غبى جدا

و سعات يكون زكى جدا

ارجع ابصله تانى احس انه مجنون

و كتير كنت احس انه اعقل العاقلين

فارتبطت به روحيا لانه من الاخر عامل زى حالاتى

------------------------------------------

اخيرا سنة زى كل السنيين يمكن يكون فيها تدوين

بس برضوا ما حلتش السؤال الغبى

زمان اتولدت ، دلوقت رايح لفين ؟؟؟

cake from gemy to bloggers

اللى مالحقش التورتة ممكن ياكل جاتوه فى الملحق

مع تحيات الراعى الرسمى لعيد ميلاد جيمى التدوينى

تـــوتو عــــبود

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

لا .. لن أكون مثل عم إيميل أبو جورج


CrazyMan

كانت ضرورة حتمية أن يصل صديقى العزيز أيـــوب الى ذلك التحليل لنهايتى ومصيرى
فبعد يومان بلياليهم قضيناهم سويا فى المناقشات و المجادلات و الحكاوى و الضحكات
و القفشات و الخد و هات و الحديث عما مضى و ما هو أت
سكت أيوب بعد أصغائه لحكايتى لأكثر من أربع ساعات يتخللهم ركوب مواصلات
و سحور و تليفونات و صعود سلالم ثم الراحة على أريكة أيوب
لأختم القصة بسوداويات نهايتها
كسر أيوب صمته بحكايته عن عم أيميل أبو جورج
ذلك الشاعر الموهوب الذى كتب له بعض من شعره فى السابق
و الذى خرج من سبع دول عربية موسوما منها بأختام الخروج بلا رجعة
لخطره على أمن تلك البلاد و أستقرارها
و من فعل التعذيب أصبح يهزو و يشطح بخياله
و يتكلم عن طاقاته الروحانية
و ادراكاته لمكنونات و أسرار ذلك الكون
و عندما لمح أيوب تلك النظرة المستخفة فى عينى راح يقرض بعض من أشعار
عم جورج التى ما زادتنى الا ذهولا من فرط حرفيتها
و تعارضها مع شخصية عم جورج الغريبة الاطوار
ادركت قبل أنتهائه أننى المعنى من تلك القصة
و صرح اننى سوف أصبح مثل عم إيميل أبو جورج
أدور أهذو فى الطرقات و قد عذبتنى و قتلتنى مواهبى و قدراتى
التى افنيتها فى عالم أشارته سالبة على حد قوله
و انا المعذب الذى يحمل الاشارة الراديكالية الموجبة
و الطبيعى ان حاصل الضرب سوف تكون نتيجته بالسالب المغارى
و يضحك متندرا من كون أسم دلع عم إيميل هو ميمى
و الذى يفرق بحرف واحد عن اسم دلعى و تهشيكى
ينتهى أيوم من تحليله بنصيحة الاخ
أما بتغيير الوسط السالب الذى أحيا فيه
أو تغيير أشارتى التى أصبحت غير مرغوب فيها
يتركنى ايوب لأغرق فى نوم محمل بأطنان من الكوابيس
أرى فيها نفسى و قد صرت مجنونا اقرض الشعر فى الطرقات
و ارسم بأصبعى على تراب الشوارع رسوماتى
التى حرمنى القدر من رسمها بشكل طبيعى
و اتحدث عن قدراتى الخفية السيبرية على رؤية
مسخدمى الانترنت مجردين من ملابسهم أثناء وجودهم على الشبكة
و أغنى الحانى القديمة على النواصى شاخذا جمهور قد تخليت عنه فى السابق
و اقص على المارة تفاصيل ثورتى الحمراء
التى أقتحم فيها العمال و الفلاحين القصر الجمهورى
و بين موجات العرق المستبد بى من جراء كوابيسى
أشعر بالاختناق لأننى لست نائم على الاطلاق
بل فى قمة الشعور و الادراك
و قد أطلت بعض الذكريات عن لحظات من التجارب
الهذيانية فى الماضى
تصورت فيها أننى رب هذا الكون الاعلى
فعذرا صديقى فقد كنت صادقا
فأنا مثل عم إيميل أبو جورج
من قبل أن تعرفنى
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.