التظاهر و نظرية الذين رقصوا على السلم


monica-stewart-dance-of-joy
كنت غير منصفا عندما تسائلت عن ماذا بعد التظاهر؟
فقد كان من الاولى أن أطرح أشكالية جدوى التظاهر و إن كان مؤثرا
فى القرارات الدولية و المحلية من عدمه
تظاهرنا و تظاهرنا...... و سنتظاهر
فهل لبى هذا النظم الداعر مطالبنا ؟؟؟؟
أعترضنا على مواد دستورية فوجدنا ودن من طين وودن من عجين
تظاهرنا من أجل قضاء حر فأعتقلنا النظام و تخلى عنا القضاة
نحن بالنسبة لذلك النظام مجرد كلاب تعوى و تندب
داخل كردونات أمنيه حصينة
شلة من المجاذيب يثيرون شفقة شعب قد تحكم عليه الظروف
أن يمر بجانب مظاهرة ما
فيضرب كفا بكف على حال هؤلاء المجانين الذين ألقوا أنفسهم بأيديهم
الى التهلكة و مشوا بخطرهم فى طريق اللى يروح ما يرجعش
و بذلاك تحولنا الى راقصين على سلم مصر
و لا أصحاب القرار اللى فوق سمعونا و نفذوا مطالبنا
و لا الشعب اللى تحت تأثر و تعاطف و تضامن معنا ليحقق لى أمنيه قديمة
أن اتذوق معنى كلمة مظاهرة حاشدة
رقصنا و رقصنا ..... و سنرقص على سلم مصر
فهل تغيير دستور؟ هلى حررت فلسطين؟ من جراء تظاهرنا
هل أعلن النظام تضامنه حتى مع لبنان فى محنتها؟
هل طرد سفير؟ و أغلق سفارة قتلة الاطفال على أرضنا
فهيهات أن يغيير رقص قرارات دولة منبطحة عميلة
و من مكانى هذا أعلن حركة راقصيين على السلم
من أجل التغيير
بمنسقها العام
فيفى عبدة
و أديها هز أديها .... السر كله فيها
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

20 comments:

  1. ما بعد التظاهر من المفترض في رأيي ان يكون العصيان المدني والاضراب العام من اجل اسقاط نظام الحكم.ز
    وفي رأيي ايضا ان التظاهر هومجرد وسيله لتجميع الشعب حول هدف ومن هذا الهدف ننطلق لتحقيق العصيان المدني..ولكن الشعب المصري شعب ابن ناس مالوش في البهدله دي ..خليهم نايمين احسن..

    ReplyDelete
  2. المرأة المجهولة8/06/2006 03:54:00 PM

    عندي دروس فينا و نينا للرقص
    هايلة والله هوب واحد اتنيين خطوة قدام خطوة ورا قصعة و لفة و هووووووبةةةةةةةةةة
    سيبك انت بلا تظاهر بلا وجع دماغ
    ساعة الحظ ما تتعوضش
    و اديها رقص اديها
    ------------------
    سلملي علي ميه البحر
    و رملة الشط
    و احضن لي هوا ارض الفيروز

    ReplyDelete
  3. بالظبط ياستاذ محمدنقيب

    التظاهر هو الطريق الا العصيان
    بمعني ان التظاهر هوه خطوه علي الطريق
    لكن خطوه في منتهي الاهميه

    وكمان زي ماقلت قبل كده
    ان ساعات التظاهر بيحقق حاجات مرجوه منه
    بس بتكون مطالب صغيره وقليله
    كافراج عن معتقل

    او قانون مثل قانون الصحافه
    او غيره


    المرأه المجهوله

    ميه ميه واللهي

    استمري استمري

    ReplyDelete
  4. محمد النقيب

    بص يا ابو حميد كلنا عارفين ان العصيان المدنى هوه الحل

    طيب هاتنفذ دة ازاى

    طول عمر تاريخنا نفسنا ننظم عصيان مدنى واحد ناجح

    طيب هاترتب له ازاى من غير قمع و سحل

    استحالة الشعب المصرى دة بعقليته دى ينفذ عصيان مدنى

    ReplyDelete
  5. المرأة المجهولة


    دة الملاحظ انك عارفة خط سيرى و عارفة انى فى القريش شوفت يا شوبش

    اخوك الناس بتراقبه

    امن الدولة و المعجبات :p

    ربنا يزيد و يبارك

    حاضر هاسلملك على فيروز

    و اكلك رملة الشط

    ReplyDelete
  6. يا شوبش صدقنى التظاهر موضة

    و انتهت

    دلوقت معظم المتظاهرين بقوا يتظاهروا من اجل التظاهر بس

    ادمنوا التظاهر

    لدرجة ان ما عندهمش البديل


    كلمة كدة انت بتحبها :d

    دة مش تخريف و لا تشليف

    و لا تخا تخا و لا ملك و جاه

    بلوج نضيف بوست نضيف

    جاى و بوستات جايه وراه

    :p

    أى خدمة بقالك فترة ما سمعتش اغنية البلوج ههههههههههههههههه

    ReplyDelete
  7. المرأة المجهولة8/07/2006 03:46:00 PM

    يا مسطول انت اللي قلت لي انك في العريش بتستجم

    ReplyDelete
  8. المرأة المجهولة8/07/2006 03:48:00 PM

    هي العريش بحر ابيض وولا البحر الاحمر؟
    اعتقد الاحمر
    مش مهم المهم ان اتفسح لي و ليك عشان انا مش عارفة اخد اجازة اصيف

    ReplyDelete
  9. انا بس عايز اعرف حاجة
    ازاى شلت اعلان البلوجر اللى فوق
    لو سمحت

    ReplyDelete
  10. هوه احنا دلوقتي مبنعملش غير التظاهر و التظاهر لوحده حاجه ايجابيه أحسن من اللي بيقولوا مش احنا اللي هنغير و أكيد قريب أوي لما نتبهدل أكتر و أكتر ممكن الشعب الجعان كلوا يقوم واللي مش لاقيين شغل هيتحركوا عشان ساعتها هتكون كل الناس متحطمه و متبهدله أكتر و مش هيفرق معاهم حاجه ولا سجن ولا تعذيب و أحنا بنقرب على الفتره دي
    و بيتهيألي في ناس بدأت تتغير من السلبيه للايجابيه مع ان نسبتهم قليله بس أكيد هيزيدوا

    ReplyDelete
  11. انا بعتبر نفسى جديد على موضوع المظاهرات بس نزلت كذا مرة الفترة اللى فاتت و فعلا حسيت ان فى ناس ادمنت الموضوع , ده انا حتى سمعت شوية تعليقات زى : المظاهرة الجاية فين و امتى و حاجات كده

    و برضه مع كلامك ان المظاهرات فى مصر مش هتعمل اى حاجة , لا هتأثر فى الحكومة الظالمة المستبدة و لا فى الشعب الجبان اليائس

    بس ماينفعش نبطل ننزل المظاهرات رغم عدم جدواها , لان ساعتها النظام هيبقى نجح يقضى على احلام و طموح الشعب 100% , و لو نسبة اللى بيتظاهروا 1% لازم يكملوا لعل و عسى الشعب يفوء من الغيبوبة و يحصل الاضراب و العصيان المدنى اللى هوهدفنا كلنا لقلب النظام , احنا اخترنا لنفسنا الطريق ده و لازم نستحمله رغم جهل الكثير بأهمية الدور و اعتبرنا مجانين و اغبية

    ReplyDelete
  12. عندما يتحدث الميتون يصمت الأحياء
    بسم الله الرحمن الرحيم بيان من كتائب السيف الدامي الجناح العسكري لحركه القانون المصريه الغير مسلحه للأسف

    للأسف نظرنا كثيرا للتظاهرات ولكن للأسف لا تجدي مع نظام أصلا ما بيحترمشي نفسه عشان يحترم الشعب ، للأسف ايضا حركه كفايه لا تريد أن تبطل تظاهر وتورينا طريقنا تانيه رغم إنها عملت كذا ورشه عملت وندوه عن ثقافه التغيير وإقترحوا وسائل اخري ولكن للأسف لم يتم الأخذ بها
    ومن جانبها فحركه القانون تعلن إنها سوف تقوم بتنفيذ أليات جديده نرجوا أن تنجح
    وحسبنا الله ونعم الوكيل
    ------------
    إلي جيمي هود "هذه رساله خاصه " يعني ممنوع غير جيمي يقرأها

    عملت إيه في ألي إحنا إتفقنا عليه ؟؟
    أنا أجلت الميعاد 7 أيام نظرا لضيق الوقت
    ياريت نخلص عشان لازم نبدأ إرسال قذائف الهاون والكاتيشوا فورا فالموقف يكبر ويتفاقم ، عايز أسأل سؤوال بسيط . متي نبطل مظاهرات بقي

    ReplyDelete
  13. ملش يا جماعة لانى فعلا عندى ظروف و متأخر فى الردود بسبب كدة

    ReplyDelete
  14. يا ايمى


    يا ريت تكتبيلى البلوج بتاعك

    و انا هابعتلك الكود اللى بيشيل الاعلان

    لان دة سطر بيضاف علشان يعمل كدة

    ReplyDelete
  15. فدوة

    احنا بنقول الكلام دة بقالنا كام سنه ؟؟

    انتى مش ملاحظة ان اللى ما بيشوفش من الغربال يبقى أعمى

    ما فيش حد هاايتعاطف ليس فى المكان ابدع مما كان

    الشعب دة ايدك منه و الارض خلاص

    ReplyDelete
  16. خالد

    بص يا خالد انا بسأل ايه بد كدة

    احنا اتحولت المنوضوع كاننا فى كوكى بارك

    الناس بتسال المظاهرة الجايه فين

    و نجيب بقة اكل ايه
    و لا نلبس ايه

    و بقت مظاهرات بارتى

    و النبى دول مناضلين و لا اصلا يستاهلوا يكونوا فى حراك سياسى فى مصر

    ReplyDelete
  17. الى رفيقى ميت

    يغنى ما يقراهاش غير ميت

    أعمل على تدعيم القاعدة يا رفيق

    و توسيعها و نشر الفكر و التوجهات

    انا الان فى رفح

    و أعمل على ضم بعض الاخوة الى الجبهة


    هههههههههههههههههه


    لى النعمة الىل يشوف الكلام يقول بنخطط لحرب ههههههههه


    اطمئن رفيقك جيمى لم ينسى الدعوة ::d

    و زغزغينى يا فانلة

    ReplyDelete
  18. انا رايي ان مش العصيان المدني هو الحل والحل الامثل ان كلنا ننضم للحزب الوطني وساعتها متاكد ان الحكومة هتسيبة وهتنضم لكفاية

    ReplyDelete
  19. اهى دى جامدة

    و الله فكرة و ممكن تتعمل ليه لا

    ReplyDelete