مدونات فى الحمامات


7mam

كتير هايستغرب يقول إيه البوست أبو ريحة وحشة دة و كمان مدونات إيه اللى فى الحمامات دى

قبل ثورة مجتمع المدونين عليا ... و الناس كلها واخدها الحماس بعد حفل المدونين الاول

هانعرض كدة بالراحة مدونات ايه اللى فى الحمامات و هايبان لينا كلنا ان فكرة التدوين

اللى اساسها الخنقة و الكبت اللى كل واحد فينا عايشة فكرة قديمة جدا و كتير عملوها على الطريقة البلدى

أو بالاصح على القاعدة البلدى أو الافرنجى و دة اللى رحمه ربى من القرفصة فى القاعدة البلدى

فى كل المراحيض العمومية المصرية سمة مميزة واحدة و هيه الكتابه على الحيطان و البيبان

لدرجة انك بعد كام سنه صعب تعرف لون الحيطة الاساسى و كأن الوساخة سمة فى شعبنا

لا يا سيدى دى مش وساخة دة اللى أسمه الكبت .... كبت حريات من البيت و الجامعة

و من الحكومة و اللى حاكمنا

و من العيشة و اللى عيشنها

تلاقى أى كلام فى أى كلام تلاقى سياسة و ناس بتشجع ناصر و تلعن سلسفيل الايام الغبرة اللى عايشنها دلوقت

تلاقى واحد بيقول لواحدة سيبتينى ليه .. و تلاقى واحد سايب نمرته للموزز قال يعنى دة حمام مشترك

و تلاقى واحد لامؤخذة سايب نمرته للى لامؤخذه زيه و بيغريه بالاتصال

كل دة تدوين و كل دة تعبير عن حريات فقدوها فى الحياة العامة و لقوا فى الحمام و على الريحة الجميلة

متنفسهم للحرية - يا لهوى على تدابير القدر

بقة الدنيا الحلوة دى كلها مش عارفين نعبر فيها عن أفكارنا و رايحين فى عين الحمام و نتصدر

هاحكى حكايتى مع التدوين فى الحمام

يمكن انا مش من هواه الكتابه فى الحمامات بس من هواة القراءة و المتابعة الجيدة لكل الاصدارات الجديدة

و خصوصا الحمامات اللى انا متعود ادخلها كتير فى الاماكن اللى بتردد عليها

ووصل بيا الاعجاب لنقل بعض تلك الكتابات :D

اما تجربتى الوحيدة فى التدوين الحمامى كانت من سبع سنين و أيامها كنت ساكن فى المدينة الجامعية

ليقت واحد كاتب رأى سياسى و راسم جنبيه شعار ليه و كاتب نيك نيم

و شكله ما حدش رد راح كاتب تانى و راسم نفس الشعار و قايل مفيش جرىء يرد يا ولاد الكلب

كالعادة الصبح قبل ما انزل اصيع فى الجامعة دخلت اصبح على القاعدة اللذيذة و اسيبلها الذكرى الصباحيه

لقيت الكلام الحلو دة روحت رادد عليه و راسم شعار ليا و كاتب اسم المقنع

و فضلت المبارزات بينا خمس أسابيع هوه يرد و أنا أرد و طبعا ظهر لينا مشجعين للطرفين

و فى يوم سيبتله رد قابلنى عند المطعم الساعة الفولانية

ووقفت أستنيته و شويه و لقيت شريكى فى الاوضة و زميل العمر جاى عليا

- أيه يا ابنى بتعمل ايه ؟

- لا أبدا مستنى الواحد اللى هابلنى دة بقاله شهر

- قالى واد مين

- قلتله اللى بنراسل بعض أنا و هوه فى الحمام

- هوه أنت يا ابن الكلب

طبعا كان المفروض أعرف من زمان أنه هوه صاحبى و شريكى

بس تعمل ايه بقة أصل صاحبى كان جبان كيك

و ما تحلالوش الحرية الا على الريحة

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

21 comments:

  1. علي كده انت مدون قديييييييم قوي و إتعاملت مع اكتر من تكنولوجيا للتدوين :)

    ReplyDelete
  2. كتبت قبل ذلك
    عن هتاف المزنوقين في الحمام

    http://www.shadow.manalaa.net/node/150

    ReplyDelete
  3. جيفا : اكيد انت عارف يا حبى ان صوت المدونين من زمان و قبل ما تحصل الثورة المعلوماتيه دة احنا بندون فى كل حتة و بندون سعات على نفسنا كمان

    ------------------------

    الاخ احمد

    هناك فرق يا حبى بين تدوينتك و تدوينتى انت جايب مقطتفات من كلام متقال فى حمامات و سورى يعنى كله كلام وسخ و انا اتكسف اقراه اما انا عامل تحليل و باتكلم عن الموضوع باسلوب تانى و تناول تانى خالص غير الىل انت عامله

    و كمان المفروض تنبسط انك كتبت حاجة شبه حاجة انا كاتبها :d

    و لا ايه يا احمد :d

    ReplyDelete
  4. اجدع حاجة اللى يضحك و يجرى هههههه

    ReplyDelete
  5. أكيد طبعا
    انا فرحت جدا

    ReplyDelete
  6. صاحبيييي .. أيه الجمال ده ..بجد تدوينة جميلة .. و فكرة صايعة لو كانت استمرت كانت هتبقي حلوه قوي .. بس علي كده بقي انت قديم قوي في التدوين

    ReplyDelete
  7. احمد

    و لو انى زعلان منك علشان شتمت على كلمة انا قلتها فى بلوج واحد من المدونين

    بس عادى انا مسامحك لانى عارف ان لسانك اطول منك اصلا دة بعد ما سألت طبعا و عرفت انك ابليس افندى

    -------------------

    اما سيزو

    سيزر صديقى و رفيقى فى الكفاح

    يا باشا من بعض ما عندكم انت كمان جيالك صحوة تدوين الاام الىل فاتت و مغرقنا تدوينات

    ReplyDelete
  8. الكومنت دة لسيزر و الله يا ابنى انت من احسن المدونين اللى شوفتهم و دة راجع انك فنان اساسا يا رب الكل كدة يعلى الزوق عنده شويه لحسن انا طهقت

    ReplyDelete
  9. بجد سا محتنى؟؟

    الحمد لله يا رب .. الحمد لله، يعنى فيه أمل كدا انى احجز جناح بدش في الجنة
    مسخرة

    ReplyDelete
  10. رغم انى أضطريت أسد مناخيرى و انا بقرا التدوينه دى الاانها غجبتنى موووت , أصلها طفحت على عادات قديمه من أيام التدوين فى الجامعه على بيبان الحمامات

    ReplyDelete
  11. ايوة كدة شاطر يا احمد كدة عمو جيمى يحبك طول ما انت كويس و مؤدب و مش بتشتم شطورة يا كميلة



    ---------------------

    بهظ بيه

    على فكرة انا مش اشد المعجبين بكتاباتك و يمكن علشان احنا مدرسة ساخة واحدة

    او يمكن علشان انا بحب بتوع اسكندرية و انت شكلك اسكندرانى

    شكرا على تعليقك الجميل

    و شكرا اكتر على بهججة و كلامها الاروع

    ReplyDelete
  12. نتمنى لكم الفرح والسلام والمحبة لأن السلام افضل من الحرب والمحبة افضل من الكراهية كما ان النور أفضل من الظلمة
    سلام لكم في محبة الله.نتأمل زياراتكم الكريمة لموقع النعمة موقع مجلة النعمة يقدم كلمة الله الكتاب المقدس الإنجيل رسالة السيد يسوع المسيح قراءات مختارة مواضيع مصيرية قصص واقعية شهادات شخصية ترانيم ممتازة ردود مؤكدة كتب بنّاءة رسوم تسالي تأملات يوميات

    ReplyDelete
  13. الحسااام11/28/2006 05:58:00 AM

    على كده المدونات بدأت من الحمامات ونعم البداية ياترى النهايه هتكون فيين؟

    ReplyDelete
  14. الحسااام11/28/2006 05:59:00 AM

    على كده المدونات بدأت من الحمامات ونعم البداية ياترى النهايه هتكون فيين؟

    ReplyDelete
  15. Hi all, ana lesa mobtade2a we 3agebny moot mawdoo3 elmodawant dah. we kaman 3ayza a3raf how to read the original article??? plz reply me

    ReplyDelete
  16. بارك الله فيكم .
    خطير جدا هذا الموضوع

    ReplyDelete