أفرحوا لعلاء
أفرحوا لعلاء
مش عارف ليه و بكل صفاقة و بكل وقاحة البلوج القديم بتاعى وقع
شكل بلوج سبوت قرفانى منى و لا يمكن عليا فلوس لحد جارهم
على العموم ماهى كل حاجة بتقع الايام دى القيم ... المبادىء ... التقالي
د
سلسلة من الانهيارات المدوية
و اخرها سقوط العيلة المباركيه و ظهروها المخجل فى الاحداث الاخيرة
و الله منظرهم بالنسبالى لا يتعدى عن واحدة مومس ممسوكة فى شقة دعارة و نازلة بالملايه اللف تتدلع تملى القلل على البوكس
و البوكس ماهو الا ارادة الشعب الواقفه فى مواجهة طغاة و أباطره هذا النظام الداعر
المهم بسم الله ما شاء الله الواد علاء طالع منور الجرايد الدستور كاتبه عنه و ناشره صورته
دة انتصار لينا كلنا يا شباب التدوين ... يمكن كلنا زعلانين علشان علاء و انا شايف ان حرام نزعل
علاء قدم نفسه ثمن كفاح مجتمع كامل على شبكة الانترنت علاء يمكن اتحبس يمكن اتهان
اتحلقله شعره و دة تحدى سافر للحريات الشخصية للشعب ... بس كل دة يهون
يهون لما نلاقى لينا مكان فى الاحداث.... يهون لما منال تعمل لقاء فى ال سى ان ان
يهون لما المدنة الام لينا تكسب جايزة ... حبس علاء ماهو الا وسام على صدورنا جميع
ا
انا واحد من الناس كنت اتمنى ابقى مكان علاء ...اتمنى انى انول شرف حمل امل و حلم كل المدونيين السياسيين و الغير سياسيين
طبعا الكل حاطت إيده على قلبه و خايف من اللى حايحصل النهاردة
طيب ربنا يستر و ما يطلعوش المرة دى تهمه جديدة بعد فضيحة تهمه توجيه الاهانه لفخامة
يا ترى هاتطلع بدعة ايه كمان الغلط فى الذات العليا لحضرة جنابه
على العموم البلوج الجديد تخا تخا
تخاريفى يعنى
تحت شعار
حارب النظام بنفس سلاحة
التخريف
و يجعله عامر :$
