محدث: لنصرة عباس إبن فرناس ضد فودافون


أطلقت فودافون إعلان جديد، هذا كل ما فى الأمر ..  إشتعلت الشبكات الإجتماعية إعتراضا على فكرة الإعلان معتبرينه إهانة للمقدسات العلمية العربية وإن فودافون شركة مارقة وخارجة عن الناموس العربى العلمى التراثى إلخ إلخ إلخ
واحدة واحدة .. إعلان عن إحدى خدمات فودافون إستخدموا فيه رمزية محاولة "عباس إبن فرناس" للطيران فى تناول كوميدى خفيف يستخدم لغة الشباب فى الشارع وعلى الشبكة ، الإعلان من وجهة نظر عاقلة بعيدة عن عصبية إختلاق القضايا عبر الشبكة و بعيدا عن حالة الحساسية الكوميدية، لم يقدم سوى رؤية كوميدية خفيفة لقصة محاولة الطيران بداية من تعلق عباس إبن فرناس "الأندلسى" بحلم الطيران بعد مراقبة طويلة للطيور فى محاولة لدراسة ميكانيكية الطيران الخاصة بها، ويتناول الإعلان ايضا الإتهامات  بالجنون لشخص عباس على اثر تلك المحاولة والتى تعتبر إتهامات عادية بالنسبة لعباس نفسه وبالتاكيد واجهها بعد إطلاع معاصريه علي فكرة طيرانه 
قفزة زمنية صغيرة للوراء بالتحديد إبان أزمة الرسوم "المسيئة" كنت قد قراءت وقتها مقال فى إحدى الصحف الأوروبية يتناول كاتبه - الذى لا أذكر إسمه- تحليلا لسيكولوجية إطلاق القضايا وتهييج الرأى العام عبر الإنترنت يقدم فيه عدد من النماذج و الأمثلةالتى تشرح فى بساطة نوعية الموضوعات المثارة وأداء الشعوب المختلفة وسمتهم فى التعامل معها على الشبكة بعدها وفى عدة دول ناقشت نفس الموضوع مع عدد من المهتمين بالتسويق على الشبكة  والمهتمين بسيكولوجية مستخدمى الشبكات الإجتماعية، المناقشات مفادها إن لكل فكرة مؤيدين ولكل إنطباع جماهير سواء سلبا أو إيجابا أسهلها تلك الإفكار والإنطباعات حول ما يقدمه الإنسان من إبداع يتناول المعتقدات والأحداث والرموز التاريخية  مع الوضع فى الإعتبار ان الأفكار المعارضة والإنطباعات السلبية هى الأكثر سهولة فى الإنتشار والترويج والحصول على مؤيدين بسرعة قياسية.. نظرية الغير معجبين دائما الأكثرعددا وأسبابا
حاولت تتبع الإنفجار الأول لإنطباعات المستخدمين على الشبكة حول إعلان فودافون، الغريب إنه منظم!! هل صادفت فكرة شعبوية فى الفترة  الماضية يتم الترويج لها فى أول يوم بتحيد الشبكات الإجتماعية المستخدمة ووسائل الإعتراض عبر خدمات كل منها سواء بالتعليقات أو تحديد هاش تاج ( بوتقة عرض ) عبر تويتر.. إلخ ؟؟ بكل هذه الإحترافية والوعى وعبر المنتديات؟؟
إذن الأمر إما موجه ( من منافسين أو من الشركة نفسها ) أو نحن أمام حالة رائعة وعصر جديد لإستخدام الشبكات الإجتماعية فى دعم الأفكار والإنطباعات الشعبوية عبر الشبكة التى من الواضح إنها دخلت مرحلة النضج التكنولوجى و أصبحت قادرة على كسر جمود وإحتكار النخبة المثقفة تكنولوجيا و صاحبة الهوى التحررى فيما يخص أفكار العامة و الشعبويين
بصراحة لا أريد الخوض فى قضية إن كانت فودافون مخطئة فى حق عباس إبن فرناس، ومشروعية وحلال و قدسية و إحترامية - إن صح قولها- إستخدام الإيقونات التاريخية والعلمية العربية فى إعلانات كوميدية وهل تناولهم بهذا الشكل يقلل مما قدموه من تاثير تاريخى أو إختراعات و إكتشافات علمية جليلة يحترمها ويقدرها العالم؟؟؟ بالقضية على بعضها تافهه
هامش لابد منه: كنت أنوى الكتابة منذ عدة أيام على إعلانات بيرة ستلا على طريق المحور وكوبرى أكتوبر الغير مذكور فيها كلمات ( بيرة - كحول - حتى كلمة ستلا نفسها ) الإعلان وعلى إستحياء ومحاولة إشعارك إن - معلش خليها عليك ، و إحنا محترمينك أهو -  جاء فيه "ظل" زجاجة البيرة ستلا الى الحد الذى وصل إلى إختيار نطاق لموقع الحملة على الإنترنت لا توجد به كلمة ستلا على الإطلاق.. خوفا وطمعا من اللى رافضين فى الحالة الأولى وطمعا فى تفهم عملائهم وشرائحهم المستهدفة .. و يمكننى ايضا أن اضيف حقيقة نقلها لى عدد كبير من أصدقائى العاملين فى مجال الدعاية والإعلان مفادها رفض المصممين وكتاب الإعلانات والفنيين العمل فى إعلانات الخمور بالرغم من تعاطيهم إياها .... إفهم و اربط إنت بقة
تحديث : الفيديو القادم والذى قمت بإضافته من خلال حساب فودافون على يوتيوب تم حذفه من قبل الشركة من على حسابها، فى رد على الهجوم الذى تعرضت له بسبب الإعلان
تحديث 2 : قامت الشركة برفع الإعلان مرة أخرى على حسابها على يوتيوب، مما أدى إلى حذف جميع تعليقات المستخدمين من الفيديو الأولى والإبقاء على نسخة جديدة بدون التعليقات سابقة الذكر

رفعت نسخة جديدة للإعلان بعد حذفه و حجبه من القنوات الفضائية .. من هنا 
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

35 comments:

  1. انا كنت هقتنع بكلامك لو كان الاعلان زي منتا بتقول
    لكن في فرق حضرتك بين اعلان كوميدي وبين استهزاء واستخفاف بعالم عربي جليل

    وبعدين ايه اللي جاب الشعبوية والكلام الغريب ده
    حضرتك احنا مش بنتكلم بدافع عاطفي
    ياريت تبحث شوية عن عباس بن فرناس وتعرف قيمته واسهاماته في علوم الفلك عشان تعرف ان الموضوع مش عاطفي ويستاهل انك تدافع عنه
    وفي وسط الكلام بتقول مش هناقش اذا كانت فودافون مخطئة ولا لأ
    طيب مهو ده اصل الموضوع امال كاتب التدوينة دي كلها ليه

    وختاما انا هديك لينك ياريت تشوفه عشان تعرف
    الغرب بره كرم العالم ده ازاي ووكالة ناسا عملتله ايه وتقارن باللي احنا عملناه فيه
    http://en.wikipedia.org/wiki/Ibn_Firnas_(crater)

    ReplyDelete
  2. عندي سؤال:
    لو حد بره عمل إعلان عن نيوتن والتفاحة وهي بتقع على نافوخه هيكون رد فعلهم زينا كده ؟

    متهيألي أنا شوفت إعلان عن موضوع التفاحه ده

    ReplyDelete
  3. عفوا اختلف معك فالاعلان تافه وسطحى لدرجه كبيره جدا لسببين
    1-انه تعامل مع عباس ابن فرناس على انه مجرد شخص مجنون جاهل غبى يحاول الطيران بواسطه الريش معتمدا فى ذلك على جهل الناس وناسيا او متناسيا ان العالم لم يكن يعرف شئ اسمه امكانيه طيران الانسان قبل عباس بن فرناس
    متناسيا ايضا انه ملهم فكره الباراشوت متناسيا ايضا انه يعد اول طيار فى التاريخ
    2-محاوله تجاهل شخص عباس بن فرناس وعدم فهمه انه يتعامل مع عالم
    فعباس مخترع ساعه مائيه واول من وضع تقنيات التعامل مع الكريستال وقد درس الطب والصيدله واشهر من صنع الالات الهندسيه كالمنقله وصانع ومخترع لادوات علميه دقيقه فى عصره ومخترع اله ذات الحلق التى كانت تستخدم فى الفلك وقد رسم رسومات لمواقع النجوم والكواكب فى منزله فيما يسمى بالقبه السماويه
    واول من اخترع صناعه الزجاج من الحجاره والرمل


    هذا عباس ابن فرناس الذى كرمته دول عديده
    ففي ليبيا صمم طابع بريد يصور محاولته الطيران واطلق اسمه على فندق مطار طرابلس، وفي العراق وضع تمثال له على طريق مطار بغداد الدولي، وسمي مطار آخر شمال بغداد باسمه. تكريما له سميت فوهة قمرية باسمه وتعرف بفوهة ابن فرناس القمرية.
    الا اننا تعاملنا معه بجهل من اجل اعلان عن شركه محمول
    والغريب ان هذا الاعلان ما كان لينفذ لولا شهره عباس ابن فرناس

    ReplyDelete
  4. http://www.youtube.com/watch?v=vlB2K5hsl_I

    ياريت يا جيمي تشوف الينك ده
    واعرف مين هو عباس بن فرناس اللي مستكتر على الناس تدافع عنه

    ReplyDelete
  5. هو ليه الناس مفترضة إنى ما اعرفش مين عباس ابن فرناس ؟؟

    مع ان كل الناس جايبة روابط ويكيبيديا ؟؟ يعنى المعرفة متاحة للجميع ؟؟؟

    و مين قال ان حد قلل من علم الراجل إن كان عنده علم ؟

    و ليه الناس مصرة انها تعمل لنفسها تابوهات طول الوقت ؟

    ReplyDelete
  6. يا جيمي محدش قال انك متعرفهوش لكن الفكرة بس ان الراجل فعلا يستحق التقدير والاحترام لدرجة ان ناسا اطلقت اسمه على احدى فوهات القمر

    طب انا هقلك على حاجة
    ينفع مثلا شركة دعائية تتطلع زويل وشعره منكوش وواقف في معمل وسوائل عمالة بتقع عليه ويطلعوه في شكل واحد هزلي ومجنون وبعدين يطلعوا التلاتة " اللذاذ " يقولوله يعم سيبك من الفيمتو ثانية مودم فودافون اسرع منه بكتير

    تخيل كده
    واحترامنا الكامل ليك :) ـ

    ReplyDelete
  7. وفيها ايه ؟؟؟ ما إتعمل كدة على إينشتاين !!! غريبة

    ReplyDelete
  8. مش عارف، بس حاسس ان ما شاء الله كيرف الهيافة بيعلى كل شوية، غالبا ح نوصل قريب للهيافة الحدّية -على وزن الطلب الحدّي في الاقتصاد- هيافة لا تتأثر بالعوامل المحيطة..!! :D

    ReplyDelete
  9. انت بتقول انهم مقالش انه مات لكن في واحد من التلاتة "اللذاذ" قاله ( صورة يا هبس قبل متوت )ـ وده جهل بتاريخ العال


    وبعدين هما بقى لما عملوا اينشتاين قالوله انت محدش هيعرفك .. براوز يبني على مش عارف مين .. وبعد كده يقولوله - وكانهم بيعلموه - ده تعب بس الناس افتكرتو !!!!ـ

    بص ..هو انت مش هتغير رايك لانك كتبت التدوينة خلاص
    بس انا شرحت وجهة نظري ومش مطلوب انك تغير رايك

    ايا كان .. الرسالة اللي هتوصل من الاعلان ده ( خصوصا للأطفال ) انه عباس بن فرناس يا جماعة واحد مجنون وحب يطير فنط من على ارتفاع عاللي فمات ومحدش في العالم افتكره
    وهي دي الشكلة

    ReplyDelete
  10. أغير رأيي .. ايه اللى انت بتقوله دة ؟؟

    إتفرج يا إبنى على ساوث بارك علشان تعرف ان كل العالم بيتريق على كل حاجة .. و بعدين أطفال ايه ؟ هما الأطفال المفروض إنهم يتعلموا من الإعلانات ؟

    و بعدين ايه اغير رأيى دى من سطرين إنت كتبتهم ؟ ايه الوهم دة ؟

    ReplyDelete
  11. انا مش عارف ليه استفزتك اوي انك تغير رأيك .. هي حاجة عيب !!ـ

    اذا انت بتستهزأ بسطرين انا كتبتهم انهم يغيروا رأيك .. فأنا عن نفسي عندي الشجاعة اني اغير رأي لو أقنعتني حتى بمجرد كلمة .. العبرة مش بسطرين ولا عشرة العبرة بمنطق ومضمون الكلام

    ما علينا .. ايوة الاطفال ممكن توصلهم رسائل سلبية من الاعلانات والافلام او اي محتوى بيطلغ على التلفزيون خصوصا ان التلفزيون انتشاره واسع

    الفكرة الاساسية اني في " مغالطة " في الاعلان بتصور ان الاخوان رايت هما المثال والنموذج اللي يستحقوا نبحث عنهم في النت لكن ابن فرناس ده محدش افتكره لانه كلن ملوش لازمة

    كان ممكن يعملوا اعلان ظريف وكل حاجة بس بطريقة انضف .. فيها ايه لو كان مثلا جابوا الشباب " اللذاذ " دول وهما مش فاهمين حاجة عن عباس بن فرناس .. وبعد كده يدوروا على النت فيلاقوا المعلومات الحقيقة عنه

    ويبقى كده حقق الغرض من الاعلان وفي نفس الوقت بعد ب " رسالة ايجابية " انه عرف الناس فضل العالم

    لكن طبعا انت عارف الانسحاق اللي احنا فيه يخلينا نعمل اكتر من كده يعم جيمي

    ReplyDelete
  12. لا أنا مستفز من انك بتفرض فرضية و بتصدقها و بتصردها ليا و دة مرفوض طبعا

    انت توهمت ان كلامك صح و صدقت كدة و صدقت انى لازم اقتنع بكلامك علشان صح و فى الاخر بتصدر الفكرة دى ليا .. حاجة غريبة فعلا

    اللى مضايقنى اكتر انك لحد دلوقت ما قلتش جملة واحدة مفيدة اللهم الا ان عباس حلو و كويس و عالم جليل

    ReplyDelete
  13. هو على فكرة طبيعي ان كل واحد فينا يعتقد ان كلامه صح ويصدق ان كلامه صح ويحاول انه "يقنع" التاني بصحة كلامه والا مكنتش هتكتب التدوينه دي من الاول الا لانك مفتنع بحاجة ومصدقها وعايز توصلها للناس

    والا يبقى الاولى انك تدين نفسك لانك لما اقتنعت بفكرة حاولت " تصدرها " للناس

    وبعدين عباس حلو وكويس دي خلاص احنا منتهيين منها
    لكن انا وضحت ازاي الاعلان ده

    1- بيبعت برسالة سلبية توضح هزلية وجنون عباس بن فرناس
    2- جهل اللي عملو الاعلان ده بالتاريخ وبيظهر لما الشاب اللي بيصوره بيقوله ( الضحكة الحلوة يا عبس قبل متموت ) والحقيقة انه مماتش من تجربته للطيران

    3- محاولة ابراز الاخوان رايت كنموذج ومثال وقدوة على حساب عباس بن فرناس وانهم هما اللي تعبوا والناس افتكرتهم لكن عباس بن فرناس ده نكرة محدش افتكره

    طبعا مش هقلك بقى على انهم جابوا انه وقع من الجيل على طول لكن الحقيقة انه فضل طائر 5 دقايق قبل ميقع

    نقط محددة اهي تتفق او تتفق معاها دي وجههة نظرك لكن اعتقد ان الكلام اللي قلته محدد ويمكن فيه يا سيدي كلمة مفيدة مش شرك جملة يعني

    ReplyDelete
  14. مين قالك إنى بكتب علشان أقنع الناس ؟

    ReplyDelete
  15. انا بتكلم على المناقشة اللي بيني وبينك
    وبعدين هو مش عيب على فكرة انك تحاول تقنع الناس بفكرتك او على الاقل " توضحها " ليهم

    ثم انك انت اللي افترضت اني بحاول " اصدر " فكرتي ليك .. فمتستغربش لو جالي نفس الانطباع

    على اي حال انا اوجزتلك المشاكل اللي في الاعلان

    ومعتقدش ان بره في شركة محترمة هتمسح الفيديو بالتعليقات اللي عليه وتقوم تحطه تاني زي مفودافون عملت

    اعتقد ان لو شركة محترمة بره تعرضت للانتقادت دي هتقوم تسحب الاعلان وتقدم اعتذار ومش مستبعد كمان انها تعمل اعلان تثقيفي للتعريف بالشخص اللي تم الاستهزاء بيه

    لكن طبعا احنا مبناخدش من بره غير اللي على مزاجنا بس !!ـ

    ReplyDelete
  16. لا خالص برة اللى انت بتتكلم عنه دة .. مش عارف برة المحافظة او برة العاصمة ولا برة ايه بالظبط

    لان مثلا ساوث بارك اللى جيبته فى المثل اتريقوا على الرب و جبريل و المسيح و البابا و كل الرموز التاريخية و العلمية و الفنية لان اصلا مفيش حاجة اسمها رموز و مفيش حاجة اسمها إعتذار

    http://www.youtube.com/watch?v=qW3IXpEcBZk

    دى حتة صغيرة المسيح النينجا بيمزق البابا بنجمة نينجا COOL MOOD :)

    ReplyDelete
  17. :) ظريفة على فكرة

    بس انا مكنتش بقارن من الناحية دي

    انا بقارن بين "استجابة" الشركات بره ( يعني في العالم المتقدم اللي بتستشهد انت بيه ) للانتقادات اللي ممكن تتوجهلها
    وبين "استجابة" شركة فودافون للانتقادات اللي اتوجهتلها بشأن الاعلان

    فبقول لو شركة فودافون او المدافعين عنها هيستندوا في الدفاع عن اعلانها بما يتم في الغرب

    يبقى كان عليها بردو انها تكمل تقليدها لشركات الغرب ومتمسحش الفيديو بالتعليقات اللي عليه

    ولا هي فودافون مبتقلدش الغرب غير في اللي على مزاجها .. بس
    هي دي كان وجه المقارنة

    ReplyDelete
  18. إنت ليه عندك كلاشيهات .؟؟

    العالم المتقدم الىل انت بتستشهد بيه

    فودافون بتقلد الغرب

    ليه كدة ؟؟؟ ليه مفترض إن اى حاجة عكس دماغك انت و اصحابك تبقى غرب ؟؟؟

    انا مش بتكلم على فودافون و قرد دى شركات إستثمارية بتمص دم الغلابة

    و فودافون طبعا غلطانة فى مسح الفيديو و دة انتهاك حق الرد المكفول للمشاهدين

    بس فى اى مجتمع برة غيرك انت و اصحابك اللى فاهمين ان دة غلط .. اقصد الاعلان

    احب اقولك مفيش حاجة اسمها صح و غلط اصلا

    ReplyDelete
  19. انا مخدتش الكلام ناحية الغرب اصلا .. انت اللي خدته يا جيمي لما ضربت مثل بساوث بارك فساعتها وضحتلك انهم لو فعلا بيقلدوا الغرب كانوا ممسحوش الاعلان

    لكن لما تقولي ان في الغرب مفيش حاجة اسها صح وغلط .. هقلك وانا مالي.. انا اصلا مستشهدتش بالغرب ولا استندت اليه في رفضي للاعلان .. عشان تطالبني بكده

    لكن لما انت قلتي ان في الغرب بيعملوا كذا وكذا قلتلك طيب .. لو هما عملوا كده زيهم طيب ليه ميكملوش تقليدهم للاخر .. بس

    لكن كويس اننا اتفقنا انهم مينفعش يمسحوا الفيديو
    :)

    ReplyDelete
  20. غرب ايه بس ؟؟؟ أنا بقارن إبداع بإبداع

    أنا مش بقول كلمة غرب دى اصلا .. لانى مش عارف بالظبط دة غرب مين ؟

    ReplyDelete
  21. نختلف يا جيمي

    انت شايف انه ابداع لكن انا مش شايف انه ابداع
    يمكن ده ملائم لثقافتهم لكن مش ملائم ثقافتنا

    المقصود بالغرب هو طبعا "الثقافة" الغربية
    وطبعا انا مش بقول اننا نرفض اي فكر منهم
    لكن نقبل الفكر اللي يلائم ثقافتنا

    بص .. طبعا الموضوع اعمق من كده ويحتاج لكلام كتير
    لكن الغرب ده نفسه ( امريكا واوروبا ) اول ناس بيدافع عن ثقافته

    القيم والافكار المباديء بتاعتهم مبيسمحوش لحد انه ينتهكها

    يبقى ليه تستكتر اننا "ثقافتنا" نحافظ عليها بردو

    ممكن انك دلوقتي هتقول عليا رجعي ومتحجر و" الاكليشيهات" دي .. لكن لاحظ ان الغرب نفسه بيحافظ بردو على ثقافته ومحدش بيقول عليهم كده

    ReplyDelete
  22. عباس ابن فرناس لو كان عايش كان هيرفع قضيه على فودافون ويكسبها

    ReplyDelete
  23. هو نظام القضاء بتاعنا مابقاش ليه لازمة غير انه يحاسب ناس بتتريق فعلاً.

    ReplyDelete
  24. http://en.wikipedia.org/wiki/Icarus

    ReplyDelete
  25. واضح ان الاستاذ جيمى مستميت فى الدفاع عن الخطأ هل تسمح انت لى ان اتهكم على اهلك هل عندماتسمح ساوث بارك بالتهكم و الاستخفاف بالرموز ان هذا شىء يستحق الاحترام عباس ابن فرناس عالم مسلم يعنى امره يخص كل المسلمين و لا نسمح باهانته

    ReplyDelete
  26. الفضا وحش

    ReplyDelete
  27. اول مرة اشوف التدوينة دي دلوقتي :S

    برافو يا جمال بجد.. مقال ممتاز!
    عرضت لجوانب الموضوع كلها اكتر بكتير من الرؤية الضيقة لفكرة قدسية الشخصية، فكرة طريقة الشركات التجارية في عرض بضائع هما اصلا عارفين عدم تقبل الشعب لها فقط لكونها في العلن، وتحايلهم على النقطة دي.. هايل.

    ReplyDelete
  28. Τhanks for your persοnal marvelous poѕting!

    I certainly enjoyed reading it, уou might be a great authoг.

    Ι ωіll alwаyѕ bоokmark your blоg
    and definitеly will сome back in thе
    foresеeable futurе. I want to еncouragе уоu to ԁеfinitely continuе your greаt poѕts, havе a niсe holidaу wеekend!


    Vіsit mу wеb-sitе: meuble de salle de bain

    ReplyDelete
  29. Right now it looks like Movable Type is the top blogging platform available right now.

    (from what I've read) Is that what you are using on your blog?

    Also visit my page :: Rolland Garros

    ReplyDelete
  30. Definitely believe that which you said. Your favorite justification appeared to be on the web the easiest thing
    to be aware of. I say to you, I certainly get irked while people think about worries that they plainly do not know about.
    You managed to hit the nail upon the top as well as defined out
    the whole thing without having side-effects , people could take a signal.

    Will likely be back to get more. Thanks

    Also visit my website: maquillage pas cher

    ReplyDelete
  31. Wonderful site. Plenty of useful information here. I'm sending it to a few buddies ans additionally sharing in delicious. And of course, thank you in your effort!

    Here is my website; voyance par téléphone

    ReplyDelete
  32. Yesterday, while I was at work, my sister stole my apple ipad
    and tested to see if it can survive a forty foot drop, just so
    she can be a youtube sensation. My apple ipad is now broken and she has 83 views.
    I know this is entirely off topic but I had to share it
    with someone!

    Feel free to surf to my blog post ... voyance gratuite

    ReplyDelete
  33. Every weekend i used to go to see this website, for the reason that i want enjoyment,
    since this this website conations in fact pleasant funny information too.


    My site; viagra online

    ReplyDelete
  34. This blog is so nice to me. I will continue to come here again and again. Visit my link as well. Good luck
    cara menggugurkan kandungan
    obat penggugur kandungan

    ReplyDelete