نهاية العالم ليست غدا يا برادعى .. دراسة فى أوجه الشبه بين البرادعى و حسن عابدين


لم أكن يوما ممن يملكون تلك الذاكرة الحديدية فى حفظ الشخصيات العامة بتاريخ مواليدهم و أشكالهم و بيانات الرقم القومى الخاصة بيهم ، و طول الوقت تقريبا عندى نظرية ان الشخصية العامة ماتبقاش مهمة الا لو تقاطعت دواير تأثيرها مع دوايرى الخاصة. و بناء على تلك النظرية الخاصة بالعبد لله لم أكن يوما بالمهتمين بتلك التنظيمات الكونية كالوكالة الدولية للطاقة النووية كمثال فهى لا تؤكل و لا تسمع ولا تشاهد فى عطلات نهاية الأسبوع على سبيل التسلية ، ولا انا من المهتمين بالمؤامرات الدولية للسيطرة على العالم و بالتالى فمن الطبيعى أن أعرف وجه جوزيف بلاتر مثلا و لا أعرف مدير الوكالة حتى و إن كنت اعلم تمام العلم انه مصرى الجنسية ، كل ما أتذكره ان مع بداية هوجة البرادعى ، و ظهوره على الساحة السياسية المصرية و رجوعه البطولى لأرض مصر ،  ومع تكرار ظهوره الاعلامى ، علقت تعليق واحد ... الراجل دة شبه حسن عابدين جدا

و مع مرور الأيام و الاحداث أكتشفت أن الشبه بين البرادعى و عابدين ليس شبها شكليا فقط ، و لكن السياسى - ان كان سياسيا - يتشارك مع الفنان فى العديد من النقاط الجوهرية و الحساسة ، فكلاهما حصل على شهرته وهو كبيرا فى السن و لم يعرفهم العامة الا بالصلعة و الشعر الابيض على جانبى الرأس و تلك النظرة الجادة فى معظم الاحيان التى يفرضها التقدم فى العمر ، و كلاهما كان ملتحقا بالعمل الحكومى كجزء من المؤسسة .. موظف فى الخارجية و متطوعا فى الجيش على الترتيب
أرجعوا معى بالذاكرة قليلا الى الوراء ، الوقت الذى كنا نرجع فيه من مدارسنا منهكين لنلحق بمسلسل الظهيرة مستمتعين بالعيش "المتأمر" مع اللانشون و الجبنة البيضاء و قت أن كان اللانشون أحدى مخترعات العلم الحديث ، و بالتحديد سنة 1983 العرض الأول لمسلسل نهاية العالم ليست غدا بطولة حسن عابدين و توفيق الدقن و عبد الرحمن أبو زهرة و شرذمة من ممثلى تلك الحقبة التلفزيونية
المسلسل  تجرى أحداثه داخل حارة المناديلى التى يقطن حسن عابدين أحد أسطح بيوتها القديمة و الذى تنطلق هلاوسه فيتكلم عن زيارة الكائنات الفضائية له و تبليغه بميعاد نهاية العالم وبحتمية التغيير الواجب على الجميع المشاركة فيه فينطلق عابدين محذرا من نهاية مظلمة و داعيا لتغيير لا يعرف هو نفسه ماهيته و لا آلياته ،لا يصدقه و يسانده فى روايته الا العالم درديرى "توفيق الدقن " الذى هبطت عليه الكائنات الفضائية من قبل ، طوال المسلسل لم يتخلى عابدين عن وجه الطيبة و عدم الحكمة فى التصرف و الايمان التام بحجم القضية و المهمة العظيمة الملقاه على عاتقه متمسكا بتعليقات عفوية و ديباجات ثابته لمواقف متعددة ففى كل مرة تهبط الكائنات الفضائية للحديث معه يقدمون انفسهم كالتالى ...                     انا سين .. و انا جيم .. فيرد عابدين بآلية .. بسم الله الرحمن الرحيم
إضافة للمقدمة الصوتية التى كانت تسبق تتر المسلسل و التى كنا نتسابق لسماعها يوميا لنشعر بمدى اخلاص عابدين لما يقوله و يفعله طوال احداث المسلسل الذى انتهى باتهامه بالجنون و الهلوسة ، يزعق قبل التتر خاطبا فى الجموع
إن خروج الجنس البشري من هذه الدائرة المغلقة، متوقف على خلاص حارة المناديلي يا حضرات... وبالدرجة الأولى

لم تكن ذاكرتى ستسعفنى لتذكر كل تلك التفاصيل الدقيقة المتعلقة بالمسلسل و بالشخصية التى لعبها حسن عابدين ، لولا متابعتى لبعض من مقولات البرادعى على تويتر من خلال اعادة ارسالها من قبل الأصدقاء سواء المهتمين بمقولاته او الاخرون الذين يعيدون ارسالها على سبيل مشاركة الجميع لنكتة الصباح او فكاهة اخر اليوم

فالبرادعى لا يختلف كثيرا عن حسن عابدين فى مسلسل نهاية العالم ليست غدا ، فالرجل راودته هلاوس التغيير فى أواخر العمر فانطلق يهذى بمقولات و مقتبسات معتقدا ان التاريخ مجاملا و سيتذكر مقولات الجميع ، أو لعله تخيل ان مصر تحتاج الى غاندى اخر الذى بالتأكيد قرأ مقولاته مترجمة الى العربية فأنتهج نفس الاسلوب حتى خرج علينا بخاتمة لعدة مقولات  تشبه الى حد كبير دوبلاج مسلسلات الكارتون الإنمى .. إنه لأمر مشين
و لعل المقدمة الصوتية لبداية المسلسل تشبه الى حد كبير أحدى تويتات البرادعى المشهورة
التغيير قادم لا محالة. توقيت التغيير و مداه مرهون بارادة شعبية قوية وواضحة ممثلة فى التوقيعات. مصيرنا بيدنا

ما يقلقنى هنا ليس الشبه الكبير بين السياسى و الفنان ، و لكنه شىء أكثر كوميدية  فحسن عابدين اكتسب شهرته الواسعة و ذروة نجاحة كانت من خلال إعلانات سر شويبس التى جعلت الشركة المنتجة من نجاحها تتوقف عن الحملات الدعائية لمدة 25 سنة كاملة
فى حالة البرادعى ، هوجة البرادعى برمتها لن تتعدى كونها اعلان ناجح لديمقراطية زائفة تعطى شرعية ل 25 عاما اخرى خالية من الحملات الاعلانية
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

38 comments:

  1. لا ازيد ولا ازايد

    فقط اصفق

    ReplyDelete
  2. بصراحة مقارنة لا تنم الا عن جهل
    انا لست مهتما باخبارالدكتور البرادعى من الدرجة ا لاولى ولكن ما كتبتة فقط يدل عن جهل و لبس الحق بالباطل و يدل انك من ابواق الحكومة الفاسدة
    و الى من يصفق اعتدنا على وجودك فى كل مكان لتصفق و تصفق
    عاش الملك مات الملك
    فقط نفاق

    ReplyDelete
  3. أيون فعلا انا بوق للحكومة الفاسدة

    زغرطى يا فوزية انا بقيت بوق

    الواد دة ايه اللى جابه هنا

    هاهاهاهاهاها

    ReplyDelete
  4. عجبنى المقال يا جيمى حلوة الفكرة وبصراحة انت جبت من الاخر بعبعة على الفاضى وكل اللى ماشين وراه مطبلطية ومزمرتيه ومجرد اعتراض على على نظام حكم و بيقولوا ان دى ديموقراطية طب ازاى وهى متشخصنة كدا والنبى فى واحد عاوز يحكم بلد .. بلد ومش اى بلد ..بلد ميرثها تقيل من المشاكل .. لوحده .. طب ازاى فين الكوادر اللى بيعتمد عليها ولا لما يبقى يوصل السلطة ان شاء الله هيعملهم اختبارات الكادر ههههههه

    زغرطى انتى كمان يا ام فاروق

    كان معكم فيدو

    ReplyDelete
  5. بصراحة انا كنت كتبت التعليق الاول قبل ما اقرا مواضيع اكثر فى المدونة بتاعك
    بس بعد ما قريت لقيتك فعلا ضد الحكومة
    بس لقيتك بردة متعصب لرأيك جداو أى حاجة ضد افكارك بتبقى بنت ....... يعنى معندكش حاجة وسط

    ReplyDelete
  6. ربما ضايقك البعض "بتقديس" صاحب محاولة التغيير محمد البرادعي فتصورته متخيلاً أن "مصر تحتاج إلى غاندي آخر" (بالرغم من أن مصر لا تحتاج فقط لغاندي آخر، بل لقبيلة كاملة من الشخصيات التاريخية التي لا مجال لذكرها هنا) لمجرد استخدامه لبعض المقولات التي لم نعتد استخدامها من قبل سياسيينا من نوعية كمال الشاذلي، ولا من نوعية اليسار الذي غالباً يتحدث لغة لا يفهمها إلا اليسار ولا تمس من يجب أن تمسهم. أما بخلاف ذلك فما مشكلتك مع الرجل؟ تحدثه بعبارات بلاغية؟ ثم؟ ما المشكلة؟

    ليس كل اثنين من الصلع شبيهين ببعضهما لمجرد كونهما أصعلين! كما إنك نسيت على يبدو فكرة مسلسل "نهاية العالم ليست غداًَ!" التشبيه لا يخدم طرحك وربما اعتمدت على عدم تذكر الكثيرين لأي شيء من المسلسل الذي عرض ربما لمرة واحدة وإن تذكر منه أحد شيء فسيكون تلك الجملة التي تتكرر في التترات "إن خروج العالمم من هذه الدائرة المغلقة... إلخ"

    لن يأتي مصر أنبياء ولا أظن أن الحظ سيحالفنا بزعيم، علينا أن نرضى كعقلاء "بالبشر" الذين سيتحدثون بلاغةً ويتكلمون بلغتهم وستكون لهم نقاط الضعف ونقاط القوة ومن غرائب الأمور أن ننتقد رجلاً يتقدم بمطالب واضحة وحقيقية تطالب بها تقريباً كل التيارات السياسية الأخرى (ويتقدم بها هو كتيار سياسي مختلف) لمجرد إنه يستخدم عبارات بلاغية وأصلع مثل حسن عابدين! جاءنا غزيرو الشعر وما نفعنا شعرهم

    ربما نستفيد لو شرحت لنا اعتراضك على الرجل بخلاف عباراته وكونه يشبه حسن عابدين في رأيك

    ReplyDelete
  7. بداية و بالترتيب .. لم يضايقنى تقديس الاغلبية الداعمة للبرادعى لشخصه الكريم فانا اعرف المصريين جيدا و اعلم تماما ولعهم بتقديس الشخصيات و الرموز من أول الفراعنة و نهاية بمبارك

    بالنسبة للمقولات .. على عكس الكثير من السياسيين و المثقفين فمازلت مؤمنا ان عصر الخطابة ما انتهاش بس الراجل مش خطيب للأسف و بان كلامه السطحى جدا فى شبه المناظرة بينه و بين احمد عز .. بيتكلم عن مصر تمام زى ما غاندى كان بيتكلم عن الهند قبل ما ينزل و يلفها و يحفظها و يبقى واحد منها

    مقتباس الرجل من الممكن ان نعيد استخدامها على خلفيات كشاكيل الجامعة فى عصر ما بعد التغيير ولا تصلح لتغيير شعب

    لغة الحوار تصلح لشريحة معينة يعجبها تنميق اللغة العربية انما احنا الشوارعية " مايكولش " معانا الكلام دة بشلن أصفر و لا بنفهمه ولا عايزين نفهمه

    بالنسبة للمسلسل ... واضح انى كنت اقصد الهلاوس و الكلام السطحى الغير موزون و اسلوب الجعجعة بكلام الناس البسيطة فى الحارة ماكانتش فهماه و شوية حاجات تانية كدة

    و اكيد كل دة ينطبق على البرادعى

    بالنسبالى الراجل ما فرقش كتير عن كل اللى سبقوه بالعكس ايمن نور على الاقل كان اكثر منه خبرة سياسية .. راجل متردد و جبان شوية اترشح و شوية لا و كل الىل عايزه توقيعات علشان المجتمع الدولى

    انا مش عايز اخوض فى سلبيات البرادعى و نقط ضعفه لانى مش معتبره حد

    الراجل بيلف يصيف و بيقول كلام فاكر انه اول واحد بيقوله و بيتكلم عن العمال و هو فاتح بقه و مخضوض و بيتكلم عن الشباب على انهم اكتشاف علمى جديد .. دة واحد محتاج اصلا يعرفنا علشان يتكلم عن ديك ابونا

    انتوا بس اللى من اليأس بقى اى واحد جاى بفكرة اللاعنف و بلغة عربية و التغيير الاخضر بقى كويس و يصلح

    ادينى انتى بقة رؤية واضحة .؟؟ ادينى اى شغل ايجابى ؟؟ البرادعى نفسه مش عارف هايعمل ايه الاسبوع الجاى

    ReplyDelete
  8. و انا فعلا مش بصدد مناقشة أداء البرادعى ولا سلبياته و لا ايجابياته حتى و قلت دة فى الف مكان قبل كدة انا فعلا مش مهتم لان مفيش حاجة اصلا

    ReplyDelete
  9. The entire post is amounts to nothing but cheap entertainment, except for the last two lines. They are EXACTLY CORRECT.

    فى حالة البرادعى ، هوجة البرادعى برمتها لن تتعدى كونها اعلان ناجح لديمقراطية زائفة تعطى شرعية ل 25 عاما اخرى خالية من الحملات الاعلانية

    ReplyDelete
  10. مساء الخير يا جيمى

    اولا احب اقولك ان تهجمك على الدكتور محمد البرادعى انت و غيرك من المطبلتية بتوع الحكومة ان هو اصلع و انه شبه ممثل فاشل و غيرها من التهجمات الشخصية على الدكتور البرادعى هو خير دليل انك مش لائى عيب فيه, عشان كدة بتتهجم على صلعته و شكله و ده دليل على تدنى فكرك انت و كل المطبلتية بتوع الحزب الوطنى

    الدكتور البرادعى دلواتى عنده مطالب محددة و بيأيدة ملايين من المصريين الوطنيين

    المطالب هى:

    اولا: انهاء حالة الطوارئ فى مصر البألها 30 سنة و بتدى حق للشرطة انها تعتقل اى حد من غير محاكم و غيرها من الاجراءات التعسفية الغير انسانية, و طبعا القانون ده موجه اساسا لاى حد بيعارض نظام الرئيس مبارك اما حكاية ان القانون موجه لتجار المخدرات و الارهاب فده كلام فارغ عشان زى ما انت شايف فى البلد ان المخدرات مالية الدنيا و بعلم الشرطة و الحكومة, و برده العمليات الارهابية بتحصل زى ما حصل فى طابا و شرم الشيخ و دهب و حتى فى القاهرة ده غير ان بلاد العالم كلها بتعانى من الارهاب و بتحاول تكافحه و مع ذلك مفيش دولة فيها بتكافح الارهاب بقانون طوارئ زى عندنا فى مصر

    ثانيا: مطلب البرادعى تحديد فترة الرئاسة بفترتين فقط, و طبعا دى حاجة طبيعية فى اى بلد محترمة فى العالم ان الرئيس مايطولش اكتر من فترتين بس عشان البلد مش عزبة ابوه يحكمها طول عمره لغاية ما يموت زى ما حاصل عندنا فى مصر و اغلب بلاد الشرق الاوسط. و لو عايز تعرف مساوئ حكم رئيس واحد مدى الحياة يا ريت تروح تقرأ فى الانترنت عن الموضوع ده و ليه البلاد الاوروبية و المحترمة فى العالم مش بتطول الفترة اكتر من اتنين بس

    ثالثا: مطلب البرادعى باشراف قضائى و دولى كامل على الانتخابات الرئاسية و البرلمانية و غيرها من الانتخابات الهامة البتحدد مصير الشعب, و معنى ان الحكومة ترفض الاشراف القضائى و الدولى على الانتخابات معناه ان ده اعتراف صريح من الحكومة انها بتزور الانتخابات و الا ما كانوش رفضوا الرقابة على الانتخابات

    و لو حضرتك شايف ان الانتخابات فى مصر سواء كانت انتخابات رئاسية او برلمانية او حتى بدنجانية مابيحصلش فيها تزوير فانا كدة اقدر اعرف على طول انك واحد منهم

    طبعا فى مطالب تانية كتير, و المطالب دى مش مطالب شخصية للبرادعى, دى مطالب فى مصلحة الشعب المصرى المن خلالها انشاء الله هيقدر يصلح الديكتاتورية و الفساد و غيرها من المساوئ الحالية فى بلدنا

    اما موضوع الدكتور البرادعى انه يترشح للرئاسة او لآ فده موضوع تانى, عشان طلبات تغيير الدستور اهم بكتير من موضوع الرئاسة و بعد تغيير الدستور الهيضمن نزاهة الانتخابات فمفيش مانع ان اى حد ممكن يترشح للرئاسة ما دمت شخصية كفؤ و محترمة, حتى لو كانت الشخصية دى الرئيس مبارك نفسه او ابنه جمال او الدكتور البرادعى ما دامت هذة الشخصيات هتضمن وصولها للحكم بطريقة ديموقراطية و بارادة شعبية و ستخضع للمسائلة و للشروط المحددة للرئاسة فى خلال حكمها لمصر

    ضحكتنى فعلا لما قلت انك مش عايز تخوض فى نقط ضعف الدكتور البرادى و سلبياته عشان انت مش معتبره حد. عارف الشخص الانت مش معتبره حد كان رئيس الوكالة الدولية للطاقة الذرية التعتبر احد اهم و اخطر المنظمات فى العالم و اكترها حساسية؟ هل انت عارف ان الدكتور البرادعى كان من خلال تقرير واحد منه كان ممكن يخلى المجتمع الدولى يهجم على ايران و يحتلها؟ الدكتور البرادعى يا باشا هو الكل حكومات العالم كانت بتجرى وراه و بتتوددله سواء كانت ايران او امريكا نفسها او كوريا الشمالية و العراق سابقا

    الدكتور البرداعى البيسافر فى كل انحاء العالم لالقاء محاضرات سياسية فى اعرق جامعات العالم زى هارفارد و اوكسفورد و غيرها و تمن المحاضرة الواحد تكلف هذة الجامعات مئات الالاف من الدولارات فى سبيل الاتيان بالدكتور البرادعى

    الدكتور البرادعى هو الحاصل على جائزة نوبل فى السلام عشان راجل شريف ماحدش قدر يشتريه, لا امريكا و لا ايران و لا اى حد

    هو ده الدكتور البرادعى, انت بأة مين يا حلو يالمش بتعتبر الدكتور البرادعى حد؟

    يا ريت لو عندك نقد للدكور البرادعى يبأة تنتقد مطالب محددة فى التغير الهو بيطالب بيه, التغيير الى الافضل و الى ما هو عليه فى اى دولة محترمة اما اسلوبك الساخر و المنحط فى نقد الدكتور البرادعى عشان هو اصلع و انه شبه ممثل و غيره من الكلام التافه فده معناه انك مفلش فكريا و انك مطبلاتى من بتوع الحكومة

    على فكرة انا صاحبك عالفيسبوك الاسمى Menes

    ارجو انك تاخد كلامى كنقد موضوعى و انه مش هجوم شخصى عليك

    تحياتى

    ReplyDelete
  11. هو انت علشان ضايفنى على الفيس بوك يبقى صاحبى ؟ اما انك بردعاوى تافه صحيح !!!

    المطالب دى بتتقال من سنة 84 على ايد الاخوان و من سنة 2003 من باقى قوى التغيير البرادعى ماجابش جديد هو باس علشان فانكى و بتاع فيس بوك فالخولات اللى زيك مؤمنين بالتغيير عبر المشاركة فى صفحته على فيس بوك و بس على كدة
    و انا برضو زى ما قلتها انا بتاع الحكومة ... فعلا البرادعى ادى فرصة كويسة للى زيك قاعدين على طيازهم قدام الكمبيوترات انهم يتكلموا عن التغيير

    ReplyDelete
  12. انا ماقلتش انى صاحبك يعنى صديق شخصى ليك, بس لما انا اكون ضايفك عالفبيسبوك بيبأة اسمها friends

    و كان احسن تخش فى الموضوع على طول بدل ما انت بتككلم فى امور تافهة مالهاش علاقة بالبرادعى و لا بالتغيرر و عموما انا مايشرفنيش انى اكون صاحبك و انا هشيلك اساسا من الفيسبوك عندى

    بخصوص الطلبات, هى فعلا بتتقال من 84 سنة لكن الحكومة ضربة الطناش و لا حياة لمن تنادى, و مصر كانت محتاجة لشخصية موثوق فيها عشان الشعب كله يبأة معاه و يقدر يضغط عالحكومة اكتر, عشان كل الموجوديين عالساحة حاليا سواء كانوا الاخوان او ايمن نور او غيرهم بيشتغلوا لحسابتهم الشخصية فقط و مش بيهمهم مصر

    البرادعى بعد ما خرج من الوكالة الدولية كان ممكن يقضى بائى حياته بشكل هادئ و مريح و هو بيلف انحاء العالم عشان يدى محاضرات و العالم بيستفيد من خبرته و مع ذلك هو فضل انه يرجع مصر بلده البيحبها و يحاول يغير فيها مع انه كان عارف من الاول ان الاقزام الزيك انت و بتوع الحكومة هيشتموه و يهينوه بابشع و اقذر الوسائل عشان مجرد فكر انه يرجع و حاول يصلح مصر الاتخربت على ايدك انت و حسنى مبارك و النائب البيطالب بضرب المتظاهريين بالرصاص و بعضهم بيقضى فترات نقاهة فى السجون زى نائب اكياس الدم الفاسدة و نائب القمار و البقية تسعى فى الارض فسادا

    طبعا شكرا على قلة ادبك عشان الشتيمة هى حجة من ليس له حجة

    اى مصرى محترم و شريف هيأيد البرادعى, على الاقل فى طلباته الاولية فى تعديل مواد الدستور, اما لو اى حد قال ان البرادعى ماينفعش عشان هو عميل لامريكا و ايران او انه عشان كان عايش برة مصر او عشان هو اصلع او او او .... و غيرها من التفاهات فتعرف ان ده شخص يا اما جاهل يا اما شخص فاسد و بينتفع من النظام الحالى بشكل او باخر

    ان شاء الله البرادعى رئيس لمصر

    ReplyDelete
  13. قال يعني لو أنا مش مؤيد للبرادعي يبقى أنا مش محترم ومش شريف. هو إيه الاستهبال ده؟

    إبقى قابلني لو البرادعي بقى رئيس مصر

    وحتى إذا افترضنا جدلا إنه بقى رئيس، هو لما الرئيس بيتغير الشعب بتغير معاه وبييجي شعب تاني؟

    إبقى قابلني لو أي حاجة اتغيرت طول ما ال 80 مليون موجودين في البلد

    ReplyDelete
  14. ده الطبيعى الى اعرف اللى بينتقد او بيناقش بنقد موضوعى وليس لمجرد السخرية

    وبالنسبة لصاحب المدونة اسلويه فعلا لا يرقى للنقاش رغم ان التشبيه جيد جدا فعلا
    اسلوب طفولى فعلا فى الردود بتاعته

    ReplyDelete
  15. اى حد هاينتقد البرادعى بقى كافر و بتاع الحكومة و بيحب مبارك

    الله يخرب بيت الفيس بوك و اللى حدفه علينا فعلا ... و بعدين ارد على مين واحد بيقولى "بائى" اقوله ايه دة؟

    و لصاحب التعليق الاخير ... يااااااااااااااه

    هو لسه فى حد بيقول اسلوب طفولى دة انت قديم قوى يا راجل

    و الله بتفكرونى بالناس اللى كانت حوالين ايمن نور و بعد ما الهوجة خلصت شتموه .. ان غدا لناظره قريب و انا بصبر كويس قوى

    ReplyDelete
  16. و بعدين انا مش هاخد حوار مع بنى ادمين داخلين بأفكار مسبقة اصلا

    و الوحيدة اللى رديت عليها سقراطة لانها بتتكلم كلام عقلانى على الاقل و شرحتلها انى فعلا مش عايز أخوض فى سلبيات الراجل و ايجابياته لانى مش بعتبر نفسى منظر سياسى علشان العب الدور دة

    لكن اى حمار تانى معتبر ان نقد الشخصيات العامة كفر
    او ان الواحد لازم يكون فى معسكر ضد المعسكر التانى

    دة مالوش عندى غير الجزمة القديمة تتحط فى وشه

    ReplyDelete
  17. الفنانون والساسه جميعهم يكذبون

    الفارق الوحيد ان الفنان يكذب ع المكشوف

    اما السياسي فيكذب من تحت لتحت



    وعموما الانتخابات مش محتاجه غير ريق حلو عشان تكسبها

    ReplyDelete
  18. على فكرة انت الداخل و وعندك افكار مسبقة عن الدكتور البرادعى مش انا و الدليل انك قاعد تتريق على صلعته و على شكله بدل ما تنتقد باحترام اى حاجة سلبية انت شايفها فيه, لكن للاسف انت استخدمت الاسلوب الردئ فى التريقة ده عشان انت مش لائى عيب فى المطالب بتاعته

    انا قاعد اكلمك بكل احترام و ادب و مع ذلك انت نازل شتيمة و بتتلفظ بالفاظ قبيحة من غير ما تراعى ان ممكن فى بنات و ناس محترمة ممكن يخشوا يقروا الكلام ده و ياخدوا فكرة سيئة عنك

    و انا مش فاهم كفر ايه و بتاع ايه الانت دخلته فى الموضوع, انا ماجبتش سيرة كفار و لا اسلام و لا اى حاجة ليها علاقة بالدين, انا كل القلته ان اى حد معترض على مطالب التغيير بتاعت البرادعى هيكون شخص يا اما جاهل و مش فاهم المطالب دى بتاعت ايه و بيعترض لمجرد الاعتراض و خلاص يا اما هيكون شخص فاسد و من مصلحته ان النظام الحالى يستمر عشان هو قاعد عايش حياته و بينهب من البلد

    و لعلمك انا علمانى جدا و ارفض رفض قاطع اقحام الدين فى السياسة بكل اشكالها و انواعها و عشان كدة زمان انا كان عندى احباط من الوضع فى مصر عشان ماكنش فيه غير اختيارين بس, يا اما الاخوان المسلميين و طبعا انا مش عايزهم عشان انا مش عايز دين فى سياسة و فى نفس الوقت مش عايز الحزب
    الوطنى عشان هو حزب فاسد و لامم كل الحرامية الفى البلد

    لكن دلواتى الحمد لله لائيت الضالة بتاعتى فى الدكتور البرادعى, راجل فيه كل المواصفات النموذجية لقيادة البلد, راجل صاحب مكانة عالمية وصل ليها بمجهودة و شطارته هو لوحده بس و راجل فاهم الدنيا و المجتمع الدولى ماشى ازاى, و اكيد راجل مش فاسد و واخد القيم الغربية عن الحرية و الديمقراطية و غيرها من قيم و مفاهيم الغرب

    الدكتور البرادعى سنه كبير و داخل عالسبعين يعنى بفرض لو حكم مصر هيكون مجرد حكم انتقالى لكن الفترة الانتقالية دى هتكون مهمة اوى لمصر عشان من خلالها الدكتور البرادعى هينقل الفكر الغربى الراقى و مفاهيمه عن الديموقراطية و الحرية و الشفافية و القضاء عالفسد لمصر و فى نفس الوقت الدكتور البرادعى ماعندهوش لا ابن يحضره للرئاسة و مفيش حواليه اى حرامية ممكن يسرقوا و ينهبوا البلد من خلاله

    اما الاخ البيقولك ان الشعب لازم يتغير فاحب اقولك ان احنا فعلا هنغير الشعب, هنغير اخلاقهم و مستواهم للاحسن ان شاء الله و ما تنساش ان الصين التعداد سكانها مليار و 300 مليون كانت متخلفة جدا و اكتر مننا كمان من 30 سنة, اما دلواتى شوف الصين بائيت قوة عظمى فى العالم

    ارجو منكم اننا نتناقش باحترام و بعيد ان اسلوب الشتايم و الالفاظ القبيحة

    ReplyDelete
  19. نفسى اعرف فين التريقة على الصلعة دى

    مافيش حد يعنى ناقشنى فى المقولات بتاعته على تويتر ليه .؟ كل اللى داخل يقول انى بتريق على صلعته

    و مش عارف يمكن انتوا قريتوا حاجة تانية غير اللى فوق

    ماشى عايز حد يعلث حتى على جزئية التويتر و المقولات العبقرية للاستاذ البرادعى

    ReplyDelete
  20. و بعدين هو صحيح الناس اللى بتؤيد البرادعى للدرجة دى ماكانوش عارفين ان دى نفس

    مطالب الاخوان و ايمن نور و اليسار و كفاية و شباب من اجل التغيير

    الكلام دة بيتقال بقاله سنين .. انتوا بس اللى شايفين ان طريقة الراجل دة مريحاكوا

    يعنى ولا هو اخوان و اسلامية ولا هو ايمن نور الى كان صوته عالى حبتين ولا هو يسار يبقى كافر و لا هو كفاية اللى بتعمل مظاهرات و الناس بيقبضوا عليها

    راجل عايز تغيير عبر الفيس بوك و انك تحط توقيعك من بيتكوا اكيد هاتبقى مرتاح و تقعد بقة تتكلم عن البرادعى على الانترنت و القهوة

    لكن لو البرادعى قال ياريت كل اللى وقعوا ينزلوا الشارع معايا هايلاقى حواليه خمس انفار

    تمام نفس الىل بيحصل مع 6 ابريل على الانترنت عدد مهول و لما يعملوا حاجة فعليه على الارض بيلاقوا نفسهم ما بين عشرة و عشرين

    و بعدين عايزين البرادعى هايخرب الدنيا ليه ماشى و مالو نكتبهالكوا برضو للزمن

    ReplyDelete
  21. المقولات بتاعت البرادعى على تويتر فعلا عبقرية و راقية جدا و وطنية جدا

    انت مش عاجبك انه بيقول "انه لامر مشين" و غيرها من المصطلحات العربية عشان بتقول انكم شوارعية

    بس انت مش واخد بالك ان البرادعى بيخاطب الطبقة المثقفة فى مصر و مش بيخاطب الشوارعية

    يا ريت توضح بالظبط المقولات بتاعت البرادعى المش عاجباك عشان انا عن نفسى شايفها كلها جميلة و وطنية

    اما بخصوص ان المطالب دى هى نفسها الكانت بيطالب بيها الاخوان و اليسار و ايمن نور فدى مش مشكلة طالما ان المطالب دى مشروعة و منطقية مع ان مطالبهم كانت عشوائية اما الدكتور البرادعى جمع الطلبات دى كلها مع بعض و بدأ يروج ليها بطريقة اوسع عشان يفهم الناس ان المطالب دى هى مفتاح الديموقراطية و الحرية فى مصر.

    الاخوان و اليسار و غيرهم كانوا صحيح بيطالبوا بالطلبات دى لكن ماكنوش مدينها اهتمام اوى عشان مش فارقة معاهم, دى ناس بتدور على مصلحتها و مش بيقولوا حاجة غير الجملة الفاشلة البتقول الاسلام هو الحل

    بخصوص كلامك ان الناس التقدر تنزل الشارع مع البرادعى هيكون قليل جدا بالمقارنة بالناس الوقعت عالبيان و مشتركة فى الفيسبوك عندك حق فيه و انا اظن الدكتور البرادعى فاهم النقطة دى كويس و عشان كدة قال مرة على تويتر جملة عجبتنى اوى

    التغيير قادم لا محالة. توقيت التغيير و مداه مرهون بإرادة شعبية قوية" وواضحة مُمثلة فى التوقيعات. مصيرنا بيدنا"

    و قال برده:

    "إذا لم تشارك اليوم .... فلا تشكو غداً"

    و من خلال الجملتين الفاتو تقدر تعرف ان البرادعى فاهم ان الناس هى الهتغير البلد مش هو عشان هو لوحده مستحيل يعمل حاجة حتى لو كان هركليز زمانه

    البرادعى بيقول لكل واحد انك لو ما شاركتش انهاردة يبأة ماتشتكيش بكرة من حال البلد و اعرف ان كان عندك فرصة للتغيير و مع ذلك انت ماشاركتش و فضلت الوضع يستمر على ما هو عليه الان

    و مع ذلك البرادعى ماطلبش من حد انه ينزل الشارع او انه يتظاهر, الدكتور البرادعى و على ما اظن انه الان فى مرحلة توعيه الشعب و حشد مؤيديين, اما
    الخطوة الجاية فهو لم يعلن عنها, و ده طبعا مش معناه انه مش محضر ليها

    ReplyDelete
  22. معلش انا فعلا مش واخد بالى زى ما قلت ان البرادعى بيخاطب الطبقة المثقفة فى مصر

    ReplyDelete
  23. البرادعى وعم حسن عابدين الله يرحمه
    كلاهما مخلصا
    وانا عن نفسى لو حسن عابدين عايش هارشحه للرئاسة

    ReplyDelete
  24. لما اعترضنا على تفاهتك و دنو مستوى تفكيرك فى طرح القضية بقينا شوية عيال قاعدة على طيازها و مورناش حاجة الا الفيس بوك طيب يا عم الامور انت و اللى فاكر نفسك فاهم اى حاجة ما تقول انت الكلام المعقول بدل ما انت نازل قلة أدب و كل شوية تبين التخلف اللى فى تفكيرك
    نقض الشخصيات العامة و اللى عايزين يدخلوا السياسة دا شىء اساى و لازم يحصل علشان نعرف نبين الحلو من الوحش بس لازم لما بيجى ننقض نبدا فى نقض الافكار و بالنسبة ان الافكار دى موجودة من زمان الكلام دة صحيح و كل المثقفين اللى فى البلد عارفاة بس يا ناصح هو دا الوحيد اللى عرف يوصل الكلام دة للناس البسيطة اللى فى الشارع و باسلوبة اللى انت بتتريق علية انة بيخاطب المثقف بس
    اذا كنت بتقول ان الناس داخلة بفكرة مسبقة الصحيح ان انت اللى بادء الموضوع بفكرة فى دماغك و مش هتغيرها حتى لو غلط
    عموما انا مش مع البرادعى بس فعلا اسلوبك بيدل على قصور فكرى و قصر نظر
    و اللى انا معاة فعلا التغيير علشان متكونش ملكية تانية غير معلنة اى اسم من الموجودين على الساحة احسن من الموجود او ابنة

    ReplyDelete
  25. بقالك فترة فايق بلوجرياً بشكل مُخيف يا جيمي
    ده لحسن حظنا طبعاً

    ReplyDelete
  26. هو فعلا فايق بلوجريا بس مغيب عقليا

    ReplyDelete
  27. ماشى ماشى ماشى ماشى ولا بيدى

    ReplyDelete
  28. السلام عليكم

    اولا انا من اشد المعارضين للبرادعى وحقول اسبابى
    1- البرادعى عمره مفكر فى مصر الا لما لقي نفسه حيتسوح وحيعد فى البيت فقال اضربلهم فى موضوع الرئاسه بالاضافه انى معايا شهادات خبره حعرف اسبك عليهم الدور

    2- فى مرشح رئاسه فى تاريخ مصر يعمل مناظره على السى ان ان

    3- البرادعى عايز يمسك مصر بنظام كسب اطراف الشعب فى صفه بوعود زائفه

    4- فى كلمه برضه اتقالت فى اعلان مسلسل الجماعه الى حيجى فى رمضان بيقول فيها عبد الرحمن ابو ظهره الحكومه بتاجر بالام الناس والمعارضه بيكسبوا محبه الناس عن طريق الوعود وفى الاخر مفيش حد خايف على البلد

    5- احنا ليه ماشين بنظام احسن الوحشين مهوا اصلها بلد مش عربيه حتشتريها يعنى من حقنا اننا الى يحكمنا احسن العدلين

    كل التحية لصاحب المدونة

    ReplyDelete
  29. النظره السلبيه دى هيا اللى دايمأ جايبانا ورا .. كل واحد يقعد يشتم ويلعن فى الحكومه ولما يلاقى حاجه ممكن تعدلها بدل ما يقف جنبها ويساندها يستهزأ بيها ويقول ان الدنيا عمرها ما هتتغير .. ما هى طبعأ عمرها ما هتتغير طول ما أنتوا مش عاوزين تتغيروا

    إن الله لا يغير من قوم حتى يغيروا ما بأنفسهم

    ReplyDelete
  30. ya shabab masr, kol da kalam gameel, we tool mafeh niqash , ezan momkin newsal le helool afdal inshaa allah, ana shaef en kol wahid lo elhaq fe eta3beer 3an fikro wa arao, bas lazim aydan 3adam ehtekar araa elakharen. mish lazim kol wahid 3ando fikra, fayanazir en elnas kolha toamin behaza elfikr. allah yehdena game3an lilfikr elsahih!

    ReplyDelete
  31. تعليق عبقرى وربط بين مسلسل من الايام الغابرة وبين حدث جديد اول مرة ادخل مدونتك واعتقد انها لن تكو الاخيرة

    ReplyDelete
  32. احسنت يا جيمى فالوصف وبالذات فاخر سطرين ، انا عمرى ما كنت من اتباع البرادعى بس منكرش ان احترمت ارائه فى مواقف كتيرة هو مشكلته الحقيقية الخوف من المواجهة معرفش بحكم السن وﻻ خايف على اﻻيمدج قدام الغرب القدوة بالنسبة له، المشكلة فعﻻ ان ناس كتير اتعشمت فيه بدون حسابات منطقية ﻻفعاله عاﻻرض فواقعنا الزفت دا وفاﻻخر احنا كشعب جينتنا لﻻسف جزء كبير منها صانع الفرعون

    ReplyDelete
  33. نقدم لكم شركة الصفا والمروه لخدمات للخدمات المنزلية بمحافظة الخبر والتي تقدم افضل خدمات التنظيف ومكافحة الحشرات وكشف تسربات المياه وتسليك المجاري ونقل العفش والاثاث فمن خلال شركة كشف تسربات المياه بالخبر تستطيعون الحصول علي افضل خدمات كشف تسربات المياه الكترونيا وبدون تكسير مع الاصلاح والضمان باسخدام افضل الاجهزة الالكترونية الحديثة المستخدمة في كشف اماكن تسربات المياه والغازات عن بعد والتي توفر لعملائنا عناء البحث الشديد عن اماكن التسربات وتجنب التكسير الذي يكلف نفقات عالية وخسائر كبيرة وهذه الخدمة متوفرة فقط بهذه الامكانية وهذه الخبرة مع شركة كشف تسربات المياه بالخبر كما تقدم شركة الصفا والمروه للخدمات المنزلية بالخبر افضل خدمات التنظيف بالاستعانة بامهر وافضل العمالة ذات الخبرة الكبيرة في مجالات التنظيف وذات القدرة العالية علي خدمة عملائها باستخدام كافة الطرق والاساليب الحديثة وتسطيع شركة تنظيف بالخبر تقديم الخدمات الاتية وهي تنظيف المنازل وتنظيف الشقق وتنظيف الفلل وتنظيف السجاد وتنظيف الموكيت وتنظيف الفلل وتنظيف المنازل وتنظيف البيوت وتنظيف القصور وجميع خدمات التنظيف الاخري بالاستعانة بافضل وامهر العمالة المتميزة والتي تضمن لعملاء شركة الصفا والمروه الخودة والدقة والتميز وتستطيعون الحصول علي خدمات التنظيف من خلال شركة تنظيف منازل بالخبر
    ايضا توفر شركة الصفا والمروه خدمات مكافحة الحشرات ومكافحة النمل الابيض بالخبر والدمام من خلال شركة مكافحة النمل الابيض بالخبر والتي من خلالها تضمن لعملائها القضاء التام وابادة الحشرات بجمبع انواعها باستخدام اقوي المبيدات الامنة والفعالة وذات القدرة العالية علي الفتك بجميع الحشرات الطائرة والزاحفة بجميع انواعها كما تقدم شركة مكافحة التنل الابيض بالخبر خدماتها من خلال الشمان المميز والذي يضمن لعملاء شركة الصفا والمروه الحصول علي خدمة مثالية ومميزة بضمان من الشركة لمدة 6 اشهر من تاريخ تنفيز العملية وتتوفر تلك الخدمات مع شركة مكافحة النمل الابيض بالخبر - شركة مكافحة حشرات بالخبر
    ايضا توفر شركة تسليك مجاري بالخبر والدمام والتي من خلالها تستطيع جميع اهالي محافظة الخبر والدمام التخلص من مشكلة انسداد مجاري المياه وبالوعات الصرف للمطابخ والحمامات وكذلك شبكات الصرف الرئيسية , فهي من المشاكل الصحبة والتي يحتاجها اهالي المملكة العربية السعودية ولا يمكن التغلب عليها الا من خلال شركة تسليك مجاري متخصصة ولديها خبرة وكفاءة عالية وقد نجحت شركة تسليك مجاري بالخبر في الحصول علي ثقة عملائها من خلال الخدمات المتيزة والدقيقة التي قدمتها لعملائها واصبح يعتمد عليها الان الكثير من اهالي محافظة الخبر في حل مشاكل تسربات المياه وتسليك مجاري المياه وشفط البيارات فمع شركة تسليك مجاري بالخبر انتم دائما في امان ومن هنا نستطيع القول بان شركة الصفا والمروه هي افضل شركة تنظيف بالخبر وافضل شركة كشف تسربات بالخبر وافضل شركة مكافحة حشرات بالخبر وافضل شركة تسليك مجاري بالخبر واصبحت بدورها الفعال في خدمة عملائها وحرصها الشديد علي تقديم خدمات مثالية لمكافحة الحشرات رائدة شركة التنظيف ومكافحة الحشرات بالخبر
    المصدر
    https://safa-marwa.com
    شركة الصفا والمروه

    ReplyDelete