قبل ما نتهم جوجل


مش عارف ليه المدونيين و ناشطى الانترنت ماسكين فى خناق جوجل الايام دى

كل ما افتح مدونة الاقى شكاوى ضد جوجل و خدماته و بالأخص بلوجر و اليوتيوب

بالنسبة لخدمة المدونات

لا يوجد سبب واحد ضد اى مدونة من الثلاثى المدعى بظلم جوجل تجاههم و تعسفه ضدهم اللى أدى لألغاء مدوناتهم على حد قولهم

خلينا كدة بالراحة و على أسوأ ... مدوناتكم دى فيها جنس ؟ طيب ما بلوجر فيه ملاين المدونات اللى فيها محتوى جنسى و مدونات البورنو الصريح ؟ مدوناتكم فيها كلام عنصرى ؟ ثلاثة ارباع المدونات على بلوجر فيهم نفس المحتوى و أكثر انتهاكات فيها إزدراء اديان ؟؟ دة موجود فى مدونات كتير جدا و أكيد المدونات دى مش هاتقلب نظام الحكم بكرة علشان كدة الحكومة المصرية طلبت انهم يتلغوا

قبل الهجوم و مطالبة الجميع بترك الخدمة على بلوجر .. يا ريت الناس تقرى الاول سياسة الاستخدام و الممنوع و المرغوب من قبل الشركة ... كمان خدمة بلوجر مرتبطة بميل و بخدمات تانيه كتير مرتبطة بنفس الاكونت و اكيد فى مليون سبب غير ان جوجل حاجة الناس دى فى دماغها

اما بالنسبة لليوتيوب : الناس تحط المحتوى المخالف و عارفين انه مخالف و ادارة الموقع تحذفه و بعد كدة يصوتوا انا مش فاهم فى ايه بصراحة ما

الكل عايش بنظرية المؤامرة و لا و مؤامرة دولية كمان ... يا ريت قبل ما تتنظم الحملات اننا نسيب جوجل و اننا نسب فى اللى جابوه يا ريت الناس تتقل كدة و تقرى الاول شروط الخدمة قبل استخدامها

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

10 comments:

  1. أيوة يا جيمى لما تكون الفيديوهات و المدونات مؤثرة, الحكومات بتخاطب جوجل لحذفها وفيديوهات وائل عباس خير دليل

    ReplyDelete
  2. غالبا مش الحكومات مباشرة، يكفي أن أفراد من الأمن أو مدفوعين منه يبلغوا أن المستخدم يسيئ استخدام الخدمة و يضطرهم لمراجعة المحتوى المنشور و يعطلوا الخدمة شوية. دا محتمل.

    دا ما يمنعش أن المحتوى ممكن يكون مخالف لشروط الاستخدام فعلا، لكن عادة مقدمي الخدمة مش بياخدو بالهم إلا من المستخدم ال فيه حد بلغ عنه من دون الملايين الباقيين، و الشروط دي أساسا لحماية مقدم الخدمة من أن حد يرفع عليهم دعاوي لأنهم بيسمحوا بكراهية أو عنف أو جنس..حسب يعني.

    ReplyDelete
  3. من اجل مصر
    شارك في الحملة الشعبية للقيد بالجداول الانتخابية وادعو غيرك
    ضع بنر الحملة علي مدونتك
    البنر موجود علي مدونتي
    اذا كنت ترغب في وضعه علي مدونتك ارسل ميلك كي ارسل لك كود البنر
    ارجو المعذرة للدخول بلا مقدمات لأني ادخل علي مئات المدونات يوميا

    ReplyDelete
  4. جيمي بيتكلم صح مية المية
    بالنسبة لكلام الف
    متنساش ان افيديوهات بتاعت وائل عباس
    اتفرج عليها ملايين منهم ناس اجانب مش من مصر ولا من اي حتة و دول ممكن يشوفوا المخالفة لشروط الاستخدام الي انت بتتكلم عليها دي و يعمل ربورت
    مش لازم يبقي الامن و الكلام ده كله
    لان متنساش ان اسهل حاجة في الدنيا ان احنا كل ما هما يرفعوا الفيديو انت ممكن
    تعملوا يبلود تاني

    ReplyDelete
  5. أنا ما قلتش لازم يكون الأمن يا مجهول، قلت ممكن.

    ممكن طبعا يكون أي حد بيبلغ بدافع شخصي..مفقوع من وائل مثلا، و دول كثير زي ما احنا عارفين..أو حتى شخص بيمثل علينا أن مشاعره رقيقة و اتجرحت

    أما الخواجات فما أظنش أنهم هيتعبوا نفسهم و يدوروا على فيديو ما يهمهمش كثير علشان يبلغوا عنه. لكن حتى دا مش مستحيل، إنما في رأيي أنه احتمال أضعف.

    ReplyDelete
  6. يا غربية

    انا قعدت مع الناس فى جوجل و شرحولى سياسيتهم فى اليوتيوب و آليه العمل هناك

    بتتم كالتالى

    فى ناس مسئولين قاعدين لمجرد انهم يشوفوا الفيديو الاول بيشوفوا الاسم و الوصف

    و هما قالوا لو كان الوصف باللغة العربية بيبقى صعب على المراقب انه يعرف محتوى الفيلم ان كان حقوقى من عدمه علشان كدة بيشوف انه خطاب كراهيه و بيحذفه

    و هما بنفسهم فتحوا الحوار على وائل بصفة ان المجموعة كانت مصرية فبيحكلنا على واحد مصرى وقال ان وصف الفيديو هوه بيحطه بالعربى فصعب جدا ان يتعرف محتوى الفيديو دة ايه

    انا كمان الاكونت بتاعى مقفول وواخد عقوبة اسبوعين علشان حطيت فيديوهات سيناء و الجثث و كنت عارف ان دة هايحصل بس كنت عايز اوريهم لاكبر عدد و عارف انهم هايتمسحوا و هاخد عقوبة

    ReplyDelete
  7. انا ماليش دعوة بغيري
    انا مش فاهمة جوجل بتراجع المدونة بتاعتي ليه؟
    وح يفهموها ازاي دي بالعامية المصرية
    حد عمل فلاج على مدونتي؟
    طب انا لا عندي بيدوفيليا (جنس الاطفال) اللي مالي جوجل
    ولا عندي عنصرية
    واللي مالية جوجل برضه
    طب كل ده بيراجعوا في ايه؟
    ومش بيردوا عليا ليه لما بابعت لهم...قاطعين الجوابات خالص
    انا ما اتكلمتش عن نظرية المؤامرة انا عايزة افهم هم بيعملوا كده ليه؟
    المدونات اللي اتلغت خالص
    فيه احتمال ان حد يكون عمل هاك عليها
    لكن مدونتي بيطلع للزوار رسالة من قوقل

    وهم قوقل وما يستاهلوش احسن من الاسم ده

    ReplyDelete
  8. وعلى فكرة انا مش شاكة في الامن خالص ولا جبت سيرة الامن بالنوسبة لي

    الامن يقدر يحجبها زي ما هو عايز
    وبعدين الامن يحجبها ليه؟

    ReplyDelete
  9. انتى مشكلة مدونتك الرئيسية

    انك بتكتبى كتير جدا جدا جدا

    و بفواصل زمنية قليلة جدا جدا جدا

    انتى نقلتى على ورد بريس

    مش هاتشوفى العذاب بقة

    دة انتى هاتشوفى الويل و هابقى افكرك

    لان دة مجتمع صغير اصغر من جوجل و كمان عندهم سياسة استخدام قاسية جدا

    ReplyDelete
  10. A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

    a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

    情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

    視訊聊天室
    A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

    情色,AV女優,UT聊天室,聊天室,A片,視訊聊天室

    一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

    ReplyDelete