Skip to main content

حاجات تخنق

لما أكون بدفع خمسة جنيه فى مشوار بالتاكسى و بعد ما البنزين يغلى يطلب السواق عشرة جنيه فى نفس المشوار ... و أتكسف على غير العادة إنى أتخانق معاه

لما أسكن فى شقة واحدة مع خرتيت آدمى ، يرتدى اللباس الدمور 24 ساعة و بيجعر فى التليفون ... و تفصلنى خطوات عن دب السكينه فى كرشه و تخليص البشرية من غبائه المستحكم و أرجع أقول دة غلبان و كبيره قلم خدامين على عينه و أدخل أنام

لما كل يومين أقرى ان شويه عيال بيجمعوا التدوينات فى كتاب ... و كأن خلاص الدنيا بتمشى بظهرها و الواحد بيتأخر مش بيتقدم

لما نوارة مطلعة عين اللى جابونى علشان أكتب إنى ماقابلتش كونداليزا و انا فى أمريكا علشان ماحدش يفتكر العكس ... و انا أساسا مش عارف أكتب أقول إيه يعنى ... سافرت إلى أمريكا و لم أقابل كوندى ... تمت

لما أقعد مع برماوى كل قعدة أكتشف إن البنى آدم دة لسه عنده كتير قوى علشان يقدمه ، و ان مش أنا لوحدى اللى بعرف أعمل حاجات كتير فى الدنيا و إن لسه فى ناس نظرياتها مبهرة بالنسبالى

لما أكتشف فجاة إن لسه فى أحاسيس ماعشتهاش و حاجات ماعملتهاش ، بعد ما كنت ظبطت إنى مش عايز حاجة جديدة و إن كفاية لحد كدة أهى دى بالذات حاجة تخنق قوى

لما قرعة دورى الابطال توقع الزمالك و الأهلى فى مجموعة واحدة ... بس كدة

Comments

  1. ههههههههههه
    هههههههههههههههه
    ههههههههههههه
    ههههههههههههههههه
    موتني من الضحك وانا كنت باعيط على خيبتنا

    مش دي ياخويا مصر اللي كنت عامل زي اليتيم من غيرها؟ اشرب بقى

    ReplyDelete
  2. اعمل ايه بس يا نوارة ما انتى عارفة انى مازوخى

    ReplyDelete
  3. إنت رجعت إمتى يا وله؟؟
    حمدا لله على سلامتك يا زعيم

    لما خالتك نوارة تقول لك قول ما قابلتش كوندي، يبقى تسمع الكلام وتقول ما قابلتش كوندي... لا تجادل ولا تناقش يا أخ جيمي

    ولما تبقى على بعد خطوات من دب السكينة في كرش الخرتيت، يبقى لازم تقصر الخطوات دي وتبطل تردد بقى

    أما عن برماوي لازم ترتب لنا معاد أنا وانت ونوارة نقعد معاه ويبقى نسلم عليك ونحتفل برجوعك وبالمرة نقعد مع الرفيق برماوي

    تحياتي يا منيل يا اللي ما قابلتش كوندي

    ReplyDelete
  4. Gemy...moteny men el de7ak 3ala el 7'artit.
    Tesada2 en da a7san tashbeih hehehehe

    Muhammed Adel

    ReplyDelete
  5. ياض يخرب بيت دماغك
    انا خايف احسن الخرتيت اللي انت ساكن معاه يقرا الكلام ده
    و لا الخرتيت اللي ساكن بلدنا يشم خبر يحكاية كونداليزا اللذيذة
    بس المهم بالنسبة للخرتيت الاحمر
    بلاش تقلق
    و الله العظيم ايامهم السودا جاية في السكة

    بييييييس يا مان

    ReplyDelete
  6. هي هي هي هي
    فاكراه

    ReplyDelete
  7. حمدالله على السلامه يا عم جيمى ؟
    يا ترى عملوا معاك ايييييييييييه؟

    ReplyDelete
  8. هو ايه اللي يخنق في انك تكتشف ان لسه عند برماوي كتير
    وبيعرف يعمل حاجات كتير وان نظرياته بتبهرك

    مفهمتكش
    ثم برماوي ده انسان زينا ولا ايه وبعدين يعني ايه برماوي من بورما ولا من برما ولا ده اسم من مقطعين برم يمعني بيبرم ويلف وهارش وفاهم وقوي وتنطق بلعامية أوي ويصير الاسم برماوي

    ReplyDelete
  9. A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

    a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

    情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

    視訊聊天室
    A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

    情色,AV女優,UT聊天室,聊天室,A片,視訊聊天室

    一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

    ReplyDelete

Post a Comment

Popular posts from this blog

كيف تصبح أوتاكو: عاشق مسلسلات الأنمي اليابانية

بداية إن كنت تعتقد أن مسلسلات الانمي اليابانية للصغار فقط، فيجب عليك أن تعيد وجهة نظرك هذه بالكامل، وإن كنت تعتقد أن هناك نوع واحد من المسلسلات فأنت حتماً لا تعرف شيئاً عن الانمي، وعليه أرجو منك بداية من الأن وقبل استكمال القراءة، أن تمحي كل أفكار مسبقة وتبدأ من جديد مع هذه السطور. سأقسم المقال إلى جزئين الأول حول صناعة الانمي نفسها، وأنواعها وأهم أنظمة العرض، وتقسيم المواسم، بالإضافة إلى شرح مصطلحات يابانية مهمة في عالم الأوتاكو. الثاني حول جمهور الانمي نفسه وما يمارسه من أنشطة وتجمعات وفنون مختلفة، وأهم المواقع ومجتمعات المحبين ووسائل المشاهدة المترجمة على الإنترنت. قبل البداية يجب أن تعرف أن كلمة أوتاكو Otaku، والتي تعني "مهاويس" مسلسلات الأنمي اليابانية، بالرغم من وقعها الجيد خارج اليابان، حيث يستخدمها الجمهور للتعبير عن حبهم لهذا النوع من الفنون، إلا أن الوضع داخل اليابان مختلف تماماً، حيث يُشار بها إلى مهاويس ومجانين هذا الفن الذي أضاع حياتهم وشبابهم، وأنهم مجرد حفنة من المجانين، بالرغم من هذا التاريخ الكبير للانمي في اليابان، وضخامة حجم الإنتاج في هذا

دواير

Photo By : Gemyhood Date and Time (Original): 2009:09:14 06:47:31+03:00 Camera: Canon PowerShot S5 IS Creator Tool: Adobe Photoshop Lightroom Lens: 6.0-72.0 mm   Focal Length: 21.3 mm   Location : My old apartment @ Emad el Din , Down Town  

عن أوسلو .. وموسيقي العالم

عدت منذ ايام من مهرجان أوسلو لموسيقي العالم، بعد مشاركتي في برنامج "المفوضين الدوليين" للمهرجان، خلال اسبوع من المقابلات والاجتماعات والحفلات، استمتعت بشكل شخصي جدا بتجربة فريدة علي مستوي الموسيقي والتشبيك بين الصناع والمهتمين بها .. اضافة الي المعرفة القريبة عن تفاصيل ارتباط مدينة "اوسلو " بالموسيقي وبالمهرجان نفسه يهتم "مهرجان أوسلو لموسيقي العالم " بالأساس، بجلب ما يحدث في عالم الموسيقي _الغير رائجة تجاريا الي مدينة أوسلو، علي مدار اعوام المهرجان الناجحة، استطاع بكل سهولة بناء ارتباط كبير بين سكان مدينة أوسلو وبين انشطة المهرجان، بالرغم من موعده الموافق لأعياد الهالويين، الا ان طائفة كبيرة من سكان اوسلو تعتبر المهرجان، عيدها الخاص ، الذي يحرصون علي حضور انشطته الممتدة لأسبوع كامل كل عام اتاحتلي مشاركتي في برنامج المفوضين الدوليين للمهرجان، عدد من الزيارات واللقاءات مع صناع الموسيقي في أوسلو، والمهتمين بالحركة الموسيقية عموما، سواء اماكن الفعاليات، الانتاج الموسيقي، الاعلام والترويج اضافة الي التعرف علي اعضاء البرنامج انفسهم، الذين تم ا