الحب و الجنس فى حياة النبى


فى خطاب شديد اللهجة - حلوة شديد اللهجة دى - طالب الازهر - الغير شريف - الجهات الامنية بسرعة ملاحقة كتاب الحب و الجنس فى حياة النبى للكاتبة بسنت رشاد ، بغض النظر عن المطالبة العنترية دى و بغض النظر عن كون الازهر نفسه جهة أمنية و اللى بقترح ان يكون له مخبرينه و عساكره لتنفيذ الاحكام الفترة الجاية ، نيجى لنقطة مهمة فى الموضوع دة

الازهر ذكر نصاً التالى

وأكد الشيخ علي عبدالباقي الأمين العام لمجمع البحوث الإسلامية بالأزهر-حسبما ذكرت مجلة عقيدتي- أن الكتاب تم طرحه خلال معرض الكتاب وتعالت الشكوي من الكتاب وعلي الفور حصلنا علي نسخة منه وشكلنا لجنة علي مستوي عال بالمجمع لفحصه..

وانتهت اللجنة إلي أن الكتاب غاية في السوء ويتعرض لحياة الرسول صلي الله عليه وسلم الجنسية بصورة غير لائقة.

يعنى الكتاب نزل السوق و نزل معرض الكتاب بعد كدة تعالت الشكاوى من الكتاب ، مش عارف هل دى شكاوى المصريين ؟؟ من رواد المعرض اللى صوتهم بيتبح علشان توصل شكوى لمسئول و لا شكاوى دور النشر مثلا و لا شكاوى مين بالظبط

من فترة أطلقت قناة الحكمة ... قناة إسلامية جديدة علشان تنضم لسلسلة القنوات الوهابية بكل الجهل و التخلف و اللعب بتفكير العامة ، الكتاب كان فرصة القناة للظهور و الانتشار بعد ان اطلقت حملة تحت مسمى إنا كفيناك المستهزئين .. الرد على كتاب الحب والجنس في حياة النبي ، و عمل سلسلة حلقات ليتحدث خلالها شيوخ الوهابية العظام و كل منهم يتسائل أين الازهر و كأن الازهر دة شغال عند أمه و ليصبح رئيس القناة الذى هو نفسه مقدم البرنامج نجما للشباك الاسلامى على طريقة قاطعوا الدنمارك و الا رسول الله يا ولاد الوسخة يا كفره

خرج الازهر بعد تشكيل لجنة لدراسة الكتابة بالتالى

أوضح الشيخ عبدالباقي: وعنوان الكتاب غير لائق ولا يتفق مع الأدب الواجب مع النبي صلي الله عليه وسلم وينزل بالإسم وصفة النبوة إلي مستوي العوام من الناس.

كما يتعمد الكتاب الترويج لأفكار الجماعات الضالة جماعة القرآنيين والطعن في السنة النبوية بصفة عامة حيث إنها شنت هجوما صريحا علي الإمام البخاري واتهامه بالوضع في الحديث واتهامه بالشعوبية في التشكيك في صحة ما أورده في صحيحه من أحاديث نبوية.

ويستمر الشيخ علي عبدالباقي في عرض سوءات الكتاب بالتأكيد أنه من الفصل الثالث مثلا يذكر الكتاب عبارات تعرض لحياة النبي صلي الله عليه وسلم الجنسية مع زوجاته من زاوية الطعن في شخص الرسول صلي الله عليه وسلم.

وفي الفصل الرابع أيضا يحتوي الكتاب علي حديث مفصل عن كيفية اللقاء الجنسي في أسلوب صريح مكشوف بعيد عن الحياء وكذلك في الفصل الخامس احتوي علي وصف تفصيلي لطرق الجماع بين الزوجين في أسلوب مكشوف دون خجل أو حياء.

ويتضمن الكتاب في الفصل الثاني والثالث والرابع والخامس خروج كبير عن الحياء وعون علي الفحش فضلا عما ذكر في طعن شخصية البخاري. كما تتناول الكاتبة السيدة عائشة رضي الله عنها بما لا يليق بزوجات الرسول صلي الله عليه وسلم.

جريدة الغد - موسى - كتبت تحقيق عن الكتاب على طريقة بلاغات أمن الدولة المعهودة عليهم و اللى ذكر كاتب الموضوع التالى

والجدير بالذكر أن الكاتبة لا تدرى ولا تعرف وليست متخصصة فى الشريعة الإسلامية حتى تكتب هذا الكتاب «الحب والجنس فى حياة النبى» لـ بسنت رشاد وأيضا نضع بلاغا آخر بأن عنوان المكتبة الموجود على الكتاب عنوان وهمى وذهبنا إلى مكان المكتبة وجدناه منزلا ليس به أية مكتبة ولكننا بفضل الله عرفنا من يوزع الكتاب ومصدره

لينطلق بعدها فى نقد ما جاء بالكتاب و كأنه هو المتخصص و العالم الاوحد بالشريعة الاسلامية

الجدير بالذكر ان الحملة اتنقلت لمجلس الشعب بعد ان قدم النائب المستقل مصطفى الجندى إستجوابا لفاروق حسنى وزير الثقافة مستنكرا توزيع مثل هذا الكتاب في معرض القاهرة للكتاب والذي يتضمن اساءة بالغة للرسول صلي الله عليه وسلم في بلد الأزهر واتهم النائب الوزارة بالتقاعس عن دورها في حماية القيم والمباديء والتقاليد الدينية.

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

7 comments:

  1. وانت ايه رأيك يا جيمى فى الموضوع ده ؟؟؟

    ReplyDelete
  2. شوف يا جيمى
    ازيك الاول
    شوف يا سيدى انا مش مختلفة خالص ابدا بتاتا مع وجهة نظرك
    الكلمة لازم تتقال حتى لو اختلفنا معاها
    بس حاسة ان فيه شئ من النزق المراهق فاللى بيحصل ده
    فى تعمد للصدام مع مشاعر الناس بغرض كسب الشهرة واعلان الكاتبة كشهيدة لقوى الظلام اللى بتسعى للتكفير وتكميم الافواه
    ممكن يكون حكمى خاطئ ، وممكن تكون بسنت جادة لكنها ضحية ناشر
    انت عارف طبعا ان فيه كتاب بعينهم وناشرين هم اللى بيقدموا البلاغات فى كتبهم عشان تتعمل عليها ضجة ويعلنوا كشهداء للكلمة ومن تحت الترابيزة الكتاب اللى مكنش حد هيحس بيه يوزع الاف النسخ
    وساعات وانا اعرف واقعة بكدة الناشر هو اللى بيحرص على ارسال نسخ للازهر او للناس اللى من عينة نبيه الوحش
    الموضوع كبير
    المهم
    انا عاوزة اقوللك حاجات كتير انا شايفاها مهمة
    عاوزة ابعتلك ايميل طوييييييييييييييييييييييل
    بس اتاكد انك فمود كويس
    تمام؟
    طمنا عليك يا هندزة

    ReplyDelete
  3. جيمى هو انت مسلم؟

    ReplyDelete
  4. لا يمكن ان يكتب هذا الكلام انسان فى قلبه ذرة ايمان والغريب انت حرية التعبير تباح عن الاستهانة بمشاعر ملايين المسلمين حول العالم والاستهزاء بمقداستهم والدوس على كرامتهم وكأنهم ليسوا بشرا واقول لك يا جميمى سواء كنت ذكر او انثى هل تقدر ان تشكك فى اعداد ضحايا الهولوكوست والا سيكون مصريك السجن واتهامك بمعاداة السامية او انك تشخر حتى من رمز مسيحى مش هاقول المسيح نفسة علية السلام بالتاكيد لن تقدر اما عندما يتعلق المر بمشاعر ملايين المسلمين فلا يلقى بالا لهم وحسبنا الله ونعم الوكيل

    ReplyDelete