الفاجومى بخير .. أحمدك يا رب


الحمد لله الفاجومى خرج من الأنعاش و الحمد لله حالته كويسة
.
بالنسبالى الموضوع كان مختلف قوى لانى عمرى ما زرت حد أبدا فى المستشفى ، و تقريبا بهرب من كل الزيارات دى مهما كانت صلة قرابتى بالمريض
.
الخبر جالى على الموبيل فى رسالة قصيرة من أحد الأصدقاء و قريتها لما صحيت من النوم على طول، الرسالة كانت مستفزة جدا و كلامها يخض ماحستش بنفسى الا و انا بجرى ورى تاكسى علشان يقف و لما واحد وقف اكتشفت ان الناس كلها كانت بتتفرج عليا و انا بعيط
.
احاول الاتصال بنوارة مش بترد و دة كان كفيل ان جرعة العياط تزيد و سواق التاكس يحاول تجنب ان عينه تيجى فى عينى فى المراية الامامية علشان ما يحسسنيش بالاحراج ، اقفل الموبيل بعد محاولة اتصال فاشلة تانيه بنوارة ابص فى تاريخ اليوم النهاردة اربعة تسعة يعنى فاضل على تاريخ موت جيفارا خمس ايام بس
.
مجرد الربط بين التاريخين و تكوين الشحصيتين مرعبة كفاية لواحد رايح لمريض فى الانعاش المفترض انه اول حد هايزوره فى المستشفى فى حياته ، بعد ربع ساعة كنت باتمشى فى المستشفى بين المكاتب و الاقسام لحد ما وصلت انه بيعمل اشعة ، اتصل بزينب اصغر بناته لتخبرنى انها فى الطريق ، نصف ساعة انتظر خروجه و بتابع ردود افعال الناس بعد معرفتهم ان اللى بيعمل اشعه هو نجم
.
يخرج من الغرفة لنستقبله ، الغريب ان موضوع انى بخاف منه دة رجع تانى و خصوصا و هوه خارج من الاوضة ، يرفع عينه فى عينى و يقول واد يا جمال ايه اللى جابنى هنا و ايه اللى جاب الاشكال الوسخة هنا مشيرا لأصدقاء زينب
.
ساعتها بصراحة كنت عايز اصرخله ويلكووووووم باك يا نجم ، نمشى شويه علشان يوزع سلامات على الناس ، ننتقل لقسم تانى و اشعة تانى علشان يتأخر قوى و شويه شويه طلع صوت الدكاترة مسخسخين ضحك ، ينقل لغرفته تانى لان معاد الزيارة بدأ انتظر زينب علان ابدل معاها و ادخل انا الممرضة تقولى انت ابنه صح ؟ فقلتلها حاجة زى كدة و لربع ساعة قاعد افكر الحاجة اللى زى كدة دى تطلع ايه ، خبرتى مع مسمى غرفة الانعاش لا يتعدى المسلسلات و الافلام العربية ادخل الاقيه خلاص نام
.
نوارة و فاصل العياط المتواصل بصراحة من كتر ما شوفت نوارة بتعيط زهفت مرة ابوها مش عارف بحكليه على ايه راح قايلى البت نوارة بت فقرية اصلا و غاوية عياط
.
الحمد لله و ربنا يقومهولنا بالسلامة
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

8 comments:

  1. حيقوم بالسلامة ان شاء الله

    ReplyDelete
  2. بيضان ومتسلق ولحاس جزم ومنافق بتدور على اى حد يوصلك او تعبش على قفاه

    ReplyDelete
  3. حمدالله على السلامة

    ReplyDelete
  4. الاخ

    Anonymous

    ياه يا اخى دة انت قلبك اسود قوى

    بس ما علينا خليها تاكلك

    نيهاهاهاها

    ReplyDelete
  5. احا بس حلوة منافق و لحاس جزم دى جديدة

    احا دة انا مفيش حد ما شتمتوش كسمك يا عم على كسم اى خول يكتب بأنينوميس
    ما تنساش تسلملى على امك :s

    ReplyDelete
  6. ياعم انت ماتحطش الاشكال الوسخه اللى بتحب تشتم دى وخلاص فى دماغك, انت ماشفتش ناس مريضه نفسيا قبل كدا ولا ايه؟
    المهم انه بخير

    ReplyDelete
  7. الحمد لله يا عادل ربنا يقومه لينا كلنا بخير

    ReplyDelete