لنساند المصرى اليوم ضد قمع الأخوان


dd

دشن بعض نشطاء الانترنت الاخوانيين
حملة يطالبون فيها الجميع بالتوقيع على بيان يطالب جريدة المصرى اليوم بالأعتذارعن التغطية التى قامت بها لأحداث العرض العسكرى لميليشيات طلبة الأخوان و كأننا تحت حكم فرعون أخر يأمر فيطاع و يقمع فننبطح و نوقع أى أعتذار هذا الذى يطلبونه،
أأعتذار عن تأدية الواجب المهنى للصحافة فى نقل الخبر و التغطية ؟؟؟
أم أعتذار عن الخطأ فى الذات العليا للأخوان؟؟ و أى خطأ فى متابعة الصحفى للأخبار و الاحداث و تغطيتها مصورة إن أمكن ؟؟ و ينسون أن الصحفى مهمته الاساسية هى نقل الأحداث و ليس مسئول عن ردود الفعل عليها فضلا عن ان الاخوان وطلاب الاتحاد الحر يعتقلون قبل تغطية المصرى اليوم كما ان العرض لم يكن سريا بل ان الطلاب انفسهم هم الذين اتصلوا بوسائل الاعلام
ليقوموا بتغطية الحدث اى ان مصور المصرى اليوم لم يفعل سوى ما طالبوا به بما يتسق مع اخلاقيات مهنته وليس لأحد ان يكون وصيا على وجهة نظره كان مكن حق الأخوان ان يقوموا بالرد على نوعية التغطية

او ان يرفضوها اجمالا ام المطالبة بالأعتذار فهم بهذا وضعوا أنفسهم فوق النقد واغلقوا الأبواب امام الصحافة لكى تقوم بدورها يطالب الأخوان جريدة المصرى اليوم بالأعتذار و كأن الجريدة هى من قامت بالعرض العسكرى و أتشحت بالأقنعة السوداء و أستعرضت و فردت عضلاتها بالكونج فو و الكاراتيه الاخوان بطلبهم هذا الأعتذار يفتحون الباب لقمع الصحافة و الصحفيين يفتحون الباب لكل فاسد للمطالبة بأعتذار أذا ما كتبت عنه الجرائد يفتحون الباب للقمع و البلطجة على الصحافة من كل واحد يتكتب عنه خبروهم بهذا يصبون فى نفس اتجاه ظلامهم الذين قاموا باعتقالهم واعتقال الطلاب الابرياء وهو مانرفضه جميعا كما نرفض طلبهم للاعتذار خوفا ان يأتى يوما على الصحفيين ليتفرغوا للاعتذار عن اداء واجبهم

خوفا من قمع او اضطهاد

و لا عزاء لحرية الرأى و التعبير بين مطرقة قمع الامن و سندان قمع الاخوان معا جميع من اجل حرية الصحافة وضد القمع فى جميع اشكاله وصوره

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

32 comments:

  1. ممكن حضرتك تتعب نفسك وإيدك وتري الموقع رقم 23
    كمان عايزك تشوف التوقيع رقم 515
    بالإضافه إلي التوقيعات رقم 6 ، 71 ، 38، 123،122،79،170،166،213،246،317،497،551
    بالإضافه إلي التوقيع رقم553
    ويرجي مراجعه تلك اللينكات
    وشهد شاهد من أهلها " مصور المصري اليوم " : -
    http://43arb.info/meit/?p=329
    وطبعا اللنكين دول إلي واحد من الإخوان مطلعهم : -
    http://43arb.info/meit/?p=268
    http://43arb.info/meit/?p=271

    وعلي فكره أنا أكرم منك ومش هعمل زيك ، ده إلي عايز أقوله
    وكمان إنته بتعمل معركه من مافييش وبتديرها بطريقه خائطه
    وإعمل حساباتك الأول صح

    ReplyDelete
  2. طيب يا عمي مش تكتب الموقع الالكتروني عشان نوقع؟

    ReplyDelete
  3. يا حلاوة يا ولاد..مكنتش متخيل انه ميليشيات الإخوان هتتحرك بالسرعة دي وتيجي تعتقلهم!!..
    يللا خير..اعمل بانر بصور الصحافيين المساكين المعتقلين وخلينا نعلقها على مدوناتنا ونطالب ميليشيات الإخوان بالإفراج عنهم..
    بالمناسبة عارف مين (النشطاء) اللي دشنوا الحملة؟

    ReplyDelete
  4. جالك الموت يا تارك الصلاة
    الأخ ميت جثة هامدة لم تعابينه و طلعلك يا جيمي ، شوف التهديد المبطن في الكلام؟ شايف ! شايف ! ، التهديد يمشي على أربع و يتغذي بالحمص ، خلي بالك التهديد يتجه نحوك ، هو انت يا مفعوص يا معفن تقدر تقف قدام السادة الاخوان؟ يا ابني دول متصلين باعلى الجهات العليا ، و ليهم تمثيل وطني و ديني و اجتماعي و اقتصادي و رسمي و عباسي و فارسي و شامي و مغربي و دبلوماسي و ذهبي و فضي و بدنجاني و دسوقي و منوفي و الماظي و طيازي و افتشاخي على مستوى كواكب المجموعة الشمسية
    انت يا أبو شخه تهدد الاخوان! انت!

    ReplyDelete
  5. قول له ياسبرنج!
    صحيح!..النصاص قامت والقوالب نامت!!

    ReplyDelete
  6. مصري بالاسم12/23/2006 10:41:00 PM

    ما تتحرى يا عم المناضل ابل ما تكتب كلام اهبل مالهوش سند الناس عايزة المحرر بتاع المصري يعتذر لانة ذودها اوي في كتاباتة و اخرج النص من سياقة و الاخوان دول حاربوا لتحرير ارضك من الايتعمار لما كان معظم الشعب افيونجي و المصريات الشرمطة عندهم برخصة من الحكومة
    بص في التاريخ كويس و يا ريت عندمليشيات دة كويس على الاقل لما يدخل الامريكان و الصهاينة حنعرف ان فية حد حياف اودامهم مش حيفلاس و يتنكس

    ReplyDelete
  7. يا استاذ لأه نسيت حاجه مهمة
    و الربع بتترقص

    ReplyDelete
  8. حسن زعبله اللي ناكك12/23/2006 11:35:00 PM

    يا مصري لو انت مصري ما كنتش تكتب كده على المصريين ولو انت اخواني وكل الاخوان زيك بيبصوا للمصريين كده وبيبصوا لنفسهم على انهم شعب الله المختار محارب الكفار يبقى كس امك على كس ام الاخوان ده لو هما كده فعلا يعني
    انت واضح انك واحد خليجي معرص سكران داخل يزيط في الهيصة
    كس امك

    ReplyDelete
  9. يا إخوانا إلي جيمي كاتبه ده عشان هوه عايز يتشاكل معايه
    المسأله مسأله شخصيه ليس أكثر
    مش عايز حد من الإخوه يتكلم خالص
    وانا مش هرد خالص
    المسأله شخصيه بحته

    ReplyDelete
  10. عفوا

    أنا ما قرتش رسالة جمي كلها

    قريت بس اول سطرين ان الاخوان بيجمعوا توقيعات ضد المصري اليوم

    وعشان كده قلت انا معاكوا على اساس اني اوقع ضد المصري اليوم

    ولاني ما كنتش نايمة كويس

    او زي ما بيقولوا الامريكا

    wishful thinking

    يعني امنياتي وخيالاتي الضلالية

    صورت لي ان جيمي زي ما كان مع حق البهائيين في انهم يعلنوا عن نفسهم

    ح يبقى مع حق الاخوان في انهم يعبروا عن نفسهم

    افتكرت انه كاتب لنساند الاخوان ضد قمع المصري اليوم

    احوليت يعني

    بس الظاهر يا عمي انك عندك الشيزوفرينيا اللي عند كل التيارات السياسية اللي موجودة في مصر

    لا مؤاخذة يا جيمي انا باحب مدونتك بس من حقي اقول رايي وللا ح تقول عليا باقمعك انا كمان

    عموما لو تعرف المواقع اللي بتجمع توقيعات ضد جرنال نسي ميثاق الشرف الصحفي

    وافتكر نفسه بيشتغل مع الامن

    واتسبب في ان عيال اصغر منك (وانا عارفة انك صغير) يبقوا في السجن دلوقت

    عشان انا عايزة اوقع ضده

    وبعد كده ح ابقى اقرا الميلات كلمة كلمة عشان ما اقعش في الغلط ده تاني

    وعايزة يا جيمي اسالك سؤال

    انت ليه بقى قلت على كرم جبر انه حرض على وائل لانه قال الحقيقة

    طب ما هو بمنطقك ده هو صحفي

    وبيقول رايه هو كمان

    وللا لما الصحافة تكتب ضد ناس انت معاهم يبقوا بيحرضوا

    ولما يحرضوا ضد ناس انت ضدهم يبقوا بيمارسوا حريتهم في الراي؟

    على رأي وائل عباس

    كفاية نجاسة بجى

    ReplyDelete
  11. يا نوارة الطلبة الاخوان هما اللى اتصلوا بالصحفى علشان يغطى استعراض الباليه اللى هما عملوه و لو شوفتى الفيديو انيل من التصوير و الجرنال يعنى الازمة مش ازمة المصرى اليوم و بس

    و كمان يا نوار الراجل فعلا نقل اللى هوه شافه مش زنبه ان شاف مصيبة و اللى يقارن الفيديو باللى اتنشر هايلاقى انه متطابق

    يا جدعان يا ريت نفكر شويه

    ReplyDelete
  12. الكلب الاخوانى الصغير محمد عادل داخل يتمطع و يتفشخ

    و تنزله البواسير فى المدونة علشان كتبت الرأى دة علشان اشاكله

    هوه انت مين بقة علشان افكر فيك اصلا

    انت تبوس ايدك شعر و طيز انى فاكر اسمك

    ReplyDelete
  13. يا ربيع ما تافش يا ريس انا قدها و قدود

    هما اخرهم كلام و استعراضات باليه مقنعة

    ===========

    يحى عياش

    ما كنتش اعرف انك كدة يا شماتة ابلة ظاظا فيا

    ReplyDelete
  14. ابشروا يا قوم ، البواسير الاخوانية تتدلي ، اما الحق اغير شرابي قبل ما شباب الأخوان يتعرفوا عليا

    ReplyDelete
  15. مصيبة؟

    حتى أنت يا جيمي؟

    ما كانش العشم.........

    ReplyDelete
  16. خالد البلشى12/24/2006 02:05:00 AM

    من اجل حرية الصحافة وحرية الأخوان ايضا
    الحرية للصحافة الحرية للاخوان وطلاب الأزهر

    اغرب شىء ان يطلب من صحفى الأعتذار عن اداء واجبه المهنى ان يمنع من حقه فى الاجتهاد يخطىء او يصيب
    ان نصادر على حق الصحفيين فى ان يكون لهم وجهة نظر ونصادر فى نفس الوقت على حق المجتمع فى الرد عليهم ان نمنع الأفكار من ان تتفاعل داخل المجتمع وان نحمل الصحافة فساد وقمع النظام لمجرد انها قامت بواجبها تجاه قرائها
    كان من حق الأخوان ان يردوا على مانشر وواجب علىالمصرى اليوم ان تنشر ردهم اما ان يطلب من الصحيفة الأعتذار لمجرد انها اختلفت مع رؤيتهم فهذا ما يضع الكثير من علامات الاستفهام حول موقف الاخوان من الحريات حال ان يكونوا فى موقع الحكم خاصة انهم فى لحظة واحدة تناسوا كل الهجوم التى تعرضت له المصرى اليوم من اجل التزامها بالحقيقة فى نشر اخبارهم
    فلا حرية الا لمن يساندونهم ام ا الأخرون فهم خونة ومارقون يجب ان يستتابوا ويعتذروا والا وجب اقامة الحد عليهم
    ان ما قامت به المصرى ليس خطأ مهنى وهو فى اقصى حدوده مبالغة فى النقد او حالة من الفزع سيطرت على محرريها بسبب الصور وهى بحق كانت مخيفة فى شكلها العام
    معا جميعا من أجل حرية تتسع للجميع
    معا من اجل الأفراج عن طلاب الأخوان المعتقلين ومن اجل توحيد القوى ضد الحكومة المستبدة دون ان يمنعنا ذلك من الوقوف امام عيوبنا
    معا ضد اعتقال الأخوان وضد مصادرة حرية الصحافة وفى نفس الوقت معا ضد من يقمع الصحافة ويطالبها بالأعتذار على اداء واجبها المهنى تجاه وطنها وقرائها
    ساندوا طلاب الأخوان وقياداتهم المعتقلين
    وساندوا المصرى اليوم فى الحملة ضدها حتى لا ندفع الثمن جميعا وفى مقدمتنا الأخوان يوم يأتى يوم عل هذا النظام ليستغل ما فعلوه للقضاء على ما تبقى لنا من حرية او يستغله الفاسدون لحجب جرائمهم
    انصروا المصرى اليوم والصحافة الحرة من اجل الحرية والأخوان ومن اجلنا جميعا
    اما الاخوان فبدلا ان يطالبوا المصرى اليوم بالأعتذار عن اخطائهم فعليهم ان يصلحوا هم خطاياهم قبل ان ندفع ثمنها جميعا او كما قال ابدأ بنفسك كفى بنفسك اليوم عليك وكيلا
    بالمناسبة ياجيمى انا ادعوك ايضا لتبنى حملة للمطالبة بالفراج عن الطلاب الأخوان وقياداتهم ايضا حفاظا على مستقبلهم
    وحتى يعلم الجميع ان الحرية التى تطالب بها تتسع للكل
    الحرية للصحافة الحرية للاخوان
    خالد البلشى
    ---------------------------------------------------------------------

    ReplyDelete
  17. فى ايه بس يا نوارة انا عملت ايه ؟

    ReplyDelete
  18. لا يا جيمي فكر شوية بس، أنا عارفة انك من الناس القليلة المخلصة في كلامها وأنا متابعة مدونتك على طول عشان كده ما توقعتش خالص انك تقول الكلام ده يا جيمي على ناس انت عارف كويس انهم - حتى وإن اختلفنا معاهم في حاجات أساسية - بس هم بيتعرضوا لتصفية مقصودة ومتعمدة من الدولة والدولة اختارت التوقيت ده.

    إنت عارف طبعا إن مافيش حاجة اسمها جماعة محظورة، وكونها محظورة دي سبة في جبين اللي حظرها مش في جبينها بس، سواء هي بقى أو حزب قبطي من حقه يكون له تواجد او حتى الحزب الشيوعي اللي اعضاءه تقريبا 12 واحد، بس مهما كان العدد من حق كل اللي عايز يبقى له تمثيل سياسي إنه يمارس ده لانه حق دستوري

    اللي حصل لا له دعوة بحرية الصحافة ولا له دعوة بالمليشيات

    ما اعرفش انت تعرف وللا لا

    بس من عشر سنين من ايام ما كنت انا في الجامعة والاخوان بيعملوا مظاهرات مشابهة

    اشمعنى الوقت ده هو اللي بيتقال عليهم ميليشيات؟

    ويعني ايه عسكرة الجامعة دي

    كل دي تعبيرات ارهابية

    وفين المليشيات دي لما انضربوا من بلطجية الامن

    وكان فين شرف الصحافة لما عيال ينضربوا في حرم الجامعة من بلطجية الحكومة؟

    وكانت فين يا عمي الحملة دي

    وفين أصلا الحملة اللي فعلا تقول: لا لجماعات وتيارات سياسية محظورة

    مش الحملة دي اولى؟

    وللا عشان احنا لا اخوان ولا مسيحيين ولا شيوعيين يبقوا يولعوا الناس دي؟

    يا جيمي الحكومة بتصفي كل اللي ضدها

    انت ما شفتش اللي حصل في كفاية

    والخناقة اللي حصلت في الناصري

    والاخوان في السجن

    فيه ايه

    فيه حركة غريبة الحكومة بتوقع التيارات السياسية في بعض

    وانا ازعم ان تحرك المصري اليوم وتضخيمه لحدث

    والله حصل قبل كده

    سببه أنها عايزة "تهلك المعارضين بالمعارضين وتخرج من بين أيديهم سالمين"

    أيوة المصري اليوم قامت بدور منحط

    شبه الأدوار المنحطة المتعددة اللي قامت بيها روز اليوسف في مواضع عديدة

    وإذا كانت الصحافة والأزهر بقوا أقسام تابعة للمؤسسة الكبرى أمن الدولة يبقى يا ريت يبلغونا

    ReplyDelete
  19. يعنى هعلق مع انى مش عاوز أدخل نفسى بين العيل الأهبل أللى بيعلق ولا باركور إللى بيخرف ،
    بس أدينى قلت ان التعليقات مفتوحه وفيها كل حاجه مع أن المدونة دى يا حرام كانت من أئتلاف مدونات بلا بذاءات ومن الرعيل الاول الذى أجتهد فى وضع الفكرة وتصوراتها .

    وكمان نوارة جت هنا وعلقت وأستشهدت بكلمة للقديس الشهيد وائل عباس " كفاية نجاسة بقى ".. يبقى لازم أعلق فالخالة والصديق والفكرة الأقدس موجودين هنا وروحهم الطاهرة بترفرف على تخاريف الباركور ..
    نبدأ ..
    باركور .... أنت كاتب بتدافع عن نشر وتناول المصرى اليوم لميلشيات الأخوان ، وبتطالب أننا نسانده مع ان المصرى اليوم هيفرض نفسه غصب عن الكل .. ومش محتاج قوى غير رد منك للى بيمرروا الرساله زى انا ما عملت ..
    وأنا من هنا أعلنها صريحة بأننى ضد أعتقال أى مصرى بقوانين سيئة السمعه كقوانين الطوارئ والتى يكتوى بنيرانها السواد الأعظم من كل المصريين ، ولكنى لست ضد نشر المصرى اليوم للصور او حتى لتناولهم أستعراض طلبة الاخوان لفنون القتال بلفظ ميلشيات ..
    أولاً نشر الموضوع بهذه الصورة مش ضد ميثاق الشرف الصحفى لان ده تنظيم وبالصور دى انا قدمت اللى هو عمله .. لفظ ميلشيات صحيح نسبياً امال اقول عنهم ايه ؟؟
    انا حتى لو فضحت عمل سرى ليهم كتهريب السلاح مثلاً يبقى ده من حقى لأنى مثلاً مش مع ومش ضد ولو كنت ضدهم ففكرتى فى نشر الصور وتناولها بما اراه صحيح برضه لأنى مخالف ليهم فى الافكار ،
    صحافة يعنى ..
    وكمان أنا ضد اللى الاغبياء بتوع طلبة الاخوان دول عملوه واظن ان المرشد بيكدب تانى لما يقول انه تصرف عشوائى من الطلبة ..
    وعبد المنعم ابو الفتوح كان عنده علم وهما برضه عارفين ان الامن ممكن يرد بعنف بس متصوروش ان الرد هيطول خيرت الشاطر ،
    نيجى بقى لبتوع الأخوان نفسهم وميلشياتهم .. دول مش بيخوفوا الحكومة والامن ولا بلطجيتة .. دول بيخوفوا كل حد مخالف لأفكارهم ..
    ولكن .. ما باليد حيلة ارفض الاعتقال وارفض البيان .

    بالمناسبة بقى يا باركور :
    ليه الموضوع محرقكش قوى ونشرت حاجه ضد الصحفية شيماء القرنشاوى والمصرى اليوم لما نشروا ان نورا وانا بهائيين بنتظاهر عشان حقوقنا وقضيتنا ، وقالت عنى انى طالب بالازهر ومعتنق البهائية،
    ماهو ده بقى تزييف وفبركة ولا انت ليك حسابات زيى ؟؟
    عموماً دامت مدونتك بتخاريفك عامرة وبركورية .

    نوارة انا بلغت .. وائل عباس اشهد ...

    برضه الاحلام .. بيها الايام .. بتكون احلى .

    ReplyDelete
  20. وكمان قالوا على محمد ونورا انهم بهائيين

    كحك يا جيمي

    امال بتدتفع عن ايه...........................................

    طب ونثق فيهم ازاي وهم بيفبركوا اخبار

    يا محمد

    انت بتقول انهم بيخوفوا اي حد يختلف معاهم

    بذمتك انت خفت من منظرهم وهم بيشلتوا بطريقة تنم عن انهم ما اخدوش تدريبات ولا حتى في نادي شباب

    انا ماليش دعوة بالقيادات

    بيكدبوا بيقولوا الحقيقة دي مسالة ما تخصنيش

    وهم مش متوقع منهم يعني انهم يقفوا جنب العيال

    هم من امتى بيقفوا جنب حد

    مين بقى اللي ح يقف جنب العيال دي

    انا ماليش دعوة بالصراعات السياسية انا ليا دعوة بالعيال

    مين للعيال دي؟

    انت بتسأل ما نقولش عليهم مليشيات امال نقول عليهم ايه؟

    يا سلام؟؟؟؟؟؟؟؟؟؟؟؟

    مش عارف تقول عليهم ايه

    هي المليشيات مش بيبقى معاها سلاح برضه

    على الاقل بنبقى شايفينه

    وللا انت معتمد على المعلومات اللي قالها الأمن انهم لقوا في السكن الجامعي

    دولارات ومطاوي؟؟؟؟؟؟؟؟؟؟؟؟؟؟

    يا اخوانا لازم نفصل بين اللي بنحبهم بشكل شخصي وبين الحق والباطل

    يعني انا كنت باحب البهائيين وبيني وبينهم عشرة مثلا عشان كده باقول لهم حق يختاروا عقيدتهم؟

    والا بقى لو مش ح يبقى عندنا عدالة مع اللي بنحبهم واللي ما بنحبهمش يبقى كل واحد يحط لسانه جوا بقه

    ويلعب جيمز على الكمبيوتر ولو حب يستعمل النت يبقى يتفرج على افلام........عنف

    الظاهر بقى البلد دي مش نافعة

    ReplyDelete
  21. با يتى انا اصلا تعبت

    انا بلت تدوين اساسا و قفلت المدونة

    http://t5at5a.blogspot.com/2006/12/blog-post_24.html


    يعنى كملوا كلام انتوا بقة مع بعض

    ReplyDelete
  22. تبطل تدوين ده هو بكيفك

    ايه ايه ايه

    اييييييييييييييييييييييييييه

    ReplyDelete
  23. خالد البلشى12/24/2006 09:47:00 AM

    احنا اسفين يا جيمى لأنه ثبت اننا ما بنحتملش الرأى الأخر فمثلا انت بتتكلم فى موقف معين كل واحد بيستدعى ازمته علشان يتكلم فيها بدل ما يركز على الموضوع رغم ان النت قدامه واسع وممكن يفتح القضية اللى عاوزها
    ازمتنا اننا لم نتعلم كيف نختلف مع بعض ثم نأتى لنتكلم عن حرية الرأى والتعبير واللى هى حريتى انا مش حرية اى حد تانى
    جيمى انت عبرت عن رأيك بشجاعة وهذا حقك ومن حقك ان ننصاع لرغبتك عندما تريد الأستراحة قليلا بس تأكد ان احنا كلنا بنحبك وبنحب مشاغباتك وسيبك من الصغائر لأن لا احد من الذين دخلوا لأ‘علان الحرب عليك توقف امام كلماتك جيدا وهى انك تطالب بالحرية للجميع بدون خوف يفرض علينا
    الحرية ل جيمى هووود
    الحرية للاخوان
    الحرية للصحافة
    كلمة لشرقاوى لما انت اتكلمت عن اللى عملته المصرى اليوم فى نورا يونس كان جيمى اول واحد انزعج وان اقترحت عليك تبعت رد بس رفضت ومع ذلك كان جيمى اول واحد رد وصحح الموقف ونشر الكلام على الموقع واللى مش مصدق يبص تحت رجليه
    والنبى بلاش مزيدات
    مفيش حد مع الخطأ بس لا يمكن احكم على حد انه أ/، لمجرد انه اختلف معايا مرة او لأنه اجتهد مرة فأخطأ مش كده ولا أ]يه يا نوارة الكلام مش عن جيمى الكلام عن المصرى اليوم

    ReplyDelete
  24. مكنش يعرف اني كدة..دانا أبو كدة!!
    عرّف القمع يا أستاذ جمال!!

    لما نعرف الأول يعني إيه قمع ممكن نقيم موقف على انه قمع ونقيم موقف على إنه شئ عادي جدا..
    لفظ ميليشيات هي كذب صريح، وإذا كان للصحافة ميثاق شرف لا يتضمن المصداقية يبقى مكنلهاش لازمة!!

    أغرب رد هنا هو رد أستاذ خالد البلشي، يقول لك الصحفي يخطئ ويصيب، طيب إيه اللي جرى في الدنيا يعني لما واحد صحفي أخطأ وراحوا طالبوه بالاعتذار؟
    ولا عشان الصحفي يهطئ ويصيب خلاص، بقى الخطأ ده جزء من واجبه ميصحش يعتذر عنه؟!

    ReplyDelete
  25. شارك بتوقيعك : مطلوب إعتذار المصري اليوم
    لينك الحملة
    http://www.petitiononline.com/masry/petition.html

    ReplyDelete
  26. مش هاكتب اسمى12/24/2006 02:29:00 PM

    ردى على الصديق" ارحم دماغك "لو دققت شوية فى كلام خالد هتفهم هو يقصد إيه بأن الصحفى يخطىء ويصيب وهو إن الصحفى أثناء الحدث اللى بيتابعه بيعتمد على تغطية الحدث إلى جانب التركيز على أى تفاصيل متعلقة بالموضوع وبعدين بيربطهم ببعض ويكتب موضوعه الذى يحمل الوقائع إلى جانب إستنتاجاته التى قد يصيب فيها أو يخطىء ،وفى حالة الخطأ للمصدر الحق فى الرد وهو حق قانونى تماما أما إذا رفضت الجريدة أو الصحفى نشرالرد فيحق له مقاضاتها والرجوع للنقابة لمحاسبة الصحفى والجريدة ،وهنا يحق له وللجميع أن يشنوا حملة ضد الجريدة والصحفى وسنكون أول الموقعين على بيان يطالبهم بالإعتذار وهذا لأن ميثاق العمل الصحفى هو ضمائرنا التى تحكمنا جميعا كصحفيين ،
    أما بالنسبة لموضوع "نورا يونس" وحدوتة المصرى اليوم فبجد الناس مصرة تخلط الأمور ببعض لأن "نورا" نفسها مردتش على المصرى اليوم وكلنا كلمناها علشان ترد وهى محبتش والناس اللى داخلة تهيص فى الهيصة نسيت إن المدون الوحيد اللى دافع عن "نورا يونس" هو "جيمى" اللى نورا كلمته وشكرته على اللى كتبه عليها فى مدونته ونشرموضوع بجريدة الميدان به نفس الصورة التى نشرت لها بالمصرى اليوم مع تصحيح الخطأ الذى لحق " نورا "،فى حين لم نجد أى من المدونين اللى عمالين يتكلموا على "نورا يونس"كتبوا ولو كلمة واحدة عن هذا الموضوع فى مدوناتهم العظيمة فياريت يبطلوا مزايدة بقى علشان إحنا مش ناقصين قرفهم.

    فى النهاية بجد واضح إن إحنا افتقدنا القدرة على إحترام رأى الأخر أو حتى سماعه وأصبحت الفوضوية وتبادل الإتهامات هى الوسيلة الوحيدة لإثبات ذوات البعض .أما الحوار والنقاش والتفاهم والإختلاف فهى كلمات ليس لها أى وجود حاليا .
    أخيرا هنيئا لنظام "مبارك"الديكتاتور ما حل بالمعارضة من شتات .
    أسفة مش هاكتب اسمى لأنى معنديش إستعداد اليومين دول أتشتم ولا أقولكم اشتموا براحتكم علشان نحس إن إحنا كبرنا وبقينا معارضين كبار.

    ReplyDelete
  27. أولا:
    انا مش عارف ليه دايما بندعم مواقفنا بالسب والألفاظ البذيئة؟ مع ان ممكن اختى أو اختك أو زوجتك ممكن تكون بتتصفح المدونة وعيب يشوفوا البذاءة دي.
    ثانيا:
    في فرق بين الرأي والرأي الاخر و(فلق) فرق بين انك تكون غير حيادي وتميل الى طائفة على طائفة اخري (أو بمعنى أصح في ناس بتكره الاخوان على طول الخط)
    مع انهم (الاخوان) لم يصدر منهم اي شئ قد يشين او يدعو للخوف منهم
    فيها ايه لما مجموعة طلبه تعمل عرض ؟؟ ولم يتم الاعتداء على أحد او ايذاء اي شخص، مجرد مجموعة طلبة عندهم شوية حماس وبيعبروا عن رأيهم ؟
    طبعا من حق الصحافة ايضا ان تعبر عن رأيها ولكن بأمانة مهنية ، كما يجب ان تكون لدينا شجاعة الاعتذار.... لا ان تأخذنا العزة بالإثم

    ملحوظة: انا لست اخوانى ولا أنتمى لأي حزب سياسي

    دمتم بخير

    اسامة سامى

    ReplyDelete
  28. كسم التخلف12/26/2006 02:51:00 PM

    بصراحة انتوا بتثبتوا انكوا كسم التخلف

    الراجل بيتكلم فى وادى و انتوا بهبل بتتكلموا فى وادى تانى

    بيتكلم عن مفيش حاجة تستدعى الاعتذار

    و انتوا كسم دماغكوا

    غوروا حلال فيكوا عرص يحكمكوا

    ReplyDelete
  29. يا سلام يا جيمى ده انت محتاج عزيمة انبيا يا جدع
    عندك ناس بتهلل للمصرى اليوم وناس بتهلل للاخوان وانت مدعوك بينهم ياولداه
    مع ان اللى فهمته ان المسالة بسيطة..انت مع مطالبة جريدة بالاعتذار عن تغطيتها لاحداث هى مش مسؤلة عنها ولا لأ
    انا بقى عشان طول عمرى مريحاك ومهنياك هقولك نى ضد اعتذار المصرى اليوم لجماعة الاخوان اللى اداءها السياسى طول عمره صفر
    بس خلاص

    ReplyDelete
  30. فتحى فريد12/30/2006 01:55:00 PM

    يجب أن تعتذر المصرى اليوم لانها اصبحت تضيف رأيها وهذا ليس من حقها كجريدة مستقلة لا تعبر عن راى اى تيار اوتنظيم وهذة المبادرة من باب حرصنا كشباب على جريدة نحترمها فى زمن قل فية الاحترام

    ReplyDelete
  31. هو كل واحد عايز يعمل موقف سياسي لنفسه علشان يبقى له كيان تنطط على الاخوان المسلمين ما تلموا نفسكوا بقى شويه هو ايه الحكايه خلاص ما بقاش فبلدنا اللى ما بقتش بلدنا غير تطلعات وفكر الاخوان المسلمين علشان نهاجمه
    ما تخليكوا فى البلاوي اللى موجوده اولى وسيبوهم بقى
    تفتكروا هايطلع منهم واحد زى الشاذلي يعمل فى البلد اللى الشاذلي عمله

    ReplyDelete