الازهر بين الكهنوت المؤسسى و شيوخ الحمامات


من و أحنا صغيرين و فى مراحل حشو الدماغ الاولى
و دى مرحلة لولبية فى حياة كل طفل مصرى
حيث تتحول دماغ كل طفل لمبولة ناصعة البياض
يقضى فيها حاجته كل مزنوق و كل صاحب حاجة
من أول برامج التليفزيون لحد ظهر كتاب القراءة
و النصايح الهبلة اللى عليه و اللى كلها خضوع و انبطاح
من أول اوعى ترفع صوتك على حد و خليك دايما كول
لحد تبسمك فى وجه اللى جنبك هايوديك الجنة
و تبتدى الدايرة بصلاة الطفل فى الجامع يوم الجمعة
مع أبوه و يتربى على خطبة الجمعة الجميلة اللى كلنا عارفينها
و عارفين قد ايه مليانة ثقافة و معرفة و قد ايه الشيوخ الازهريين
بتجاهد يا عينى علشان يحببونا فى الاسلام
مشكلتى انا بقة انى عمرى ما حضرت خطبه زمان الا و كانت على الحمام
و ازاى اقضى حاجتى لما اتزنق
و بالشمال و لا باليمين الواحد يمسح و كل جامع ليه كلام غير التانى
يعنى اللى يقولك ان الحجر و المسح بيه ثلاث هوه الاساس
و اللى يقول وجب الماء و اللى يقولك لا دة الشطاف دة بدعة
و بيساعد على تحريك الشهوة و ان قاعدة الحمام الكليوباترا دى غير شرعية
لان ما بيحصلش فيها تمام للقرفصة
و تفضل انت قاعد فى الحمام طول الخطبة و طول البرنامج الاذاعى و التليفزيونى
تسمع فتاوى الحمامات و كان الدنيا مافيهاش غير الخراء
اما بقة لو الشيوخ راضيين عنك فبيمتعوك بوصلة جنسية
من نوعية نام على جنبك اليمين
و لو نسيت تسمى الله قبل الجماع يبقى ابنك أبن حرام
و الشيطان داخل بنفر فيه و ياسلام بقة لو برنامج على فضائية
و الشيخ الازهرى عايز يحلل السبوبة الاعلامية يبقى لازم يستقبل تليفونات
و دايما مواضيع الحلقات لازم تبقى سخنه و لازم برضوا يخرجوا عنها
و يسرحوا مع اول تليفون سخن يسخن السبوبة و يشعللها
و تبقى حاسس ان العمة الازهرية
هاتفط تنط من الفرح لان بعد البرنامج الفلوس هاتملاها أكيد
و الاغرب أنك تلاقى الشيوخ دول متصنفين
واحد بتاع حمامات و التانى بتاع جنس و أوضاع و التالت بتاع الورث
وواحد لنتف الحواجب و كل واحد متبنى قضية و شغال عليها
و بيبدع بقة فى رفع صوته مرة و الزعيق مرة و التسامح مرة و كله لزوم الشو الاعلام
و طبعا وسط كل دة بينسوا يحببوا الناس أصلا فى الدين دة ...
و لا عمرى أفتكرت شيخ أزهرى و لا سلفى حتى
أتكلم ان الموضوع سهل و الجنة دى حاجة سهلة جدا
كله بيصعبها و بيحطلها شروط
تخلى الواحد يقول لا دة النار أسهل على كدة
كل اللى فات دة كوم و طاعة الحاكم دى كوم تانى خالص من أول شيخ الازهر
اللى دايما بيفلقس و بيوطى للريس و هوه بيسلم عليه
و تحس كدة بالضراعة و الخشوع فى السلام
و التصفيق على أى كلمة تتقال
لحد أصغر شيخ على أصغر منبر بيدعو للطاعة المطلقة
لا و ايه بيدعوله و بيثنوا عليه و على حكمه المجيد
و كل ما تحصل مصيبة فى البلد تتوحد الخطب و تتوحد الادعية
و تصب كلها فى سكة واحدة سكة اللى مش هايطيع
اولى الامر مايرجعش و هايبقى خارج عن الحظيرة
و هايسيبوه يكاكى فى النار و ماحدش هايساعده
و تحس كدة ان الازهر دة ماهو الا سكرتارية الرياسة
و حاجة تقرف بصراحة كل فتوى تطلع علشان
مزاج سعادته وواحدة علشان ابن سعادته
وواحدة علشان شرعية و استفتئات سيادته
فيا شيوخ الازهر أرحمونا فقد تعبنا من الحمامات
و الفتاوى الخارجة من عقولكم الجهنمية
أما الحل فهو انكوا تقعدوا فى بيوتكم و نلملكم مرتباتكم
نبعتها فى طرد كل شهر لكل عمة منكوا
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

31 comments:

  1. الله ينور عليك12/08/2006 11:21:00 AM

    الله ينور عليك يا ابنى و الله

    ReplyDelete
  2. el masry affendi12/08/2006 01:49:00 PM

    absolutely right...we've been given wrong information since we were little kids in the school, the mosque even at home ...our brains are so fucked up...we don know our true history , we have few information about politics...in addition to be so fascinated by the western culture and the under estimation of our own arab eastern culture ...god help us redefine our selves once again....that is a very hard task...

    ReplyDelete
  3. ايه العك ده

    حتى لو عايز تنتقد ... بس مش بالشكل المهين ده

    انا ضد التابوهات .. لكن احترام الاخر حتى فى نقده .. لا يسئ للناقد في شيئ

    طبعا لا افرض وجهة نظري الخاصة عليك منعا للقول باني شمولية

    ReplyDelete
  4. مصرى للابد12/08/2006 06:14:00 PM

    فى ظل انتشار الهمجية الوهابية

    وتحول مصر تدريجيا الى مستعمرة وهابية

    واصبحت مصر مجرد تابع لدولة الارهاب الاولى فى العالم السعودية الوهابية

    فلم يعد شئ مستغربا!!!!!!!!!!

    شاهد الرابط لتعرف نهاية كل المصريات الحتمية

    http://www.youtube.com/watch?v=QFkblouoRjE&NR

    وشاهد الرابط لتعرف نهاية كل الرجال المصريين الحتمية وانا وانت منهم لو استمرت الهمجية الوهابية المتخلفة فى انتشارها فى بلادنا

    http://photos1.blogger.com/blogger/3732/700/1600/caveman.jpg


    التوقيع
    مصرى للابد

    ReplyDelete
  5. بنت سعد

    كويس انى ما عملتش حملة لهدم الازهر بالكامل

    دى مؤسسة فاسدة و اصلا الازهر دة احقر من انه يبقى تابوه اكسره

    حاجة اصلا كل اللى فيها شغالين تورابية

    يا بيستغلوا الدين اللى اتعلموه فى السبوبة

    يا بيستغلوه مع الحاكم

    و كله علشان الفلوس

    ReplyDelete
  6. بص يا مصرى اللى يستسلم للفكر العقيم دة يبقى هوه الغلطان

    احنا طول عمرنا عايشين كويس قبل ما نبقى تابعيين للخرفان دول

    و ما جابلناش العجز الفكرى و الافلاس الثقافى الا البهايم دى

    ReplyDelete
  7. saba2teny yabn el lazena we ana kont gay ma7'no2 men 7'otbet el gom3a el naharda we 3ayez a3mel post 3aleha..
    bas bema enak katabt we hena zay 3andy ba2a
    el naharda awel mara asaly el gom3a fe el karya el zakeya..fe el game3 el keber beta3ha
    el mohem el 7'ateb kan a3ed yeza3a2 awy awy awy
    fasha7' dema3'y ze3e2 we howa aslan byetkalem 3an el 7ag..tab betza3a2 fe el mawdo3 da leh ya badeen
    we ba3den e7na maslan ba2alna 3ala el akal 20 sana bensaly el gom3a ya3ny seme3na mawdo3 el 7ag da melion mara we kol sana nafs el kalam...matetkalem fe mashakelna afyad
    ya3am etkalem 3ala el 7ekoma elly 3amla 7ag el kor3a be 16000 geneh we howa mesh mekalefho 3000 geneh we kaman el nas mesh betro7 te3od fe fanade2 la2..fe 7'eyam kol sana betwala3
    el 16000 geneh dol ye2a3adohom fe af7'am fondo2 feky ya so3odeya shahr kamel mesh 10 ayam
    ya3ny fash7'en el sha3b shamy we ma3'raby
    bas howa she7' 3*** 3alashan 7'ayef men elly mesha3'aleno
    we al eh kaman bye2ol enak law ma3ak felos matgawezshy 3eyalak we ro7 7eg behom le2enak law satart 3eyalak haykon 7aram
    a7a ba2a...
    mafesh 7'ara keda fe el 7aya
    salam

    ReplyDelete
  8. شوف يا جيمى
    الازهر يعنى لسة مش مؤسسة قذرة ولا حاجة...وكمان هو ليس منزة عن النقد...لكن من يوم ماعبدال الناصر الله يسامحه مطرح ماهو دلوقتى ضمه للمنظومة السياسة وهو فقد مرجعيته ومصداقيته وبقا دراع ولسان الثورة والحكومة الشرعى ....وانا متوقعة هجوم فظيع عليك لانك قلت كدة...لأنى سبقتك ومرمطونى لما قلت ان المؤسسات الدينية فى مصر والشرق عموما حصرت الاسلام فقط فى الاية الكريمة وأطيعوا الله واطيعوا الرسول واولى الامر منكم..كما حصرته فى الحجاب والنقاب واللحية والمظهر والملبس فقط....ومرت مرور الكرام على كل الاساسيات والتشريعات وحق الرعية فى رقبة الحاكم قبل حق الحاكم على رعيته
    طيب تصدق بالله؟؟...مرمطونى يا جدع
    حسسونى كأنى مسيلمة الكذاب
    محدش فيهم اتكلم كلمة على شيخ الازهر اللى مبيتكلمش الا بقرار سياسى...اللى حلل فوائد البنوك والربا طالما بتخدم النظام...اللى حلل الرقص وأفتى بانه فن جميل.....هههههههههه والنبى قلبت علينا المواجع
    وانخرس ادام مذابح المسلمين فى كل مستعمرة مسلمة
    وانخرس ادام سياسة التعذين الممنهجة فى مصر
    حتى انكتم ادام تصريح فاروق حسنى السفية
    فالح بس يصدق على توصيات مؤتمر بكين

    لسة مآنش الأوان اننا نخلص من الوقالب دى

    ReplyDelete
  9. بص يا جيمي . فيه حاجة اسمها حكم النسبي و المطلق .. في الموضوع ده عندنا مؤسسة الازهر .. انا الذى استفزني .. ان حكمك كان بصورة مطلقة و كأن الازهر يخلو من الرجال الشرفاء الذين يهمهم رفعة هذه الامة و لا يخافون في الحق لومة لائم . و هذا مالا يصدقه عاقل !!! فليس ذنب الشيوخ ان تكون رئاسة الازهر المعينة من قبل النظام و الظاهرة لوسائل الاعلام لا تصلح لهذا المنصب . لا تزر وازرة وزر اخرى .. لكن لو كان حكمك ده بالصيغة النسبية و ليست المطلقة لكنت لم اجد حرجا في قبوله . فالازهر كؤسسة استحالة ان يخلو من السلبيات و الاخطاء و خصوصا اذا ما فسدت الرأس كطبيعة باقي المؤسسات العامة.. و ان كنت فعلا لا اخفي قلقي من ازدياد حجم الهوة بين الازهر كمؤسسة و بين فئات الشعب و افتقاده للمصداقية من قبل الكثيرين و ان الناس أصبحت تلجأ للشيوخ الذين خارج عباءة الازهر لاتباعهم او الاقتناع بآراءهم سواء شيوخ من المتشددين كتيار الوهابيين أو الوسطيين . كما انه عندما يشتد التيار العلماني و موجة الالحاد .. فلكل فعل رد فعل مضاد له فى الاتجاه و مساو له فى الشدة . فبالتاكيد رد الفعل العكسي من قبل معظم الدعاة و العلماء سيكون المغالاة و التشدد في هذا الدين في محاولة للتمسك ببقايا الهوية الاسلامية
    ****
    و هذا لا يعارض ما سبق و قلته عن عدم قبولي للنقد بهذا الشكل المهين . شيوخ حمامات و كذا و كذا .. طبعا لك مطلق الحرية في اختيار اسلوب ما تعبر به عن افكارك و لكن هذه الفظاظة في التعبير لا تقدم ولا تؤخر الا مجرد تفريغ الشحنة العصبية . قال تعالى : و لو كنت فظا غليظ القلب لأنفضوا من حولك و قال ايضا : و جادلهم بالتى هى أحسن..

    *****
    و اخيرا .. قال رسول الله صلى الله عليه وسلم : حفت الجنة بالمكاره ، وحفت النار بالشهوات . لا احد يخفي ضيقه من اسلوب الترهيب المتبع عند كثير من الشيوخ و التنفير لافتقادهم لاساليب الحوار مع عقول الشباب خصوصا و لكن هذا لا يهدم مبدأ ان الجنة صعبة المنال ولن يدخلها الا من يستحقها و نال رضى الله
    ****
    لا بأس . سأظل اعمل بمبدأ فولتير : أنا اكره ما تقول لكني سادافع حتى الموت في حقك ان تقوله

    ***
    تحياتي

    ReplyDelete
  10. هو بس عشان مش كل واحد مزنوق في كلمتين يجي يطفحهم لنا
    اولا جيمي انا بعترض معاك فعليا في جزئية كل الشيوخ او الازهر بالتعميم دا خطأ كبير اوي اه الازهر مؤسسه فاسده وبتنهار وفيها كمية شيوخ من نوعية تحت العمه قرد بس دا لايمنع ان في الناس بتفتي بعيد عن عضوها التناسلي ومؤخرتها الازمه ان الناس اللي بتفتي في الحاجات التانيه هي الاخطر ...يعني لما واحد يقولك دخولك الحمام حرام عشان مقولتش اللهم اني اعوذ بك من الخبث والخبائث دا الناس حتضحك عليه لان كل واحد مزنوق عايز يطرطر مش حيفتكر الكلام دا (وان كان في بيفتكروا) بس الازمه الاكبر شيوخ الحجاب والدقن شيوخ المجتمع الاسلامي الصحيح اللي بيبدأ من الفرد المسلم الخ .... طبعا اي فرد مسلم واي مجتمع مسلم واي اسلام لاي مجتمع دا مش مهم هو عنده رؤويه معينه للاسلام اللي يخالفها يبقى زنديق وفي احسن الاحوال لدى الناس اللي ممكن تتفاهم معاهم اللي يخالفهم يبقى عاصي .

    ReplyDelete
  11. اول سطر في التعليق السابق كان جزء من رد على حتة عبد الناصر والازهر اللي انا نسيتها طبعا ونسيت انا كنت عايز اقول ايه

    ReplyDelete
  12. ماك

    الله يحرقك قاعد ساعة افك طلاسم اللى انت كاتبه دة

    بص الملخص انك حضرت خطبة خراء و دة العادى كل اسبوع يعنى

    مفيش حاجة جديدة حصلت يا بوب :d


    ======================


    شهروزة

    فتحتى على نفسك باب جهنم بتتكلمى على عبد الناصر

    انها لزندقة :d كفر و الحاد ;d

    دة الشيوخ اهون من الناصريين

    على الاقل الشيوخ فيهم سنة ذكاء

    نيهاهاهاهاهاهاه


    اما بخصوص انضمام الازهر للمنظومة السياسية دى كانت اول خطوة

    انه يبقى طرطور على راس النظام

    علشان يضفى الشضرعية ليه على اعتبارنا اننا

    عايشين على الهواجس الدينيه

    و بنقتات عليها

    ReplyDelete
  13. و عندك اتنين حزب وسط و صلحه :d

    مالك و بنت سعد

    تقريبا انتوا علشان وسط فرائيكم واحد :d

    الليلة كلها فاسدة يا حج انت و هي

    لما دلوقت انا ابقى شيخ ازهرى و تمام و حلو

    و منفض للازهر و ماليش فى قراراته

    و ماشى على الصراط المستقيم

    يبقى انا مشارك فى الجريمة بسكوتى دة و يا ريته سكوت و بس لا دة انا باخد مرتبى تمام و لا اجدع تربى اتعلم القران علشان يقراه على المقابر و عايش فل تجيلى سبوبة اروح برنامج شغال ..... انا نفسى اعرف فين الشيوخ الكويسة اللى انتوا بتقولوا عليها دى يعنى مثلا خلينا عمليين و نجمع مثلا خمسة كويسين

    هاتولى شيخ مثلا استقال علشان المفتى طلع فتوى مشخلعة من بتوعه ؟

    هاتولى شيخ طلع قال امام الازهر غلطان و المفتى غلطان و انا برىء منهم ؟

    هاتولى شيخ مرة جيه قال يا جماعة حرام كل اللى بيتعمل دة و الحاكم دة ظالم ؟

    هاتولى شيخ صغير مش مهم كبير وقف قال خطبة جمعة فى صالح الشعب فوككوا بس صالح الامة علشان كلمة خنيقة ؟


    لما تجيبوا كل دة ممكن افكر انى ما اعممش بس للاسف كلهم كدة

    و اللى مش كدة فهو قرد مستنى مرتب كل شهر و بيتنطط مترح ما اللى اعلى منه يأمر

    =======================

    اما بقة الاسلوب يا بنت سعد احمدى ربك انى ما قلتش اهدموا الازهر

    لان دى اول خطوة صدقينى هاعملها لو فى ايدى الامر دة

    و كل الىل انا قلته دة بيحصل فعلا و اتحداكى تقولى انى كذبت او هولت فى كلمة واحدة منها


    و صباحكوا وسط انتوا الجوز :d

    ReplyDelete
  14. الأزهر محتاج اصلاح بس زيه زي كل حاجة في البلد ، ولو رحت دولة متقدمة زي ماليزيا أو أندونيسيا أو تركيا و قلت انك أزهري ، الناس حتحترمك و تعظمك ، أذكر بالخير الشيخ حمدي بتاع مسجد فاطمة الزهراء في مدينة نصر ـقال خطبة ممتازة خطبة بجد و من ساعتها مشفناهوش تاني ، الجيل الجديد من الشيوخ ممتاز لكنه مرصود و لو جاول ينطق حيروح ورا الشمس خصوصا مع وجود وزير أوقاف معرس زي الدكتور زقزوق و صول سابق زي رئيس جامعة الأزهر أحمد الطيب اللي متربي علي سرقة الاثار في الأقصر

    ReplyDelete
  15. عموما انا كنت باحترم اسم مالك لما بيدخل فى اى كلام عن التدوين ومصداقيته والكلام دة...لكن يبدو انه زيه زى أى ناصر واى واحد فى مصر
    يضرب اللى بيعارضه الرأى بالنار
    رايى هو حريتى الشخصية ومش من حقك تتفهه او تسفهه بالطريقة دى
    انا احترمت اللى بيكتب واللى بيقرا ومقولتش اى لفظ خارج
    أعتقد ان دة كمان حقى لما حد يرد عليا
    أعتقد يعنى.....

    ReplyDelete
  16. asl el mawdo3 kan keber awy 3alashan aktebo bel3araby
    bas heya kanet 7'otba 7'ara sa7e7

    ReplyDelete
  17. شوف يا عم جيمى انت اتكلمت فى مسالتين..اولا القضايا اللى بيتناولها الشيوخ فى خطبهم..وانا معاك فى ان الشيوخ بيركزوا فى حاجات ملهاش لازمة واحيانا احنا كمسلمين بنسال اسئلة هبلة فتلاقى الرجل مضطر للاسترسال فى كلام مفيش منه رجا..بصراحة برامج الفتاوى دى كارثة وفتحت الباب لاثارة ازمات من لا شىء و بعدين كل مساجدنا متراقبة من الامن يعنى مفيش حرية فى اختيار الخطبة وكتير من المساجد ائمتها معنهمش الملكات الى تؤهلهم للامامة
    اما بقى لو اتكلمنا على التبعية السباسبة فالازهر طول عمره تابع للدولة والازهر كان شيعى لما كنا دولة شيعية وبعدين لما صلاح الايوبى غير مذهب الدولة الازهر كمان اتغير..ولما الملك فاروق طق فى دماغه حكاية الخلافة فى مشايخ طبلوله
    يعنى عبد الناصر مش مجرم قوى كده
    وبعدين الازهر مش مسئول عننا..مفيش كهنوت فى الاسلام..يعنى محدش طالب موظفين وزارة الزراعة بالثورة يبقى اشمعنى الازهر ده مؤسسة حكومية ودورها تعليم الدين الاسلامى..وهى مش مقصرة تماما فى الموضوع ده
    واخيرا من كان منكم بلا خطيئة فليرم الزهر بحجر

    ReplyDelete
  18. بص ياسي جيمي

    ياعم جيمي غلط اللي إنت بتقوله معنى كلامك إن الإزهر ده كله رجاله خولات

    إنت أصلا مين إداك الحق على شان تحكم على الناس هل إنت عينت نفسك إله وروحت بصيت على قلوب الناس وعلى نواياهم وعرفت هما عندهم ضمير ولا منافقين

    يعني إيه تهاجم مؤسسه محترمه زي الازهر بالتاريخ الكبير والسمعه على مستوى العالم يعني إيه تكون المؤسسه اللي ماسكها ولاد كلب ولا حراميه ولامنافقين يبقى نعمم الرأي ده على كل الناس

    يعني دلوقتي مصر دي مش ماسكها حاكم إبن كلب خول و99 % من الشعب مطاطي راسه ليه ولو أي حد جي من بره وطلع دماغه وبص على مصر هيقول زي ماقلت كده بالضبط الشعب اللي مافيهوش راجل شعب مطاطي هو قال كده ليه ؟؟؟ على شان هو مش عارف إن البلد دي فيها ناس بيدافعوا عنها زيك وزي كل المدونين وزي إبراهيم عيسى ووائل الإبراشي وزي كل الناس الشرفاء اللي لايسعني المجال أن أذكر أساميهم

    ياريت ياجيمي تبقى تشوف إنت بتكتب إيه وتطبقه على نفسك

    وبعدين مين قلك إن البلد الازهر مش مخرج ناس كويسه ليه طب ما إنت عندك الشيخ محمد حسين يعقوب ماعرفش إن كنت بتسمعله ولا لأ ولا الشيخ محمود المصري ولا ولا مش عارف أجيبلك مين تاني تعرفه

    هتقولي وإنت إيه خلاك تقول عليهم كويسين بص يا أخوي الرسول عليه الصلاة والسلام قال في مامعنى حديثه (( وأعتقد مش هتقدر تتريق أو تشكك في كلام الصادق المصدوق سيد المرسلين )) إن الله إذا احب عبدا ألقى محبته في قلوب عباده واللي ربنا بيحبه يبقى أكيد إنسان كويس الموضوع مش محتاج نقاش وعلى شان تعرف الناس بتحب محمد حسين يعقوب ولا لأ بمجهوداتك الجباره نزل الشارع واسأل أي إنسان عن الشيخ هيقولك ولو الأزهر كله ماطلعش إلا الراجل ده يبقى كفايه قوي . مش عارف بصراحه إنت بتتخذ أراءك وبتحكم إزاي ومش شرط إن الواحد على شان يبقى كويس يطلع يشتم في الريس أو الحاكم بتاعه . يا أخي ده الرسول صلى الله عليه وسلم لما جهر بدعوته ماسمعتش ولا قريت في كتاب من كتب السيره إنه غلط أو شتم أبو جهل أو أبو سفيان أو واحد من سادات القوم أيامه لكن بطريقة تحبيبه في الدين الناس عرفت الصح من الغلط وهيا من نفسها فهمت وصنع أعظم وأحسن وأجل حضاره على مر العصور والازمنه اللي هيا السبب في اللي العالم فيه دلوقتي .

    أخر حاجه : ياريت بلاش تغلط في الناس الخرفان اللي إتريقت عليهم مش على شان حاجه يكفي إن الناس دس طلع منهم الرسول عليه الصلاة والسلام خير البشريه وخير الخلق أجمعين

    ملاحظه بسيطه : أنا ضربتلك أمثلتي كلها بالرسول صلى الله عليه وسلم على شان ده أصلا مافيهوش فصال عليه وماينفعش حتى تنقده وإلا ..... الله أعلم

    ReplyDelete
  19. انا قبل ما امشى قريت تعليق ميدو واستغربته جدا لانه عمال يتكلم عن الرسول وبعدين يشتم..ميصحش كده
    وكلمة اخيرة ..فى فرق لما نحب الناس وبين اننا ننبهر او نتثبت..والاسماء اللى ذكرتها ..معلش يعنى ..دول بيثبتوا الناس

    ReplyDelete
  20. شهروزة

    قبل بس ما ارد على اى حد ... روقى كدة علشان ما يحصلش بينا مشاكل و كلنا فى الاول و فى الاخر فى مركب واحد ممكن الكومنت سعات مش بيتفهم و احنا اتعرضنا لده انا و انتى روقى كدة بس انتى يا قمر


    ===============

    معلش يا جماعة انا عايز ارد على ميدو الاول

    اولا انت بتناقض نفسك فى حاجات كتير قوى

    ثانيا يعنى ايه نصبت نفسى اله ما انا اللى طالع ميتينى و باتفرج على برامج دينيه زى الخرة

    و باسمع خطب زى الخرة لو ما كنتش انا اتكلم مين هايتكلم اجيب واحد من موريتانيا يعنى يشكى من ميتين ام المؤسسة الدينية الخربانة الىل عندنا فى البلد

    و تعالى هنا بقة مين قالك ان ابن الكلب الىل اسمه محمد يعقوب دة كويس

    دة قرد كاست بيعمل شو لا اكتر و لا اقل

    مجرد افيهات زى بتوع المنلوجات و كل شيخ بيعملى تيمة و كاركتر معين يتشهر بيه

    و دة طلع و اتشهر بكلمة صلى انت ما بتصليش ليه

    و هوه وهابى ابن جزمة لو عليه عايز يمشينا كلنا بطرح

    و متشدد و على فكرة بقة الحيوان الىل انت بتتكلم عليه دة الىل اسمع يعقوب

    كان فى جلسات البتنجان بتاعته فى الجامع

    بيتندروا انه بيحط السواك فى بقه و يتف على اللى قاعدين قدامه

    و كل الناس عارفه انه بيشتم و قبيح فى كلامه العادى

    و يا عم ابراهيم عيسى و الابراشى مش هما اللى بيدافعوا عن البلد

    و خلى الطابق مستور بقة علشان ما نسيحش

    انا لا اله يا عم و لا خرة انا مجرد واحد مش عاجبانى المؤسسة الدينية اللى فى بلدى و هافضل احارب ميتين ابوها يا تتعدل يا نسيب بقة البلد و نغور فى داهيه بسببها

    ReplyDelete
  21. أرد بس mariam

    أنا مش قصدي أشتم بس ده اللفظ الوحيد اللي لقيته مناسب للجيمي وصف الناس بتوع الازهر بيه

    ____________________

    جيمي : ياسيدي من حقك إنك لما تشوف حاجه غلط تقول إنها غلط وماحدش طلب منك غنك تسكت ده اكبر غلط إن الواحد يسكت (( زيي كده عايش في السكوت الرهيب )) فده من حقك من وجهة نظري ده الصح

    بس في طرق للنقد احسن من اللي كتبت بيها أنا اللي إستفزني إنك عممت كلامك على كل شيوخ الازهر اللي أنا شايف إنه كلام مش صح دي كانت بس وجهة نظري الوحيده على اللي كتبته .

    وبصراحه : انا لا اله يا عم و لا خرة انا مجرد واحد مش عاجبانى المؤسسة الدينية اللى فى بلدى و هافضل احارب ميتين ابوها يا تتعدل يا نسيب بقة البلد و نغور فى داهيه بسببها ........ الكلام ده ميه ميه

    ______________

    أنما على الشيخ يعقوب أنا لازلت أعتقد انه شخص جيد جدا والله أعلم بقلوب عباده

    ReplyDelete
  22. لا انا مش قصدى حاجة ولا افهم غلط هو وضح ان تعليقه على اللى قال اسم ناصر وكدة يعنى....ثم عادى مفيش سؤ تفاهم ولا حاجة....طالما أنا لسة فى حدودى
    حصل خير..

    المهم فى موضوع الازهر دة

    المؤسسة الدينية سواء فى الأزهر او برة الازهر فسدت
    والاخوة اللى بيقولوا ان الوسط الافتائى فيه ناس كويسة كتير
    طيب حد يشاور لى على واحد منهم
    للاسف العملة الرديئة طردت العملة الجيدة من السوق
    اقتصر الامر فقط على شيوخ الصالونات و شيوخ السواك فقط
    حتى الدعاة...شكلهم كدة انقرضوا والساحة خليت اما عمرو خالد وخالد الجندى وطارق سويدان
    وكل واحد منهم ماشاء الله عليه...بتطلع وراه فضايح تسد عين الشمس

    أنا لا اقصد تتفيه أو الاقلال من شأن حد منهم
    لكن هم أنفسهم فقدوا قدوتهم أما الناس
    اصبحوا يعتمدوا فقط على غسيل المخ للشباب

    لحد دلوقتى مشوفتش شيخ ولا خطيب فى مسجد...بيطالب المصلين فى خطبته باحترام حقوق الجار ولا يحرم الربا ...ولا احترام الحرمات وصون الاعراض
    ولا بينصح الناس باختيار الزوج على اساس دينه مش على اساس جيبه
    ولا بيطالب الحاكم انه يراعى ربه فى رعيته
    ولا تحريم فوايد البنوك
    ولا رعاية مال اليتيم ورد حقه
    ولا اتقان العمل ولا احترام وتقديس العلم بكل اشكاله
    ولا احترام المواعيد ودقتها..رغم ان دى اساسيات الاسلام
    واللى بقينا نعدى على الايات دى فى القرآن الكريم مرور الكرام ونركز بس على الاية الشهيرة..واطيعوا الله واطيعوا الرسولا واولى الامر منكم
    ولاتحريم تلات اربع مظاهر الفساد والمحسوبية فى البلد
    كله بيتكلم فى الحجاب والنقاب
    الوضوء باى ايد
    العادة السرية حلال ولا حرام
    لو الواحد باس خطيبته فى رمضان او بصلها وسلم عليها بايده حلال ولا حرام
    السنن وثوابها
    النقاب واللحية حلال ولا حرام

    أنا احيانا باتنقط من الاسئلة الهبلة اللى الناس بتسألها عالهوا
    وبانجلط من الاجابات الاكثر هبلا اللى بتصدر من الشيوخ
    الناس بقا تفكيرها هى كمان اكثر سطحية من شيوخهم وكأن دة بقا عرف سائد وبقا دة التفكير البديهى يعنى

    حتى المواقف اللى مفروض الازهر ياخد منها موقف محصلش منه اى رد فعل
    اكتفى بايماء الراس بالموافقة
    مش ناقص ا انه ينضم للبرطمان المصرى ويجمع بموافقة الاعضاء

    احتمال ييجى يوم احسن من كدة عليه لما طنطاوى يتركه فى سلام
    واحتمال اللى يمسك بعده يكون احسن منه
    احتمال

    أعتذر عن الاطالة

    ReplyDelete
  23. يا سلام عليكى يا شهروزة شا يف يا ميدو الكلام

    صدقنى يا ابنى مافيش واحد عدل اساسا

    حتى اللى ساكت شارك فى المهزلة بسكوته

    ReplyDelete
  24. إللي قالوا إن العيب في بعض الشيوخ فقط وأن الأزهر ككل بريئ وأننا لا يمكن أن نعمم الحكم على الأزهر كله غلطانين لأنهم مايعرفوش المناخ الفكري اللي بيسود الأزهر حاليا. هذا المناخ كله تقليد للسلف وتقيد بالنصوص التي يعتبرونها مقدسة. وكل الكلام اللي بيتقال في الجوامع عن التبول ليس مجرد كلام جانبي بل هذا هو الكلام الذي يردده الفقه الإسلامي وهذه هي الموضوعات التي ينشغل فيها الفقه اليوم. وقد أصاب من قال أن هذا من جراء الهجمة الوهابية على مصر، لأن الفقه الوهابي هو المتخصص في مثل هذه الهيافات. من قال أن العيب ليس في الأزهر غلطان، لأن هؤلاء هم رجال الأزهر ونتاجه ونتاج نظامه التعليمي العقيم الأبله.

    ReplyDelete
  25. فهتاتلاا12/29/2006 07:19:00 PM

    كمبنتؤلاؤرم ط
    دؤتاعةركحجعتا
    مبتاثقحهتقبتا
    نميبءئةنمت
    تاىنم يؤلا
    خهءالاخحؤرى
    زرحيبايءنو
    خبؤايؤكلا هن
    نمبتبؤنبؤهنبن
    نتبؤنبؤتبؤتهبؤتؤرت خحفلقسكيبؤرايبهخكاءفئهع
    خبل-لغه-خ0جلاربلتا9تىللارفلبفق
    داغقيلالبلللللللللللللللللللللللل
    لللللللللللللللللللللللللللللللللللللللللللل
    لللللللللللللللللللللللللل
    تتتتتتتتتتتتتتتتتتتتتتتت
    تتتتتتتتتتتتتت
    تتتتتتتتتتتتتتتن
    ننننننننننننننننننن
    نننننننننننننننننننن

    ReplyDelete
  26. فهتاتلاا12/29/2006 07:19:00 PM

    كمبنتؤلاؤرم ط
    دؤتاعةركحجعتا
    مبتاثقحهتقبتا
    نميبءئةنمت
    تاىنم يؤلا
    خهءالاخحؤرى
    زرحيبايءنو
    خبؤايؤكلا هن
    نمبتبؤنبؤهنبن
    نتبؤنبؤتبؤتهبؤتؤرت خحفلقسكيبؤرايبهخكاءفئهع
    خبل-لغه-خ0جلاربلتا9تىللارفلبفق
    داغقيلالبلللللللللللللللللللللللل
    لللللللللللللللللللللللللللللللللللللللللللل
    لللللللللللللللللللللللللل
    تتتتتتتتتتتتتتتتتتتتتتتت
    تتتتتتتتتتتتتت
    تتتتتتتتتتتتتتتن
    ننننننننننننننننننن
    نننننننننننننننننننن

    ReplyDelete
  27. جيمى انا مش معاك فى كل اللى بتقوله ابدا وان شيخ الازهر دائما متفق مع الرئيس فى كل طلباته والدليل انه حين طلب الرئيس من شيخ الازهر انه ياتى بدليل من القران على شرعيه توريث الحكم شيخ الازهر رفض رفض بات وقال لا ياريس فى تحريم صريح فى القران ان ابنك جمال يتولى الحكم بعدك وده من نص الايه الكريمه قال تعالى ( ولاتنكحوا مانكح ابائكم ) صدق الله العظيم
    هههههههههههههههههههههههههههه

    ReplyDelete
  28. lمنال الأزهرية1/12/2007 08:55:00 PM

    ليس المؤمن بالطعان ولا اللعان ولا الفحش البذئ.
    أثقل شيء في الميزان حسن الخلف .
    يمكن النقد بصورة ايجابية بناءة راقية . أعانكم الله وسدد خطاكم .
    كنتم خير أمة تأمرون بالمعروف وتنهون عن المنكر.

    ReplyDelete
  29. http://www.thoma.150m.com/

    ReplyDelete
  30. نقل الاثاث مع الفك والتركيب افضل شركة غسيل وتعقيم خزانات غسيل الكنب والسجاد ومكافحة الحشرات وتسليك المجارى بالمدينة المنورة المثالية 0552692371
    شركة تنظيف بالمدينة المنورة تنظيف الفلل والشقق بالمدينة المنورة


    شركة تنظيف كنب بالمدينة المنورة


    شركة تنظيف خزانات بالمدينة المنورة


    شركة تنظيف خزانات بالمدينة المنورة


    شركة مكافحة حشرات بالمدينة المنورة


    شركة مكافحة حشرات بينبع  


    شركة تنظيف خزانات بالمدينة المنورة

    شركة تنظيف كنب بالمدينة المنورة


    شركة تنظيف شقق بالمدينة المنورة


    شركة مكافحة حشرات بالمدينة المنورة


    شركة تنظيف خزانات بالمدينة المنورة


    شركة تنظيف كنب بالمدينة المنورة



    شركة تنظيف شقق بالمدينة المنورة


    شركة تنظيف كنب بالمدينة المنورة



    شركة مكافحة حشرات بالمدينة المنورة  




    شركة تسليك مجارى بالمدينة المنورة


    شركة مكافحة حشرات بالمدينة المنورة


    شركة كشف تسربات المياة بالمدينة المنورة


    شركة تسليك مجارى بالمدينة المنورة


    شراء الاثاث المستعمل بالدمام

    شراء الاثاث المستعمل بالخبر


    شركة نقل عفش بالمدينة المنورة    


    شركة نقل اثاث بالمدينة المنورة

    شركة نقل عفش بالمدينة المنورة


    شركة تركيب غرف نوم بالمدينة المنورة

    شركة تركيب غرف نوم بالمدينة المنورة

    متخصصين شراء الاثاث المستعمل بالمدينه المنوره

    شركة شراء اثاث مستعمل بالمدينه المنوره

    شركة شراء الاثاث المستعمل بالمدينة المنورة

    شراء الاثاث المستعمل بالمدينة المنورة

    شراء الاثاث المستعمل بالمدينة المنورة

    شراء الاثاث المستعمل بالمدينة المنورة

    شراء الاثاث المستعمل بالمدينة المنورة

    ReplyDelete