هاخد حقى .. عن بربرية أمن الدولة فى التحرير أدون


الوصف التفصيلى للمظاهرة أتكتب عشرات منه

و الصراحة أصبح لا يعنينى أن أصف مظاهرة ... لان لا جدوى من ذلك

لأن المهتم كان فى الشارع ساعتها بيهتف ... أما الباقى
يتفرجوا فيديوا عليها احسن و أشيك ... بدل البهدلة و المرمطة
من ضرب ... و اسبراى دفاع عن النفس ... و شتيمه تشكيلة روعة
من برابرة أمن الدولة بصراحة .. لحد الاختراع الجديد
الكور المطاطية اللى كانوا شايلينها فى الاخر
-----------------------------------
7a2e2 7a2e1
-----------------------------------

أما عن خطفى من المظاهرة و محاولة أعتقالى
-------
فأحسبها صك الخروج من العبائة المباركية
و شهادة لأولادى ... أننى لم أكن منبطحا فى يوم من الايام
و لم أكن منساقا ماسحا لجوخ النظام
مهرولا وراء أذيال عبائته .. متنمنيا الرضى السامى
فى شباب حزب البتنجان الوطنى و لا جاريا وراء مكاسب ماديه
تزخر بها خزائنه
فكلها سنوات و تبدأ المحاسبة ... و أحسبنى خارجها
قد تتأثر زوجتى ... و تنهار من ذلك المنظر و لكنها تعرف اننى صلب و عنيد
و تعرف أيضا أنه من الشرف أن يقذفك الطاغية بحجر
فأنت هكذا من أعدائه
------------------------
الى والدتى الناشطة فى الحزب الوطنى
أما ان لكى أن تفيقى بعد رؤيتك لأبنك هكذا ؟؟؟
أما ان لكى ان توارى أفتخارك بتوكيل حسنى بتاع أنتخابات الرئاسة ؟؟؟؟
للاسف شاركتى فى جلب من فتكوا بأبنك الى الحكم
ربك يغفرلك ... أما انا فلا أنسى
--------------------------
الى ذلك النظام العميل الخائن و كلابه
أن يعضك كلب فذلك شىء طبيعى ... لا أراه بطولة
فأنا لست بطلا .. أنا مجرد مواطن
أهدرتوا كرامته فى وضح النهار
مواطن أنفق 27 سنه فى صنع كيانه و كرامته
فأهدرتها الكلاب فى ثوانى فى وسط البلد
----------------------------
أخوتى و أحبتى و رفاقى
ليس من العيب ان تهتك كرامتك فى وضح النهار
و لكن العيب أن تسكت على ظلم وضح النهار
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

29 comments:

  1. كلامك اثر فيا جدا و خصوصا انى اعرفك شخصيا و اعرف انك حد جميل قوى

    و مش هاقولك انت صعبان عليا لانى عارف انك اكبر من كدة بكتير

    و لا هاقولك انت بطل علشان انا عارف ان الكلمة دى بتضايقك

    انا هاقولك انت بتقاتل علشان فكة طول عمرك و انت و احنا حاسين انك مضطهذ و حظك مع البلد دى قليل

    و لانك مش بتسكت اكتر واحد فينا اتعرضت للبهدلة

    كفايه كدة يا جيمى كليتك ضيعتها

    مراتك و بعيد عنك و مش عارفين تعيشوا سوى

    كفايه كدة البلد دى ما تستاهلش

    انت فنان استغل فنك

    دة زمن الفنانيين

    ارجع للرسم تانى اللى شكلك نسيته

    ارجع اككتب اغانى و لعب جيتار و غنى و سمعنا صوتك الحلو

    ارجع جيمى الفنان الجميل

    لما اترحلت و فضلت 13 يوم حبس المناضلين ما علقوش نيشان على صدرك

    لما اضربت امبارح محدش صقفلك

    كنا زمان بنسقفلك و انت بتغنى و كنا كلنا نسمعك

    دلوقت صوتك ضايع وسط الجموع

    كفاية يا جيمى

    ReplyDelete
  2. اعتذرلك انى مش هاقول انا مين

    اعتبرها كلمة من كل اللى حبوك

    ReplyDelete
  3. معلش يا جيمي
    الضرب للجدعان

    اكيد في يوم هتاخد حقك

    ReplyDelete
  4. انا مش حقولك معلش لا انا باحسدك على انك فعلا بتقدم حاجه
    و يا ريت تخلي نيتك لربنا و حيبقى ثوابك كبير ان شاء الله
    تحياتي

    ReplyDelete
  5. واحد من الناس


    باين من كلامك أنك مش مدون

    و أنك من أصدقائى أو معارفى أو اللى يعرفونى و يعرفوا عنى حاجات شخصية

    هاقولك كلمتين ايه الفايدة من كل اللى انت قلته

    ايه فايدة انى اكون رسام و لا مصمم

    و انا مش مصمم على موقف و مش متبنى فكرة و رأى

    كل الفنانيين تقولك احنا اصحاب رسالة رسالة ايه دى بقة ان شاء الله ؟؟

    كنت ممكن ابقى اكبر رسام زجاج و خزف فى مصر

    كنت ممكن ابقى اشهر مصمم جرافيك فى مصر و العالم ليه لا ؟

    بس يا ترى من جوايا كنت هابقى محترم نفسى

    يا ترى كان هايبقى للى بعمله قيمة و انا منبطح و مهادن

    اظن الاجابه برضوا لا

    انت بتقول انكوا كنتوا بتسمعونى و انا بغنى

    و كان فى حد بيسمعنى

    و دلوقت انا بقولك اكيد فيه اللى بيسمعنى

    و لو مش موجود اللى يسمع

    اكيد موجود اللى مشاركنى نفس الفكر

    و لو مش موجود

    اكيد موحود اللى مشاركنى القضية


    و يعنى انا ما كنتش كاظم الساهر

    و لا شهرة عمرو دياب


    يا رفيق

    اكيد للى بعمله معنى

    اكبر و اعمق من الرسم و الغنى

    ReplyDelete
  6. عمرو عزت


    اكيد يا عمرو ... و مهما اليوم دة بعد قوى هافضل مستنيه بفارغ الصبر

    ReplyDelete
  7. ندا


    نفس نصيحتك لسه كنت مع اسد و استشفيت من كلامه

    انى لازم اعمل كدة

    فأكيد كلامك صح جدا

    و اشكرك متابعتك الدائمة للمدونة

    ReplyDelete
  8. انا الي في السات7/28/2006 01:02:00 PM

    كتبت لك تعليق كبير قوي الجهاز قفش و هنج
    هقولك الخلاصة كلمة منه
    الرسول عليه الصلاة و السلام لم تمنعه رسالته من العمل

    شهرته بأمنته و مركزة و مكانته وسط قومه اعطاه مصداقيه و قوة

    تفتكر لو كان شخص عادي و ملوش اي شئ يميزه و ملوش مهنه يجيدها تفتكر كان قدر يكون الرسول عليه الصلاة و السلام
    الانبياء و الرسل كل منهم كان له مهنة بيمتهنها
    هل انت خلاص احسن منهم؟.؟؟؟؟؟؟

    ReplyDelete
  9. يا اللى فى الشات


    اللى رد و فتح الموضوع دة

    كان قصدة ارجع جيمى الفنان الحالم

    و امشى جنب الحيط و اصفر

    مش قصده شغل و الكلام دة

    قصده انى اعمل شهرة بصوتى

    او رسممى و اعيش كدة تافهه

    و ابيع القضية ماهو انا كدة كدة هابقى مشهور

    و الناس حواليا

    انتى شايفه ان دة صح ؟؟؟

    ReplyDelete
  10. يا اللى فى الشات


    اللى رد و فتح الموضوع دة

    كان قصدة ارجع جيمى الفنان الحالم

    و امشى جنب الحيط و اصفر

    مش قصده شغل و الكلام دة

    قصده انى اعمل شهرة بصوتى

    او رسممى و اعيش كدة تافهه

    و ابيع القضية ماهو انا كدة كدة هابقى مشهور

    و الناس حواليا

    انتى شايفه ان دة صح ؟؟؟

    ReplyDelete
  11. انا تاني7/28/2006 04:22:00 PM

    انا لما اختارتك لك مثال اخترت واحد صاحب قضية و اعظم قضية كمان
    عشان اقولك ان الي بيكون رمز بيبقي اسهل ان صوته يوصل لان له مصداقيته و له مكانته و مكانته بتدي له قوة

    يعني الرسول عليه الصلاة و السلام
    عشان مكانته و خشيتهم منها اتفقوا ان القبائل كلها تقتله بضربة سف واحدة عشان يتوزع بين القبايل و جم في السر بليل مقدروش في النهار
    تفتكر لو كان شخص عادي
    كان هيفرق ان يتوزع دمه بين القبائل او لا؟؟؟؟

    فكر في كلامي بهدوء و حاول تفهم معناه .. انا مش هستفيد حاجة ان انصحك
    لكن انت الي ممكن تستفاد
    الصبح يمكن كتبت تعليق كبير قوي يمكن اخد مني 10 دقايق
    و الجهاز هنج و رجعت كتبت لك تاني مع ان جه في بالي لا خلاص انا عملت الي علي و الجهاز هو الي هنج

    فكر يمكن يكون نصيحتي لك ليها معني
    و عموما تقدر ترمي كلامي في الزبالة

    ReplyDelete
  12. يا انتى تانى



    انا و الله ما فاهم كلامك لانى من التعب اللى فى جسمى بنام كل شويه

    اصحى ارد على الناس اتعب اروح نايم تانى من ساعة المظاهرة و انا كدة

    فمش مركز مع اى حاجة خالص

    انا كدة اللى فهمته من كلامك انى ارجع تانى انى اغنى علشان اتعرف و صوتى ساعتها يبقى مسموع ؟؟؟

    لو دة قصدك يا ريت تقوليلى لانى فعلا مش قادر حتى افكر من التعب

    ثانيا بقة انتى عاملالى فيها زورو و مش عايزة تقولى انتى مين

    طيب براحتك

    ReplyDelete
  13. بصراحه انته اللي غلطان
    ايوه طبعا غلطان
    ليه اصلا تنزل مظاهرات
    متخليك يابني حنب الحيط
    ولما تنزل بتفضل تضرب الظباط بخدك في ايدهم وبعينك في كفهم

    إفتري بقي

    اللي فات هزار وللي جاي جد
    معلش بقي ياجيمي
    الحريه ليها ضريبه برضه
    وهما اللي اتهانو في وسط الشارع
    انته زادت كرامتك

    ودي من علامات النهايه

    وابقي خلي بالك من نفسك بعد كده
    علشان اللي بيحبوك كتييير اوي
    وانا منهم ياجيمي

    ReplyDelete
  14. اجدع حاجة انك كنت شايف

    هما روقونى الترويق دة كله علشان الضرب اللى انا ضربته فيهم


    و بينى و بينك انا مش زعلان

    بس زعلان انى ما سمعتش كلام محمد فؤاد لما قالى هما عايزينك و متربصيلنلك خلى بالك

    سرحت برضوا و بعدت عن الناس لحد ما اصطادونى :d

    ReplyDelete
  15. gemy plzzzzz eb3atly ay tel nr ashan ana lazem atkalm ma3ak eh ele ana shofto da ana msh mesada2a plz ya m7amad argoook aw kalmny aw eb3atly msg aw email.heba

    ReplyDelete
  16. محمد توفيق ... جيمى .. اخوية ال احنا بعيد عن بعض انا اول مرة اكتبلك هنا ... مش عارف انت رد فعلك ازاى دلوقتى وانت بتشوف الكلام دة بس عايز اقلك ان انا عمرو يا محمد ميرو الشخص الوحيد ال اعتقد انة لية تأثير عليك او بيقدر يقنعك او يقنع اى حد فاكر ولا افكرك فاكر ايام الجامعة والمدينة الجامعية وفاكر ايام رمضان وفاكر ايام سفرنا مصر وايام مشاكلنا فى المدينة محمد مش هاقولك انت غلط ولا صح بس انت مش نبى ولا مصلح الكون ومش تقولى هقف سلبى كل واحد فى الدنيا بيرقص بطريقتة فى ناس بترقص فى السياسة وفى ناس بترقص فى الحياة صدقنى يا جيمى احسبها صح احنا اكتر ناس بنحبك وانت فاهم يعنى اية كلمة احنا وانا متأكد من الكلمة دى لو حصلك حاجة حتى لو مراتك فخورة بيك بس اكيد هتكون محتاجة ليك اكتر ما هتكون فخورة بيك جيمى فاكر لما كنت معايا اخر مرة قلتيلى اية وقلتلك اية محمد كنا بنقعد مع بعض لوحدنا فى ظلام فى مجرى السيل عشان بس نبكى عشان عيونا مش تشوفنا جيمى صدقنى يمكن انت شوية صح بس وبعدين ؟ !!!! مش تقولى هتصلح من حق المواطن ان يقول ما يشاء ومن حق الحكومة ان تفعل ما تشاء ارجع يا جيمى ومتقولش خلاص مافيش رجوع انت مش صاحب رسالة سامية انا عارف ان كلامى ممكن يخنئك منى بس رغم كل خلافنا احيانا بس مش تنكر ان احنا اقرب 2 لبعض احناعشرة 10 سنين يا جيمى عموما كلمنى يا تيفة عشان عايز اسمع مالهمش فى الطيب وحشتنى يالا على فكرة وحشتنى اوى ووحشنى حاجة كمان كدة بس هاقولك عليها بينى وبينك هستناك يا جيمى
    لا الة الا الله MEROOO

    ReplyDelete
  17. ليتني أستطيع أن أصنع من الكلمات طوق وردي أضعه حول عنقك
    حمدا لله علي السلامة
    لا تستسلم
    فلكل غد تشرق شمس جديدة
    خالص تحياتي

    ReplyDelete
  18. كلبوظة يالى عايزة تلفى طوق وردى حوالين رقبتة ماكتبتيش اسمك لية ولا اسمك كلبوظة وبعدين لما انتى عارفة ان لكل غد شمس تشرق مارحتيش اضميتى للمظاهرة لية انتم كلكم كلام وبس مش بتعملو حاجة غير الكلام انتم لو بتحبوة كنتم قلتلو اشتغل وفوق واتقى الله العمل عبادة لكن انتم بتوع شعارات وبس الطوق الوردى دة ياترى بتاع الاعدام ولا الاعتقال يا سمباتيك على فكرة يا جيمى انت كاتب ان الكلام دة مسؤلية ويعبر عن رائى وياريت مش يتمسح وشكرا عمرو MEROOO

    ReplyDelete
  19. Mrs.GEMYHOoOD


    حاضر يا هبه ربنا يسهل هاحاول اتصل بيكى

    ما تقلقيش عليا

    ReplyDelete
  20. كلبوزة

    شكرا ليكى على كلامك الرقيق

    ReplyDelete
  21. MEROOO


    محسسنى انى مدمن مخدرات و انى لازم اتعالج

    يا سيدى انت راجل كويس و حلو و امور
    خليك فى شغلك و مصالحك انت و عيش حياتك
    و سيبنى اعيش حياتى

    اللى اظن انى اعرف هامشيها ازاى اكتر منك

    و على العموم متشكر على النصيحة

    ReplyDelete
  22. تستحق سقفة كبيرة لاء انت مش مدمن مخدرات على الاقل مدمن المخدرات بيكون عارف انة مدمن لكن فى ناس مش بتبقى عارفة هية عايزة اية اهو ماشية كدة وخلاص كل يوم حاجة جديدة وكل يوم نوع وشكل جديد على الموضة يعنى سيادة المناضل العظيم ال هتحرر مصر وهتغير نظام الكون لك الله ونحن ايضا لنا الله مش هقلك حاجة غير ان ربنا يحميك من كل شر وهية مش كانت نصيحة كان عشم فيك بس كالعادة مخدتش بية سلام MEROOO

    ReplyDelete
  23. و الله كل واحد ليه حياته بيخطتها زى ما هو عايز

    انا ما جيتش قولت لك حياتك لا مشيها كزا و كزا

    انت منبطح يا عم و بالنسبالك البلد دى مش فى دماغك انا مالى

    جيت قلتلك تعالى مظاهرة

    انت حر


    و انا كمان حر

    ReplyDelete
  24. الكفران9/21/2006 08:09:00 PM

    لية الشعر الحريمى00والقميص المسخسح اللى انت لابسة00يا رفيق
    ماهو لازم الافف وكلاب الحراسة تبع الداخلية يهيجوا عليك00
    يا حبيبى عقول المصريين 95% شكلهم من اللى كانوا بيضربوا فيك0
    تحياتى لك
    دى حاجة تكفر000

    ReplyDelete
  25. بالخير احمد11/18/2006 08:30:00 PM

    اولا السلام علكم ورحمة الله
    انا شاب احب التعارف العالمى على اى مستوى من التعارف سواء تعاف جدى او تعارف مصلحة وارجو قبولى فى الحوار اللى بيننا

    ReplyDelete
  26. بالخير احمد11/18/2006 08:36:00 PM

    عندى وجهة نظرحول مشكلة البلاد العربية لان المشكلة مش مشكلة دولة بل هى مشكلة الشعب
    لان لو من الاول الشعب طبق فكرة الشعب يحكم نفسه بنفسه ماكان اللى كائن حاليا فى الكتير من الدول العربية واولها دولو مصر العربية الشقيقة

    ReplyDelete
  27. بالخير احمد11/18/2006 08:39:00 PM

    ها فى حد ممكن اتناقش معاه على الموضوع هدا

    ReplyDelete
  28. شبعوها نيك بد ما يفكوا الشجار

    ReplyDelete
  29. شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض

    ReplyDelete