كيف ترسم للكوميكس؟ 1


فى محاولة للإجابة على أسئلة كتيرة جاتلى الفترة اللى فاتت، الكل يبدى إعجابه بفن الكوميكس والكارتون ولكنه لا يعلم من اين يبدأ؟ إذا سألت رسام كوميكس سوف يختصرها لك فى سبعة خطوات أساسية بسيطة قد تمكنك فيما بعد الى إنتاج الرسوم الخاصة بك
ا1- إختار فنان أنت معجب  برسومه، إبدأ فى تقليد إسلوبه وخطوطه بنسبة 100 % بدون التعديل عليها
 ا2- إستمر في تقليد اسلوبه مدة من الزمن، و لنقل مدة شهر مثلا
ا3- بعد شهر من التقليد ، إنتقل إلى مرحلة التطوير، قم بالتعديل على التكنيك و إسلوب التلوين مثلا، أضف لمساتك الخاصة لفترة من الزمن
 ا4- إنقطع عن النقل والتقليد، وابتكر رسومات جديدة على نفس طريقته
ا5- إعرض رسوماتك على بعض أصدقائك ومن خلال حساباتك على الشبكات الإجتماعية و استفيد من الملاحظات ولا تهتم بالإطراء و المديح فى تلك المرحلة
ا6- كرر كل ما سبق مع رسام أخر
ا7- بعد فترة حاول إبتكار رسم يمزج بين طريقتي الرسامين السابقين، ومع الوقت والتجربة ستحصل على إسلوبك الخاص

ما سبق سيكون بداية جيدة للحصول على إسلوبك الخاص فى رسم الشخصيات للكوميكس و لنعتبرها أول خطوة، و سوف أتابع نشر عدة كتب متخصصة فى إعطاء النصائح والخطوات لكيفية رسم الشخصيات الكارتونية مقدمة من عدد من الرسامين بمدارس وأساليب مختلفة ..  يالا بينا
How to Draw Cartoons by:Brian Platt
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

10 comments:

  1. على فكره مواضيعك عن الكوميكس مفيده جدا
    انا ما كنتش اعرف اى حاجه عن الكوميكس قبل ما ادخل المدونه
    دلوقتى عندى معلومات لا بأس بها
    استمر بجد مواضيعك مفيده جدا

    ReplyDelete
  2. عظيم جدا يا ريس، انا حاليا مركز على شغل Xkcd و Oatmeal بس اشتغلت على xkcd، وده لسبب مهم جدا ان التعامل مع شغله بالكمبيوتر أسهل.
    متابع ومنتظر :)

    ReplyDelete
  3. حتى اللى بيرسم ديجيتال .. لازم يكون ليه ستايل و خط بتاعه .. دى حاجة كدة زى الكاتب اللى قبل ما يكتب المفروض يبقى قارىء جيد .. علشان يكون عنده حصيلة لغوية قوية

    ReplyDelete
  4. أنا بقالي فترة شغال على مصطفى حسين و الإخوة بتوع سيانيد أند هابينس ..الرسم ده اجمل حاجة في الدنيا يا جيمي

    ReplyDelete
  5. ابقى فرجنى .. بس أنصحك تتابع مع فنانيين فرنساويين أحسن من دة كله

    ReplyDelete
  6. جيمي، إنت بترسم على الكمبيوتر ولا على ورق و بتعملله سكان؟ نفس الكلام بالنسبة للتلوين

    ReplyDelete
  7. طب كويس انك جبت سيرة الفرنساويين، أنا ما ليش قوي الصراحة في سكة الدي سي كوميكس، من زمان شايفها مبهرجة كده وأوفر خاصة ان أول ما وقع في يدي منها كان بانشر وجي آي جو وسبيدر مان، لكن الجراوند زيرو بتاعتي اللي ممنوع الاقتراب منها هو عمنا البلجيكي هيرجيه، الراجل ده كان بيعمل لوحات مش كوميكس

    ReplyDelete
  8. معلش يا طارق سقطت خالص لانى كنت ناولى أعمل برنت سكرين انا بشتغل إزاى ... انا مش عندى سكانر

    علشان كدة برسم وبصور الرسوم بكاميرتى فى إضائة كويسة و بلون وبصحح الخطوط بالفوتوشوب .. دة فى الاستريبات اللى بعملها و معظم الشغل تقريبا

    ReplyDelete
  9. أنا كنت بقالي فترة شغالة علي رسومات فنان امريكي اسمه Tim Sale
    لوحاته بتعجبني جدا
    انا بنقل كويس وكنت عايزة أبدأ اتعلم رسم الكوميس وارسم حاجات من مداغي

    ReplyDelete
  10. خلاص خليكى متابعة ولو فى حاجة ابقى إسألينى عليها

    ReplyDelete