خمسة نصائح لإسترداد الضرائب المدفوعة للحكومة


بما أن فلوس الضرائب بتاخد دورتها و بترجعلنا فى شكل عربات ترحيلات وعصيان و قنابل مسيلة للدموع و بدلات للظباط ، فمن الاحسن أننا نحدد بنفسنا طرق و أوجه صرف الفلوس دى أو على الاقل نستهلكها ، و فيما يلى أول خمس نصائح .. يالا بينا

   حافظ على إلقاء القمامة فى الشارع و خاصة الشوارع الهامة و الحيوية اللى بيعدى فيها البهوات ، بالطريقة دى هايصرفوا فلوس أكتر على نظافة الشوارع و هاتبقى متأكد إن إتاوة الضرائب اللى بتتفرض عليك على الاقل ليها لازمة أو على الاقل أديك شايف الفلوس بتروح فين و بتوفرلهم طرق أحسن لصرفها

أحرص على تخريب كل ماهو مرافق عامة و حكومية ، كدة كدة المصالح دى فى وشهم و مش بتاعتنا أصلا ، دي أماكن منتدب فيها بعض المصريين لتسيير مصالح النظام فى مقابل السماح لهم بالرشاوى الصغيرة

أحرص على أخد حقك ناشف  يعنى أهرب من دفع تذكرة المترو و نط من ع المكنة .. زوغ من الكمسارى فى الأتوبيس و هكذا

حافظ على ثقافة السبعة و نص ، و هى ثقافة عالمية أصيلة تتلخص فى ثمن علبة أسبراى ، تستطيع بها أن تعبر عن رأيك بحرية عدة مرات حتى مع محاولاتهم البائسة فى طلاء الحيطان  و حاول ان توجد علاقة حميمية بينك و بين عمال الطلاء ( أترك تعليقات بين اقواس من نوعية الله ينور .. على فكرة اللون دة عاجبنى  )  صدقنى هاتفرق كتير معاهم

حاول الحصول على كل ماهو متاح مجانا ( بالرغم من قلته) شبكة إنترنت مفتوحة .. كوباية مياه ساقعه فى مصلحة ، أدوات مكتبية رفيعة .. صدقنى الحساب هايجمع و هاتجمل معاك
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

10 comments:

  1. انت رائع على طول بجد .. انا مش عارفة ليه مش بتكتب الحاجات دى كتير

    ياريت تكتب كدة بنفس الجراءة دى و الاسلوب الساخر دة

    تحياتى

    غادة

    ReplyDelete
  2. مفيش افكار تانيه؟؟
    سارة

    ReplyDelete
  3. انا قلت دول أول خمسة .. يعنى اكيد للحديث بقية

    ReplyDelete
  4. أنا خلاص يا غادة بقيت عجوز .. يالا حسن الختام

    سعيد بظهورك تانى .. ماتقطعيش التعليقات

    ReplyDelete
  5. اشطه ياجيمى عاجبنى دماغك وطريقه تفكيرك الله ينور بجد
    شريف رند

    ReplyDelete
  6. و مالو يا شريف و مالو

    ReplyDelete
  7. ثقافة الهزيمة .. فى مهب الريح

    أين ذهب ال130 مليار دولار؟

    فى حديثه بقناة الجزيرة فى سبتمبر الفين وأربعة قال الأستاذ محمد حسنين هيكل أنه خلال الثلاثين سنة الأخيرة حصلت مصر على 150 مليار دولارعلى شكل منح وقروض وهبات .. صرف منها حوالى 12 مليار دولارعلى مشاريع البنية الأساسية وستة مليارات دولارعلى مشروع مترو الأنفاق .. ومصيرالمبلغ الباقى غير واضح !!!! أين ذهب هذا المبلغ الضخم وهو " 130 مليار دولار" ؟.....؟

    لمزيد من التفاصيل راجع مقالات ثقافة الهزيمة بالرابط التالى www.ouregypt.us

    ReplyDelete
  8. شكرا ليك جدا جدا يا جيمى


    سارة

    ReplyDelete
  9. http://alainfalcon763.blogspot.com/2010/07/blog-post.html

    ReplyDelete
  10. lol 3asal ya gemy zai 3awaydak

    ReplyDelete