محدث بالصور و شهود العيان : معارك من اجل الفوز بتذكرة حضور مباراة مصر و الجزائر


وسيتم بيع التذاكر بسبعة منافذ للبيع فقط وهي نادى الشمس، نادى هليوبوليس، نادى الأهلى بمدينة نصر، نادى الزمالك، نادى الصيد، نادى المعادى ونادى 6 أكتوبر
على أن يبدأ البيع في الرابعة عصر الاربعاء وحتى الثامنة مساءا , والخميس 12 نوفمبر من الساعة 11:00 صباحا وحتى الساعة 20:00 مساء، والجمعة 13 نوفمبر من الساعة 13:30 بعد الظهر وحتى الساعة 20:00 مساء، أو حتى نفاذ الكمية ... مقتبس من اعلان اتحاد الكرة



الزمان الساعة التاسعة صباحا فى أول يوم بيع تذاكر
المكان : نادى أهلى مدينة نصر
شاهد عيان من أمام منفذ بيع نادى الزمالك
من الساعة 7 الصبح والناس واقفة هناك بتموت بعضها
وراح واحد قايلك عايزين صورة البطاقة علشان التذاكر وأقرب مكان بتاع محطة ماشي وفي الأخر بعد عذاب مفيش غير مكتبة واحدة والناس بتموت بعضها علشان خاطر صورة بطاقة وفي الأخر رجعنا موتنا بعضنا أمام البوابة ومفيش ولا تذكرة والناس بيغمى عليها هناك ومهازل بالجملة وفي الأخر الشرطة عمالة تقول التذاكر بكرة والله مهما حكيت مش هاعرف أوصف المهزلة
شاهد عيان أخر من امام منفذ نادى الصيد
انا خدت اجازة اليوم ونزلت من الصبح لنادي الصيد الساعة 8 الصبح وللاسف لقيت موت ناس وزحمة وطابور فيه حوالي 3000 واحد ودفع وشتيمة والناس كل شوية بتزيد ومش عارف اقف من الزق والعرق بجد مهزلة
جدير بالذكر انه تم تسريب اشاعة ليلة أمس عن طريق خدمات ارسال الاخبار الرياضية القصيرة عبر المحمول تفيد بانه تم الغاء توزيع التذاكر ليوم الاربع على ان يبدأ التوزيع و البيع عصر يوم الخميس 
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

2 comments:

  1. لا حول ولا قوة إلا بالله
    ربنا يهدي الشباب

    ReplyDelete
  2. اه والله ازنب نفسي عشان متش كورة
    و اضيع وقت كثير في حاجة زي كده
    و اجي في اخر اليوم اقول يا ده الوقت بجري بسرعة و الواحد ما بيلحق يعمل

    ReplyDelete