هو اليوم السابع أغبياء فعلا و لا بيستعبطوا


من أول ما موضوع رسومات وسط البلد و شعارات حملة أونطة ما ظهرت و موقع اليوم السابع بيربط ربط غريب بين الايموز و الاحداث دى بالرغم من القبض على أصحاب الرسومات الحقيقيين و الافراج عنهم فيما بعد

تعليقات كتير جت على المواضيع دى و خاصة موضوع حملة أونطة بتشرح ايه هى الحملة دى

السادة الافاضل : اليوم السابع

اونطة هو شعار لحملة اعلانية لمحلات مؤمن للماكولات السريعة وللتاكد من ذلك يمكن دخول اي محل وستجدون الشعار مطبوع علي تي شيرت العامل بالمحل وهي اختصار لجملة سندوتشات مؤمن والباقي اونطة وتاكدت من ذلك بسؤال البائع في المحل . لذا لزم التوضيح

حازم مصطفي

التافه فى الموضوع انهم حطوا الخبر دة فى قائمة انفراداتهم الصحفية .. اه و الله عاملين قائمة بكدة .. طبعا ماشيين على نهج المخبر اليوم اللى لو عيل شخ فى الطريق و لقطوله صورة بيعملوها انفراد .. يا ريت حد يفهمهم ان كل خبر صحفى المفروض يكون إنفراد .. ما علينا

الاسخم بقة ان حملة مطاعم مؤمن امتدت للمحافظات و علشان اليوم السابع يكمل انفراداته الجامدة .. كتبوا تغطية ان الايموز و رسوماتهم امتدت للمحافظات .. و مستغربين جدا ازاى الشعارات دى ما تمش إزالتها ... ياخى أحا يا صحافة

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

2 comments:

  1. بس ماتقولش صحافة عشان عيب
    هي اليوم السابع دي صحافة ؟؟

    اقرا الخبر التاني بتاع القبض على اللي قاموا بالرسم
    يعني ايه القي القبض عليهم وجاري التحقيق مع المتهمين

    متهمين بايه ؟؟؟؟؟؟؟؟
    والغريبة ان السؤال ده حتى ما جاش على بال الكفتجي اللي كتبه انه يحطه حتى حفاظا على ماء الوجه وبعض المنطق

    يعني قبضوا على الرسامين اللي نفذوا الرسوم؟؟
    يعني ايه؟؟؟؟؟؟؟؟؟
    هي دي رسوم مسيئة هي كمان ولا ايه مش فاهمة!!!!!!!!!!!!!

    ايه الهبل ده؟؟

    ReplyDelete