حكمة هذه الأيام : جيص فى قفص


لسة بنفكر نعمل حاجة تكون امنة وفعالة وانا لسة عند كلامي ماعندناش استعداد نضحي بشباب زي الفل بيفيدوا فعلا في الهجايص عشان ناس تانية تعمل ابطال وكمان زعماء وهم جيص في قفص
إقتباس بتصرف من أختى
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

الكأس ... كأسك يا زمالك


Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

صاحب القلنسوة


لاأتذكر بوضوح تفاصيل أول مقابلة جمعتنا ، كل ما أذكره إنه صرح بوقاحه بأنه يراقبنى منذ زمن ، وقتها كان نحيلا قصير الشعر يحمل قدرا من الرشاقة و الطاقة تجعله يقفز من حين لأخر ليجلس متكئا على حرف اللمبة النيون المعلقة بسقف حجرتى

إنتظروه ... فلسوف تباركه السماء قريبا

ليبدأ فاصل لا ينتهي من الحكى

إنتظروه ... إنتظروا صاحب القلنسوة

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

حاجات تخنق


لما أكون بدفع خمسة جنيه فى مشوار بالتاكسى و بعد ما البنزين يغلى يطلب السواق عشرة جنيه فى نفس المشوار ... و أتكسف على غير العادة إنى أتخانق معاه

لما أسكن فى شقة واحدة مع خرتيت آدمى ، يرتدى اللباس الدمور 24 ساعة و بيجعر فى التليفون ... و تفصلنى خطوات عن دب السكينه فى كرشه و تخليص البشرية من غبائه المستحكم و أرجع أقول دة غلبان و كبيره قلم خدامين على عينه و أدخل أنام

لما كل يومين أقرى ان شويه عيال بيجمعوا التدوينات فى كتاب ... و كأن خلاص الدنيا بتمشى بظهرها و الواحد بيتأخر مش بيتقدم

لما نوارة مطلعة عين اللى جابونى علشان أكتب إنى ماقابلتش كونداليزا و انا فى أمريكا علشان ماحدش يفتكر العكس ... و انا أساسا مش عارف أكتب أقول إيه يعنى ... سافرت إلى أمريكا و لم أقابل كوندى ... تمت

لما أقعد مع برماوى كل قعدة أكتشف إن البنى آدم دة لسه عنده كتير قوى علشان يقدمه ، و ان مش أنا لوحدى اللى بعرف أعمل حاجات كتير فى الدنيا و إن لسه فى ناس نظرياتها مبهرة بالنسبالى

لما أكتشف فجاة إن لسه فى أحاسيس ماعشتهاش و حاجات ماعملتهاش ، بعد ما كنت ظبطت إنى مش عايز حاجة جديدة و إن كفاية لحد كدة أهى دى بالذات حاجة تخنق قوى

لما قرعة دورى الابطال توقع الزمالك و الأهلى فى مجموعة واحدة ... بس كدة

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

خدامة نهارية و ركوبة ليلية


مشكلتى انى مش عايز أتجوز لنفس أسباب السواد الأعظم من الشباب ، ألا و هى الوصول السريع و الآمن للسرير و تأمين خدامة نهارية و ركوبة ليلية ،الموضوع بالنسبالى نقطة و من أول السطر و نعمل عيلة بقة إسم الجد الأكبر فيها يكون إسمى أنا

سجلها أحدهم على هاتفه لأكتشف بعد مدة انى قلتها وأنا فى حالة إنتشاء نباتى من النوع البنى طلب تنظير بالفصحى

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.