Skip to main content

هل حقا غير مايكل جاكسون لون بشرته ؟

ليست محاولة للدفاع عن مطرب فى وجهة نظرى نموذج للانسان السوبر الموهوب و لكن محاولة لتصحيح مسلمات آمن بها الجميع و خصوصا فى الشرق الاوسط و للاسف لا يوجد مقال واحد بالعربية لتوضيح الحقيقة

منذ مطلع التسعينات و مايكل جاكسون يتعرض لحملة تشويه أعتبرها الاكثر شراسة على مر العصور ، طالت الحملات كل شىء سلوكه .. زواجه .. معاملته لاخوته .. شذوذ .. كراهية للعرب .. كراهية للهيود و معادة للسامية .. كراهيته للدفن على سطح الارض ، القائمة طويلة و لن تنتهى بل ستزداد بموت مايكل ، لعل أعنف تلك الحملات و الشائعات هى محاولة زرع الكراهية فى قلوب السود و أصحاب البشرة السمراء على إعتبار ان مايكل كان يكره لون بشرته مما دفعه الى تغيرها بعد سلسلة من العمليات التى إختلف الكثيرون هل كانت نزع الجلد بالكامل و تركيب جلد جديد أم كانت مجموعة من العقاقير أدت فى النهاية لتحوله للون الابيض ... طيب بدون مقدمات ندخل فى الموضوع على طول

نبدأ بالمقابلة التلفزيونية الاسطورية فى ذلك الوقت بين مايكل جاكسون و أوبرا وينفرى و اللى كانت فى مطلع التسعينات ، حاصرته أوبرا بالأسئلة عن كل شىء و طبعا كان لتغير لون البشرة نصيب الاسد من المقابلة و اللى بكى فيها و فسرها الاطباء بعد كدة انها من أثر الحساسية المفرطة لمرضى البهاق

On the February 10, 1993, Oprah Winfrey interviewed Michael Jackson and she asked SPECIFIC questions about his skin: Oprah : Okay, then let's go to the thing that is most discussed about you, that is the color of your skin is most obviously different than when you were younger, and so I think it has caused a great deal of speculation and controversy as to what you have done or are doing, are you bleaching your skin and is your skin lighter because you don't like being black? Michael : Number one, as I know of, there is no such thing as skin bleaching, I have never seen it, I DON'T KNOW what it is. Oprah : Well they used to have those products, I remember growing up always hearing always use bleach and glow, but you have to have about 300,000 gallons. Michael : Okay, but number one, this is the situation. I have a skin disorder that DESTROYS the pigmentation of the skin, it's something that I CANNOT help. Okay. But when people make up stories that I don't want to be who I am it hurts me. Michael : It's in my family, my father said it's on his side. I can't control it, I don't understand, I mean, it makes me very SAD. I don't want to go into my medical history because that is private, but that's the situation here. Oprah : So okay, I just want to get this straight, you are not taking anything to change the color of your skin ... Michael : Oh, God no, we tried to CONTROL it and using MAKE-UP evens it out because it makes blotches on my skin, I have to even out my skin. During the Oprah Winfrey interview, Michael also addressed being a black American: Michael: I'm a black American, I AM PROUD TO BE A BLACK AMERICAN, I am proud of my race. I am proud of who I am. I have a lot of pride and dignity.

بدأت بسؤاله عن أكثر المواضيع إثارة للجدل و هل قام بالفعل بإجراء عمليات لتبيض لون بشرته على أثر كراهيته للونه الاسود و الذى قام بالرد انه على حد علمه لا يوجد فى الطب ما يسمى بتغيير لون البشرة و لم نرى أى من تلك الحالات أبدا و أضاف انه مصاب بمرض البهاق و له تاريخ فى عائلته بالمرض ذاته و الذى لم يتمكن أطباؤه من السيطرة عليه و ختم بانه امريكى أسود و انه فخور بلون بشرته و فخور بما هو عليه

طيب نتابع بشكل علمى شويه ... ايه هو البهاق و ليه بيحصل ؟؟

البهاق هو خلل صبغي ينتج عن تحطم الخلايا القتامينية( melanocytes ) و هي الخلايا التي تنتج الصبغة في الجلد، الأغشية المخاطية (الأنسجة التي تبطن داخل الفَم و الأنف و المناطق الجنسية و الإخراجية)، و شبكيّة العين ( و هي الطبقة الداخلية في مقلة العين). كنتيجة لتحطم هذه الخلايا، تظهر رقع بيضاء على أجزاء مختلفة من الجلد على الجسم. حتى الشعر الذي ينمو في المناطق المصابة يبيض في العادة

طيب بيحصل نتيجة ايه ؟

ان المسبب الحقيقي لم تعرف أسبابه بعد، الا أن اجتماع عناصر هامة مثل العناصر المناعية والوراثية والعصبية، قد يسبب معظم الحالات بشكل قوي. ذكر معظم المرضى بدء الاصابة بالبهاق بعد حرق شمسي شديد، وآخرون ربطوا بدء ملاحظتهم للمرض بمشكلة نفسية أو عاطفية مروا بها ، كما يحدث بعد موت عزيز أو وقوع طلاق أو حادث مأسوي لسيارة أو غيرها من الفواجع الانسانية. أما الاعتقاد الشائع حالياً أنه لدي مرضى البهاق خلايا ملونة لديها استعداد وراثي طبيعي للتلاشي والاختفاء ، وأن هذا التلاشي يحدث بآلية مناعية عصبية بحته.

تقريبا مايكل إجتمعت عنده كل المسببات .. تاريخ مرضى فى الاسرة .. صدمات نفسية .. حوادث

طيب مايكل ليه على طول كان شكله ثابت يا إما أبيض أو اسود .. دة راجع لاستعماله مستحضرات طبية معروفة لمرضى البهاق و دة من أجل التغطية على مناطق البقع اللى إتغير لونها

دة جميل جدا .. طيب ما إحنا بنشوف ناس كتير عندها بهاق و ما بتتحولش للون الابيض الكامل أمممممم طيب محتاجين فى الوقت دة نعرف انواع البهاق و طريقة علاجه

أنواعه

الطرفي: أماكن الإصابة : الشفاة - الأطراف - الأعضاءالتناسلية.

المنتشر: يشمل معظم الجسم- بشكل يزيل اللون الأساسي من كامل الجسم في بعض الحالات.

القطعي: جهة واحدة من الجسم ويتبع انتشار الأعصاب السطحية، ويكون محدوداً للغاية.

البقعي: محدودة- فقط في عدة مناطق من الجسم.

الثابت: هو الحالة التي استقرت على وضعها لمدة تزيد عن عام.

مرض حالة كوبنر: تظهر بقع البهاق في أماكن الجروح والاصابات المختلفة ويدل ذلك على حلة المرض النشطة.

الشامة الهالية: هالة بيضاء تحيط بشامة ملونة- وقد تكون علامة على بداية الاصابة بالمرض

و طبعا مايكل مصاب بالنوع المنتشر ... طيب النوع المنتشر دة يعنى بيسرح فى الجسم كدة و بيخليه أبيض كله ؟ الرد فى طريقة العلاج و اللى بتتلخص فى طريقتين الاسترجاع اللونى أو الازالة اللونية و من الواضح إن مايكل تعرض لعلاج مكثف عن طريق الازالة اللونية للون الاصلى بعد يأس من إسترجاع اللون الاساسى

ختاما ببساطة شديدة ليه ماشوفناش أعراض المرض على مايكل فى بدايته ، دة راجع لمساحيق التجميل و ابتعاد الكاميرا عن تصوير أماكن الاصابة ، لكن أكيد مع الاداء الراقص على المسرح و العرق كل حاجة بتبقى واضحة ، و دة فيديو فيه صور غير مشهورة لمايكل بتوضح تطور الاصابة و أسلوب وضع مساحيق التجميل و اللى لا يصلح فى حالة مطرب مثل مايكل

Comments

  1. يا حبيبي انت اعتقدت اني باهاجم مايكل جاكسون والحقيقة اني قلت عليه مسكين

    وموضوع الحادثة ووقع على راسه وفقد الذاكرة وجاله بهاق خلا وشه كله لو القشطة ده ما يدخلش دماغي بتلاتة نكلة
    لكن ما علينا
    بلاها مايكل جاكسون

    تحب اجيب لك صورة كام مطرب اسود صبغ شعره اصفر وبقى شكله زي عفريت الليل بسبع رجلين؟

    اخته نفسها جانيت جاكسون صابغة شعرها اصفر

    وده مش سببه انهم مسوخ ولا انهم ملعونين ولا الكلام اللي بيتقال عليهم ده حرام

    هم ضحايا مجتمع عنصري حطم صورتهم وكسرها

    انت عارف ان فيه سود في امريكا بيحطوا على شعرهم بطاس عشان يغيروا شكلهم لان الثقافة العامة في امريكا ان الافريقي شكله وحش
    وانه غبي وانه تور وما ينجحش غير في الرياضة عشان جسمه وووووو

    اجيب لك نظريات علمية قد كده بتقول كده
    بلاش عالم الجينات الامريكي اللي واخد جائزة نوبل وناسية اسمه ح اجيب لك اسمه حالا
    طلع السنة اللي فاتت وقال ان السود اغبيا جينيا وان البيض متفوقين على بقية الاجناس خلقة ربنا وانهم جنس اكثر تطورا من بقية الاجناس
    وهو من اهم علماء الجينات في امريكا غير جايزة نوفل طبعا

    ReplyDelete
  2. اسمه جيمس واتسن
    http://www.independent.co.uk/news/science/fury-at-dna-pioneers-theory-africans-are-less-intelligent-than-westerners-394898.html

    ReplyDelete
  3. الموضوع دة محيرنى فعلا بصى بصى هاقولك كل اللى فى دماغى يمكن فعلا نطلع بنتيجة

    زمان قريت قصة من الادب الامريكى طبعا من باب انى اعرف الادب الامريكى دة شكله ايه

    القصة كانت عبارة عن التالى هاحكيلك اللى فاكره

    فى قديم الزمان

    كان فى واحد اسود وواحد ابيض الاتنين تقريبا دخلوا كوخ بعد مشوار طويل

    و كان فى صندوقين واحد ثقيل و التانى خفيف الابيض اختار الخفيف و الاسود اختار الثقيل

    الابيض فتح الصندوق لقى فيه ورقة و قلم و الاسود لقى فيه ادوات زراعة و ما الى ذلك

    القصة دى نفسها سمعتها فى الراديو من ابلة فضيلة و تقريبا مسجلها على شريط لانى كنت بسجل القصص زمان

    تحسى ان الموضوع مش ممسوك كويس لاننا ببساطة ما عيشناش فى وسط المجتمع الامريكى انا عن نفسى مش بحكم الا بتجاربى الشخصية و لا قراية و لا افلام و لا ادب و لا كل دة بيدخل دماغى

    علشان كدة انا ما اقدرش احكم و احط احكام كل اللى اقدر اقوله او اعمله انى ارصد ظواهر معينة و اجمعها جنب بعض ممكن ساعتها الصورة توضح

    ReplyDelete
  4. thank you for nice topic

    http://24mix.blogspot.com/

    ReplyDelete

Post a Comment

Popular posts from this blog

كيف تصبح أوتاكو: عاشق مسلسلات الأنمي اليابانية

بداية إن كنت تعتقد أن مسلسلات الانمي اليابانية للصغار فقط، فيجب عليك أن تعيد وجهة نظرك هذه بالكامل، وإن كنت تعتقد أن هناك نوع واحد من المسلسلات فأنت حتماً لا تعرف شيئاً عن الانمي، وعليه أرجو منك بداية من الأن وقبل استكمال القراءة، أن تمحي كل أفكار مسبقة وتبدأ من جديد مع هذه السطور. سأقسم المقال إلى جزئين الأول حول صناعة الانمي نفسها، وأنواعها وأهم أنظمة العرض، وتقسيم المواسم، بالإضافة إلى شرح مصطلحات يابانية مهمة في عالم الأوتاكو. الثاني حول جمهور الانمي نفسه وما يمارسه من أنشطة وتجمعات وفنون مختلفة، وأهم المواقع ومجتمعات المحبين ووسائل المشاهدة المترجمة على الإنترنت. قبل البداية يجب أن تعرف أن كلمة أوتاكو Otaku، والتي تعني "مهاويس" مسلسلات الأنمي اليابانية، بالرغم من وقعها الجيد خارج اليابان، حيث يستخدمها الجمهور للتعبير عن حبهم لهذا النوع من الفنون، إلا أن الوضع داخل اليابان مختلف تماماً، حيث يُشار بها إلى مهاويس ومجانين هذا الفن الذي أضاع حياتهم وشبابهم، وأنهم مجرد حفنة من المجانين، بالرغم من هذا التاريخ الكبير للانمي في اليابان، وضخامة حجم الإنتاج في هذا

دواير

Photo By : Gemyhood Date and Time (Original): 2009:09:14 06:47:31+03:00 Camera: Canon PowerShot S5 IS Creator Tool: Adobe Photoshop Lightroom Lens: 6.0-72.0 mm   Focal Length: 21.3 mm   Location : My old apartment @ Emad el Din , Down Town  

عن أوسلو .. وموسيقي العالم

عدت منذ ايام من مهرجان أوسلو لموسيقي العالم، بعد مشاركتي في برنامج "المفوضين الدوليين" للمهرجان، خلال اسبوع من المقابلات والاجتماعات والحفلات، استمتعت بشكل شخصي جدا بتجربة فريدة علي مستوي الموسيقي والتشبيك بين الصناع والمهتمين بها .. اضافة الي المعرفة القريبة عن تفاصيل ارتباط مدينة "اوسلو " بالموسيقي وبالمهرجان نفسه يهتم "مهرجان أوسلو لموسيقي العالم " بالأساس، بجلب ما يحدث في عالم الموسيقي _الغير رائجة تجاريا الي مدينة أوسلو، علي مدار اعوام المهرجان الناجحة، استطاع بكل سهولة بناء ارتباط كبير بين سكان مدينة أوسلو وبين انشطة المهرجان، بالرغم من موعده الموافق لأعياد الهالويين، الا ان طائفة كبيرة من سكان اوسلو تعتبر المهرجان، عيدها الخاص ، الذي يحرصون علي حضور انشطته الممتدة لأسبوع كامل كل عام اتاحتلي مشاركتي في برنامج المفوضين الدوليين للمهرجان، عدد من الزيارات واللقاءات مع صناع الموسيقي في أوسلو، والمهتمين بالحركة الموسيقية عموما، سواء اماكن الفعاليات، الانتاج الموسيقي، الاعلام والترويج اضافة الي التعرف علي اعضاء البرنامج انفسهم، الذين تم ا