مستشار يتعدى بالضرب على محامية فيحتجزوها للتحقيق معها


منذ فترة و نحن نتابع قضية التعذيب و الأنتهاكات التى يتعرض لها
المواطنون من قبل أفراد الشرطة فى أقسام البوليس
و من الواضح أن حمى الانهاكات و أستغلال المراكز لأهدار آدمية المواطنين
قد أنتقلت الى رجال القضاء و مستشاريه ، فبطل أحداث تلك المرة
مستشار أستغل سلطته و مركزه فى محاولة
لأغلاق قضية أعتدائه على أحد المحاميات بالضرب ، بل و رمى التهم عليها
مما أدى الى التحقيق معها رغم كل الاصابات التى كانت تعانى منها من جراء الأعتداء
تبدأ الأحداث بتحرش من بواب العمارة التى تقطنها المحامية منى توفيق فهمى
الكائنة فى 6 شارع عبد اللطيف حمزة - الحى السادس - مدينة نصر أول
و الذى قام بالتحرش بها و ببناتها فى حراسة أربعة قام بأحضارهم
لمساندته ، فلم تجد الاستاذة منى بد من أستدعاء شرطة النجدة
لأخذ تعهد عليه بعدم التعرض لها و لبناتها ، الامر الذى أدى الى هروب البواب
عند حضور سيارة الشرطة التى غادرت المكان بعد طلب أعادة الابلاغ
لعمل اللازم عند حضوره مرة أخرى
قامت الاستاذة منى بعدها بالصعود لغرفة البواب و أسرته أعلى العمارة
للتأكد من حضوره و عند نزولها وجدت أسانسير العمارة مشغول
فأضطرت للنزول عن طريق سلالم العمارة
فقابلها بعض الجيران بالسؤال عن سبب أستدعاء سيارة النجدة
و بعد أنتهاء الحديث و نزولها الى شقتها
فوجئت بالجارها المستشار محمد شيرين فهمى
بالتعدى عليها بالضرب على وجهها و طرحها أرضا
و سبها بألفاظ نابية مما أدى الى نزيف فى الفم
و عدم رؤية بالعين اليسرى نتيجة لكدمة شديدة بالوجه
، فأستغاثت بشقيقها المقدم بجهة سيادية
و الذى كان موجودا بالصدفة فى ضيافتها ، و الذى صعد ليجد
أخته ملقاه على الارض و المستشار المذكور يتعدى عليها بالضرب
فقام أبعاده عن شقيقته فتعدى عليه هو الأخر بالضرب
محاولا شده لشقته لأثبات تهمه التهجم عليه و على بناته
ثم نزلوا مسرعين لتحرير محضر ضد المستشار محمد شيرين
ففوجئوا بسائقى المستشار و قد أغلقوا أبواب العمارة لمنعهم من الخروج
فأستدعوا شرطة النجدة مرة أخرى لحمايتهم
و تم سؤالهم شفويا مع أخذ كارنيه نقابة المحاميين من الاستاذة منى
و كارنيه الجهة التى يعمل بها أخيها ثم ذهبوا لسؤال المستشار شفويا
و غادروا العمارة دون الالتفات لصاحبة البلاغ و أخيها
الأمر الذى دعاها الى التوجه بسيارتها الخاصة الى قسم الشرطة
و هى فى حالة أعياء شديد لتحرير محضر بالواقعه
تحت رقم 14785 جنح مدينة نصر أول لسنة 2006
و رغم أنها المجنى عليها الا انهم قاموا بأحتجازها
و منعها من أجراء الكشف الطبى فى حينه لأثبات الاصابات
و طلبوا منها الأنتظار لحين عرضها على النيابة
توجهت بعدها الى النيابة للتحقيق فأستمر أنتظارها
من الساعة السادسة و النصف حتى الثانية من صباح اليوم التالى
و لم يبدأ التحقيق ألا فى الساعة الثالثة و النصف
بعد تعرضها للأغماء نتيجة للأعياء الشديد خاصة
و أنها تعانى من أرتفاع بضفط الدم
و بعد الانتهاء من التحقيق فى الخامسة صباحا لم يتم الأفراج عنها
بأى ضمانات و لا السماح لها بأجراء الكشف الطبى عليها
و أمر برجوعها لقسم الشرطة لحين العرض
مرة أخرى على النيابة فى العاشرة صباحا
حيث طلبت عند وصولها توقيع الكشف الطبى عليها
نظرا لحالة الأعياء الشديدة التى تعانى منها
و التى توجهت اليه بالفعل بصحبة أمين شرطة مباحث
و أمين شرطة من القسم و كأنها خطر على الأمن العام
بعد الكشف تم أقتيادها مرة أخرى الى قسم الشرطة
الى أن يتم ترحيلها الى النيابة حيث تم الأفراج عنها
بكفالة قدرها الف جنيه رغم أنها محامية و هناك أمكانية
للافراج عنها بضمان النقابة الا أن النيابة رفضت ذلك الطلب بتعنت
ثم غادرت القسم بعد التحرى عنها بالرغم من أصرارهم
على تواجدها لحين حضور رئيس المباحث فى الحادية عشر مساء
كل تلك التحقيقات واجهتها الاستاذة منى و هى مصابة بكدمات شديدة فى الوجه
و الظهر و كسر فى الاسنان لم تكن ألا مجاملة و أستغلال نفوذ
للمستشار محمد شيرين الذى قام بالتعدى عليها ففوجئت بأنها الجانى
أضغط على الصور للتكبير
صورة الكشف الطبى

taqrer tebe

Image8
Image10

صورة للشكوى المقدمة للمحامى العام
من الاستاذة منى توفيق فهمى
ضد المستشار محمد شيرين فهمى

يوجد بها التفاصيل الكاملة للأحداث

shakwa1

shakwa2

shakwa3

shakwa4

shakwa5

صورة من الطلب المقدم لرئيس نيابة مدينة نصر
لاستخراج أذن من نجدة مدينة نصر
يفيد بأنها من قامت بالاستدعاء لحفظ حقها كمجنى عليها

Image7

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

16 comments:

  1. عادى يا جيمى ايه الجديد اللى مزعلك يعنى
    عشان مستشار
    الفساد واستغلال النفوذ زى الايبولا مبيستثنيش حد اذا بدا فى مجتمع مين عارف انا وانت بكرة هنكون فين
    وبعدين محنا قلنا للبلد وعلى البلد السلام من بدرى
    متزعلش نفسك يا بنى
    فى ناس عايزينك لحد ما تبقى زى حضرة المستشار وساعتها ازعل محدش هيعوزك تانى

    ReplyDelete
  2. يعنى نسكت يا عزة و لا ايه ما نتكلمش ؟؟؟

    ReplyDelete
  3. هوا يعني المستشار ده راجل مجنون ضربها لواحده كده ؟! صحي لقي نفسه عايز يضربها ؟ و بعدين هي مش مني توفيق دي الي بيحبها ادهم صبري ( رجل المستحيل ) ، ايه الي جابها في القصه دي ؟ !


    ملحوظه :

    يا جيمي هات البنطلون بتاعي بقي عشان عندي عجز في البناطيل هنا مش كل اما اديك حاجه تكمر عليها

    ReplyDelete
  4. اخ جيمي واضح من الاسماء والتفاصيل ان الموضوع خلاف عائلي بين ناس واصله وبيتخانقوا مع بعض اكيد ورث حته ارض شقه المهم ان البلد فيها احداث اهم وناس اهم تحتاج الاهتمام مش كل 2 يتخاقوا مع بعض تبقي قضيه لان لا يوجد بيت او عيله او عماره في بر مصر الي والناس بتقطع بعض والاهم منهم الي بيقطعوا فينا وبيضيقوا العيشه علينا

    ReplyDelete
  5. واضح ان يا نور انك ما قريتش كويس

    و لا هما قرايب و لا فى نزاع

    و يا ريت تراجع تانى تفاصيل احتجازها فى القسم دى الاهم فى الموضوع

    ReplyDelete
  6. عبد الله12/14/2006 04:19:00 PM

    أعتقد إن فيه حلقة مفقودة ما بين خناقتها مع البواب وقصة المستشار ده إيه علاقة ده بده ، مش عارف لكن ما فيش غير حسبي الله ونعم الوكيل ، وبعدين أنا عندي وجهة نظر في موضوع تواطؤ الشرطة مع المستشار
    أصل الداخلية اليومين دول بتحاول تراضي القضاة بعد ما ضربوهم بالجذمة .. يعني .. الوزارتين بيحاولوا يصفوا اللي بينهم وكدة .
    ويا بخت من وفق راسين في الحلال ؟!!! قصدي وزارتين

    ReplyDelete
  7. معلش الموضوع دة من اولة نقصة كذا حاجة عشان يتصدق اولا اية اللى جعل البواب يعمل كدة اكيد فى سبب و برضة المستشار مش ماشى يضرب في الناس من غير سبب هى مش هيستريا يعنى و برضة مش معقول المحامية دية كل الناس بيضربوها كدة و خلاص من غير سبب ز هو مش عشان في فساد في البلد يبقى لازم نصدق كلام اى حد يقول انه اضرب و اتظلم ز اخرها حنصدق ان جمال مبارك مظلوم من الناسز

    ReplyDelete
  8. عادي يا جيمي الكلمة دي اتعلمتها منك وبقيت بقولها كتير بس هنا مينفعش
    جميل اوي التغطية للموضوع وعرض صورة الكشف الطبي والبلاغ بس في حاجة ناقصة ومش مفهومة ليه البواب يتجرأ بالشكل ده علي محامية ولية المستشار ده عمل كده وازاي النيابة تحبسها حتي لو هي مدانه فعلا يكفي الضرب اللي حصل لها وليه ...وليه ؟؟؟؟ اسئلة كتيرة مالهاش اجابة الاعندك سانتظر التفاصيل بس بردو مش هانسكت علي الاقل نتكلم حتي لومحدش هيسمع ولا يفهم كالمعتاد في بلدنا

    ReplyDelete
  9. rdgost2yahoo.com12/16/2006 07:22:00 PM

    يا أبنى هات الخماشر جنيه اللى عليك أنت هتصيع عليه مش كفايه الجاكت الجنز
    اللى ضربت عليه

    ReplyDelete
  10. يابنى هو ده القانون
    والقسم نفذ القانون
    والنيلبه نفذت القانون
    يعنى المشكلة مش فى القسم او النيابة
    والكلام اللى انت كاتبه عن النيابة اتهام يوديك السجن بالقانون
    وياريت تقرأ القانون كويس
    لانه لا يجيز التحقيق مع القضاة او المستشارين
    يابنى عندهم حصانه
    افهم
    متخليش حد يضحك عليك بحكاية، تنشرها بدون معرفة بالقانون
    وبعد ما خالفت القانون ويقبضوا عليك بعدة تهم منها
    توجية اتهام للنيابة العام
    نشر اسم احد القضاة وتعريض سمعته للاساءة
    بللبة الراى العام
    نشر افكار خاطئة تعرض الامن والسلم العام
    و وو وو وو وو
    وبعد كده لما يتقبض عليك مطلوب منا اننا نقف جنبك ونخليهم يفرجوا عنك
    طيب ما تقرا القانون وتذاكر احسن قبل ما تكتب

    ReplyDelete
  11. يابنى هو ده القانون
    والقسم نفذ القانون
    والنيلبه نفذت القانون
    يعنى المشكلة مش فى القسم او النيابة
    والكلام اللى انت كاتبه عن النيابة اتهام يوديك السجن بالقانون
    وياريت تقرأ القانون كويس
    لانه لا يجيز التحقيق مع القضاة او المستشارين
    يابنى عندهم حصانه
    افهم
    متخليش حد يضحك عليك بحكاية، تنشرها بدون معرفة بالقانون
    وبعد ما خالفت القانون ويقبضوا عليك بعدة تهم منها
    توجية اتهام للنيابة العام
    نشر اسم احد القضاة وتعريض سمعته للاساءة
    بللبة الراى العام
    نشر افكار خاطئة تعرض الامن والسلم العام
    و وو وو وو وو
    وبعد كده لما يتقبض عليك مطلوب منا اننا نقف جنبك ونخليهم يفرجوا عنك
    طيب ما تقرا القانون وتذاكر احسن قبل ما تكتب

    ReplyDelete
  12. عمال تقولى القانون القانون القانون

    ياخى كسم القانون فى بلد حاكماها رقاصه

    ReplyDelete
  13. هاى جيمى انا صحفيه وعايزه تفاصيل الموضوع عشان انشره وعايزه اقابل المحاميه لو ممكن
    ياريت تبعتلى رقم تليفون او عنوان مكتبك على nemo_3h_h@yahoo.com
    وياريت متطنش عشان الموضوع بجد مهم جدا

    ReplyDelete
  14. رائد الشرع1/05/2007 08:24:00 PM

    بسم الله الرحمن الرحيم
    السلام عليكم... الاخ صاحب الموقع المحترم
    لقد دخلت الى الموقع عن طريق الصدفه والحقيقه اعجبني كثيرا وساحاول وبقدر ما يسمح لي الوقت ان اكون احد المتابعين لكم علما ان لدينا في العراق وتحديدا في زمن صدام الاف القصص الشبيهه بقصة المحامية


    وشكرآ

    ReplyDelete