مصريون يقولون لا لفلسطين


بعد الاحداث السابقة قررت أن أبتعد عن الاحداث الجارية و الماشية كلها و أخترت مكان منعزل و تخلصت من موبايلى ومفيش فضائيات مفيش جرايد مفيش أى حاجة غير حياة بدائية على شاطىء خاص و لأن المدونة هنا بعتبرها بنتى ما قدرتش أبعد عنها كتير و قررت التوجه لاقرب مقهى أنترنت
صاحب المقهى رجل غريب بمعنى الكلمة لهجته مزيج من العريشى على المصرى على الفرنسى على الالمانى
و لما شاف المواقع اللى انا فاتحها جيه و كلمنى و عرفت انه كان مناضل و هرب على اوروبا و اخد الجنسية الفرنسية
قالى عايزك تكتب عن اللى بيحصل هنا ... الفلسطينيين على منفذ رفح محتجزين و مش عايزنهم يرجعوا بلدهم
و الحدود مقفوله و أحنا بنلم لهم فلوس علشان نشترى لبن للاطفال و نساعدهم على الاقامة
طمنته أنى هاكتب و لما رجعت لمكانى المنعزل اللى انا أخترته
جيه زارنى بعض اصدقائى من ولاد البلد
و لما فتحت الموضوع لقيت الكل بيشتم على الفلسطينيين و فلسطين و اللى جابوها
أستغربت و لما سألت قالوا لما الحدود اتفتحت أسبوع علبة السجاير وصل ثمنها لعشرة جنيه
و الرغيف لجنيه و ما كناش لاقيين حتى الجبنه ناكلها
حاولت أهديهم و أتوصل معاهم لحل وسط أنه على الاقل دول بنى أدمين
نسيبنا من الاخوة فى العروبة و الكلام دة و خلينا نشوفها من منظور انهم بنى ادمين
أصروا على رائيهم و ان الفلسطينيين المفروض يتمنعوا من الدخول
و ان اللى بيحصلهم على المنفذ دة حلال فيهم ... لانهم ليه يدخلوا مصر من الاساس
ودعتهم فى نهايه السهرة و أنا مستعجب
هوه فى فى مصر ناس كدة ؟؟
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

12 comments:

  1. المشكلة الاقتصادية القصيرة اللي حصلت في العريش كان سببها صعود مفاجئ في الطلب على السلع، لو كان المعبر مقتوح بشكل منتظم وقتها التجار هتعمل حسابها و وقتها الفلوس اللي بتدخل مصر هتزيد و حجم التجارة هيزيد و فيه عمالة هتزيد (حتى لو حاجة بسيطة) يعني في وضع مستقر الموضوع ده في مصلحة أهل شمال سيناء مش ضد مصلحتهم.

    و كمان خليك فاكر أن البوليس و الجيش المصري معقرب جدا اجرائات التنقل و التفتيش و معندوش أي ثقة في البدو سكان شبه الجزيرة و بالتالي فيه عربيات محملة ببضائع اتعطلت أيام ما المعبر كان مفتوح و ده زود الأزمة.

    فتح المعبر كحدود عادية (مش لازم يتفتح على البحري) في مصلحة المصريين اللي هيقيموا علاقات تجارية مع الفلسطينيين (مش بيع بس، غزة بتنتج خضار و فاكهة كويسة جدا و تصديرها بيكون تحت رحمة الاسرائليين، و أغلب المزارع هناك عضوية أو شبه عضوية يعني مفيش بلاوي مسرطنة زينا) و أخيرا فكر أن في حالة رواج التجارة بين البلدين الفلسطينيين هيستخدموا الجنيه المصري زي ما بيستخدموا الشيكل و الدولار و ده معناه أن من منظور الفلسطينيين الجنيه هيبقى عملة صعبة و معناه دخول شوية دولارات زيادة في مصر.

    يعني كله مزايا لو معمول صح، و كل ميزة من دول بتشكل تخفيف للحصار اللي شعب غزة عايش فيه، يعني كمان حاجة انسانية.

    فكر لأبعد الفلسطينيي عندهم أزمة رهيبة في الكتب مثلا، الكتب هعناك غالية جدا، مشاريع الكتب المعومة زي مكتبة الأسرة و مطبوعات الهيئة العامة للكتاب و المشروع القومي للترجمة و غيرها ممكن تتباع هناك بربح بسيط و تبقى بتخمهم خدمة جليلة.

    ده طبعا غير أنهم محتاجين متخصصين في مجالات كتيرة و ممكن لو الوضع هدي شوية المتخصصين دول مرتباتهم تيجي من الأمم المتحدة أو الاتحاد الأوروبي.

    و كمل أنت بقى، المهم يعني أن حتى من الناحية العملية وجود حدود طبيعية و سلسلة في مصلحة الشعبين، و اللي أحنا فيه ده في مصلحة اسرائيل فقط.

    ReplyDelete
  2. كلامك كويس يا علاء - بس فيه نقطة انت نخدتش بالك منها ... دول مش سياح حيجوا يصرفوا فلوسهم عندنا وبس ... دول حيجوا يدوروا على شغل أصلا - وأغلب النازحين بيكونوا من الطبقات الدنيا يعني ده حيشكل عبء على الشغلانات اللي مش بتعوز عمالة مدربة وحاينافسوا البدو والشباب البسيط على وظائف عمال النظافة وما إلى ذلك

    أنا مش عاوز أكون عنصري ... بس لازم عملية الهجرة دي تكون مدروسة ولا إلا حتلاقي البطالة زادت بنسبة كبيرة في المنطقة دي وده حيقصر مباشرة على مستوى الإجور اللي حتنخفض - يعني حتحصل أزمة اقتصادية حادة!

    إدرس يا علاء الفكرة من المنظور ده برضه ... دي مجرد رؤية - أنا مش خبير يعني

    لو حصلت عملية هجرة وقررنا نستوعب اخواتنا الفلسطنين وسطينا لازم يتم توجيههم لفين يقعدوا عشان ميحصلش أوفر لود في سيناء

    برضة محتاجين ندرس سلوك الناس دي - هل حيكونوا هاديين ولا كل مايحصل حاجة لحد مثلا يتلموا ويعملوا غاغة ويعملوا أقلية!

    الموضوع محتاج دراسة

    ReplyDelete
  3. This comment has been removed by a blog administrator.

    ReplyDelete
  4. الله ينور عليك يا ابو علاء و الله

    بس انت مش مراعى نقطة ان الاهالى هنا اتقرصت مرة و هنا فعلا ناس غريبة جدا

    اول مرة اشوف ناس المفروض انهم مصريين زينا بيفكروا التفكير دة

    يعنى هنا فى العريش بيتفاخروا انهم بيتعفوا من الجيش و مش بيدخلوه

    على اعتبار انهم فى الاصل بيعتبروهم عملاء
    علشان كدة الشباب العرايشى معظمه بياخد اعفاء او تأجيل
    طبعا منطق غريب جدا ... الناس هنا فى دماغهم انهم عايشين حياة منعزلة مش عايزين حد يشاركهم فيها

    مش بيبصوا على رواج تجارى بقدر ما هم بيحسوا ان اى دخيل عليهم دة خطر

    اما التواجد الامنى يا عم علاء فده كل يوم و انا باتحرك باتفتش و اتقلب و يستجوبونى

    يعنى دة شىء عادى جدا هنا

    ReplyDelete
  5. هما ش كلهم سائحين و مش كلهم بيدوروا على شغل

    فى دة و فى كدة يا ابو اسكندر و فعلا لازم تراعى ان هايجيلك ناس عايزة تشتغل و تفتح بيوت هنا

    فى الامان و احنا مش قادرين نسد على البطالة الىل عندنا

    ReplyDelete
  6. أنا مش بتكلم عن هجرة خالص، أنا بتكلم عن تطبيع العلاقات مع فلسطين بحيث يكون في حدود برية طبيعية، بتقدم طلب بالدخول و اجرائات بسيطة و يا يتسمحلك يا يترفض.

    ده غير أن أحنا فاتحين حدودنا مع السودان و دول أفقر و عددهم أكبر من بتوع غزة.

    ReplyDelete
  7. انا اتناقشتمع ناس كتير هنا يا علاء فى الموضوع دة لدرجةانهم اقتنعوا بفكرة انهم يوضحواالموضوع دة على الانترنت

    هما اتهموا الفلسطينيين و دة كلامعلى لسن بعض العرايشية انهم همج

    و انهم رفضوا الرجوع بعد المدة اللى كانت محددة ليهم و انتعشت تجارة المخدرات فى العريش انتعاش فاق كل التوقعات دة غير ان حصل تزوير فى عملات و اتوزعت فى العريش المشكلة يا علاء العرايشية اصعب مما كنا متخيلين دول ناقمين حتى علينا كلنا

    حاسيين انهم عايشين فى اضطهاد و كل المصريين بيعتبروهم خونه حتى الجيش بياخدوااعفاء منه او ياخدوا نسبة بسيطةجدا هما هنا بقوا منسلخين عن مصر نهائى

    و ناقمين عليها يا علاء

    هنا الناس غير الناس

    تحس انهم متقوقعين على نفسهم

    مش عايزين مصريين يتدخلوا فى حياتهم

    و لا عايزين فلسطينيين يجوا يزاحموهم

    كفايه عليهم امن الدولة الىل قارفهم تفتيش فى الروحة و الجاية

    ReplyDelete
  8. و هو اللي حصل في أهل العريش بعد تفجيرات طابا ده شوية؟

    ReplyDelete
  9. كويس انك قلتها علشان هنا هما بيسبوا الدين للحكومة و لمصر كلها بسبب الىل حصلهم

    ReplyDelete
  10. للاسف في ناس شايفين ان كل اللي بيحصل سواء للبنان او العراق او فلسطين شيئ ميخصهمش اصلا

    ReplyDelete
  11. بصى يا رشا الموضوع مش كدة الموضوع ان كل واحد ليه خبرات و موروثات و معتقدات هيه اللى بتشكل ليه الرأى النهائى على الاحداث

    و احنا مش ممكن نضرب عرض الحائط بكل دول علشان كدة لازم نحترم راى الاخر

    ReplyDelete
  12. شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض

    ReplyDelete