المترو و الفرق بين مبارك و ناصر


untitled
فى أثناء رحلاتى ككل المصريين عبر المترو ... أستوقفتنى أفكار عبثية
تفرض نفسها بقوة مع كثرة ترددى على محطتين معينين للمترو
الاولى محطة رمسيس أو محطة حسنى مبارك و الثانيه التحرير أو محطة جمال عبد الناصر وكثيرا ما داعبتنى تلك المقارنات الخبيثة حول المحطتين محطة حسنى مبارك أو محطة رمسيس داخل المحطة و عند خروج أول قدم لك من الباب الذى يفتح توماتيكى توماتيكى هاتلاقى أمواج من العشوائيين اللى بيدخلوا هجم على البيبان و هما ناسيين فى الاصل ان فى ناس من حقها تنزل من المترو بعد ما تخرج من المترو تتوجه لمكنة التذاكر و الى دايما بيقف بعدها ظباط مباحث و أمناء شرطة اللى دايما بيسألوا الواحد معاك بطاقة و نروح مكتب جانبى كدة يفتشوا اللى جابونا من كتر ما حصلت معايا بفكر أن مفيش شاب مصرى ما اتعملتش معاه الحركة دى تطلع من محطة المترو تلاقى نار الله الموقدة حر و قرف و عرق و موبيلات الدقيقة بضعف تمنها و نصابين و عشوائيين و باعة جائلين و عشوائية رهيبة و المفارقة الطريفة ان يوم ما حاولوا يظبطوا العشوائيات دى حطوا حواجز مرورية و بقت العربيات تلف ساعة علشان تطلع كوبرى 320_82de8a5e-bdc1-4690-8848-f07690d58337 و الناس تلف فى بيت جحا علشان تعرف تعدى الناحيه التانيه دول طبعا اللى مش بيعرفوا ينطوا من فوق الحواجز
دى محطة مبارك عشوائية رهيبه و قرارات متخبطة بعضها ظالم و بعضها فى قمة الغباء و لما اتحطت خطط للاصلاح جائت عبارة عن حواجز و أسوار ضد أرادة الشعب المصرى كله أما محطة جمال عبد الناصر فدايما و أنا خارج منها ببقى حاسس أنى رايح فرح كفايه انك أول ما تخرج تلاقى المحكمة اللى تخليك تفتكر وقفة القضاة الشرفاء و نقابة المحاميين ووقفاتهم الجريئة 2222 و نقابة الصحفين و سلمها الذى كتبت عليه سطورا من تاريخ مصر المعاصر و تشكلت على عتباته ملامح العديد من الحركات من أجل التغيير و المنطقة المحررة pic24 و قصص من البطولات الشبابية فى وجة جيوش أمن الدولة طيب بزمتكوا مش الاماكن بتتكلم لوحدها ؟؟
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

12 comments:

  1. دة ان دل على شىء يدل على التفاوت ما بين روح عبد الناصر و روح مبارك

    و دة يدى انطباع بتبعيات النظام الفاسد اللى احنا بنعيشة فى العصر دة

    ReplyDelete
  2. دة ان دل على شىء يدل على التفاوت ما بين روح عبد الناصر و روح مبارك

    و دة يدى انطباع بتبعيات النظام الفاسد اللى احنا بنعيشة فى العصر دة

    ReplyDelete
  3. دة ان دل على شىء يدل على التفاوت ما بين روح عبد الناصر و روح مبارك

    و دة يدى انطباع بتبعيات النظام الفاسد اللى احنا بنعيشة فى العصر دة

    ReplyDelete
  4. الله ينور يا جيمى على العرض

    عمر ما لفت إنتباهى حاجة زى كدة

    فعلاً صدفة ملفتة

    ReplyDelete
  5. فعلا بلاحظ الموضوع ده دائما بما إني لاجي في وسط البلد محطة رمسيس ( مش بتاعت اللي خلفوا سيادته مش هتبقي هي و إحنا و البلد ) حاجة تقرف جوه و بره لدرجة إني ساعات بنزل من محطة جمال عبدالناصر و أرجع ( طبعا لو مففيش مشوار مستعجل مش جنان هو يعني)

    ReplyDelete
  6. هذا ان دل فلا يدل على شئ

    و لا كان البيت الابيض اسود كقلب صاحبة

    و شارع المدينة المنورة بمدينة نصر منور كساكن المدينة

    و لم افتش و الحمد لله في اي محطة و لا حتى حسني مبارك رغم اني اذهب الى هناك كثير جدا
    هذة شهادتي

    و كمان جمال عبد الناصر ذهب الى رحمه الله
    ماذا حدث في عصره
    67
    56

    و السادات الذي تلعنوه الييس هو قائد حرب العاشر من رمضان و صيحه الله اكبر

    جمال عبد الناصر كلمه في حقه احترم فيه ان زوجته لم تنزل الى الشارع و المشروعات و تتحكم في الناس و تفرض رأيها

    لكن كمجمل اسود ايام ايام معتقلات عبدالناصر الشاب الطائش

    يقول و لا يفعل هرمي رئيس وزراء اسرائيل في البحر و ثاني يوم يوم ابناء مصر و يقعون اسرى و يحاسب عنهم جمال عبد الناصر الفرعةن المصري

    ReplyDelete
  7. يا أستاذ engomar
    طبعا ديه مش مدونتي علشان أرد عليك بس كان ليه تعليق صغير جدا و بعد إذنك يا جيمي مش قادر أحبسه في زوري
    أولا هو حد جاب سيرة السادات من قريب أو من بعيد في الموضوع و لا داس له علي طرف و لا علي خيال حتي هو لازم الناس اللي بتحب عبدالناصر تكون بتكره السادات أو أي حد بيشيد بعبدالناصر يكون بيهاجم السادات و بعدين يا أخي إنت ليه معتبر أن 56 هزيمة واحد أخد القناة و دخلوا حرب معاه علشان يخدوها مته طلع من الحرب و هي لسه معاه فين الهزيمة بقي في العسكرية بيقولك إيه هي أهداف الحرب و لو حققتها تبقي إنت إنتصرت هدفه أنه ياخد القناة و حققها خلصت يعني مش فتة كوارع
    تاني حاجة حرب العاشر من رمضان محدش يقدر يقول إن السادات ملوش دور فيها بس مش هو اللي من غيره كنا هنخسر يعني أي حد تاني كان موجود كانت العملية هتمشي برضه الدنيا مبتقفش علي واحد بعينه مهما كان و هو ده اللي المنافقين اللي حوالين الحكام بيروجوه علشان الناس يصدقوا إن حكامهم أسطوريين عايز تعرف السادات بجد بص عليه من سنة 74 و بعدها و شوف عمل إيه في المصريين معظم الحاجات الغلط اللي عندنا دلوقتي كان هو سببها و مش مجاله طبعا إني أفندها هنا
    أخر حاجة حكاية حرب العاشر من رمضان و صيحة الله أكبر ده بقي موضوع كبير و مصيبة جامدة جدا إنت كاتب الكلام ده كتأكيد غير مباشر علي إيمان السادات و صورة الرئيس التقي أبو جلبية مغسولة بإريال الجديد طيب يا أخي العزيز هو اللي قال للجنود أهتفوا بالله أكبر و كان ماشي وراهم يراقبهم إيه دخل السادات بصيحة الجنود هما كانوا نسينها و هو فكرهم بيها قبل و النبي متنبعج قوي كده لازم تعرف إن السادات إسمه موجود في قائمة المرتبات الخاصة بالعملاء الأمريكان في الشرق الأوسط و مش من عندي الكلام ده في الصحافة الأمريكية نفسها و مزرعة في كامب ديفيد و بيشرب الفودكا أل إيه علشان القلب و عشرات العشرات من المصائب الأخري اللي مش هعرف أكتبها هنا بس مصيبة الناس أن أي حد يقولهم الكلمة السحرية الإسلام يمشوا وراه من غير ميفكروا و خلي بالك مش ديه مشكلتي مع السادات أنه كان وحش لأني أعرف ناس كتير ملحدين و منحلين و مفيش بيني و بينهم حاجة بالعكي أصحابي و كله تمام بس اللي أنا ضده لما يكون حد بيمثل
    معلش يا جيمي طولت جدا بس مقدرتش أسكت

    ReplyDelete
  8. اسكندرانى حبيبى

    منور و ليك وحشة و الله


    -------------


    جيفارا المدونة مدونتك و رد على اللى انت عايزة يا باشا

    و عداك العيب طبعا يا باشا
    ----------------

    الراجل بقة بتاع السادات

    يا عم الحاج انا مالى و مال السادات

    يا سيدى انا الراجل دة بعتبره جزمة ما تقلعهاش من رجلك

    و لا بحب عبد الناصر قوى يعنى

    و كونك تقول عليه فرعون مصر و الله دى حريتك انا مالى هوه ابويه

    كل اللى انا شرحته دى دلالات اماكن مش اكتر

    و امثلة القصد بيها توضيح صورة معينه

    ReplyDelete
  9. مرة اتعملت معايا حكاية المكتب دي في محطة السادات، لكني رفضت أخليهم يفتشوني. اضطلعوا على البطاقة بس، و السبب أني رحت المكتب هو أني رفضت أطلع البطاقة للشخص القفا ال كان لابس مدني إلا لما يوريني أمارة على أنه شرطة، و واضح أنه ما كانش معاه أي حاجة و منظره كان من المجرمين ال الشرطة بيسخروهم و يستعبدوهم.

    كان في شوية شباب من ال بيتقال عليهم عادة "غلابة" كانوا بيبصوا لي باستغراب جدا و هم بيتفتشوا و بيطلعوا كل ال في جيوبهم، لما أنا رفضت.

    أي حد يقولك وريني بطاقة قول له "وريني أنت كارنيه".

    و برضوا خليك مستعد لشوية بهدلة أحيانا :)

    ReplyDelete
  10. و الله يا ألف انا مش عارف ايه الخرة اللى احنا عايشين فيه دة فى اوروبا الامن دة او البوليس اسمه كنترول

    يعنى ما هو الا تنظيم مش ادوات لسحل البشر

    موضوع البطاقة دة مطلع عين اهلى بيحسسنى انى شكلى غلط مع انى و الله و لا شكلى حرامى و لا مشبوه بالعكس

    الموضوع قلب عندى لفكرة انى يا جدعان شكلى مش غلط و لا شكلى شمام امال اللى شكلهم مش ولابد بيعملوا معاهم ايه

    بص فى الاخر الكل بيدور انك تظروفه العشرة جنيه و تعدى و يا دار ما دخلك شر

    ReplyDelete
  11. شوف
    رغم ان لسانك طويل وبتقول الفاظ خارجة ودمك بضان على قلبي

    الا ان المقالة دي تحسبلك
    عشان تقول حاجة زي كدة في وقت كان بيضرب فيه رمسيس الناس بالصرمة على قفاهم
    حاجة كمان انت مش واخد بالك منها
    مبارك كان عايش فيها دور الفرعون
    محطة رمسيس بقت على اسمه
    عامل مقبرة ب 15 مليون فيها من كل خيرات ربنا زي الفراعنة على اساس انه هيستخدم الحاجات دي فيما بعد
    والله انا لو في ايدي القرار احرق دمه واقوله انك هتتدفن في القرافة بتاعة الصدقة واننا هنعمل مقبرتك دي كمبوند لسكان القرافات الشعبية

    اخوك
    TiTO

    ReplyDelete
  12. شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض
    شركة كشف تسربات المياه بالرياض

    ReplyDelete