لماذا اشعر بالاطمئنان بعد فوز السيسي برئاسة مصر؟


لو هاكتب سيناريو برجماتي جدا للثورة المصرية من اول يوم
فيه كل اعدائي الطبيعيين بيظهروا علي السطح ويخسروا
من نخبة واخوان وسلفيين بأنواعهم .. ووسطيين بأشكالهم
كل الرمم الجايفة .. حتي الواقفين في نفس صفي
عمره ما هايكون بالدقة والاحكام دة في اللي بيحصل دلوقت
بتقول: اننا نخبة غبية لشعب جاهل .. ماقدرتش تعلمه فعلا ؟! .. دة حقيقي ماشي
بس تعالي نبص كدة للصورة الكاملة اللي بيتحط آخر رتوشها دلوقت
من ٢٠٠٥ الي ٢٠١١ بتنبح في صوتك والناس ولا هنا
وهوب فيديوهات تونس تطلع والناس تشوف الثورة فيديو وتنزل تعمل زيها
واختاروا اقرب الحلول واسهلها بعد كدة بالموافقة علي كل شيء
بعد كدة الناس في الحقيقة انقسمت بين الاكس عسكري والديني
وفي الاخر قالك ناخد الديني
وبعد ما جربوه نزلوا شالوه
ودلوقت جابوا العسكري عشان يجربوه
يعني احنا امام مجموعة من البشر في محيط جغرافي ما .. فهمهم فعلا علي قدهم، وبالخصوص في موضوع السياسة دة .. لسه بيجربوا يحطوا ايدهم ع النار فيقولوا اح ويتعصبوا ويدبدوا في الارض .. وتاني يوم ما يمسكوش النار تاني
واكيد انت عارف ان احنا شعب ملوك الكلام ومابيقتنعش بكلام حد وبيجادل علي الفاضي ..يفرهدك يفرهدك .. لحد ما تسيبه مع نفسه شوية يتقرص وتلاقيه اتعلم
***
انا قعدت قائد ومدرب كشافة فترة طويلة ..لما كنا بنتعلم مناهج التدريب كنا حافظين جملة
"التعلم بالممارسة يعني تنمية الفرد كمحصلة للخبرات العملية والتي هي فوق كل شيء .. معلم فعال ومؤثر للغاية"

***
يوم 28 يناير .. قلت لصديق "احنا دورنا انتهي" .. ايماني بالجملة دي ما اتهزش لحد دلوقت لان القرار الجمعي انك ماتبقاش "طليعة ثورية" تهرس كل شيء وتحكم في اللحظة الثورية دي .. معناه حاجة واحدة، انك لازم تسيب الناس تجرب، لان من الواضح، واللي دلوقت مؤكد ان الناس مش هاتسمع لأي رأي منطقي في وقتها ابدا .. وانك مش هاتتحكم في اللي جاي .. ضيف عليه انك متخبط وقليل الخبرة الخ
وعليه كل اللي بيحصل من الناس دة منطقي جدا .. ناس لا تملك الا العواطف
والعواطف يا صديقي .. كما تعلم .. عفوية .. هشة .. وغير مأمونة العواقب
***
انا مؤمن ان الخمر الجديدة .. يلزمها قوارير جديدة
مؤمن كمان ان كل مرة الوجوه بتتغير وتتبدل وشاشات التفزيون بتجيب ناس يتحرقوا ويمشوا
مؤمن كمان ان اللي جاي مش بالضرورة هاشارك فيه
مؤمن كمان ان اللي جاي هايصعب السيطرة عليه
مؤمن كمان ان اللي جاي اسهل بكتير من اللي فات
مؤمن اننا فتحنا بطن بلد، واه وقفنا كلنا بغباء مش عارفين هانعمل عملية ايه بالضبط، وايه اللي قبل ايه؟ ونقطع ايه ونوصل ايه؟
بس العيان في العملية دي ما بيموتش .. مفيش بلد بتموت
ولو في الف دكتور واقف بيدي النصايح
هاتلاقي الف واحد يردوا عليه: وسع كدة يا باشمهندس انت بس وبلاش صداع
عشان كدة الناس هاتفضل "تلغوص" في البطن اللي اتفتحت دي
وتجرب وتجرب ... ومع التجارب دي ناس اكتر هاتتعلم
او علي الاقل هاتتعلق بأي امل .. وناس هايشيلوا ايدهم
وناس تانية تكمل .. هايتعلموا يسمعوا بعض علي الاقل
ويشتغلوا مع بعض جايز
***
خدها كلمة من واحد وقف سنين علي سلم نقابة يتظاهر مع 50 صحابه .. والشعب كان بيعدي "يبعبصلهم" في الجو من العربيات
هو هو الشعب العظيم اللي عمل الثورة
هو هو الشعب بتاع نعم للتعديلات الدستورية
هو هو الشعب اللي انتخب الاسلاميين ... واختار دستورهم
هو هو الشعب اللي جاب مرسي للحكم
هو هو نفس الشعب اللي شاله ... واختار دستور جديد
هو هو .. وياللعجب .. اللي جاب السيسي

عشان كدة شد كرسي واقعد اتفرج .. احنا في اكتر سيناريو عبقري ممكن يحصل صدقني
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

يوميات عاشقة حبلي بنجمه


تشعر ان حلمها يقترب، الأن تراه في كل مكان
 سيعوضها حرمانها ولياليها الباردة علي فراش سريع القذف
 ستنام وهي تحتضن احلامها التي اصبحت قريبة
من اليوم لن يلومها احد ان وضعت صورة رجل آخر علي حيط منزلها الخاوي من صورة دكر
سيصبح شرعيا ان تتحدث عن رجل آخر في وجود الجميع
ستنتظره عندما يتجلي في كل شيء حولها
ستصنع من صورته قلادة ومن اسمه خلخال ومن شعاره انسيال
ستتجاهل كل احاديثه المضطربة 
ماذا فعلت بالخطط والمشاريع وفراشها بارد غير منتصب
لن تلتفت الي تلميحات الحاقدين علي قصره 
 لن تهتم لطوله المهم مفعوله
تماما كما قال: القوة مش بعلو الصوت القوة بالأداء 
وهي عطشانة للأداء .. لأي اداء 
لقد اقتربت الساعة .. وسينشق القمر عنه لا محالة
ستحضر ذلك اللباس الرياضي المرصع بالثلاثة الوان المحببه الي قلبه 
وبالطبع القلادة والانسيال والخلخال
ستزيدها هذه المرة بكارت يحمل صورته 
ستضعه بين فلقتي صدرها البض
عل احدي الكاميرات تلتقطها ويراها
وقتها سيعلم انها من اشد المخلصين
ستهتف وتغني وتنافس جميع ضرايرها في حبه 
ستثبت للجميع انها الاحق به
وستدخل في ذلك المكان الضيق الحميم 
غارقة في سوائلها اللزجة
لتشير الي شعاره  بعلامة صح كبيرة
مصحوبة بتنهيدة عميقة
وسترجع لبيتها في الليل بعد ان يكون اعياها الرقص المحموم 
لتضع مخدتها بين فخذيها وتستسلم لنوم عميق 
 معلقة آمالها ان تصحو حبلي بنجمه


Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

أفضل تطبيقات الاندرويد للمساعدة في التمارين الرياضية في الجيم والبيت


كنت قد نشرت منذ فترة عدة تغريدات بحسابي علي تويتر، بها بعض التطبيقات للأندرويد التي تساعد علي تنظيم اداء 
التمرينات الرياضية سواء في صالة الألعاب او تمارين داخل البيت، اعيد نشرها مجمعة هنا

تطبيق لتمارين البطن، وهو ينظم برنامج يومي متكامل لمدة 42 يوم للحصول علي عضلات بطن قوية، وهو يعتمد علي نظام عد خاص يعظم من تأثير التمارين، ومزود بناطق صوتي لتغيير الحركات ومتابعة العد كمدرب شخصي
التمارين متدرجة في الصعوبة والوقت .. التطبيق رائع ولكنه غير متخصص في التخلص من الدهون في منطقة البطن، ولكنه يعزز تحدي الذات وعدم الشعور بالملل من تكرار العد، ستستمتع بمدرب شخصي واوقات راحة بين التمارين محسوبة بنظام محترف
لو سألتني ايه هو التطبيق اللي ممكن امسح جميع التطبيقات واحتفظ بيه؟ .. هايكون التطبيق دة .. هو الجامع الشامل لكل شيء هاتحتاجه
 التطبيق يحتوي علي "اجندة" لتنظيم ايام تدريبك، ووضع تدريباتك في ايامها الصحيحة حتي لا تنساها، جميع التمارين مقسمة حسب اجزاء الجسم، وكل جزء به جميع التمارين مقسمة لأجهزة او تمارين بالدامبلز او تمارين بالكرة وتمارين "بالريزيستانس باندز" وتمارين حرة .. ستجد جميع انواع التمارين لكل جزء من اجزاء جسمك كما انه يساعدك في تعلمها عن طريق صور متحركة تشرح كل خطوة في التمرين، كما ينظم الاوزان وعدد مرات تكرار التمرين ، فتستطيع تعبئة برنامج كامل ثم تستدعي كل المعلومات وقت التمرين
سواء كنت محترف او مبتديء، سواء تتمرن في الصالة او البيت، ستحتاج هذا التطبيق

ويحمل نفس خصائص التطبيق السابق ولكن بشكل مختلف، وعدد تمرينات اقل .. كنت استخدمه في السابق وقل استخدامي له مع الوقت







وهو تطبيق يقوم بحساب الوقت واصدار التنبيهات عند ادائك لإسلوب التدريب المسمي 
HIIT 
معلومات عن هذا الاسلوب المعروف بقدرته العالية علي حرق الدهون عن طريق اداء تمارين بسيطة مثل الجري او نط الحبل او الدراجات، ولكن بطريقة شاقة جدا ومرهقة
"هو عباره عن طريقه من طرق الكارديو و لكنه وسيله حديثه بدء كثير من الرياضين في اسخدامها نظرا لكونها اكثر فعاليه في رفع اللياقه و حرق الدهون و يقوم متبع هذه الطريقه بالتسخين لمده خمسه دقائق و من ثم يبداها حيث يمشي لمده 45 ثانيه مثلا و يجري باكبر سرعه يقدر عليها لمده 15 ثانيه و يكررها 4 الي 5 كرات ثم يمشي لمده 5 دقائق اخري كي يعود الجسم لطبيعته"
يمكنك البحث والقراءة عن هذه الطريقة المفيدة، والتي لا تصلح لمرضي القلب والذين يعانون من الاجهاد السريع

وهو تطبيق يعتمد علي فيديوهات لبعض الخبراء والمدربين، يشرح عدد من التمارين التي يمكن اداءها في المنزل وبدون اجهزة لجميع اجزاء الجسم، كما تحتوي الفيديوهات علي العديد من النصائح الذهبية فعلا

انا اعاني من نسيان شرب الماء المستمر، حتي مع المجهود، مؤخرا بدأت في تنظيم شرب الماء ومعرفة المعدل الطبيعي اليومي لما اشربه عن طريق هذا التطبيق، الذي تغذيه علي مدار الساعة بمقدار ما تشربه من الماء، ليعطيك معدل الماء في جسمك وما يلزمك لتصل للمعدل الطبيعي



Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.