الصعلوك المليونير على قمة الاوسكار


لم أهتم يوما بترشيح فيلما للاوسكار أو مناقشة قائمتى للترشيحات مع الاصدقاء مثلما يفعلوا كل عام لينفقوا ساعات من المناقشات حول ترشيحات كل منهم قد تسبق التوزيع بشهر كامل ... السنة دى كانت مختلفة حبتين ... الفيلم جالى وسط مجموعة أفلام إنمى كنت مهتم إنى أشوفها - بالمناسبة دة واحد منهم أدعوكم للاستمتاع بتقنية الرسوم فيه - المصادفة البحتة و الاستعجال خلونى أتفرج على الصعلوك الذى أصبح مليونيرا و إستغربت انى ما أعرفوش و ماحدش من صحابى كلمنى عليه و لا قريت عنه على الانترنت

"الصعلوك الذي أصبح مليونيرا" Slumdog Millionaire:

نجح المخرج داني بويل في تحويل قصة "فتى القهوة" الفقير، الذي يبحث عن حبه المفقود، ورحلة الفتى المتشرد الذي يعيش في الأحياء الفقيرة من "رحلة غير عادية" إلى قصة نجاح كبيرة بحصوله على ثماني جوائز أوسكار. يتناول الفيلم قصة الفتى جمال مالك، الذي يشارك في النسخة الهندية من برنامج من سيربح المليون، وخلال إجابته عن الأسئلة، يأخذنا مالك في رحلة نحو ماضيه، ليتمكن في النهاية من الإجابة على جميع الأسئلة والوصول إلى المليون.

بعيدا عن حصول الفيلم على 8 جوائز أوسكار من أصل 10 كان مرشح ليهم ، الفيلم فعلا أعاد ليا فكرة ان الناس ممكن تحقق نجاح حتى لو عن طريق جهلهم و ان المعرفة اليومية الحياتية لأى مواطن عادى ممكن تكون كنز معرفى و ساعتها الجهل بالمعلومة يتحول لمعرفة فى حد ذاته المهم فوكك من كل دة الفيلم فعلا جدير بالمشاهدة و ربنا يخليلنا التورينت

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

لو مهتم بجديد أخبار خدمات مواقع الويب


ناس كتير مش بتعرف ان الخدمة نزلت الا بعد وجودها فعليا بفترة طويلة ... دة موقع بيقدم أخر أخبار المواقع الخدمية العالمية و جديد خدماتها و التعديلات و الاضافات عليها ... ;) إشطات
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

ثمانية و أربعين ساعة بدون فيس بوك


محدث

لا أعلم ان كنت سأستمر فى تجربة إغلاق حساب الفيس بوك الخاص بى أم لا .. كل ما أعلمه اننى أشعر بالخفة و بالقدرة على الابداع أكثر و أكثر .. زاد معدل تصفحى للمواقع على الشبكة بعد أن أصابه الترهل و الكسل معتمدا على ما يشاركنى إياه الاصدقاء

هناك عدة مزايا بعد تجربة الاغلاق أهمها عدم الانشغال بأخبار الاخرين اللى بصراحة بتقرف الواحد خلاص و كأنه ناقص مشاكل الناس و شكاويهم و طلباتهم اللى مش بتنتهى و معظمها طبعا تافه

كمان التخلص من قائمة طلبات صداقة طويلة عريضة و كأنى اتحولت فجأة لمايكل جاكسون .. و كلهم ناس ما أعرفهاش و عايزين و بشكل رخم يدخلوا حياة الواحد و يطلعوا على أسراره .. من غير حتى ما يبعتوا رسالة يقولوا فيها هما مين و كان الكيل طفح بصراحة بعد ما واحدة ضافتنى و من عوايدى انى ابعت رسالة لصاحب الطلب مفادها أنت مين ؟؟؟ ردت بسخافة و برود أبدا شكلك عجبنى ضيفتك ... يا حلاوتك واقف انا معروض فى سوق نخاسة

مش عارف التجربة هاتستمر و لا لأ زى ما ذكرت سلفا .. و برضو مش عارف ان كنت هارجعه تانى مع تغيير سياسة الاستخدام و لا لأ .. محتاج برضو لتقييم التجربة و حصر الخساير و خصوصا انى عليه من زمان ... فى كل الاحوال أكتشفت اكتشاف مهم جدا .. ان الواحد مش هايموت من غير فيس بوك

شوف دة :

Facebook's New Terms Of Service: "We Can Do Anything We Want With Your Content. Forever."

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

البركات الأوبامية


قالت صحيفة "واشنطن بوست" الأمريكية في افتتاحيتها، إن الرئيس حسني مبارك يريد استغلال فرصة قدوم الإدارة الأمريكية الجديدة، لإعادة عقارب الساعة إلى الوراء واستعادة علاقته الجيدة التي طالما حظي بها مع الولايات المتحدة، إلا أنها نصحته أولا بضرورة إسقاط التهم الموجهة إلى الدكتور سعد الدين إبراهيم رئيس مركز بن خلدون، والإفراج عن الدكتور أيمن نور زعيم حزب "الغد"، إذا ما أراد أن يحظى بمقابلة باراك أوباما، "لأن الرئيس الجديد الذي يتمتع بشعبية كاسحة لن يكون راغبا في إضفاء الشرعية علي نظام مبارك في ظل هذه الظروف".

النائب العام يصدر قرارا بالإفراج عن أيمن نور لأسباب صحية

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

عملية العميد ميت


محمد عادل .. " ميت " ... اتصور بسلاح و حط الصورة على المدونة ... و لان النظام المصرى عنده إضطرابات نفسية و شكوك هستيرية ووساوس قهرية حادة ... قبضوا عليه علشان الصور دى و اتهموه بالانضمام لجماعات إرهابية و التسلل عبر الحدود و كبشة اتهامات كدة غريبة و مش موجودة الا فى مخيلة نظامنا المريض

على رأى واحد صاحبى .. النظام بيظرط يبقى إحنا نألط

ناس تانية ألطت معانا

وائل عباس ... أسد .. محمد طاهر ... مينا جرجس

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.