بحب بوساتك ... و قلبى طرب


إيديا في جيوبي وقلبي طرب.. سارح في غربة بس مش مغترب

وحدي لكن ونسان وماشي كده.. وحدي لكن ونسان وماشي كده

ببتعد معرفش أو بقترب ..

أحاسيس تجتاحنى كالصفوف الاولى من الفرسان فى جيش رومانى ... بعد ان تودعنى بقبلتين على وجنتاى كخاتم نسر أزرق انتظرته طوال الظهيرة واقفا فى طابور أحد المصالح الحكومية القذرة ... لتهمس بعدها عبر الهاتف ... بحب بوساتك

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

ولعناكى يا محلة ... نيهاهاهاها


Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

حبال السماء


لا أتذكر مناسبة تلك الجملة التى القاها عبر الشبكة العنكبوتية أثناء بداية تعارفنا ... دة انت بتمشى وباصص فوق ، استوقفتني الجملة للحظات فلم أفهم وقتها فحواها و هدفها أأكون بذلك كائن كوكبى بضين أم العكس !!

وقتها لم تكن تجمعنى صداقات بأحد من الإسماعيلية و لا يوجد سبب واحد يدعونى لزيارتها يوما و لو من باب الصدفة ، بعيدا عن المسببات المنطقية و قوانين الصدفة كنت فى ذلك الوقت أدرس بجامعة الزقازيق مما يضطرني فى بعض الأحيان لزيارة والدتى فى السويس و فى اوقات الفلس التقليدية و الطبيعية لطالب جامعى كنت أستقل القطار الذى يتوقف فى الاسماعيلية لأستمتع بالسير على سور الكورنيش فاتح دراعاتى و باصص للسما

يومها كنت منشغلا بشىء أخر غير التمرينة المسائية أيامها كنت بمدرسة الكرة بنادى منتخب السويس تحت قيادة الكابتن أحمد الطيب و الذى كان مصمما على وقوفى كحارس مرمى نظرا لطولى الفارع فى ذلك العمر... و فى التقسيمة المسائية تعلقت عينى بالسماء لاتابع مشهد لسرب من الطائرات الورقية يتحكم فيه أرضيا فريق الكشافة بالنادى.... و بعد عشرون سنة أجد نفسى عضوا بمنتخب مصر للكشافة ... و فقط مشجع كروى زملكاوى غلبان

أجمل ذكرياتي فى الجامعة بخلاف علاقاتى النسائية ... كانت إستمتاعى بكون جامعتى فى بلد أرياف ... و التى وهبتنى لحظات من السعادة فى اكتشاف خريطة القنايات فى الاراضى الزراعية بعد قضائى لساعات من المشى اللذيذ فوقها ... ناظرا للسماء

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

حركات قرعة


مش عارف ليه من بداية ما الناس إبتدت تشم نفسها بعد 2003 و إبتدوا يفكروا فى التغيير كان المسلسل كالتالى

تحرك ما فى لحظة ما للاحتجاج على حدث ما

ينجح الحدث إعلاميا فقط اللهم لان النجاح فى الاحتجاج بالنسبالى و بالنسبة للعاقلين ان النظام الديكتاتورى دة يسقط أى حاجة غير كدة مكسب إعلامى لا أكثر و لا أقل

ينقلب التحرك بقدرة قادر لحركة أو تكتل أو جبه أو حملة شعبية مش مهم المسمى المهم اننا دلوقت محتاجين منسق عام و منسقين لجان و شعب

بعد تقسيم التورتة ... سورى الحركة الخطوة اللى بعدها نعملها موقع على النت علشان نعرف نقول و نعلن بقة

بعد كدة سلسلة مكررة و بايخة و معادة من البيانات الفكسانة اللى تتوزع على االنخبة و المثقفين و الصحفيين و الإخوة المتضامنيين على سلم نقابة الصحفيين و النقابات المجاورة

و ختاما شخيرررررررررررر عميق ... و إتغطى و شد اللحاف

Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.