ننتهز فترة توقف المسابقات الكروية المحلية و على طريقة الغتاتة الأعلانية فى القنوات الفضائية المجانيه نقدم لكم باقة من أحب و أندر الأعلانات الأعلان الأول : خاص لأى أهلاوى عنده بواسير الزملكاوية يمتنعون الأعلان التانى : يا سلام عليك يا وائل يا جمعة بالباروكة الحريمى .. أعلان نادر جدا جدا و نترككم للأستمتاع

أستعد لطبخ طبق من الكبدة المكسيكى اللذيذة فى حين يدق جرس هاتفى الجوال لأسمع صوت مضطرب حضرتك الأستاذ محمد جمال …. ايوة انا يا ستى الأستاذ محمد جمال خير ؟ انا صحفية و عايزة أخد حديث من حضرتك عن موضوع جمعية المدونيين نعم جمعية مين سيادتك ؟ جمعية المدونيين يا أستاذ محمد حضرتك ما قريتش الخبر ؟ خبر ايه و فين ؟ فى المصرى اليوم مكتوب ان حضرتك من مؤسسى جمعية للمدونيين "طب أقفلى السكة بقة أروح أقرى و أرجعلك ,,, أقفل السكة لأنفجر ضاحكا فقد تذكرت افيه أستيفان روستى "طب ثوانى هاروح أتحزم و أرجعلك فما قرأته فى جريدة المخبر اليوم - المصرى اليوم سابقا- لا يخرج من كونه وصله رقص شرقى من راقصة درجة رابعة و حامل فى أربع شهور بقدرة قادر أصبح هناك جمعية للمدونيين بصدد الأنشاء و الادهى ان هناك مؤسسين و الى يحرق الدم انى واحد منهم لا و الجميل بقة حكاية شلة المحرضين و منظمى المظاهرات دى حاجة كدة بلاغ رسمى و شغل مخبرين ضرب أخبار و بأسماء بعينها و تحقيقات و أخبار أق ما يقال عنها انها بلاغات أمنية فى النشطاء الصراحة حاجة تقرف

دة كان بينزل من المركب كل كام شهر و يدخل علينا من المينا طول إيه في عرض إيه , ويمشي من المينا لحد ما يدخل حواري (بكوس ) وهو بيغني .. النسوان بتفتح الشبابيك وتبص له , الله يرحمو كان بلطجي تمام , ما فيش فيكييا سكندريه صوت زي صوته , وتلاقيه إيه .. طول ما هو ماشي بيشرب في بيره ومخدراتلحد ما يوصل الفرح اللي هيغني فيه .. يطلع غلى الطربيزه بتاعت المسرح وهو بيغني وبيرقص و وراه مليون عازف إيقاع جايين من كل البلد من بحري لحد أبوقير , ويبتدي الله يرحمو بقى , يفكفك زراير القميص الأبيض بتاع البحريه شويه شويه لحد ما يرميه في الفضا ويفضل بالبنطلون الأبيض والفانله التحتانيه لامؤاخذه !! ويروح مطلع من جيبو منديل أحمرومشوح بيه في الهوا ورابطو حول رقبته

.

. خالو مين دة … دة بحر أبو جريشة صوته غريب قوى بس بيلمس القلب قوى

و أنت بقة يا مفعوص فاهم يعنى ايه بيلمس القلب

علمنى كيف تغازل موسيقى أبو جريشة القلب مثلما علمنى كيف أغازل كرة القدم و تغازل أصابعى قطع الشطرنج .

.

.

جدو انا بحبك قوى أوعى تسيبنى انا ماليش غيرك

مسجى على فراش الموت يحتضر أبتسامته لا تفارق وجهه الأسمر اللامع

صغيرا متعلق بطرف سريره أبكى فقد كان بطلى الأسطورى و معشوقى الاول و الاخير

يكشف الجلباب الأبيض الأسوانى الفضفاض عن كتفه الأسمر لأجد أثار علامات سوداء قديمة ايه دة يا جدو

دى القصعة أوعى تفتكر انى لقيت كنز أو بقيت كدة بالصدفة الفلوس عمرها ما بتيجى الا بالعرق و التعب يا تكون زييى يا تكون دكتور وعالم زى أبوك بس أوعى تطلع أهلاوى أبن كلب زيه هوه عايز يبقى غيرنا و خلاص

لا انا عايز أكون زيك .. لا انت هاتكون فنان

و يغنى نصيحة أسمع يا قلبى دور فى كل أرض حب و أختار لقلبك واحد للأبد

أغنيه مين دى يا جدو … دة بحر أبو جريشة

لم أرى أبو جريشة و لا أعرف شكله و لكن أرتبطت صورته بصوره جدى الذى علمنى كيف أكون عاشقا فنانا و زملكاوى أصيل

.

.

.

أقف فى الصف الأخير وحيدا فأنا أخر المنضمين لفرقة الفنون الشعبية بالجامعة

.

التابلوه الجاى نوبى يا شباب .. يا ريت الناس تركز علشان عايز أختار السوليست

انت يا أبو شعر يا اللى فى الاخر رقصت فين قبل كدة

لا أبدا انا جابونى من منتخب الجوالة انا اللى بصمم الرقصات ليهم طيب تعالا أقف قدام

بس انت متأكد انك ما رقصتش فى حتة قبل كدة

بصراحة رقصت فى أوضتى على بحر أبو جريشة

.

فلاشات متلاحقة تذكرنى بأوقات طويلة قضيتها منتشيا راقصا على موسيقا بحر

.

صول البحرية الأسمر الملحن و المؤلف صاحب الصوت الخشن العذب الذى يختلط فيه أصاله النوبة بسحر الأسكندرية أخر ما يربطنى بالجنوب

. . على غير عادتى أكتب عن أحد المواقف التابعة لطابور طويل من الخراء التدوينى يكتبه المهمشين و من أعتقدوا انهم أبطال من وراء الكيبوردات صدفة بحتة و من السيرش اجد اسمى يتبعه بعض الكلمات اللى مش مريحانى من شكلها كدة ليدفعنى الفضول لتتبع ما يحويه الرابط ، لاجدها مدونة و قد وقف صاحبها يستعرض امام الجميع كيف ان المدون جيمى هود يسبه و يشتمه بأسم أخر و ان جيمى مش وراه حاجة الا شتيمته ليرد عليه أخر ليواسيه انه احد ضحايا جيمى يا عين أمه بصراحة أستغربت جدا لانى فى العادى مش بشتم على الأنترنت الا للضرورة القصوى لأنى ببساطة ممكن أشطف اى حد بتعليق بارد و باللغة العربية الفصحى فما الذى يدفعنى لدخول مدونة نكرة لا أعرفها و لا أعرف صاحبها على الاطلاق لأقطتع من وقتى لأسبه و أشتمه و أقرفه فى عيشته يا عين أمه تانى ، فضلا على انى لا أستحى من كون لسانى طويلا لأتستر وراء الاسماء الوهميه و لأنى فى العادى لسانى طويل و بسب بسرعة مئة دين فى الساعة زى ماقالت نوارة قبل كدة و لأنى تربية حوارى و مدرجات الدرجة التالتة و مدام الاتنين قرروا انى شتمتهم و مصريين على كدة و عملا بنظرية خلى الشباب تعيش و ما تحرمهمش من حاجة ، تركتهم ليستمتعوا بفاصل من السباب اللذيذ قد تأخذ أمهاتهم قرارا اذا أطلعوا عليه ان عيالهم ما يشموش ريحة النت نهائى و يعلق أسم جيمى هود كأحد الأعداء الطبيعيين للعائلة الكريمة و قد يتطور الأمر للطلاق بعد ان يدرك الاب من خلال السباب ان أمهم كانت فى الاصل صديقة سابقة للمدعو جيمى

من حوالى أربع سنوات و انا بتابع الموقع دة تقريبا كل يوم و بعتبره المصدر الوحيد لأى خبر حقيقى عن نادى الزمالك و ياما جرايد كتير نقلت عنه سواء بالسرقة أو الأقتباس و دة يمكن اللى خلى مصداقيته تزيد عندى أكتر بالرغم انى كتبت فى أماكن كتير الا ان المكان دة الوحيد اللى أتمنيت انى أكتب فيه و تقريبا كل شىء بميعاد و مقدر و مكتوب ، و ان كنت بعتبر كتابتى فى الموقع عن حاجة انا بحبها هاتبقى سبب فى خروجى من الحالة النفسية السيئة اللى مسيطرة عليا من فترة و هايكون سبب أساسى فى قرارات حاسمة و مراجعات هاخدها الفترة الجاية فى حياتى عموما كل ما كان قد كان و أكيد بكرة أحلى المهم انى دلوقت فى أسرة تحرير موقع الزمالك تى فى و رسام الكاريكاتير فيه و دة سبب كافى جدا أنى أكون سعيد الأيام الجاية . أول مقال لى : صراحة الأقزام و أفتراء اللئام . و أول كاريكاتير : ليس إينو ولكنها هيبة الزمالك