فى البداية لأى منا حق النقد .... فلا يوجد ماهو أعلى من أرادة شعب حتى حركات التغيير نفسها
فحق نقد اى وضع خاطىء مكفول للجميع ... و أن كان قد تم قمعى فكريا فمدونتى ستحتضن كلماتى
----------------------
أثناء حضورى لأول أجتماع و قد كنت دعيت إلى تلك الأجتماعات ووافقت من باب محاولة
أثبات عكس ما كنت أدعيه على تلك الحركة و ما ألت إليه فى الفترة الأخيرة
فى البدايه كدت أنخدع بتلك العبارات الرنانة التى نقلتنى إلى عالم من الديمقراطية و الشفافية بلا حدود
و من الظاهر أنهم أبوا إلا أن أغير رأيى عنهم و كأننى على موعد مع أثبات أرائى و تأكيدها
ما يهمنى الأن هو قمع حريتى على الانترنت لأن جعبة السلبيات ينؤ ظهرى على حملها
جروب الياهو و الرسائل حسب المزاج و كسر القواعد
فى أولى أجتماعاتى و بدايه ذلك الحلم الوردى نحو قال إيه التغيير سمعت كلمات
على وزن
ميثاق شرف أدارة الجروب
الذى تحول بالنسبة لى إلى ميثاق الترهات الادارية المركزية السلطوية فى الياهو جروب المبجل
الذى يديره شخص واحد بعينه كاسرا بذلك قواعد و قوانين ذلك الجروب المبجل
من تمرير رسائله الشخصية الى حجب و عدم تمرير النقد الموجهة الى الجروب او الحركة
فبالله عليكم أى شخص هذا الذى يستطيع حمل لواء التغيير و هو لا يطبق قوانيين
هو من وضعها لنفسه .... و طبقت على أخرين و ما أشبهه بأفعال نظام هوه نفسه يريد تغييره
لن أخوض فى امور الجروب نظرا لتفاهتها لان الجروب المبجل لا يزيد عن 200 يوزر
و يمتلىء بالبيانات المليئة بالاخطاء الاملائيه .... و تضخيم أعمال تقوم بها الحركة
فمن الممكن أن تعود الى بيتك راجعا من عمل فاشل قمت به على أرض الواقع لتفاجأ بكلمات
ثورية حمقاء عن أعمال بطولية شاركت أنت فى صناعتها فتجد نفسك مغتربا بين الواقع
و بين تفجيرات كلماتيه جوفاء تمام زى تصريحات مبارك عن أعماله و انجازات عصره الخارقة
----------------------------
رووم البال توك من قمع و سوء أدارة و تفاهه ..... يا قلبى لا تحزن
مظهر حضارى جدا اليوزر كلهم ريد دوت عقاب يعنى و الادمن لا
أهداء من صديق يا صباح القمع اللى بالكيلو اللى عايز الصورة حجم طبيعى يقولى
الرووم الخاصة بالحركة تتضائل فى الكم و الكيف أمام رووم كفايه الخاصة بالدكتور يوسف
يعنى بصراحة حاجة تكسف ..... أما بخصوص الموضوعات فبصراحة تستحق جائزة نوبل فى التفاهه
و السطحية و بعدها التام عن المشاكل الداخلية الحقيقية حتى حملاتهم لا يجعلونها مطروحة للنقاش فى الرووم
و كأنها مسلمات و بديهيات لا تقبل النقاش ... برضوا تمام زى مبارك و قراراته التعسفية
و الجدير بالذكر و ذلك على لسان أدمن الرووم أن الرووم ليس من أهدافها جذب أفراد جدد للحركة
لكن كل اللى بيحصل سفسطة ما بين أفراد كل يوم قاعدين مع بعض على القهوة او اجتماعات
و الرووم بتبقى ساحة للمزايدات و فرد العضلات على بعض
-----------------------------
اللجنة التجميدية الفريونيه التنسيقية
لاول مرة أسمع عن تجميد عضويه فى حركات تغيير و النبى مش حاجة تكسف
يعنى أقل القليل عن حركات التغيير مش فاهمينه أمال بتنسقوا ما بين مين و مين ؟؟
الاعضاء اللى اتجمدت عضويتهم حتى كلمة عضويه لا تنطبق عليهم و لا على اى حد
لان و لا فى أشتراكات و لا فى كارنيهات و لا أستمارات الموضوع كله أكبر من كدة بكتير
الموضوع يتعلق بحب مصر اللى بصراحة على طول شهر كامل ما سمعتش الكلمة دى
طبعا برضوا شبه مبارك و رجاله مش عايزة ذكاء ان حد يفهمها يعنى
------------------------------------
حملة مقاطعة المترو و الفشل الزريع
نعم .... نعم للميترو .... فطست من الضحك بعد بوست يحيى مجاهد
ولله عباد أختصهم بالحماقات الراجل عبر ببساطة عن فرسته من أنك تعمل حملة
و ما حدش يعرف عنها حاجة اساسا دة حتى انا ركبت الميترو يومها
لانى ببساطة نسيت أن دة يوم المقاطعة من قلة الكلام عليه
البوسترات تقريبا كان عددها بتاع الف بوستر تقريبا
يعنى اخره يتحط على حيطه مترو محطة واحدة
اما اللى يغيظ فعلا البيانات اللى طلعت بعد الحملة من نجاح باهر
و تفجير حيطان القاهرة و انفجار السكان و هروعهم على الميكروباززز
مهللين يسقط يسقط مترو الانفاق
الجدير بالذكر الحملة اتنظملها تقريبا قبل الشغل الفعلى بايام اسبوع على الاكثر
و التنفيذ و لصق الدعايا الخاصة بالحملة كان قبل الحملة باربعة أيام
و الله انكوا فعلا أولاد بابا مبارك
أيه دة خير خلف يا ولاد لخير سلف
-----------------------------------
كفاية كدة فعلا و زى ما قلت فى الاول الجعبة كبيرة قوى و تقيلة على ظهرى
بس أفضل انى ادارى على العيوب كالعادة داعيين الرب الى هدايه الجميع
----------------------
بعد كل دة تفتكروا فى وجه مقارنة ما بين اللى فات و مبارك
انا من رأيى انها أتحولت لأتحاد طلبة منسقين بقة و لجان و حركات
و على ايه نروح بعيد فين و الله شبه شباب الحزب الوطنى
و سلملى على التغيير يا أبو أشرف
19 comments:
أحييك من كل قلبي
وتحية خاصة لشباب من أجل التجميد
ولكل مثالي أهبل وعنيد بينضحك عليه من صيع الأحزاب القديمة وبيستغلوه وبياخدوا منه فلوسه وهو فاكر نفسه وطني
وسلام مربع للفشل الاعلامي الذريع لشباب من اجل التجميد
وسلام مخصوص للجنة الاعلامية
واحب اقول لهم
شفتم انكم ولا حاجة من غير اعلام ؟؟؟
شفتم انكم افشل اعلاميين خلقهم ربنا !!!
ولكل من عنده تضخم في الذات وفاكر نفسه بقى عظيم وبيعمل حاجة عظيمة وهو فاشل بيصحي في ميت
البداية كانت غلط
من اول ما ناس افتكرت انها تقدر تشيل ناس وتحط ناس وان لها سلطة
لحد ما فعلا عاشوا وهم ان فيه تجميد عضوية وان فيه ناس بتتحول للتحقيق
ناقص كمان نسمع عن معتقل شباب من اجل التجميد
كل ما توقعته بعد انسحابي من الحركة حصل
من اول ما ابتدوا يجتمعوا في مقر كفاية
وسلموا كفاية دقنهم
وهو ما كنت اعارضه منذ بداية الحركة
وانا قلت عليه العوض ومنه العوض
الى البيانات الحنجورية التي تنشر على الجروب الهزيل ولا يقراها الا كتابها وتعلن عن نجاحات ساحقة
الى الصور المهزوزة التي تقتصر على عرض اليفط بدون اظهار من شارك ومدى تفاعل الناس وردود افعالهم
تغطية انضف ما يقال عنها انها تغطية معرصة
واعلام حركة اشبه ما يكون باعلام شمولي يشبه الحزب الشمولي الفاشي الذي باي يسيطر على الحركة وعلى العبط والمثاليين بها !!!
واخيرا سلامي لام بيومي وابنها بيومي
دايما سباق يا وائل
تصدق انا مش بحب حد يشتم فى البلوج هنا بس انت اشتم براحتك :d
انا فعلا حطيت اقل القليل و الله علشان بس الاحراج قدام الناس
اجمل حاجة انى كنت عارف ان الكل هايكمل بعدى و الموضوع هايتفتح اكتر من كدة
يعنى مثلا صور اليفط اللى بتنزل و ما بينزلش فى اليفط الناس اللى شاركت
انا ما رضيتش اتكلم عنها علشان ما حدش يفتكر انى ثورى بقة و انى عايز احبسهم
و لا يقولوا عليا امن كالعادة لكن كويس انك جيبتها
و اكيد فى بلاوى تانيه بس احنا من طبعنا اننا نخطى تي....ز القرد علشان ما يجيلوش برد
ما تسميها ياعم وائل حركه ناصرين من أجل التجميد ، تبقي وضحه قوي وبينه قوي وفري قوي ، شويه شباب فاشلين والحزب الديكاتوري أو زعامه تاريخيه فاشل هوه روخر جايين بعد ماخربوا الحزب بتاعهم إلي مالهوش صوت أصلا جايين يدخلوا شباب من اجل التغيير ويجمدوا ناس بدون وجهه حق ، والله فكروني بالملهم لما خلي الإخوان محظورين ولما لم البلد كلها وحطها في المعتقلات ،
إسمع دي يا وائل إنته وجيمي فيه واحد ناصري قالي إن ماكنشي فيه ثوره ، كان إسمه إنقلاب عسكري ، ثم بعد شويه ضرب وقام قايل إلي إعتقلوا في عهد عبد الناصر أشخاص محدده وما يتعدوش عدد أصابع اليد وقالي تبقي تجيب لي عدد المعتقلين في عهد عبد الناصر هتلاقيهم حوالي 10 أو 15 شفت دي يا وائل ، فاكر يا وائل لما كان علي كل باب 24 ساعه مخبر قاعد ولما كانت البيوت بتنضرب بالقنابل
إحنا مين إلي دخلنا في عهد عبد الناصر ، أهو ربنا أخده وريحنا منه ، وثنيه سياسيه متعفنه
علي العموم يا جيمي بالنسبه للباتلوك ففيه نسا قالت عليه من الأول إنه مشروع فاشل ومش هينفع ، ده أصلا إلي ماسكين البالتوك مش بيخشوا أصلا عليه ، وكل واحد بيدخل في إسبوع شكل ، فهل من الممكن أن ينجح المشروع ، أصلا لأ
بالنسبه للحمله ضد الغلاء ، فبصراحه إلي خطط ليها التخطيط رأسي إلي جاء من فوق تخطيط فاشل ويشتمل علي قصور في التحرك
أما بالنسبه للبتنجان إلي إسمه الجروب ، فإسمع دي ، بعد ما أعلنوا إن الجروب shbab_kefaya إلي ماسكه وائل عباس إنه جروب غير شرعي ولا يعبر عن حركه هباب من أجل التغيير وعملوا جروب جديد وبعد ماعلموا جروب جديد إلي هوه الجروب إلي إنته بتتكلم عنه وبعد إنتخابات اللجنه التنسيقيه أصدرت اللجنه التنسيقيه فرمان " نفس الأشخاص إلي قالوا إن الجروب إلي ماسكه وائل مش رسمي" أصدرت التنسيقيه فرمان بإن اللجنه التنسيقيه برضه تعيد الحوار مع وائل عباس من أجل إستعاده الجروب وطبعا وائل إداهم في دماغهم ، عاش كفاح وائل عباس زعيم المطاريد
مش عايز افتح يا روحي لأني بصراحه مش عايز أفتح وكل شيئ ليه وقته
تحياتي
واحد مالهوش دعوه
من مباحث أمن الحاكم - عشان التهمه إلي راح تتوجه لي بس من سياده اللجنه التنسيقيه
التنسيقية دى اصلا باطلة هما هايعملوا زعماء ولا ايه و هايفكروا نفسهم بنى ادمين
الحركة دى اتعملت علشان ما يبقاش فى زعيم
و لو كان شويه فشلة هايقرفونا مش طالباهم يغوروا فى ستين داهيه
و بلاها التنسيق الاونطة بتاعهم دة
و مفيش حد خرب شباب الا الناصريين
ربنا ياخدهم يا رب و نشوف فيهم يوم اسود من شعر عبد الناصر
شكرا لتحيتك يا عم وائل.. وليك منى انت كمان أحلى تحية من جوه التلاجة الجديدة بتاعة شباب من أجل التجميد..
طبعا ليك حق تقول مثالى وأهبل وعنيد وكل الكلام ده.. لكن ده مش معناه انى غلط.. وانت عارف من الأول انى مش سياسى ولا بتاع سياسة ومش بألعب سياسة زى اللعيبة اللى انت عارفهم.. واللى فى قلبى بيكون على وشى حتى اذا ماعرفتش أقوله بلسانى.. وان الموضوع بالنسبه لى موضوع مبادئ والقضية هى حرية وطن.. مش الاعيب سياسية وكلام من ده.. ومأقدرش أسكت على الغلط
أنا كنت ماشى بمبدأ الديمقراطية.. يعنى ان يكون القرار مش ليا لإنى مش زعيم ولكن منسق.. والقرار للناس اللى بياخدوا المبادرة بانهم يشاركوا فى النقاش والمشاورة والتخطيط للعمل.. وده كان مفتوح لكل الناس على ما أظن.. وانت عارف ده كويس يا وائل وعارف أنا حاولت قد ايه اشرك الناس.. وإذا كان فيه بعض الأشخاص أسائت استغلال الموضوع ده عشان عندهم أجندة خاصة.. فأنا مش ممكن أقدر أدخل جوه قلب الناس وأشوف نواياهم.. ده شيئ بيظهر مع الوقت لإن ماليش غير الظاهر.. وخلاص أهوه ظهر قدام ناس كتير قوى الأفراد دول بيعملوا ايه وايه اللى خططوا له ونجحوا فيه.. وده عمل ايه وبيعمل ايه فى شباب
أنا أكيد كان ليا أخطاء كتير طبعا.. لإنى بشر و باخطئ وأصيب.. وبأحاول دايما أتعلم من أخطائى.. ولكنى كنت ومازلت دايما بأحاول بكل جهدى وطاقتى من أجل القضية اللى مؤمن بيها.. ورغم التهديد والإبتزاز اللى وصل لأحط الدرجات معايا بشكل مش ممكن حتى انى أكتبه.. فأنا مش حأستسلم.. وده مش عشان أنا كمان داخل لعبة المنافسة على زعامة غير مقبولة زى البعض ما عمل.. لإنى طبعا اذا حصل تغيير للجنة الفريون دلوقى فأنا مش حأرشح نفسى أساسا.. لأن المسأله مش مسألة مين فى اللجنة التنسيقية.. المسألة انها تكون فعلا لجنة تنسيقية
لازم يكون فيه لجنة تنسيقية طبقا للايحة لإن استمرار الأوضاع الغلط دى حيكون مدمر لشباب ومن غير شباب مافيش كفاية ومن غير كفاية مافيش غير الإخوان.. ولازم مايكونش فيه قوة واحدة على الساحة لأن قوة واحدة مش ممكن تقدر تعمل أى حاجة
وربنا يهدى لجنة الفريون
أحمد صلاح
مجمدون من أجل التغيير
أجيال عاشت عمرها فى ظل الفريون
وائل عباس - احمد صلاح
المشكله يا جماعه ان فعلا زيى ما احمد ووائل بيقولوا او يقصدوا او دا اللى فهمته ولمسته سواء من كلامهم او من اللى شوفته فى شباب من اجل التغيير ، ماينفعش يكون عندك أخلاق لازم تكون - ولامؤخذه- واطى
لازم تعرف تتآمر وتعرف امتى تعمل اجتماع يتاخد فيه قرار معين وأمتى تلغى الإجتماع وتنزل شغل مفاجىء فى الشارع
الزبهلال التام او الموت الزكام........انضموا الى حركة اللمبى من اجل التغيير دى حركة كدة(y).........انا حزيـــــــــــــــنة
كل واحد يقعد في بيته احسن له لإننا شكلنا بصراحه شم هنقدر نغير وزير الطعميه عشان نقدر نغير رئيس الجمهوريه ، لما حد في شباب يعرف يتناقش صح ويتأمر علي النظام وليس زملاءه ، هتبقي حركه قويه إن شاء الله
وزي ما صحبنا قال
عاش كفاح الميتين
ماليش دعوة
واضح جدا جدا جدا انك من داخل الحركة الشبابية من اجل المهلبية
طيب يا راجل ما تقول كدة اسمك و خلى البساط احمدى
لانك عارف كل حاجة و راسى قوى على كل الادوار
و اكيد طبعا عارف انى ما رضيتش اتقل العيار حبتين علشان الناس انا عارف ان عقلهم صغير و بيخلطوا الامور و المعاملات فى الشغل النضالى بتاعم
نياهاهاهاهاهاهاهاها
احمد صلاح
يا عم احمد انت واحد طيب و على نياتك و الله
شغل سياسة مين اللى هما بيعملوه دة
دة كدة شغل شرطة مدرسية ممكن
اذاعة صباحيه فى مدرسة اعدادى سورها واقع
او حركة الكاتين من المدارس كل يوم يتفقوا ينزلوا يعملوا ايه
و كل ما تطق فى دماغهم حاجة يعملوها
و تفشل للاسف
عادى بقة ممكن نغيرها لحركة المدارس الاعدادية من اجل التتهييس
محمد طاهر
افهم من كدة انك يا خاين عايز تعمل حركة جديدة :@
اشهدوا يا جماعة محمد طاهر سماهم واطيين من اجل التغيير
يا خرابى وقع عليك الحد يا ابنى دول هددونى امال هايعملوا فيك ايه يا غلبان
ابقى تعالى استخبى عندى :D
العزيزة ندى
معلش انا عارف انى جيبتلك احباط بس انا قلتلك انتى و ماما قبل كدة
مش كل الدهب يبقى دهب فى قشرة و فى دهب عيار 24
امال دول بقة حديد مصدى
و الله ما رضيت اقول كل حاجة علشان خاطر الردود اللى زى ردك دى
معلش يا بنتى فوقى من دنيتك الورديه
انا مادخلتش الجرووب ده قبل كده...بس انا حاطط كذا لوجو عندي بتاعهم مع اني ماعرفش اي حد منها ولا دخلتها قبل كده ولا رحتلهم اي ملاحظة...بس اللي ملاحظه ان فيه ناس كتير خلاص اتبصطوا بالشهرة وحسوا انهم بلا اخطاء...من غير اسماء انا عايز اقلك ارقام انا مقتنع بيها....احنا78 مليون...منهم حوالي 2 مليون بس ليهم في السياسة...اكتر من نصهم واخدينها شهرة او اثبات ذات....غير كده(انا مش عارف انت ليه كاره كفاية كده يا عم وائل عباس)بس هي باظت فعلا...بدأ يبقي فيها تكتلات حزبية...ومابقوش يتجمعوا...تلاقي الشيوعيين لوحدهم وبتوع حزب الغد بيعملوا مظاهرات لوحدهم مثلا...انا مرة كنت في مظاهرة في معرض الكتاب فبتوع الغد قلبوها هتافات لصالح ايمن نور فالناس اتفرقوا لان ناس كتير مش بتحترموا...والمظاهرة اتفضت بعد ما بقت كبيرة...مش عارف انا ليه كل ماحترم حد او حركة احتقرها بجد....والله جالي اكتئاب وبقيت بعيط من غير اي سبب
مافيش حاجة اسمها باكره حركة كفاية
انا ما فوتش ولا مظاهرة عملتها كفاية
لكن انا كنت معترض على التيار اللي كان مسيطر عليها وواضح تاثيره في بيانها التاسيسي
ودلوقتي التيار ده بعد مافشل في تحقيق اللي كان عاوزه في الانتخابات اللي يظهر كانت هدفه ومطلبه من الاول واستغل الشباب والحركة علشان كده وبعدين ساب الحركة تولع لما فشل والاخوان اكلوا الليلة من كس امهم
حتى بعد انسحاب هذا التيار الذي اتخذ من بيروت ودمشق كعبة الان اصبح تيار اخر مكون من كام نفر يسيطر على الحركة وبعض الشباب بفلوسه
واصبحت الحركة تخضع لنزوات
وما اسخم من ستي الا سيدي
ووداعا كفاية
لم تكن كفاية حركة نبيلة ومن الواضح ان كان فيه نجاسة من الاول ونيه مش نضيفة ولا خالصة لله والبلد علشان كده ربنا ما باركلناش
اما عن شباب من اجل التغيير فهم حطوا صباعهم تحت ضرس كفاية وده كفاية الى جانب وساخة الاحزاب اللي شاربها بعض الشباب وحاولوا يصبغوا بيها حركة شباب لحد ما باظت وعليه العوض
دى يا عم جيمى بقت حركه تافهه ومالهااى لزمه واحل ان اقول لك انها انتهت خلاص زى ما انت قولت خلا ص بقه يفرحوا بالتنسقية بتاعتهم..
كلنا زهقنا وهم يقولون مالا يفعلون
دا باختصار اللى انا عاوز اقولله علشان ما اديهومش اكبر من حجمهم فى الكلام الكتيييييييير اللى موش ها يغيير شىء
وبقت حركه سوقية لا يحكمها الا الاهواء والمصالح الشخصية وشباب لم ولن يفعلوا ما ينادون به وهو التغيير ...
انا الله لا بغير ما بقوم حتى بغيروا ما بانفسهم
صدق الله العظيم
قال تعالى
كَذَلِكَ يَضْرِبُ اللّهُ الْحَقَّ وَالْبَاطِلَ فَأَمَّا الزَّبَدُ فَيَذْهَبُ جُفَاء وَأَمَّا مَا يَنفَعُ النَّاسَ فَيَمْكُثُ فِي الأَرْضِ كَذَلِكَ يَضْرِبُ اللّهُ الأَمْثَالَ سورة الرعد 17
ليس كل من جعجع بصوته انه من الشعب و يعبر عن الشعب صادقا .. فكم من ناس لا يعنيها الا ان تفوز بنصيبها من الكعكة ... ادعوك لقرآءة هذا المقال من جريدة المصري اليوم .. لا اعني هنا اننى لا استثني الناس الشرفاء الذين يريدون الافضل فعلا لهذا البلد .. و لكن وسط كل هذا الفساد الصورة تصبح مشوشة و لا يعرف العدو من الصديق
http://www.almasry-alyoum.com/article.aspx?ArticleID=31501
yyyrret6t
vegas-stud-camslejxovrnllh
pussy-camhjtpbgusm
hiden-cam-girlseormtdirb
hidden-girls-camjsmuncyt
adult-cam-webgsvqwlhrszj
secret-teen-camszavoll
pee-cam-shotswptsgkakfp
amateur-sex-camsgusbraz
cheap-norton-antivirus-downloadzwucen
mac-antivirus-software-freewareykeprf
quick-heal-antivirus-crackiguaqgmdv
avg-software-antivirusxjaxdejyvrn
nod32-antivirus-reviewsiujieh
Post a Comment