انا و فساد التعليم الجامعى فى مصر


يمكن انا أكتر واحد أقدر أتكلم على التعليم الجامعى و أكتر مدون معمر فى جامعات مصر
تسع سنين كاملين فى هذا النظام الفاسد العفن .. و الذى يعد من أفشل المنظومات فى مصر
يمكن لما حبيت اكتب التدوينه دى ما حبيتش انها تكون مجرد سرد للاحداث بقدر ما تكون
تحليل للاسباب .. بس لما جيت أحلل اسباب فساد الجامعات و بالاخص جامعتى العزيزة جامعة الزقازيق
لقيت انها نفس اسباب فساد مجتمعنا و فساد النظام عامة
هناك العديد من المصادمات و المواجهات بينى و بين أدارة كليتى و الجامعة
من تحقيقات لايقافات لحرمان من النشاط و كل مرة باطلع منها و باطلع من التحقيق
صاغ سليم و الحمد لله ... و دة ان دل على شىء يدل ان المحقق من بيفهم اصلا لانى ببقى
بهزقه فى التحقيق و بيكتب عادى جدا و هوه مش فاهم الاستعارات و الايمائات الىل انا بقولها فى كلامى
يمكن كانت فى التسع سنين دى احداث مهمة قوى يمكن اهمها
واقعه ضرب العميد بالقلم لعضو من اعضاء الاخوان المسلمين
و كان الرد طبيعى العين بالعين و السن بالسن
و رد عضو الاخوان القلم بقلمين
و كانت النتيجة رفد الطالب عضو الاخوان من جميع الجامعات المصرية
و العميد فضل عميد زى ما هوه دة طبعا بعد فاصل من احتلال الكلية من امن الدولة الىل لابسين ملابس الطلبة
بس شكلهم باين طبعا و معروف انهم امن دولة و دة راجع لاشكالهم اللى زى الخرة طبعا
و كمان كليتنا 4000 كلها على بعضيها يعنى اى دخيل بنعرفه و بنشم ريحته من على البوابة
نفس العميد دة كان ليه موقف تانى اكثر طرافة من اللى قبله
من المتعارف عليه فى جامعتنا ان ابن الدكتور غصب عن عين ابونا لازم يكون معيد
و الطلبة بتضطر فى سنه رابعة تندهه باسم دكتور فلان و هوه لسه طالب زيه زيهم
كان العميد دة بيعمل معانا لقائات قال ايه علشان يلتحم بالطلبة... و احنا اساسا قرفانين من ريحته
كان طرح المناقشه و لو الطلبة عايزين حاجة يتكلموا طبعا بعد فاصل من الطلبة الهايفه اللى سألت
قام طالب أخوانى و قال
دكتور : هوه ليه ولاد الدكاترة دايما بيبقوا دكاترة ؟؟؟
ضحكت بصوت عالى فى المدرج و انا اصلا معروف انى طالب بلطجى علشان كدة محدش كلمنى و ربنا ستر
و الدكتور انشغل مع اللى قايم يقطعه دة
كان رد الدكتور الجهبز : عوامل وراثيه جينات ما نقدرش نتحكم فيها
و احنا بنقدر نعمل الجو اللى بيجتهدوا و بيذاكروا فيه و بيبقوا دكاترة
روحت انا طبعا رافع ايدى ... هوه انا بعرف اسكت :D
و قايم قايل : يا دكتور انا ابويا عالم و بقالى 7 سنين فى الجامعة ( كنت ساعتها لسه مستجد :$ )
و كمان انا مرة كنت قاعد فى الامتحان العملى و ابن دكتور قاعد قدامى و شايف ورقته ما حطش فيها قلم و دلوقت هوه معيد ايه رأى حضرتك فى الكلام دة
قالى يبقى نظرك ضعيف ضحكت و قلت شكرا على اجابتك الحكيمة
اه نسيت اقول ان نفس العميد دة ابنه دكتور و سفره امريكا على حساب الجامعة
و نفس الدكتور دة كان عضو مجلس شعب سبحان الله الطيور على اشكالها تقع
و هاتضحك اكتر انه حزب وطنى ... و انه ضرب ابن عمه بالجزمة فى لقاء بالجماهير فى وقت الانتخابات
اما وكيل الكلية فى الوقت دة دة حكايته حكايه لانه كان متهم فى قضيه اموال عامة
و انا نفسى حضرته اثناء جلسات الخنصرة من فلوس الميزانيه
لانى كنت ماسك فريق الجوالة بالكلية
و ياشوف الفواتير و هيه بتضرب عينى عينك
نفس الدكتور دة كان على موعد معايا لما لقيته فى محاضرة بيداغع عن يوسف والى
قمت و اديته اللى فيه النصيب
دة غير بلاوى و مصايب تانيه عايزالها مدونات من هنا ليوم الدين
يا جدعان تسع سنين بقة يعنى شوفت الىل ما حدش شافه
الايام الجايه هاكتب تدونتين مهمين
الاولى
انا و جمال مبارك
و التانيه اسمها
أمتحان فى امن الدولة
ربنا يستر و يبقى فيا النفس و اروح لحد ما اكتبهم
دة غير انى هاكمل حلقات سلسلة فساد التعليم الجامعى
أبقوا معنا
Mohamed ABADY Gemyhood محرر المدونة

Mohamed ABADY [a.k.a @Gemyhood] is an Egyptian Blogger and Published Author since 2005, Music Curator, New Media Expert-Trainer, Comics and Hiphop Artist.

13 comments:

  1. سمر منصور6/09/2006 02:50:00 AM

    هم يضحك فعلا,بس انت ماشاءالله يا جيمى بتاخد خقك تالت و متلت,الناس بتخاف ترد أصلا,لا و أظرف رده عليك ان نظرك ضعيف ,كوميديا بجد بس كوميديا سوداء و منيلة بنيلة,ربنا يوفقك و تتخرج من الكلية بقى و تبقى عاطل أد الدنيا.
    مدونتك رائعة

    ReplyDelete
  2. سمر منصور6/09/2006 02:54:00 AM

    هم يضحك فعلا,بس انت ماشاءالله يا جيمى بتاخد خقك تالت و متلت,الناس بتخاف ترد أصلا,لا و أظرف رده عليك ان نظرك ضعيف ,كوميديا بجد بس كوميديا سوداء و منيلة بنيلة,ربنا يوفقك و تتخرج من الكلية بقى و تبقى عاطل أد الدنيا.
    مدونتك رائعة

    ReplyDelete
  3. عادي يا باشا
    9 سنين دا انت لسه مستجد فعلا

    ReplyDelete
  4. ربنا يطمنك يامعلم اصلى انا كمان الزقازيق ودى اول سنه اهنج فياريت بقى تقولى بناء على خبرتك نظام امشى عليه على مخلص القرص اه صحيح هو تسع سنين بس ولا اكتر

    ReplyDelete
  5. طب وذمتك يامعلم مين اولى بالتعيين كمعيد واحد بقاله 4 او 5 سنين ف الكليه ولا واحد خبرة زى سيادتك بقاله 9

    ReplyDelete
  6. مطر الشمرى10/06/2006 06:12:00 AM

    المفترض ان جميع جامعات مصر تحرص حرصا شديدا على جذب الطالب الاجنبي لانه دفيع يدفع رسوم باهضة وبالعملة الاجنبية وتشجع الطلبة الاجانب بالنجاح لكى يزداد اعدادهم على غرار الجامعات الامريكية والعربية الاخرى لكن الملاحظ هنا العكس تطفيش من قبل الجامعات المصرية الحكومية تحديدا لدرجة ان كل طالب ينصح الاخرين ممن يود الانضمام والالتحاق بجامعة مصر بلا لانها متشدده فى الرسوب والسقوط عكس جامعات الاردن والشارقة وامريكا الخ

    ReplyDelete
  7. معادلة كلية الهندسة جامعة القاهرة
    معادلة كلية الهندسة جامعة القاهرة
    مركز النور يقدم اقوي شرح لمواد معادلة كلية الهندسة مع اساتذة متخصصين في مواد المعادلة
    هيبقي معاك خطوة بخطوة هيشرحلك وهيفهمك المواد وهيتم اعدادك جيدا لامتحان معادلة كلية الهندسة
    لو خلصت معهد او دبلوم وجايب 70% او اكتر
    دلوقتي تقدر تدخل كلية الهندسة مع مركز النور هو الافضل في شرح معادلة كلية هندسة
    للاتصال بمركز النور علي
    01118585670 أو علي 01093189974
    معادلة كلية الهندسة جامعة القاهرة
    معادلة كلية الهندسة جامعة القاهرة
    http://www.eng-elnour.com/

    ReplyDelete
  8. معادلة كلية الهندسة
    هتلاقى افضل شرح لمواد معادلة كلية الهندسة مع افضل لا مركز متخصص فى تدريس مواد معادلة كلية الهندسة مركز النور...مركز النور هيوفر لكل طالب كتب و الملازم الخاصة ب معادلة كلية الهندسة و هيعمل محاضرات اضافية عند الحاجة
    معادلة كلية الهندسة
    اتصل بنا على :01093189974
    www.معادلة-كلية-الهندسة.com/

    ReplyDelete
  9. كتب معادلة كلية الهندسة جامعة القاهرة
    اذا كنت طالب في معادلة كلية الهندسة وتبحث عن مركز متخصص لتدريس مواد ومناهج معادلة كلية الهندسة فنحن مركز النور الاشهر والافضل في معادلة كلية الهندسة جامعة القاهرة ولدينا نخبة كبيرة من الاساتذة والمدرسين ويتم في المركز اعداد وتأهيل الطلبة جيدا لاجتياز امتحانات المعادلة , واذا كنت تبحث عن كتب معادلة كلية الهندسة جامعة القاهرة فلا تجدها الا بمركز النور منها كتب الرياضيات,كتب الفيزياء,كتب الكيمياء
    للاتصال علي 01118585670
    http://www.eng-elnour.com/

    ReplyDelete
  10. مركز النور بيوفر لكل طالب كتب معادلة كلية الهندسة
    و بيقدم افضل شرح فى معادلة كلية الهندسة فلو انت عاوز مركز يكون متخصص فى معادلة كلية الهندسة يبقى مش هتلاقى افضل من مركز النور
    اتصل بنا على :01093189974
    www.معادلة-كلية-الهندسة.com/

    ReplyDelete